Blog par Quality Article kaise likhe

1,009 total views, 1 views today

Blog par Quality Article kaise likhe ? Hello bloggers , how are you all .. Mujhe blogging karte huye 5 saal ho gaye hai or aaj tak maine jo kuch bhi sikha hai usay main yaha share karta hu. Blogging karne or blog par article likhna bahut hi aasan hota hai, par kya aapko pata hai ki aap apne article ko kaise acche se likh sakte hai taki wo ek quality article ban jaye. Aaj hum aapko batayenge ki kaise aap apna article likhe taki wo SEO ke top list me aa sake or aapke blog ka rank bhi improve ho.

Blog par Quality Article kaise likhe

Apne blog ka sirf post count badane se kuch nahi hota par agar aapka post quality post hai to aapka blog traffic or rank bhi automatic badhta hai. Isliye apne blog par article post karo par quality article hi post karo. Kuch blogger hote hai jo sirf apne blog par post count hi badhane me lage rahte hai …

For example – mera ek blog hai acchibaat.com jisme maine 1000 se jyada post kiye hai , pehle me sirf apne blog ke post count ko badane me laga rahte tha … as a result mere 1000 post me se sirf 50 post hi top search rank me aate hai , jiski wajah sirf ye hai ki maine apane post ki quality par kaam nahi kiya balki apne post ke count ko badhane par kam kiya tha…

Jo bi ho galti se hi insan sikhta hai, maine jo galti ki usay koi or na dohraye isliye aaj main aapko kuch aise tips bataunga jisay follow karke ek quality article a quality content likh sakte ho.

Sabse pehle hum ye janenge ki Quality Article hota kya hai ?

  • Quality article usi ko kaha jayega jo apne Title ke hisab se pure information ko clear kare.
  • Aisa article jise read karne ke bad usay fir se read karne ka maan kare.
  • Aisa article jisay share karne ka maan kare.
  • Aisa article jisssay kuch naya sikhne ko mile.
  • Aisa article jissay hum inspire ho jaye.

Blog par Quality Article kaise likhe ?

Planning

Jaise kisi bhi kaam ko karne se pehle planning ki jarurat hoti hai, or bina planning ke wo kaam success nahi hota waise hi koi bhi article likhne se pehle planning ki jarurat hoti hai, or bina planning ke likha hua article quality wala nahi ho sakta. Kisi bhi article ko likhne se pehle ek planning kare ki aap kis topic par likhna chahte hai, aapke topic ka naam kya hoga, article kitne words ka hoga, Internet se apne topc se related knowledge gain kare.  In sabhi ko ek paper pe note kare.

Thinking

Planning karne ke bad aapko sabse jyada jarurat hai apne topic ke bare me thinking karne ki. Aapne already internet pe apne topic se related jankari le li hogi, ab aapko sochna hai ki aapke article me aisa kya hoga jo dusaron ke article me aapko nahi mila.

Thoda soche or jo hi aapke dimag new idea aaye usay note kar le. Apne article ke introduction section me aapko kya likhna hai uske bare me soche, apne article ke main content section me kya likhna hai uske bare me soche, or end me kya likhna hai uske bare me soche.. Aap jo bhi soche uska ek brif note bana lijiye, taki aap koi bhi point na bhule.

Article ke section devide kare

Ek article me 3 section hote hai..

  1. Introduction section
  2. Main section
  3. End section

Aapke article ka pehla 2 paragraph Introduction section hota hai jo aapke topic ke bare me batata hai. Isliye aapke article ka introduction section bahut hi strong hona chahiye , aapko isme batana hoga ki aapke article me readers ko kya information milegi, ot aapka article kis bare me hai. Haan aapka artcle ka title aapke article ki jankari jarur deta hai par aapke article ka Introduction section apke Title ko briefly focus karta hai. Isliye hamesa apne article me intoduction section jarur add kare , introduction section kam se kam 300 words ka hona chahiye.

Introduction section kisi bhi article ke liye bahut jaruri hota hai kyonki agar aapka introduction section accha nahi hoga to koi bhi visitor aapke article ko pura read nahi karega.

Ab bari aati hai main section ki, apne article ke main section me aapko apne article se jude sari points ya information deni hai. or uske bare me batana hai. Aapne apne introduction section jo bhi kuch brief me bataya hai usay main article me full information dijiye. Aisa kuch na likhe jo aapke article topic se alag ho.

End section me aapko apne visitors ko batana hoga ki aapke article ko read karne par unko kya mila jo kisi dusare article me nahi milega. Ye bahut hi accha tarika hai apne visitor ko motivate karne ke liye ki wo aapke blog ke dusare article ko bhi read kare. Or aapke Visitors aapke blog ke daily visitors ban jayenge.
Important baatain

Article ke language ko simple rakhe

Aap apne article ko jitna simple language me likhenge utna hi aapke article ko read karne par samajh me aayega. Kuch blogger apne blog me itna tough language use karte hai jise samajhna thoda muskil hota hai. Isliye apne blog par simpple or samajhne layak language use kare.

Article word count

Ek quality article me lagbhag 1000 words hone chahiye.  Par aisa kahna sahi nahi hai kyonki aapne aisi topic me article likha hai jo 300 words ka hai or internet par available hi nahi hai to aapka article automaticaly quality article ban jata hai. Par blogging ki duniya me competition itna badh gaya hai ki aisa koi topic bahut hi muskil se milte hai jo internet par available na ho.
Isliye kosisi kare ki aapke article me kam se kam 1000 words ho.

Article ka title

Aapke article ka title lagbhag 160 letter (including space) ka hona chahiye. kyonki search engine aapke article ke title ka 160 letter hi count karta hai. Aap apne artilce me jo bhi title rakhe wo aapke article me bhi hona chahiye. Jaise ki aap dekh sakte hai ki hamare is article ka title hai Blog par Quality Article kaise likhe ? jisay maine apne is artile me bhi use kiya hai.

Article me image

Agar aapke article me image ki jarurat hai to hi usay use kare warna apne article ke look ko improve karne ke liye image use karna sahi nahi hota. Ye bas aapke page loading time ko badata hai or kuch nahi. Aap apne article me kam se kam ek image jarur use kare taki aapka article impressive lage, par ye hamesa yaad rakhe aap jo bhi image apne article par lagao wo aapke article se related hona chahiye.

Interlinking ko article

Hamesa apne article me apne dusare articles ke link jarur dale, aisa karne par aapke visitors jyada time tak aapke blog par time spend karenge or aapke blog ka traffic bhi improve hoga.
Article publish karne se pehle ek bar read kare.

Jab bhi aap apna koi article publish kare tab aap ek bar apne article ko read kar lijiye, issay ye hoga ki agar aapke article me koi spelling mistake hai to usay sudhar sakta hai ya koi point chut gaya hai to aap usay likh sakte hai. Ek quality content ya article me sabse important proper spelling hoti hai. Choti choti galtiya na kare.

To friends ab aapko pata chal gaya hoga ki aap apne article ko quality article me kaise convert kar sakte hai, hamesa aisa article likhiye jisay pura read kiye bina aapke visitor kisi dusare blog par na ja sakte.Agar aapok hamara aaj ka article Blog par Quality Article kaise likhe ? pasand aai to hume commnet ke jariye jarur bataye. Happy blogging.

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 Replies to “Blog par Quality Article kaise likhe”

  1. Hamesa ki tarah jabardast article share ki hai aapbe.. aapke blog ke sabhi article read kiya hai maine .. mere blogging ki suruwat ka sara credit aapko hi jata hai… Thank you so much

  2. Mujhe pata hi nahi tha ki article likhne ke liye usay section me devide karna hota hai. Me hanesa se apne article pe wahi likhta tha jo me information dena chahta hu.. lekin aap article read karke me jaan gaya ki ab mujhe kya karna hai.. thanku

Leave a Reply

Your email address will not be published. Required fields are marked *