New Blogger ke liye Best Top 9 Tips

39 total views, 3 views today

Jab main blogging ki baat karta hu to ek baat mere dimag me hamesa chalti rahti hai ki kaise main logo ki curiosity ko dur kar saku or kaise log mere blog ko pasand or like kare. Har blogger yahi to chahta hai , bas uska blog super duper hit ho jaye.

Blogging world me na sirf passion ki jarurat hoti hai balki dedication ki bhi bahut jarurat hoti hai, agar aap apne passion ki wajah se new blog banana chahte hai to Very good but agar aapme apne blog ke liye dedication hi nahi hai to its not good for your blog health…

New Blogger ke liye Best Top 9 Tips

Aaj hum aise hi kuch 9 tips batane ja rahe hai jinhe har newbie blogger ko janna jaruri hai. Ye 9 tips dhire-dhire blogging karne ke doran hum sikh hi jate hai par agar blogging suruwat karne se pahle hi iske bare me jankari ho to hum apne blogging me dedication ke sath-sath apne blog ki improvement bhi kar sakte hai. To aaiye iske bare me jante hai..

1. Quality Content

Ye tips aapne pahle bhi dusare blog par dekh chuke honge, par kya apne kabhi socha hai ki ye quality content hota kya ? 

For example – Maan log ki aap ek shop me dress kharidane gaye par aapko dress pasand nahi aaye, fir aap kisi dusare shop me gaye waha par bhi aapko koi dress pasand nahi aai.. At last aap tisare shop me gaye or bahut sare acch-acche dresses ko dekhne ke bad aapko ek dress bahut pasand aai… Ab aap khud se ek sawal kare ki agar future me aapko dress kahridane hi to aap kis shop me jaoge ? Aapka jawab yahi hoga ” tisare shop me “….

Blogging ko hum ek shop ke jaisa samajh sakte hai or aapke blog par aane wale visitor ko customer samajh sakte hai… Agar aapke customer ko aapke shop ki chij pasand nahi aayi to kya wo customer aapki shop me dubara aayega… Bilkul nahi…

Iski wajah kya hai ? Iski wajah yahi hai ki aapke shop me quality product nahi hai, matlab aapke blog me quality content nahi hai…

Kaisa pata kare ki humne jo article likha hai wo quality content hai ya nahi..

Jab bhi aap koi article likhe , wo aisa hona chahiye ki log usay starting se lekar end tak read kare. Agar aapke article ka 1st paragraph hi strong nahi hoga to log kyon aapke 2nd paragraph ki read karenge. 

Maan lijiye ki aap Blogger Tips ke upar article likh rahe hai , to aapka pehla paragraph isi se related hona chahiye.. Kahne ka matlab ye hai ki aapke pure article ki summary aapke 1st paragraph me honi chahiye…
Kabhi kabhi aisa hota hai ki 1st paragraph to storng hota hi hai par uske bad wali paragraph weak ho jati hai…

Ek real life example main dena chahunga – Har insan ki ek favorite movie hoti hai jisay wo bar-bar dekh sakta hai, kyonki usako wo movie suru se last tak pasand aati hai.. This is called quality movie… Agar aapko bhi apne blog ko super duper hit banana hai to quality containt likhna suru kar de…

2. Motivate rahe 

Har kaam ko successfully pura karne ke liye motivation or inspiration ki jarurat hoti hi hai. Chahe wo blogging ka kaam kyun na ho.. Har successful blogger apne blog ke prati motivate rakhne ke liye knowlegde gain karta hai. Wo dusare website par jake apne knowledge ko improve karta hai.

Aisa jaruri nahi hai ki aapne ko article likh diya wahi full and final ho gaya, aapse bhi bahut talented or expert blogging ke world me already available hai …

Jab maine apna pehla blog banaya tha tab main bahut hi motivated or inspired tha but dhire-dhire mara motivation or inspiration kahi gum hoti gai.. Main dusare website se apne blog ko compare karne laga tha, jiski wajah se mujhe inspiration to milti thi but mere andar jo motivation tha wo kam ho gaya, kyonki mere dimag me ek wrong number aa gaya tha ki main unse better likh hi nahi sakta…

Ye worng number tab right hua jab mare blog me pehla comment aaya ki ” Nice blog keep it up ” …

Mere blog ke is pehle comment ne mujhe fir se recharge or motivate kar diya .. Fir main sahi track par aa gaya…
At last maine yahi sikha ki motivation or motivated rehna ek blogger ke liye behad jaruri hai..

3. Social Sharing Kare

Ek naye blogger ke liye hamesa ye problem rahti hai ki uske blog me traffic ya visitor bahut kam aate hai. Waise bhi ek naye blog ko search engine par index hone ke liye or logo ke bich famous hone ke liye time lagta hi hai. 

Isliye jab bhi aap koi nayi post ko publish kare usay apne social network par share karna na bhule. Issay aapke blog par social referral visitor aayenge or aapki fan following bhi badhegi… 

Ye ek tarah ka publicity stunt hai , jiski help se aap apne blog ki social media par publicity karte hai.. 

Ye ek best option hai ek newbie bogger ke liye taki wo apne daily visitor count ko badha sakte. 
Isliye aap har social media jaise Facebook, Google+, Reddit , twitter par apna ek page bana le or jab bhi aap koi nayi post publish kare usay apne social network par share kare.

4. Apne Blog Ko Update Rakhe

Hamesa apne blog par naye-naye post publish kare. Or agar ho sake to daily 1 post jarur publish kare. Issay hoga ye ki aapka blog hamesa update rahega or aapke blog par aane wale visitor bhi aapke regular visitor or aapke followers ban jayenge.

Maan lijiye ki aapne ek naya blog banaye or 2-4 post publish karne ke bad, aapne ek lambe gap ke bad fir se koi post publish kiya.. Matlab aapne aapne blog ko ek lambe samay ke bad update kiye.. 

Agar aapko race me competition lena hai to aapko end tak run to karna hi hoga. Or blogging bhi to ek competition hai jaha hum dusare blog ko piche chodkar aage nikalne ki kosis karte rahte hai, agar aapka blog updated nahi rahega to aap blogging ke race me har jaoge.


Yaha main apna ek real experience share karna chahunga.. 2008 me maine ek blog banaya tha jisme maine contineous 3 mahine tak post publish kiya , labghag 60+ post huye honge.. But due to my study maine apne blog ko update karna hi chod kiya, 1 saal gujar raye 2009 me jab maine apne blog ko open kiya to dekha ki mere blog par daily ke 5000+ page views hai.

Uske bad maine randomly kisi ek post ko thoda sa edit karke update kiya… You won’t believe ki next day mere blog me 12000+ page views huye the.. Tab mujhe pata chala ki blog ko hamesa update karna bahut hi important hai…

5. Apne blog ki niche par focus kare

Aapke blog ka naam hi aapke blog ke bare me batata hai, jaise ki hamare blog ka naam smart2blogging.blogspot.com hai .. jo ki clearly batata hai ki hamara blog blogging guide se related hai. Agar main kal apne topic se hatkat post karne lagu to kaisa lagega…. 

Kahne ka matlab ye hai ki aapne jo apna blog banaya hai wo ek book ki tarah hai jisme ek hi topic ke bare me information milti hai… Aise bahut se blog aapko internet par mil jayenge jiska naam alag hoga or wo post kuch alag karte honge..

Aisi galti kabhi bhi na kare, apne blog ki topic par hamesa concentrate kare…

6. Kabhi quit na kare

Aapne jab apne blog ko start kiya hoga tab aapke dimag me kuch to future goal hoga hi, jaise – apne blog ke jariye bahut sare paise kamane hai, logo ke dil ko jitana hai, famous hona hai etc etc.. to apne isi goal ko acheive karne ke liye apne mind ko set kare.

Bahut se blogger aise hote hai jo apna blog ko bana lete hai par kuch mahino ke bad wo har maan jate hai, because wo kuch naya nahi sikhna chahte or unke dimag me jitna gyan tha usne apne post me likh diya hai.. ‘

Knowledge ek sagar ki tarah hai , ye kabhi khatam nahi hoti .. aap jitana sikhoge utna ho aap likh paoge… Isliye blogging suru karne se pahle khud se ye promise kare ki kabhi bhi blogging ko quit nahi karna hai…

Dekhiye kisi bhi kaam ko karne ke liye sarting me to problem hoti hi hai , par problem face karne ke bad hi to result milta hai.. 

7. Apna goal set kare

Har blogger ye chahta hai kai uska blog successful ho jaye, famous ho jaye… Sabhi ke dil me yahi tamanna hoti hai… Par success pane ke liye ek target ki jarurat hoti hai… 

Aap pahle apne blog ko lekar ek target banaye.. Jab aap apna blog start kare to ek goal banaye ki 1 mahine me 30 post publish karni hai… Jab wo target pura ho jaye to dusara target banaye ki next month 30 se jyada post publish karni hai..

Dhire-dhire apne target ko badhate jaye.. Jaise-jaise aap apne chote-chote target ko achieve karte jaoge waise-waise aap success ke karib hote jaoge..

Har newbie blogger ke liye target set karna bahut hi jaruri hai.. Bina target ke aap apne aapko motivate bhi nahi kar paoge..

Kuch blogger aise hote hai jo apna ek hi target set karte rahte hai ki success pana hai bas… But unhe ye nahi pata ki ye to ultimate target hai jise pane ke liye bahut se chote-chote target ko bhi acheive karna hota hai, wo isi baat me ulajh jata hai or demotivate hoke blogging karne hi chod deta hai…

8. Speeling check kare…

Jab bhi aap koi post likhe usay publish karne se pahle ek bar overlook jarur kar le. Issay aapko pata chalega ki kahi aapne koi spelling mistake ya fir koi sentence likhna to nahi bhul gaye..

Ye aapke quality of writing ko improve karne me bhi aapki help karegi or aapki writing skill ko bhi improve karegi..

9. Hard wok nahi Smart work kare

Blogging me success pana bahut hi aasan hai lekin ye impossible bhi ho sakta hai agar hum smarty blogging na kare.
Upar jo maine aapko 1-8 tips bataye yahi hai smart blogging ke tarike isko follow karke aap smartly blogging me success pa sakte ho..

  • Quality Content
  • Motivate rahe
  • Social sharing kare
  • Apne blog ko update rakhe
  • Apne ki nich par focus kare
  • Kabhi quit na kare
  • Apna goal set kare
  • peeling check kare
  • Smart Blogging
Agar aapko hamari ye post pasand aayi ya fir aap kuch suggestion dena chahte ho to please comment ke jariye bataye….. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *