8 Aisi Galtiya Jo Blogger Karte Hai Or Blogging Me Fail Ho Jate hai

Posted on

8 Aisi Galtiya Jo Blogger Karte Hai Or Blogging Me Fail Ho Jate hai… Blogging karne ke doran har blogger galtiya karta hai , kuch galti choti hoti hai or kuch bahut badi.. Or inhi galtiyo ko agar aap sudharte nahi ho to aap blogging me fail ho jate ho. Hamesa apni galtiyo se sikhna chahiye, par bahut dukh ke sath kehna pad raha hai ki aaj jitne bhi new blogger hai unhe kuch jyada hi jaldi rehti hai paisa kamane ke liye, or jaldbaji ke chakkar me wo aisi aisi galtiya kar dete hai jo unhe ek failure blogger bhi bana sakti hai.

8 Aisi Galtiya Jo Blogger Karte Hai Or Blogging Me Fail Ho Jate hai

Friends aaj hum aapko kuch aise major mistakes ke bare me batane wale hai jisay blogger karte to hai lekin jo blogger apni galtiy ko sudhar lete hai wo apne blog ko long time tak run karte hai or success bhi hota hai, par agar wahi galtiyo ko agar aap nahi sudharte to dhire dhire aapka blog aapko hi demotivate karne lagta hai, jiske wajah se aap blogging se quit kar lete ho.

Prevention Is Better Then Cure 🙂 .. Isliye hum aapko pehle se alert karne wale hai ki agar aapko blogging me success pana hai to aaj ka hamara article pura read kare or diye gaye tips ko follow jarue kare, kyonki me ye nahi chahta ki koi bhi blogger apni hi ki gai galtiyo se blogging karna chhod de..

8 Aisi Galtiya Jo Blogger Karte Hai Or Blogging Me Fail Ho Jate hai

Mistake 1 – Sirf Paisa Kamane Ke Liye Blog Banana

Agar aap sirf paisa kamane ke liye apna blog banaye ho to ye aapki sabse badi mistake hai. Me ye nahi kehta ki blog ke jariye paisa nahi kamaya ja sakta, lekin haan agar aap apne blog ke jariye earning karna chahte ho to sabse pehle aapko earning par dhyan ne dene ke bajaye apne blog par dhyan dena hoga.

Aajkal blog banane ka fashion chal raha hai, jise dekho wo blog bana raha hai.. Ye fashion ki wajah sirf ek hi hai “EARNING”.. Agar aap sirf earning ke bare me sochoge to aap apne blog ke content par focus nahi kar sakte jissay aapke blog content ki quality pe fark padega. Log aise blog par visit karna pasand nahi karte jisme quality content na ho. Low quality blog ko Search engine bhi pasand nahi karte jiski wajah se aapke blog ki traffic kam hoti hai.

Behtar yahi hoga ki aap earning ki bajaye apne blog par focus kare. Blog tabhi popular hoga jab aap earning ke bajaye apne blog ke content par focus karoge.

Mistake 2 – Blog Post Quantity Ko Improve Karna

Bahut se blogger aisa sochte hai ki blog ke jitni jyada post hogi wo search engine par jyada bar display hogi or visitors bhi jyada aayenge. Agar aap bhi aisa sochte ho to ye aapki sabse badi mistake hai. Agar aap aisa karte ho to aapke blog ko acche se perform karne me kafi samay lag sakta hai ya fir aisa bhi ho sakta hai ki aapka blog kabhi accha perform hi na kare.

Jab me ek new blogger tha to apne post ki quantity ko jyada importance deta tha, or bas apne post quantity ko improve karne me laga rehta. 500+ post publish karne ke bad bhi mujhe apne blog par koi development najar nahi aa raha tha, or dhire dhire blogging se mera interest chala gaya..

Jab apne blog me koi improvement najar nahi aata to maximum blogger blogging karna chhod dete hai, or aisa mere sath bhi hua. Maine blogging karna chhod diya tha, par mujhe ye to pakka pata tha ki mere blog me jitne bhi content hai wo maine hi likha hai or mera blog hi mujhe dukhi kar raha hai. Maine iske bare me socha or aakhir me mujhe meri galti ka ehsas hua. Maine apne sabhi blog post ko fir se review kiya or sabhi post ko modify kiya.. Jaha mujhe 500+ post likhne me 3 mahine ka samay laga tha wahi apne sabho post ko modify karne me mujhe 6 mahine ka samay or lag gaya..

Jaise jaise maine apne sabh post ko modify karta gaya waise waise mere blog ki improvement hone lagi.. Overall maine ye sikha ki blog me post count mayne nahi rakhta balki blog me wo sabhi post mayne rakhte hai jisme quality hoti hai. Maine to apni ki hui galti se sikha hai, or me aapko wahi galti karne ke liye nahi kahunaga jissay aap apne blog se dukhi ho jao.

Isliye dosto apne blog par kabhi bhi post count ko improve karne ke chakkar me na rahe, balki aapne blog post me quality improve karna chahiye.

Mistake 3 – Low Quality Article Likhna

Low quality article ko koi bhi like nahi karta or jo log blogging ke field me naye hai unhe is baat ka pata hi nahi hota ki blog par agar low quality article honge to blog kabhi bhi accha perform nahi kar payega. Or isi ke chalte blogger apne blog par aise article publish karne lagte hai jisme quality hi nahi hoti.

Blogging ki knowledge na hone ki wajah se blog par low quality article likhna bhi ek mistake hai jo aapko sirf apne blog par article likhne ke liye inspire karti hai.

Isliye sabse pehle aapko apne blog par high quality article likhne honge or apne old post ko modify karke high quality content me convert karne hoge. High quality content ko sabhi likhe karte hai, or agar aap hamesa apne blog par high quality content publish karoge to aapko kabhi bhi apne blog ke improvement ko lekar chinta karne ki jarurat hi nahi hogi, aapka blog apne aap hi aage badhta jayega.

Mistake 4  – Bahut Sare Topic Par Article Likhna

Jo log apna blog banate hai wo unke mind me apne blog ka ek topic jarur hota hai. Wo apne blog par usi topic par article bhi likhte hai, par jaise jaise time spend hota jata hai wo apne blog par aur bhi bahut sare topic par article likhna suru kar dete hai. Or end me wo confuse ho jata hai ki ab kis topic par article likha jaye.

Jaisa ki aap dekh sakte ho ki hum apne blog Smart2Blogging me hamesa blogging se related hi article publish karte hai, matlab ki hum apne blog par sirf ek topic par hi post publish karte hai. Iska matlab ye hai ki smart2blogging sirf unhi logo ke liye hai jo blogging sikhna chahte hai.

Maan lijiye ki kal ko me apne blog par koi dusare topic par article likhna suru kar du to jo log hamare blog ko follow karte hai wo kya hamare is changes ko accept karenge ? Bilkul nahi, aisa karne se hamare blog ki identity chali jayegi.. Or blog ki popularity reduce ho jayegi.

Apne blog bar bahut sare topic par article likhe se aapko apne har topic ko update rakhne me bahut problem hogi or at last aap apne khud ke blog se demotivate ho jaoge.. Aisa aap na kare, kabhi bhi apne blog par bahut sare topic par article na likhe.

Mistake 5 – Bhaut sare blog banana

Blogger bahut hi calculative mind ke hote hai wo sochte hai ki agar ek blog se 10 dollar kamaya ja sakta hai to 10 blog se 100 dollar kama sakta hai or isi calculative mind ke chalte wo apna bahut sara blog bhi bana lete hai. Or ye bhi sabse badi mistake hai. Bahut sare blog ka matlab hota hai ki sabhi blog par article publish karna, sabhi ko updated rakhna or sabhi blog ko acche se maintain karna.

Ek blogger ke liye bahut sare blog ko  maintain rakhna bahut muskil hota hai or wo apne ek blog par focus karne ke bajaye sabhi blog par dhayan dene lagat hai. At last wo apne aapko confuse kar deta hai ki ab kis blog par article likha jaye..

Agar aapne bhi bahut sare blog banaye huye hai to aapko ye to jarur pata hoga ki aap apne blog ko maintain karne ke doran kya kya problem face karni padti hai. Kabhi bhi aap apne sabhi blog ko ek sath maintain nahi kar sakte.

Behtar yahi hai ki aap apne sirf ek blog par focus karo or usi ko success banane me lage raho. Aisa karne se aap apne particular blog par jyada dhyan de sakte ho ko aapke blog ke improvement ke chances bhi badh jate hai.

Mistake 6 – Bina Post ko read kiye publish kar dena

Bahut se blogger bhaiyo ko apne blog par article publish karne ke liye bahut jadi rehti hai, article likhne ke bad wo directly apne article ko publish kar dete hai. Me ye nahi kah raha ki aapne jo article likha hai wo perfect nahi hai, me to bas ye kahna chahta hu ki apne blog post ko publish karne se pehle ek bar read jarur kar le.

Agar aap bina read kiya apne blog post ko publish karte ho to main 101% guarantee ke sath kah sakta ho ki aap apne blog post me spelling mistakes jarur karte hoge.. Ee bar aap apne kisi bhi old post ko read karke dekhe aapko pata chal jayega ki aapne kitni spelling mistakes ki hai.

Me bhi aisa hi karta tha, jab bhi koi post likhta to usay bina read kiya publish kar deta.. Ek bar mere blog par aane wale visitors me mujhe commnet kiya ki ” Aapka article to accha hai lekin article me spelling mistakes bahut hai “

Or jab maine apni old post ko read kiya to mujhe pata chala ki maine apne blog post me bahut si spelling mistakes ki hai, jiski sirf ek hi wajah thi ki ” maine apne blog post ko publish karne se pehle read nahi karta tha “

Blog post me spelling mistake hone ki wajah se visitors aapke post ko acche se read nahi kar pate, jiski wajah se aapka post ko koi like nahi karta. Isliye blog post publish karne se pehle usay ek bar jaur read kar lijiye taki koi bhi spelling  mistake ho to aap usay sudhar sake.

Mistake 7 – Knowledge Gain Nahi Karna

Bina knowledge ke aap apne blog par post likh hi nahi sakte or kuch aise blogger hai jinhe article likhe ki knowledge to hai lekin wo apne knowledge ko imorva nahi karna chahte. Kahne ka matlab ye hai ki agar aapko apne blog ko  long time tak run karna hai to aapko hamesa kuch na kuch naya sikhna hoga.

Maan lijiye ki aap kisi topic par article likhne wale ho or usay aap apne hisab se likh kar publish bhi kar dete ho to aise me aapne jis topic par article likha hi kya wo puri tarah perfect hai ? kya aapka article sabse alag or unique hai ? aapko kaisa pata chalega ?

Iske liye aapko apne knowledge ko improve karna hoga ko us topic ke bare me Google par search karna hoga, usi se related article read karne ke bad hi aap bata sakta ho ki aapne jo article likha hai wo kitna perfect or unique hai. Lekin bahut se blorger article likhne se pehle uske bare me information lete hi nahi, or aise me wo jaisa bhi article likhte hai wo sirf unki najro me perfect hota hai.

Knowledge gain karna koi galat baat nahi, knowledge gain karne  se aap apne article ko behter se behtar likh sakte ho. Isliye hamesa apne knowledge ko improve kare or usay apne blog post ke jariye logo tak pahuchaye.

Mistake 8 – Patience ka na hona

सब्र का फल मीठा होता है – agar aap apne blog ko lekar jaldbaji karte ho to ye bhi sabse badi mistake hai. Blog banate hi aap raato raat success hasil nahi kar sakte, iske liye kafi samay or mehnat lagti hai. Agar aap apne blog ko samay or apni mehnat doge or patience rakhoge to aapka blog success jarur hoga.

Lekin blog par traffic na aane ki wajah se or comment na aane ke wajah se blogger demotivate ho jate hai or patience karna chhod deta hai. Kisi bhi blog me accha traffic or comment aane me kam se kam 1 saal ka samay lagta hai, or aapko 1 saal tak to patience rakhna hi hoga.

Agar aap blogging me success pana chate ho to aapko patience rakhni hogi, or agar aisa aap nahi karte ho ye aapki sabse badi mistake hogi jo aapke blog ko failure blog ke list me add kar sakti hai.

To friends aaj ka hamara article 8 Aisi Galtiya Jo Blogger Karte Hai Or Blogging Me Fail Ho Jate hai aapko kaisa laga hume comment ka jariye jaur bataye, hume puri ummid hai ki aap apne blogging me jarur success honge or wo sabhi galtiya nahi karnege jo aapko unsuccessful blogger banati hai. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “8 Aisi Galtiya Jo Blogger Karte Hai Or Blogging Me Fail Ho Jate hai

Leave a Reply

Your email address will not be published. Required fields are marked *