Adsense Auto Ads Function kya hai ? Puri jankari Hindi me

Posted on

Adsense Auto Ads Function kya hai ? Puri jankari Hindi me.. Aaj se kuch din pehle yani February 21 2018 ko Google Adsense ne apna ek naya function launch kiya hai jiska naam hai Auto Ads , ye funtion aapko bahut hi aasani se Google Adsense ad display karwane ki sahuliyat deta hai. Friends aaj hum isi topic pe aapko batayenge ki ye Auto ads aakhir hai kya ? Or iski help se kaise hum apne Adsense revenue ko bahut improve kar sakte hai.

Adsene me Auto Ads Function kya hai Puri jankari Hindi me

Aaj se ek saal pehle tak Google Adsense ne ek limit set kiya tha ki aap sirf 3 adunit apne website par laga sakte ho, par iske bad ye limit hata diya gaya. Ab aap apne blog par content ki hisab se ad laga sakte ho.. Lekin ye dhyan me hamesa rakhna hoga ki aapne jitne bhi adunit lagaye huye ho wo aapke blog content ko overlap na kare..

Thodi bahut confusion to bahut hoti hai ki kis jagah par ad lagaye jaye, kaha par rectangular ad lagaye , kaha per vertical ad lagaye or kis post me kitna ad lagaye… Par ab Google Adsense ne ek aisa function introduce kiya hai jiski help se aapko Google ad apne blog par display karwane ke liye koi tension lene ki jarurat hi nahi padegi.. Us function ka naam hai AUTO ADs

Adsense me Auto Ads Function kya hai ? Puri jankari Hindi me

Aakhir ye Auto Ads hai kya ?

Auto Ads aapke blog ke content ko scan karke automatic Adsense ad aapke blog par display karta hai, jiski wajah se aapko ad placement ki chinta nahi karni padti.. Google Auto Ads khud aapke blog par best ad placement choose karke automatic ad display karta hai. Agar aapka post bahut bada hai to Auto Ads apne hisab se sufficient gap me ad display karta hai..

Matlab ye ki aapko ab kisi bhi plugins ki jarurat nahi apne Adsense ke ad ko apne blog me display karwane ke liye. Bas aapko Auto Ads Activate karke apne blog me uske code ko dalna hai , or baki ka kaam Auto Ads kar lega.

Auto Ads kab hum use kar sakte hai ?

Agar aap aone blog par Adsense ad use karte ho to aap apne blog par Adsense Auto Ads laga sakte ho. Blogger blog or WordPress blog dono me hi Adsense Auto Ads ek jaisa kaam karti hai.

Adsense Auto Ads Lagane ke kya fayde hai ?

  • Auto Ads ki use se aapko apne ad placement ki chinta nahi karni padti.
  • Aapko Adsense par ad unit create karne ki jarurat nahi padti bas aapko select karna hota hai ki aap kon se type ki ad apne blog par display karwana chahte ho.
  • Auto Ads aapke blog par automatic ad space create karta hai jiski wajah se aapke blog par naye naye jagah par ad display hote hai, as a result aapki earning bhi improve hoti hai.
  • Auto Ads unhi ads ko display karte hai jinki performance bahut acchi ho, matlab ki jin ad ki wajah se aapko profit ho.
  • Auto Ads aapke blog par top best position pe ad display karta hai jiski wajah se aapki Adsense revenue increase hoti hai.
  • Auto Ads desktop or mobile ke screen size ko dyan me rakhte huye hi aapke blog par ad display karta hai.
  • Auto Ads aapke blog ko scan karke unhi ads ko display karta hai jo aapke liye profitable ho.

Adsense Auto Ads lagane ke kya nuksan hai ?

Waise to Auto Ads lagane ke koi bhi nuksan nahi hai. Jaisa ki aap sab jante ho hum Adsense ad display karwane ke liye plugins or widgets ka use kate hai or jo page ya post Adsense ki policies ko follow nahi karte un par hum Adsense ad plugin ki help se disable kar dete hai,  par agar aapke blog me kuch aise content hai jo Google Adsense ki policy ko follow nahi karte to aapko Auto Ads use karne par problem ho sakti hai, kyon ki Auto Ads aapke har post or page par ad display karega or jo page Adsense Policy ko follow nahi karte wo page par aapko Google Adsense violation ki email aa sakti hai.

Adsense Auto Ads kaise activate kare ?

Apne blog ya website me Auto Ads activate karne ke liye niche diye gaye steps ko follow kare.

STEP – 1

Adsene me Auto Ads Function kya hai Puri jankari Hindi me 2

1. Apna Adsense dashboard menu me My Ads par click kare

2. Auto ads par click kare.

3. SETUP AUTO ADS (Get Started) par click kare.

STEP – 2

Adsene me Auto Ads Function kya hai Puri jankari Hindi me 3

1. Yaha par aapko select karna hai ki aap apne blog par kis type ke ad display karwana chahte ho. Aap sabhi option ko select kar lijiye taki har type ke ads aapke blog par show ho.

2. Automatically get new formats ko select kare. Isay select karne par jab bhi Adsense koi new ad add karega wo automatically Adsense Auto Ads me include ho jayega.

3. Save par click kare.

STEP – 3

Adsene me Auto Ads Function kya hai Puri jankari Hindi me 4

Save par click karte hi aapko Auto Ads code milega jisay aapko copy karke apne blog ke <head> </head> section ke andar pasta karna hai.

To friends aapne sikha ki Adsense Auto ad kya hai, iske fayde kya hai, kaise isay activate kiye jaye. Ab chaliye aapko batate hai ki Adsense Auto Ads code ko apne blog par kaise lagaye..

WordPress blog me Auto Ads code kaha paste kare ?

Jaisa ki humne bataya ki aap Auto Ads code ko <head> </head> section ke andar paste karna hai, aap apne WordPress me plugin ki help se aisa easily kar sakte ho. Lekin agar aap Auto Ads code ko manually apne wordpress par lagaoge to aapko kisi bhi plugins ki jarurat nahi padegi or aapka blog plugins ki wajah se hone wale site speed low hone ke chances bhi kam honge.

Adsene me Auto Ads Function kya hai Puri jankari Hindi me 4

1. Adsense Auto Ad code ko apne WordPress blog par lagane ke liye sabse pehle aap Appearance par click kare.

2. Editor par click kare.

3. Theme Header par click kare.

4. Ab aapko <head> ke niche Auto Ads code ko paste karna hai.

5. Auto Ad code paste karne ke bad Update File par click kare.

NOTE : Agar aap apne wordpress blog par Auto Ads code manually lagaye huye hai to aapko ye baat hamesa dhyan me rakhni hai ki jab aap apne blog ka theme change karoge to aapka Auto Ads code bhi remove ho jayega.

Blogger Blog me Adsense Auto Ads code kaha paste kare ?

Blogger dashboard me Themes >> Edit html par jaye.

Adsene me Auto Ads Function kya hai Puri jankari Hindi me 5

Edit Html par click karne ke bad aapko ane blog ki Html Code najar aayegi, yaha par aapko <head> search karna hai, or thik <head> ke niche Adsense Auto Ads code paste karne hai. Code paste karne ke bad Save theme par click kare.

Aisa karte hi aapke blog par Adsense Auto Ads code implement ho jayega. Lekin iske alawa bhi Auto Ads se related kuch sawal hai jo thoda confuse karte hai, chaliye inke bare me bhi aapko bata dete hai.

Auto Ads fully activate hone me or ad display hone me kitna samay lagta hai ?

Apne blog par Auto Ad code implement karne ke bad 10 se 15 minute ka samay lagta hai, 10 se 15 minute ke bad aapke blog par automatic ad display hone lagenge.

Auto Ads code apne blog par lagane ke bad kya adunit code remove karna jaruri hai ?

Aap apne adunit code ko remove kar bhi sakte ho nahi bhi ye aapke upar depend karta hai, iski wajah se koi problem nahi hogi.. Fir bhi Auto Ads code ko impliment karne ke bad aap apne blog ko navigate karke dekhe ki kya apne jo adsense ad unit apne blog par lagai hui hai uske alawa bhi ad show ho rahe hai ya nahi.. agra blog par extra ad show ho raha hai to Auto Ads sahi se kaam kar raha hai..

Auto Ads code lagane ke bad bhi ad show nahi ho rahe hai , iska kya matlab hua ?

Aap ane blog ke sabse long article (around 2000 words) ko visit karke dekhiye ki kya usme auto ad kaam kar rahi hai. Agar aapke long post me bhi auto ad nahi display ho rahi to aap apne blog ke catch file ko delete kare. Catch file ko delete karne ke bad bhi same problem aa rahi hai to aapko apne blog ka theme change karke dekhe.

Conclusion

  • Aap Auto Ads blogger blog or wordpress blog dono me same kaam karti hai.
  • Auto Ads ki help se Adsense revenue increase hoti hai.
  • Auto ads code ko <head> </head> tag ke andar hi lagana hai.
  • Auto Ads puri tarah activate hone ke liye 10 se 15 minute ka samay lagta hai.

To friends Google Adsense ke is updated feature ko jarur apne blog me aajmaye or apni Adsense earning ko improve kare. Mujhe yakin hai ki aapko Adsense Auto Ads se related aapke sare doubt clear ho gaye honge, agar fir bhi aapke maan me koi doubt hai ya fir aapke blog par Auto Ad implement karne ke doran koi problem aa rahi hai to hume comment ke jariye jarur bataye hum aapki har problem solve karenge. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Adsense Auto Ads Function kya hai ? Puri jankari Hindi me

  1. Nice share sir, par muze ek doubt hai agr hm web me auto ads use kare to ise website loading speed me koi fark padega kya, please ek baar meri web dekh kar feedback de dijiye.
    Thanks in advance

Leave a Reply

Your email address will not be published. Required fields are marked *