Adsense Ad Invalid Click Ko Kaise Roke ? 20 Smart Tips In Hindi

Posted on

Invalid Click Ko Kaise Roke ?? Adsense ad par 2 tarah ke click hote hai ek to genuine click or dusara invalid click, genuine click ke to aapko paise milte hai lekin invalid click ke paise nahi milte. Friends aaj hum aapko Adsense invalid click ke bare me wo sabhi janakri dene ja rahe hai jo aapke Adsense account ko safe rakhne me aapki bahut help karegi, isliye aaj ka article un sabhi bloggers ke liye hai jinka Adsense account approve ho gaya hai.

Adsense Ad Invalid Click Ko Kaise Roke ? Smart Tips In Hindi

Aapne apne Adsense par jarur notice kiya hoga ki kabhi kabhi ad par click to hote hai lekin ad click ke paise nahi  milte. Aisa isliye hota hai kyon ki aapke Adsense ad par invalid click ho rahe hai. Invalid click ki wajah se aapka Adsense account disable ho sakta hai ya fir aapka Adsense account kuch mahino ke liye suspend bhi ho sakta hai. To friends chaliye sabse pehle aapko batate hai ki ye Adsense Invalid click hoti kya hai…

Adsense Ad Invalid click kya hai ?

Adsense ad par galti se kiya gaya click ko Invalid click maana jata hai, agar koi galti se aapke Adsense ad par click karta hai to iska matlab ye hai ki wo bina kisi interest ke ad par click kar raha hai, aise me jo bhi ad usay show hone wo usme interest nahi lega or turant ad page ko close kar dega..

Advertisers Google Adsense ko apna ad promote karne ke liye paise deta hai or wahi ad ko promote karne ke liye Adsense aapke blog par lagata hai, agar aapke blog ke jariye Adsense ad par invalid click hote hai to isme advertiser ka nuksan hai .. Or isliye jis blog me invalid click hote hai us adsense account ko google disable kar deta hai.

Google Adsense chahta hai ki Adsense ad ki wajah se kisi ka nuksan na ho, jaha advertiser paisa dekar apne ad ko adsense ke jariye pormote karte hai wahi agar ad par invalid click honge to isme sabse jyada nuksan advertiser ka hi hoga. Or Google adsense aise activities ko kabhi bardast nahi karta or invalid click wale adsense account ko band kar deta hai.

To friends ab aap to samajh gaye honge ki invalid click hota kya hao or invalid click hone par Adsense account kyon disable ho jata hai. Par kya aapko pata hai ki invalid click kaise hota hai ? Jaise ki maine pehle kaha ki invalid click ka matlab hota hai not interested click, yani ki bina kisi interest ke kiya gaya click.. Yaha par ek sawal aata hai ki Adsense ko kaise pata chalta hai ki koi ad par invalid click kar raha hai ? To iske bahut se reason hai jaise –

  • Ad par click karna lekin ad page ko navigate nahi karna bhi invalid click me aata hai.
  • Ad par anjane me click karna, agar koi aapke adsense ad par anjane me ye fir mistakenly click karta hai to wo us ad page ko navigate nahi karega or ye bhi invalid click hi hai.
  • Ek hi ip adress me bar bar adsense ad par click karna. Har mobile or computer ka ek unique ip adress hota hai, agar ek hi ip adress se bar bar ad par click hote hai to ye invalid click hi hai.
  • Ad par click karne ke liye blog par aaye visitors ko motivate karna bhi invalid click hone ke karan hai.
  • Bina aapke blog par time spend kiye agar koi directly aapke adsense ad par click karta hai to bhi ye invalid click me count hoga.

In sabhi points ko agar aap gor kare to ye sab invalid click hi hai or iski wajah se aapka adsense account band ho sakta hai.

Adsense account ko approve karwane ke liye aap adsense ke har terms and conditions ko follow karte ho lekin ek bar jab adsense aaporve ho jata hai to aap kya adsense ke sabhi rules ko follow karte ho ? Maximum blogger paise kamane ke lalach me wo sabhi galtiya karte hai jiski wajah se invalid click hote hai, wo sochte hai ki click improve hoga to earning bhi improve hoga or isi ke chakkar me wo logo ko motivate karte hai ki wo unke adsense ad par click kare. Jiski wajah se adsense earning to improve nahi hoti balki adsense account hi disable ho jata hai.

Aaj hum aapko wo sabhi janakri dene wala hai jisay aapko follow karna hai taki aap apne adsense account ko invalid click se disable hone se bacha sake. Lekin sabse pehle aapko ye janan hoga ki kaise pata kare ki hamare blog me invalid click ho rahi hai..

Kaise pata kare ki Adsense ad par invalid click ho rahi hai.

Bahut se Adsense publishers aise bhi hai jinka adsense disable hone ke bad unhe pata chalta hai ki unke adsense ad par invalid click ki wajah se unka adsense account disable ho gaya hai. Agar wo samay se pehle apna adsense account ko moniter karte to unhe ye problem face nahi karni padti.

Agar aapka blog par invalid click ho rahe hai to aapko apne adsense account ko monitor karna hoga- Jaise –

  • Achanak ad click improve ho jana.
  • Hamesa ctr 5% tak rehna lekin kabhi kabhi 10% se jyada ho jana.
  • Achanak adsense earning me improvement hona.
  • CPC kam hona or click ka improve hona.
  • Agar aapne apne blog par 4 adunit lagaye huye or par ek ad par sabse jyada click hona.

In sabhi point ko hume apne adsense account me hamesa monitor karna chahiye, agar aapke blog me inme se koi bhi point ho raha hai to aapko samajhna chahiye ki aapke blog par invalid click ho rahi hai.

Aajkal Adsense publisher invalid click ko adsense earning improvement ka jariye mante hai or wo khud apne blog par aise aise jagah par ad lagate hai hai jaha par ad par click hone ke chances bahut jyada hote hai, me ye nahi kah raha ki aapko apne blog footer me ad lagana chahiye, lekin haan aapko apne blog me adsense ad koi aise lagana hoga taki koi bhi invalid click na ho sake. To friends chaliye aapko batate hai ki Adsense Ad Invalid Click Ko Kaise Roke ? Smart Tips In Hindi

Adsense Ad Invalid Click Ko Kaise Roke ? 20 Smart Tips In Hindi

Invalid click 2 tarah ke tarike se hoti hai.

  • Khud ki galti ke karan.
  • Blog design or ad placement ke karan

In dono galtiyo ke karan hi sabse jyada invalid clicks hote hai , to chaliye sabse pehle aapko batate hai ki khud ki galti ke karan kaise invalid click hote hai or isay kaise roka jaye..

Khud ki galti ke karan

1. Khud ki ad par click na kare

Ye sabse common or silly mistake hai jo maximum adsense publisher karta hai. Jab aapka adsense account apporve ho jata hai to aapke blog par ad display hone lagte hai. Bahut se adsense publisher apne khud ke ad par click karke check karte hai ki ek click par unhe kitne paisa milta hai ya fir wo click karke ye dekhna chahte hai ki adsense ad kaam kar raha hai ya nahi.

Ye silly mistakes unhe bahut bhari padti hai or adsense approval hone ke sath sath unka adsense disable bhi ho jata hai. Friends google adsense bahut badi company hai , or agar aap apne khud ke ad par click karke dekhna chahte ho ki ad thik se kaam kar raha hai ya nahi to aapse bada bewakuf or koi nahi, kyonki adsense policy me sabse pehla rule yahi hai ki aapko apna khud ke ad ke upar click nahi karna hai.

Khud ke ad par click karne ka matlab hota hai ki aap apne dunak ka saman khud kharid rahe ho, jisme aapka profit hi nahi hai. Aap apne blog par ad isliye lagate ho ki visitors un ad par apni marji se click kare jissay sabhi ka fayda ho.. Isliye kabhi bhi apne khud ke adsense ad par click na kare, agar aap aisa karte ho to aapka adsense account disable ho jayega.

2. Apne friends or relatives ko ad par click karne ke liye na kahe

Agar aap apne friends or relatives ko apne adsense ad par click karne ki liye kahoge to wo aapke blog par jayenge or directly aapke ad par click karenge, or ye bhi invalid click me count hoga. Google adsense ko pata chal jata hai ki kon sa visitors aapke blog par content read karne aata hai or kon sirf aapke blog par ad click karne. Agar aap aisa karte ho to aap adsense ki najro se bach nahi paoge or aapka adsense account disable bhi ho jayega.

Agar aapko apne adsense accont ko safe rakhna hai or invalid click se bachna hai to apne friends or relatives ko apne adsense ad par click karne ke liye motivate na kare.

3. Apne adsense approval ke bare me kisi ko na bataye

Adsense approval kisi surprising moment se kam nahi hota, haan agar aapne apne blog par 10-20 post karne ke bad adsense approve ho gaya hai to aapko utni khusi nahi hogi jitni khusi un logo ko hoti hai jo din-raat mehnat karte hai bar bar unka adsense application reject ho jata hai lekin fir bhi wo adsense approval karwane me lage rehta hai.. Unki mehnat ka result unhe adsense approval ke rup me milta hai, or aise me koi bhi apni khusi ko dusaro ke sath jarur share karna chahega..

4 bar adsense account disapproval ke bad jab mera adsense approve hua tha tab me bhi bhaut khus hua tha or apni is khusi ko sabhi ke sath share ki, sabhi ko apne blog ke bare me bataya, or apne blog par aane wale adsense ad bhi dikhaye.. Or yahi meri sabse badi galti hui, jab bhi me apne kisi friends ko apna blog par display ho rahe ad ke bare me batata to wo mere blog par visit karta or kehta ki is ad par click karne se kya tujhe sach me paisa milta hai, chal me click karke dekhta hu…  OMG aisa mere sath bahut bar hua or bahut logo ko maine request bhi kiya ki please mere adsense ad par click na kare..

Lekin human mentality hai bhai, unhe jitna mana karo wo wahi kaam karte hai.. At last mujhe apne blog par adsense ke sabhi code hatane pade taki mera adsense account safe rahe..

Friends adsense approval ki khusi ko share karna galat nahi hai lekin over share karna galat hai, aisa karna se bache..

4. Dusmano se dur rahe

Adsense apporval apna sath sath dusman bhi paida karta hai. Aaj sabhi ko pata hai ki blog ke jariye earning ki ja sakti hai or sabhi adsense approval me lage huye hai. Aise me agar aapka adsense approve ho jata hai to aapke blog par najar rakhne wale hi aapke dusman ban jayenge.. Or ye dusman or koi nahi hamare friends or relatives hi hote hai..

Me aaj ghar baithe apne blog ke jariye itna paisa to kama hi lete hu ki me apni life aasani se ji saku… Lekin aaj tak maine apne fiends or relatives ko apne mode ko earniing ke bare me nahi bataye.. Jab bhi mujhse koi earning ke bare me puchta to me sirf unhe itna hi kehta ki ” Google ke jariye earning hoti hai “..

Aisa karne se aap apne blog par invalid click karne wale dusmano se dur rah sakte ho or aapka adsense account bhi safe rahega.

5. VPN use mat karo

Bahut se adsense publisher ye kahte firte hai ki meine VPN ke jariye adsense ki earing ko bahut jyada improve kar di hai. VPN ek software hota hai jaise computer ke liye TOR BROWSER or mobile ke liye VPN app, inki help se aap apne mobile or computer ki ip address change kar sakte ho or apne blog par ja kar ad par click kar sakte ho… Lekin jara rukiye agar aap bhi aisa karte ho or VPN ki madad se apne ad par click kar rahe ho to sambhal jaye , kyonki GOOGLE ko bewakuf banan impossible hai, jo log kehte hai ki wo VPN ki help se adsense earning karte hai wo sirf apne aapko hi bewakuf bana rahe hai.

Google ko sab pata chal jata hai ki aap kis mode ke jariye adsense ad par click kar rahe ho or aisa karne se aapka adsense disable ho jayega… Isliye vpn ke jariye adsense ad par click na kare… Ye bhi invalid click me count hoti hai or aapka adsense account hamesa ke liye disable ho sakta hai.

6. Apne blog ko ad click ke liye promote na kare.

Aapko social network par aise bahut se groups or community mil jayegi jaga aap apne blog par click karwane ke liye promote kar sakte ho. Aisi community or groups me aapko sirf apne blog ka link dena hogta hai , or visitor aapke blog par jakar aapke ad par click karte hai or badle me aapko bhi unke blog par jakar click karna hota hai. Aise work ko click exchange ka naam diya gaya hai.. Jaha adsense publisher ad click exchange karte hai..

Aisa karne se aap khud ke liye ek gaddha khod rahe ho jaha aap khu dafal ho jaoge… Click exchange karna invalid click ko bulawa deta hai or invalid click ka matlab hai ki aapka adsense account ko aap khud khatre me dal rahe ho. Aisa kabhi na kare.

7. Adsense ad code share na kare

Adsense apporval ke bad aapko bahut se aise offer milenge or bahut se log aapse contact karke kahenge ki ” Kya aap apna adsense code hume doge taki hum apne blog par aapka adsense ad laga sake, isme aapka hi profit hai “… Aise logo se dur hi rahe, jo aapka bhala chahte hai 🙂 .. Aise log kisi ke nahi hote wo aapke adsense code ko apne blog par laga to lenge or aap sochone ki issay aapki earning improve hoge, lekin aisa karne par aapka adsense account disable ho jayega..

Ek baat sochiye ki agar aap jisay adsense ad code de rahe ho usne bhi to adsense ke liye apply kiya hoga or uska adsense reject ho gaya hai, iska matlab ye hai ki google adsense nahi chahte hai adsense ad unke blog par display ho.. Aise me agar aap usay apna adsense code dete ho to apne blog par adsense laayenge or hoga ye ki uske blog ke jariye kiya gaya ek bhi click aapke adsene account ko band karne ke liye kafi hoga..

Isliye apna adsense ad code ko kabhi bhi dusaro ke sath share mat karo.

8. Blog par copy paste disable kare

Aaj maximum blogger kisi dusare website ye blog se content ko copy karke apne blog par publish karte hai. Or hume bahut se blogger aise bhi hai jo blog ke content ko pura copy karke apne blog par publish karte hai. Maan lijiye ki aapne apna blog post me adsense ad lagaye hua hai to jab bhi koi aapke blog post ko copy karega wo aapke ad ko bhi copy karega or apne blog par usay publish bhi karega. Issay hoga ye hi uske blog me aapke ad bhi run hone lagenge, jo ki invalid click ko bulawa dega.

Isliye apne blog ko copy paste disable rakhe, taki aapke blog content or ad ko koi copy na kar sake.

Friends ye sabhi galtiya hum khud karte hai jiski wajah se adsense ad par invalid click hoti hai.. In sabhi galtiyo ko na kare or apne adsense account ko invalid click se bachaye. Ab chaliye hum aapko batate hai ki blog design or ad placement ke karan invalid click kaise hoti hai or isay kaise roka jaye..

Blog design or ad placement ke karan hone wale invalid click ko roke

9. Adsense ad ko dropdown menu ke niche na lagaye

drop down menu ke niche adsense ad na lagaye

Kabhi bhi apne dropdown menu ke niche adsense ad na lagaye , aisa karne par ad par mistakenly click hone ke chances rehte hai jissay invalid click hota hai. Agar aapke blog me dropdown menu hai to aap apne adsense ad ko menu ke niche na lagaye.

10. Floating adsense use na kare

Kuch adsense publisher apne blog ke sidebar me floating adsense ad lagate hai jissay blog ko scroll karne ke doran ad sidebar ke float karta hai. Agar aap aisa karte ho to aap adsense ki policy ko violate kar rahe ho or floating ad par invalid click hone ke chances bahut jyada hote hai.

11. Popup ad use na kare

Bloggers apne blog par aise plugins ya widget use karke adsense ke ad ko popup karwate hai, aisa karna bhi adsense ke policy ko violate karna hota ha , aap aisa nahi kar sakte. Agar aap apne blog par popup adsense use karoge to aapke ad par invalid click honge.

12. Jyada ad use na kare

Earning improve karne ke chakkar me log apne blog par bahut jyada adsense ad use karte hai jiski wajah se visitors ko content read karne me paresani hoti hai or log anjane me ad par click kar dete hai jo ki invalid click me count hota hai. Isliye hamesa apne blog pe content ke hisab se hi ad lagaye.. Aap Adsense Auto Ads bhi use kar sakte ho.

13. Pagination ke upar ya niche ad na lagaye

pagnation ke niche ad na lagaye

Pagination ki help se visitors aapke blog page ko navigate karte hai agar aap apne pagination ke niche ya upar adsense ad lagate ho ho to visitors anjane me aapke ad par click kar dete hai. Agar aapko apne pagination ke niche ya upar adsense ad lagana hai to aapko pagination or ad ke biche me sufficient gap maintain karna padega. Kam se kam 10px ka gap maintain kare.

Bahut se blogger apne blog post ko multiple page me divide kar dete hai or apne post ke niche adsense ad code laga dete hai, aisa karne par jo visitor aapka post read kar raha hai wo aapke post ko read karne ke liye next page par jayega or anjane me aapke adsense ad par click kar dega.. Aisa aap na kare.

14. Image ke niche adsense ad na lagaye

image ke niche ad na lagaye

Image ke niche ad lagane se visitors ad ko bhi image ka hissa samajhte hai or anjane me ad par click kar dete hai. Aapko apne image or adsense ad ke biche me sufficient gap maintain karna hoga taki koi bhi anjane me aapke adsense ad par click na kare.

15. Paid traffic na kharide

Paid traffic ka matlab hota hai ki apne blog par visitors ko lane ke liye paise dena. Internet par aapko aise bahut se website mil jayenge jo aapse kuch paiso ke badle aapke blog par khub sare visitors send karte hai. Lekin ek baat yaad rakhiye ki Google Adsense paid traffic ko like nahi karta, kyonki paid traffic sirf aapke blog ke page views ko improve karne ke liye hi hote hai na ki adsense earning improve karne ke liye.

Agar aa sochte ho ki paid traffic se aapka adsense earning improve hoga to aap galat soch rahe ho, jaisa ki maine kaha ” adsense paid traffic ko like nahi karta “ .. Paid traffic aapke adsense account ko khatre me dal sakta hai , or paid traffic me invalid click bhi bahut hote hai.. Isliye agar aapko apne adsense account ko safe rakhna hai to paid traffic se dur hi rahe.

16. Blog visitor ko misguide na kare

Bahut se adsense publisher apne blog visitor ko adsense ad par click karne ke liye kahte hai ya motivate karte hai. Click here, arrow symbol, know more jaise text ke niche adsense ad lagate hai jissay visitor misguide hokar ad par click kar dete hai jo ki invalid click hota hai. Aisa aap na kare.

17. Ad unit style change na kare

Adsense Adunit ki apni ek default style or look hoti hai jaise- border color, font color, background color.. Adsense aapke blog ko scan karta hai or apko batata hai ki aapko apne adunit style ko kaise modify karna hai, iske liye aap Adsense account me login karne ke bad Optimisation >> Opportunities me jaye.

Lekin bahut se adsense publishers apne adsense adunit ko it tarah modify karte hai ki unka ad blog content se sath puri tarah match ho jata hai.. Jaise agar aap apne adsense ad ke background color or border color ko apne blog ke background color jaisa rakhoge to visitors ko pata nahi chal payega ki ad kon sa hai or aapka blog content kon sa hai. Aise me wo ad par anjane me click kar dete hai, jiski wajah se invalid click hota hai. Isliye Adsense adunit ke style ko change na kare.

To friends aapne sikha ki kaise adsense ad par invalid click se bachaye, lekin agar aapke blog par adsense invalid click ho rahi hai to uska pata kaise lagaye ? or kaise isay shootout kare ? Chaliye iske bare me bhi aapko bata dete hai.

18. CTR check kare

Maan lijiye ki aapka hamesa ctr 5% ke andar rehta hai lekin achanak aapka ctr 10-20% ho gaya hai to aapko samajh jana chahiye ki aapke blog par invalid click ho rahe hai. Aisa hone par aap turant iski jankari Adsense ko dijiye..

19. AICP plugin use kare

AICP  ka matlab hai Adsense Invalid Click Protector.. Agar aapne apna blog wordpress pe banaya hua hai to aap AIPC pluging ki help se apne blog par hone wale click bombing ko rok sakte ho. Agar ek hi user hamare adsense ad par bar bar click karte hai to usay click bombing kaha jata hai, agar koi aapke adsense ad par click bombing karta hai to aapka adsense account invalid click ki wajah se disable ho sakta hai.

AICP plugin ke jariye aap apne adsense ad par setting kar sakte hi ki ek user kitni bar ad par click kar sakte hai. Maan lijiye ki aapne AICP par set kiya hai ki 2 bar hi click kar sakta hai , to koi bhi agar aapke ad par 2 bar click karta hai to usay tisari bar ad show hi nahi honge..

20. Sare ad unit ko disable kare

Agar aapne apna blog blogger.com pe banaye hua hai or Agar aapko ctr achanak bahut badh jata hai to aapko sabse pehle iski information report adsense ko deni hogi or kuch time ke liye apne blog se sabhi ad unit ko disable karna hoga taki jisne bhi aapke adsense ad par invalid click kiya hai wo dubara aisa na kar sake.

To friends aaj aapne jana ki Adsense Ad Invalid Click Ko Kaise Roke ? Smart Tips In Hindi.. Adsense ad invalid click maximum khud ki galtiyo se hi hoti hai, jisay aap khud rok sakte ho.. lekin aaj ke time me jealous logo ki kami nahi hai isliye hamesa apne blog ko adsense ke liye safe rakhe or hamesa apne adsense earning ko monitor karte rahe.. Hume ummid hai ki aaj ka hamara article aapke liye jarur helpful hoga, agar aap humse kuch puchna chahte ho to hume comment jarur kare.HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *