Adsense approval ke liye kitne words ka blog post likhe ?

Posted on

Blog banane ke bad pehle kaam yahi hota hai ki hum apne blog par post publish kiya jaye or apne blog par aisa content publish kiya jaye taki usme traffic aa sakte. Or jab hum apne blog par 10-20 post publish kar dete hai to hum adsense ke liye apply kar dete hai , kyunki internet par hume aise bahut si information mil jati hai ki 10-20 post publish karne ke bad adsense approval mil jata hai. Haan ye sach hai or iske bare me humne apne previous post me full detail me bataya hai ki Adsense approval pana ke ke liye blog me kitne post hone chahiye ? Or aaj hum aapko batane wale hai ki agar aapko adsense approval pana hai to aapko apne blog post ko kitne word ka likhna hoga.

Adsense approval ke liye kitne words ka blog post likhe ?

Waise aapko internet par iske bare me information mil hi gayi hogi ki ek blog post me kam se kam 1000 words hone hi chahiye, par kya ye sahi hai , kya 1000 words ka post likhne par adsense approval mil jata hai ? Ye sawal jitna confusing lagta hai utna hai nahi.. Iske bare me detail se janane ke liye aapko sabse pehle Adsense approval process ke bare me janna hoga, tabhi aap khud pata kar sakte ho ki ek post asal me kitne words ka hona chahiye.

Adsense approval process kaisa hai ?

Jab aap adsense ke liye apply karte ho to adsense ki taraf se jo code kiya jata hai usay apne blog par lagana hota hai taki apne blog par adsense ad unit area create ho sake, or isi doran adsense expert aapke blog ko visit karke dekhti hai ki aapka blog adsense ke terms and conditions ko follow karta hai ya nahi, agar aapka blog adsense ke liye eligible ho jata hai to aapke blog par adsense ad show hone lagte hai or aapka blog adsense ke liye approva ho jata hai.

Adsense approval manually kiya jata hai or adsense ke expert blog ko manually check karne ke bad hi approval dete hai. To friends adsense approval pr0cess me ek chij gour karne wali baat ye hai ki Adsense approval manually hota hai yani ki adsense expert aapke blog ko manually check karta hai..

Ab sawal ye aata hai ki –

  • adsense expert ko kaisa pata chalta hai ki aapka blog adsense ke liye eligible hai ?
  • Kya wo aapke blog ko har post ko read karta hai ?
  • Adsense expert basically aapke blog par kya dekta hai ?

In sabhi sawalo ke jawab aapko isi post me mil jayege. Isliye ish post ko acche se read kare taki adsense se related kuch important point ko aap samajh sake or usi ke hisab se work kare.

Adsense approval ke liye kitne words ka blog post likhe ?

Friends ab aap ye to samajh gaye ki adsense manually kisi bhi blog ko approval deta hai, ye me nahi keh raha iske bare me khud adsense kehta hai or aap adsense ke official page me ja kar iske bare me read kar skate ho taki aap samajh sako ki adsense specialist hi aapke blog ko approval dene se pehle usay review karta hai. Aap niche diye gaye screen shot ko dekhe.

Overall adsense ke liye apply karne ke bad ek specialist hamare blog ko review karta hai. Maan lijiye ki aapne apne blog par 200 post publish kiye huye hai or aapne adsense ke liye apply kiya hai to kya adsense expert aapke blog ke sabhi post ko read karega ? aap khud soch ke dekho ki kya ye possible hai ? Nahi, adsense expert aapke blog ko sirf review karna ka kaam karte hai wo ye nahi dekhte hai ki aapke blog par kitne content hai, post kitne words ke hai .. Wo sirf ye dekhte hai ki –

  • Blog family friendly hai ya nahi
  • Kisi tool ki help se ye check karte hai ki aapke blog post me kisi tarah ke abusive words to nahi hai.
  • Kahi aap apne blog me copyright material to use nahi karte.
  • Blog ka design kaisa hai
  • Blog navigation kaisa hai
  • Blog or visitors ke biche me interaction ke liye aap kya karte ho
  • Blog ek topic se hai ya multiple topic se
  • Blog post me spelling

Friends aapko ek clear idea to mil hi gaya hoga ki adsense approval pane ke liye post word count important nahi hota, ab aap ye jarur sochte honge ki agar kisi bhi post me word count mayne nahi rakhta to kyu internet par aise post milte hai jo kehte hai ki 1000 words ka post likho, 1500 words ka post likho.

Iski bas ek hi wajah hai quality article , agar aap ek quality article likhte ho to us article me automatically 500+ words ho hi jate hai. Lekin aisa jaruri nahi hi ki 500+ words ka article hi quality wala ho. Aap 500 word ya fir issay bhi kam words me quality article likh sakte ho.

Ek quality article ko informative article bhi kaha jata hai jisay read karne ke bad logo ko koi doubt na ho. Waise bhi adsense approval pane ke liye sabse jaruri hoti hai quality post yani ki quality article. Agar aapke blog me quality article hai or aapke blog design accha hai to aapko adsense approval mil jati hai.

Kuch dino pehle me internet par ek post read kar raha tha ki WordPress pe blog kaise banaye jata hai ? Mujhe internet par iske bare me bahut se post mile. Kuch post point-to-point guide dekne ka kaam kar rahi thi or kuch post aisi thi ki usme WordPress ke bare me information ke sath sath guide bhi tha. Mujhe wo post acchi lagi jise guide ke sath sath information hoti hai, aise post ko read karne se extra knowledge bhi improve hoti hai.

Ab aap hi socho ki koi post agar directly point-to-point batati hai or koi dusar post aapko full information ke sath guide karta hai to aapko kon sa post read karne me accha lagega. Jahir si baat hai ki hum wahi post ko read karenge jisme additional information ke sath sath doubt bhi clear ho. Yani additional information hi kisi bhi post ko quality article me convert karne ka kaam karti hai.

Agar aap kisi topic par post likh rahe ho to aapko us topic ko puri tarah se sabhi ko describe karna chahiye or apne post ko quality me convert karna chahiye. Isliye agar aap apne blog post me additional information share karte ho to aapka blog post long ho hi jata hai , or ye puri tarah aap par depend karta hai ki aap apne blog post ko kitne acche se describe kar sakte ho.

Mujhe yaad hai jab me starting me blog post likhta tha to me apne post ki word count par jyada dhyan diya karta tha, or around 500 words likhne ke bad mujhe lagta tha ki ab post complete ho gai. Lekin ab aisa nahi hai me apna pura focus apne blog post ko likhne me lagata hu or yahi wajah hai ki me apne blog post ko 100% dusaro se alag likhne ke liye motivate bhi hota hu.

Friends jab aapke andar ye thought aa jayegi ki mujhe sirf quality post likhna hai to aap apne post word count par dhyan na dene ke bajaya apne post par dhyan doge.

CONCLUSION

Adsense approval pane ke liye aap chahe jitne bhi words ka post publish kar do , agar aapke post me quality nahi hai to wo kisi kaam ka nahi. Isliye apne post me quality laye na ki words count improve karne ke chakkar me apne post ko barbad kare. Or aap acche se jante hi hoge ki ki aapki capability aapko ek quality post likhne ke liye kitne words ka knowledge deti hai. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Adsense approval ke liye kitne words ka blog post likhe ?

  1. Behad Ummda, Aalaa, Bemisal, Fantastic, Fabulous Artical hai Ravi Bhaijaan….

    Aise hi Behtreen se Behtreen Article likhte Rahiye….

    Best of luck for great Ranking….🙂🙂

Leave a Reply

Your email address will not be published. Required fields are marked *