Adsense disable hone ke bad fir se naya Adsense account kaise banaye ?

Posted on

Ek sapna jo hume blogging karna sikha deta hai or wahi sapna jab tutata hai to bahut bura lagta hai. Hum Adsense ke jariye earning ki baat kar rahe hai, jab Adsense account approve ho jata hai to maano sari khusiya mil gai ho, lekin agar Adsense account disable ho jaye to bahut bada jhatka lagta hai. Koi bhi Adsense publisher ke liye ek bure sapne se kam nahi hai. Jab kisi ka bhi Adsense account disable ho jata hai to kuch samajh me nahi aata ki kya kiya jaye taki fir se Adsense account ko activate kiya ja sake..

Adsense account disable ho gaya hai kya karu

Jab kisi ka Adsense account disable ho jata hai to fir se Adsense account activate karne ke chances bahut kam hote hai, ya yu kahe ki impossible hota hai. Humne apne previous article me aapko bataye the ki Adsense appeal form kaise fill kare ? Agar aapka Adsense account disable ho gaya hai to aap sabse pehle step hoga ki aap Adsense ko appeal kare ki wo aapka Adsense account fir se activate kar de, chances to bahut kam hote hai par fir bhi aapko appeal karna chahiye..

Jo log apne disable Adsene account ko fir se activate karne ke liye appeal karte hai unme se 99.99% logo ka appeal reject ho jata hai or wo log kabhi Adsense ko use nahi kar pate.. Par aaj jo hum aapko tips dene ja rahe hai usay follow karke aap apna naya Adsense account create bhi kar sakte ho or apne website ko uske liye approve bhi karwa sakte ho.. Lekin sabse pehle ye jaan lo ki jab Adsense aapke account ko disable karta hai to hota kya hai …

Jab Adsense aapke account ko disable karta hai to hota kya hai ?

Jab kisi ka Adsense account disable ho jata hai to Google Adsense uska Gmail id or Website ko ban (प्रतिबंध) kar deta hai, iska matlab ye hai ki wo kabhi bhi apne Gmail id or website ke jariye Adsense use nahi kar payega. Lekin aaj jo hum aapko tips batane ja rahe hai usay follow kar ke aap fir se apna naya Adsense account create kar sakte ho sath hi sath aap apne website ko bhi usme add kar sakte ho , to chaliye jante hai…

Adsense disable hone ke bad fir se naya Adsense account kaise banaye ?

Aap hamare diye gaye steps ko follow karke apna khud ka naya Adsense account create kar sakte ho or usay fir se apne website par use kar sakte ho, isliye diye gaye steps ko dhyan se read kare taki aapse koi galti na ho..

STEP 1 – Naya Gmail id banaye

Adsense account disable hone par aapka gmail id Adsense ke liye ban ho jata hai isliye sabse pehle aapko ek naya Gmail id banana hoga. Kai bar aisa suggestion aate hai ki kisi dusare computer se naya gmail id banaya jaye taki aapka ip address trace na ho paye or Google ko lage ki aap wo nahi jiska Adsense account pehle bhi disable ho gaya hai. Par aisa nahi hai, Adsense account sirf or sirf aapke website par hone wali invalid activities ki wajah se disable hua hai na ki aapke Gmail id ki wajah se.. Isliye aap kis bhi computer ke jariye apna naya gmail id bana sakte ho..

STEP 2 – Naya website banaye ya fir website ka domain name change kare.

Ye behad jaruri hai ki Adsense me apply karne se pehle aap apna ek naya website create karo ya fir apne website ka domain name change karo.. Jaisa ki humne bataye ki Adsense disable hone ka main reason aapka website hi hai or aapka website Adsense ke liye ban ho chuka hai, isliye aap fir se usi website ke jariye Adsense ke liye apply nahi kar sakte.

Agar aap usi website ke jariye fir se Adsense me apply karoge to ye possible nahi hai, lekin agar aap apne website ka domain name change kar dete ho to aap apply kar sakte ho.. Aap agar apna naya website create karna chaho to bhi sahi rehaga..

STEP 3 – Apna dusare address dalo

Aapko pata hi hoga ki Adsense me register karne ke doran hume apni address dalni hoti hai, jo ki aapne apna address pehle hi Adsense me submit kiya hua hai jo disable ho chuka hai.. Aap fir se wo address nahi daal sakte.. Aap address fill karne ke doran apna dusara address dalo, aap apne relative ka address dal sakte ho.. Aisa karne par Google Adsense ko lagega ki aap pehli bar Adsense ke liye apply kar rahe ho.

STEP 4 – Bank details alag dale

Agar aapne disable huye Adsense account par already apna bank account link kiya tha to naye adsense account me aapko apna dusara bank details dalne honge.. Agar aapke pas dusare koi bank account nahi hai to aap ek bank account create kar lo.. Lekin aapko to pata hai na jab tak aapka address verify nahi ho jata tab tak aap payment details nahi dal sakte, aapke ko bahut samay milta hai apna naya bank account banane ka..

STEP 5 – Galti na dohraye

Aapko pata hoga ki aapka Adsense account kyon disable hua hai, or apni purani galti se sikh le kar aapko aage badna hai. Aap apni purani galti fir se na dohraye..

Friends in sabhi steps ko follow karke aap apna naya Adsense account bana sakte hai. Maximum blogger Adsense disable hone ke bad blogging se quit kar lete hai, kyonki wo sirf earning karne ke liye hi blog banaye the.. Agar aapko blogging karne ka passion hai or aapka Adsense account disable ho gaya hai to aap kabhi haar nahi manoge or mujhe ummid hai ki aap fir se apna Adsense account create karke apne blogging ke carrier ko new energy ke sath start karoge..

Hume ummid hai ki aaj jo humne aapko bataya ussay aapko jarur fayda hoga.. To friends agar aap apne Adsense account se related kuch puchna chahte hai to comment ke jariye jarur puche taki aapki sari problem ko hum solve kar sake.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Adsense disable hone ke bad fir se naya Adsense account kaise banaye ?

Leave a Reply

Your email address will not be published. Required fields are marked *