Adsense ka CPC 0.01 hai kya karu ?

Posted on
Ye bahut hi tension se bhara sawal hai jisay solve karne ke liye na jane aap kya kya nahi karte, pehte to Adsense ke approval ke liye bahut mehnat karni padti hai or jab Adsense approve ho jata hai to uski CPC itni kam hoti hai ki blogging karne ka maan hi nahi karte. Adsense me CPC improve karne ke liye na jane kya kya tarkib apnate hai par koi bhi tarkib kaam nahi karti. Agar aapki Adsense CPC bhi bahut kam hai around 0.01-0.02 to aaj hum aapke liye kuch aise tips laye hai jisay follow karke aap apni Adsense CPC ko bada sakte ho.


Adsense cpc kya hai ?

CPC matlab hota hai cost per click. Matlab ki aapne joAdsense ka ad apne blog par lagaya hai usay agar koi click karta hai to aapko kitna paisa milega, by-default ye value dollar me set hoti hai, matlab ki agar aapka Adsense CPC 0.01 dollar hai to Indian currency ke hisab se ek click par aapko 0.64 paise milenge, jo ki bahut kam hai.

Agar aapki Adsense CPC 0.01 hai or daily ke ad click 100 hote hai to aap daily ke kamate ho 0.01 x 0.64 = 64 rupay. 64 rupay ek din ke or mahine ke 64×30=1920rupay, 
1920 rupay aapko milenge ek mahine me. Ye bahut hi frustration bhara time hota hai jab aapki Asense CPC 0.01 hoti hai.

CPC kam hone ke chakkar me na jane kitne log blogging se quit kar dete hai, par unhe ye nahi pata hota ki wo apni CPC ko improve bhi kar sakte hai. Internet pe jo tip aapko milenge CPC badane ke usay follow kar ke bhi aap apni Adsense CPC improve kar sakte ho, par ek blog ko Adsense ke liye approve karwane tak ka safar hi itna hard hota hai ki jyadatar log apne CPC badhane ke chakkar me kuch aisi galtiya kar deta hai jo aage chalkar unhe pachtana padta hai.

Aaj hum aapko kuch aise tip batayenge jinhe aap apne blog par implement karke apni Adsense CPC ko improve kar sakte ho. Ye bahut hi aasan or effective hai, jisay maine khud aajmaya hai or apne Adsense CPC ko improve bhi kiya hai.

Adsense ka CPC 0.01 hai kya karu ?

Agar aapke blog par aane wale maximum visitors Asia se belog karte hai (INDIA, PAKISTAN, NEPAL etc) to aapki CPC kam hoti hai, kyonki Adsense ASIA me jyada CPC nahi deta, lekin kuch tarike hai jise follow karke aap apni Adsense ki CPC ko improve kar sakte ho.

Kya aapke blog me quality content hai ?

Blog me quality content na hona hi sabse badi wajah hai ki aapka Adsence CPC itna kam hai. Quality content ke bare me humne apne previous article me bataya tha agar aapne usay read nahi kiya hai to jarur read kare taki aapke blog ka har article qulity wala ho. Agar aapke blog par quality content nahi hogi to Google Adsense aapko jyada CPC nahi degi, because quality content of our blog is directly impact your Adsense CPC.
Quality content ka ye matlab nahi hota hi aap apne blog par sirf post count ko improve kare balki iska matlab ye hota hai ki aap apne blog par aise content likhe jo quality wala ho, matlab ki jab koi visitor aapke kisi bhi article ko read kare to usay kisi dusare blog par jane ki jarurat na pade.

Agar aapke blog me aise article hai jise koi read nahi karta , to iski wajah ye hai ki aapka article me quality nahi hai, to us article ko sudhare ye fir usay apne blog se remove kare de.

Aapke blog ka niche kya hai ?

Niche ka matlab hota hai ki apka blog kis topic se belong karta hai. Maan lijiye ki aapne blog parenting se belong karta hai or achanak aapne sports ya blogging ke bare me likhna suru kar diya to aapke blog ka niche kya hoga. Apne blog ko sirf ek hi niche me rakhiye, ye Adsense ke CPC ko badhane me aapki help karega.

Agar aap naya blog banane ki soch rahe hai to aapko high paying niche ko select karna chahiye jaise
1. Health
2. Insurance
3. Education
4. Job
5. Technology
6. Technical

Agar aapka blog health niche se belong karta hai to apne blog par kabhi bhi kisi dusare niche ka article na likhe. 

Kya aapke content me spelling mistakes hai ?

Agar aapke blog ke maximum articles me spelling mistake hai to aapka Adsense CPC kam hoga hi. Jaise ki humne pehle bataya aapka article me quality honi chahiye. Iske liye aapko apne article ke spelling mistake ko sudharna chahiye.

Jab bhi aap apna koi article publish kar usay publish karne se pahle ek bar khud se read kar le, taki agar koi spelling mistake hai to aap usay sudhar sake. Ye quality content ke liye behad jaruri hai ki aapke article me spelling mistake na ho.

Ad placement?

Ad placement ka matlab hota hai ki aap apne blog par kis-kis jagah par ad display karwate ho. Agar aap apne blog par aise ad display karwate ho jo thik se display nahi hota ya fir display hota bhi hai to uspar koi click nahi karta to aapka CPC kam hoga.

Agar aapke blog par maximum visitors mobile ke jariye aate ha to LeaderBoard ad use na kare kyonki ye ad mobile par thik se visible nahi hote, or side bar me bhi ad lagane ka koi fayda nahi hoga. Isliye aap apne blog post me mobile size ke hisab se ad display karwaoge to wo visible bhi hoga or uspar click karne ke chanches bhi bahut jyada honge.

336×280 ad size ka ad apne title ke upar display karwaye.
Responsive text ad ko tital ke nihche display karwaye.
336×280 ad size ad ko 2nd paragraph ke bad display karwaye.
Responsive ad baner ko post ke aakhir me display karwaye.

In charo ad unit ko apne blog post par display karwa kar aap apni Adsense CPC ko kuch had tak improve kar sakte ho. 

Bar bar ad ko replace na kare, aisa karne par bhi aapke Adsence CPC kam hoti hai. Koi bhi change kare to kam se kam usay ek hafte tak monitor kijiye.

Adsense par custom channel create kare

Adsense par custom channel banane ka matlab hota hai ki aap directly advertiser ko bataoge ki aapka blog kaisa hai or aap apne blog par kis kis jagah par kon kon sa ad display karwate ho. Aisa karne par aapke blog ko advertiser directly review karenge or CPC bhi improve hone ke chanches rahte hai. Apne blog par custom channel create kaise kare janane ke liye hamare ye article jarur read kare. Adsense me custom channel kaise banate hai ?

Category and tag

Agra aap ek hi post ko bahut se category ya tag me dalte ho to bhi aapka CPC kam hoga. For example: agar me koi post likhta hu jiska title hai: ” bog kaise banaye “ or main is post ko Blogging, blogspot, WordPress or Earn money jaise category me dala hai to mera CPC kam ho jayega. Matlab ye hai ki ek post ko sirf ek hi category ya tag me dale, taki aapke visitors ko navigate karne me koi problem na ho.

Kya aapka blog user frindly hai

Google kabhi bhi apne visitors ko paise se compare nahi karta, Google chahta hai ki uske ad par click karne wale logo ko ek user frindly environment mile. Agar aapke blog me bahut sare ad hai, or easy navigation nahi hai tab bhi aapka Adsense CPC kam hota hai. Isliye apne blog ko simple or easy to use banaye.

Kya aapka blog me free content article hai ?

Agar aapke blog me relationship guide, dating tips, sayari, sataus, jokes, story jaise content hai to aapka CPC kam hona hi hai, kyonki aise article me aise ad display hote hai jiska CPC bahut kam hota hai. Lekin aap Adsense CPC ko improve karne ke liye upar diye gaye tip ko follow kare , agar fir bhi CPC improve nahi hota to ek naya blog banane me hi samajhdari hai.

My real experiance

Mera ek blog hai acchibaat.com, jisme mujhe cpc 0.01 milta tha, main bhaut tension me tha or frustrate bhi ho gaya tha ki kaise isay improve kiya jaye. Tab maine Google Adsense forum me iske answer janane ki kosis kis , tab mujhe replay aaye jisay main sun kar demotivate ho gaya.. Aap niche diye gaye image me dekh sakte ho ki unhone kya kaha…

Ye jawab sunkar mujhe accha laga or thoda bura bhi, par main thoda positive thinking wala hu, isliye maine apne blog par changes kiye jaise ..
1. Bekar ke content ko blog se remove kar diye.
2. Jo post ko log jyada nahi dekhte the ya dekhte hi nahi the usay remove kar diye.. But aap aisa na kere apne post ko modify kare or usay quality content me convert karne ki kosis kare.
3. Jo  Category or tag jarurat nahi usay remove kar diya.
4. Sare article ka spelling mistake check kiya, jisme mujhe maximum article me bahut sare spelling mistakes mile.
5. Apne bekar ke article ko quality content me convert kiya.
6. Ad placement par dhyan di.
7. Adsense par custom channel banaye.

Itna karne ke bad mujhe pehle hafte kuch fark najar nahi aaye , but dhire-dhire cpc high hone lage.. Or aaj ke CPC 0.04 hai. Par ye bhi kam hai, lekin mujhe pata hai ki acchibaat.com basically relationship blog se belong karta hai isliye ispar CPC 0.02 se lekar 0.05 se jyada nahi ho sakti.

CONCLUSION :

1. Apne blog ke content ko quality content me convert kare.
2. Article me spelling mistake nahi hona chahiye.
3. Ad placement par dhyan de.
4. Adsense custom channel bananye.
5. Bekar ke caterogy or tag ko remove kare.
6. Bekar ke article ko modify kare ya usay bhi remove kare.
7. Apne blog ko user friendly banaye.

In sabhi tip ko follow maine khud kiya hai or apne Adsense CPC ko 0.01 se 0.04 karne me success paya hai, agar aapke blog par bhi CPC 0.01 ya fir issay bhi kam hai to aab bhi in tips ko follow kijiye.. Aapko success jarur milegi or aapka Adsense CPC bhi jarur improve hoga. Agar aapko kuch puchna hai to aap comment ke jariye puch sakta hai. HAPPY BLOGGING
🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *