Adsense Ki CTR Kaise Badhaye ? Hindi me full guide

Posted on

Adsense Ki CTR Kaise Badhaye ? Hindi me full guide… Hello friends agar aap ye janna chahte ho ki Adsense ki CTR kaise badhai jaye to jahir si baat hai ki aapka Adsense account approve ho gaya hai or aap apne blog pe Adsense ki ad laga chuke ho, lekin aapke Adsense ad par jyada click na hone ki wajah se aapki earning kam ho rahai hai..

Jab kisi ka Adsense account approve ho jata hai to wo bahut khush hota hai, or har blogger yahi chahta hai ki uske blog par Google Adsense ke ad display ho. Lekin Adsense approval ki khusi jyada dino tak nahi rahti, kyonki Adsense ki cpc kam hone ki wajah se acchi earning nahi hoti or Ctr bhi kam hota hai.

Adsense Ki CTR Kaise Badhaye ? Hindi me full guide

Agar aap ctr badhana chahte ho to aapko CPC or CTR ke bare me to pata hi hoga..

CPC or CTR hi wo words hai jissay Adsense ki earning judi hoti hai. CPC ka matlab hota hai costs per click , agar isay simple Hindi me samjha jaye to iska matlab hota hai ki ad par click karne par kitne paise milta hai. CPC ko hum control nahi kar sakte kyonki cpc google decide karti hai , humne to Google Adsense ko apne blog par ek jagah diya hai lekin Google hi hamare blog par ad lagti hai jiski cpc wo khud decide karti hai..

CPC control hum nahi kar sakte lekin CTR control karna hamare haatho me hota hai. CTR matlab click through rate, CTR ye batati hai ki ad par kitni bar click hua hai.. Agar 100 bar koi ad aapke blog par display hoti hai jimse se ek bar koi aapke ad par click karta hai to ctr hoti hai 1%..

CTR %= No.of ad click/ no. of ad impression

Aap adsense dashboard me bhi ja kar apne adsense ctr ko dekh sakte ho.

CTR badhane ka matlab hai ki aapke blog par aane wale visitors ad par click kare or aapki earning improve ho.. Lekin iska ye matlab nahi hai to aapke blog par aane wale sabhi visitors aapke ad par click kare, agar aisa hota hai to aapka Adsense account band ho sakta hai.

Agar aapki adsense ctr 2% se 3% ke bich me hai to bahut acchi baat hai, lekin agar issay bhi kam hai to aaj hum jo aapko tips dene wale hai usay follow karke aap apne Adsense ctr ko bahut aasani se badha sakte ho.

Adsense Ki CTR Kaise Badhaye ? Hindi me full guide

CTR ko badhane ke liye aaj ho hum aapko tips batane ja rahe hai usay follow karke aap apne blog ki Adsense ctr easily improve kar sakte ho.

AD placement

Maan lijiye ki aapne apne blog par Adsense ad aisi jagah par lagaya hua hai jaha par kisi ki najar nahi jati to kya koi aapke ad par click karega ? nahi , aise me na to koi ad par click karege na hi aapki earning hogi. Apne blog ka ad placement aisa hona chahiye ki logo ko aapke blog par ad easily dikhai de.

Agar aapne apne blog ke top me or article ke bich me ad lagaye hai to uspar click hone ke chances badh jate hai or Adsense ctr improve bhi hoti hai.

Aapke blog me kuch aise postions hai jaha par aap ad laga kar ctr improve kar sakte ho.

  • Post title ke niche ad lagane.
  • First paragraph ke niche ad lagana.
  • Article ke end me ad lagana.
  • Sidebar ke top me ad lagana.

Ye kuch important position hai jaha par aap Adsense ad laga kar apni ctr ko improve kar sakte ho.

Ad size

Ad ka size bhi aapke Adsense ki ctr ko badane me bahut help kar sakta hai. Maan lijiye ki aapne apne blog post ke top me ek banner ad lagaya hua hai jiski size hai 720×90, lekin jab koi visitor aapke blog par mobile ke jariye aata hai to usay wo ad pura dikhai nahi deta, aise me ad par click hone ke chances bahut kam ho jate hai.

Jaisa ki hum sab jante hai ki kisi bhi blog ya website me maximum visitors mobile ke jariye aate hai , or mobile ki screen size choti hone ki wajah se banner ad thik se display nahi hota hai.

Isliye agar aapko apne Adsense ki ctr ko improve karni hai to aapko apne visitors ko pura ad show karna hoga, chahe wo mobile ke jariye aaye ye fir computer ki jariye.

Aapka ad kisi bhi screen size par fit aana chahiye taki koi bhi aapke ad ko thik se dekh sake or interested visitors us ad par click kar sake.

Iske liye aapko apne blog par responsive ad lagana chahiye, responsive ad kisi bhi screen size par automatic apna height or width adjust kar leta hai jissay ad thik se display hoti hai. Isliye agar aapko apne Adsense ctr ko improve karna hai to apne blog par aane wale visitors ko unke screen size ke hisab se ad dikhaye, jisme responsive ad aapki help karta hai.

Bounce rate reduce kare

Jab bhi koi aapke blog par aata hai or sirf ke post ko read karne ke bad aapke blog ko chhod deta hai to aapke blog ka bounce rate improve hoga. Bounce rate ko agar simple Hindi me samjha jaye to jab bhi koi visitor blog par aata hai or sirf ek page ko dekh kar chala jat hai to bounce rate improve hogi.

Agar aapke blog par maximum visitors sirf ek page ko dekhne ke bad aapke blog ko chhod deta hai to aapka bounce rate bahut jyada hoga. Aap Google analytic ki help se apne blog ki bounce rate dekh sakte ho agar aapke blog ka bounce rate 65% se jyada hai to aapko samajh jana chahiye ki aapke blog par aane wale maximum visitors aapke blog ko navigate nahi karte.

Blog ko navigate karne ka matlab hota hai ek page se dusare page par jana. Jahir si baat hai ki jab tak koi aapke blog par jyada time spend nahi karega or blog ko navigate nahi karega tab tak ad par click hone ke chances bahut kam rahenge.

Agar aapko apna Adsense ctr ko improve karna hai to aapko apne blog ka bounge rate reduce karna hoga taki log aapke blog ko navigate kare or as a result aapke ad par click karne ke changes improve ho.

Bounce rate decrease karne ke liye aap blog post ke aakhir me related post widget laga sakte hai ya fir article me bich-bich me related article ka link de skate hai.

Navigation system simple hona chahiye

Bahut se blog me maine dekha hai ki navigation system accha nahi hota or related post widget me aise content dikhaye jate hai jo post se related nahi hote. Agar aapke blog ka navigation system accha nahi hai to aapke blog ko koi bhi thik se navigate nahi kar payega or jiski wajah se aapke blog ka bounce rate improve hoga.. Or ctr bhi kam hogi..

Hamesa aapko focus karna hai ki kaise aap apne blog par aane wale visitors ko jyada der tak apne blog par roke rakhe, or easy navigation system isme aapki bahut help karti hai. Category widget or easy navigation menu aapko apne blog par lagana chahiye taki aapke blog ka navigation system simple or easy ho sake.

Jyada ad use na kare

Bahut log aisa sochte hai ki apne blog par bahut jyada Google Adsense ad use karne se unki Adsense ctr improve hogi, or jo log aisa karte hai unhe ye pata hoga ki ctr improve karne ke chakkar me unke cpc kitni kam ho jata hai ki kisi ko batane me bhi sarm lagne lagti hai.

Humne pehle hi aapko ad placement ke bare me bataye hai bas aapko usi jagah par ad lagana hai taki wo visitors ko dikh sake or uspe genuine click ho.

Friends hamesa ek baat yaad rakhiye ki aap jo bhi blog banaye ho usay sirf blog par aane wale visitors ke liye hi banaya gaya hai or agar visitors blog visit karne par satisfy hote hai to aapka blog best hai, or blog ko best karne ke liye aapko apne blog ko visitors friendly banan hoga.

Blog ko visitors friendly banane ke liye kam Adsense ad ka use kare, taki koi bhi visitors ad ki wajah se irritate na ho jaye. Agar aapke blog par aane wale visitors aapke blog se khus honge to wo aapke blog ko navigate karenge or navigation karne ka matlab hota hai ad par click hone ke changes ka improve hoga. Or ad par click hone ke chances improve honeg to automatically Adsense ctr improve hoga.

In short agar aapko Adsense CTR improve karni hai to-

  • Ad placement par dhyan de.
  • Ad size ko apne blog par aane wale visitors ke hisab se lagaye.
  • Apne blog ka bounce rate reduce kare.
  • Navigation system simple or easy rakhe.
  • Jyada ad ka istemal na kare.

In sabhi guideline ko follow karke aap apne Adsense ctr ko improve kar sakte ho, lekin ctr ko improve karne ke liye bahut se aise tarike aajmaye jate hai jo aapke Adsense account ke liye sahi nahi hai, to chaliye aise tariko ke bare me bhi aap jaan lo jissay aap ctr ko improve kar sakte ho lekin aisa karne par aapke Adsense account ko khatra ho sakte hai.

Adsense CTR improve karne ke liye aisa na kare

Ad par click karne ke liye na kahe

Kabhi bhi apne blog visitors ko ad par click karne ke liye na kare. Aisa karne par aapka Adsense account hamesa ke liye disable ho sakta hai. Bahut se log apne Adsense ad ke upar click here ka symbol or text use karte hai or apne visitors ko motivate karte hai ki wo ad par click kare. Aisa na kare.

Ek ke bad ek ad lagana

Bahut se blogger apne blog par ek ke bad ek Adsense ad lagate hai or aise me by mistake visitor unke ad par click karte hai. Aisa na kare aisa karne par aapki ctr to improve hoga lekin aapki Adsense cpc kam hoti jayegi.

Pagination ke upar ad lagana

Bahut se blogger apne blog post ko page me divide karte hai jiski wajah se post ke end me pagination ka option najar aata hai or thik uske upar wo ad lagate hai, ab visitor ko aapka article pura read karna hoga to wo next page pe jayenge or aise me ad par click karne ke chances bahut badh jate hai.. Jissay ctr improve hone ke sath sath invalid click bhi improve hone lagti hai, jiski wajah se aapka Adsense account khatare me aa sakta hai. Isliye kabhi bhi apne blog ke pagination ke upar Adsense ad na lagaye.

Image or ad ko ek sath rakhna

Agar aap apne blog post ke image or Adsense ad ko ek sath lagaoge to visitors by mistakenly aapke ad par click karenge jissay ctr improve hoga, lekin aisa karna Adsense ke terms and condition ke khilaf hai. Aisa karna par aapka adsense account suspend ho sakta hai.

To friends aaj ka hamara article Adsense Ki CTR Kaise Badhaye ? Hindi me full guide aapko kaisa laga hume comment ke jariye jarur bataye. Hume ummid hai ki aapko apne Adsense ctr ko improve karne ke liye jo humne guideline batai gai hai usay aap jarur follow karenge or apni Adsense ctr ko improve karenge. Agar aapko humse kuch puchna hai to comment ke jariye jarur puche, hum aapke har sawalo ka jawab denge. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *