Adsense me apna bank account details kab or kaise dale ?

Posted on

Adsense me apna bank account details dalna bahut hi jarur work hota hai jissay aapka bank account Adsense se link ho sake or aapki Adsense earning aapke bank account me aa sake. Adsense ki earning ko apne bank me transfer karne ke liye aapko apne bank account details Adsense ko dena hi padega. Friends aaj hum isi main topic me aapko batane ja rahe hai ki kaise aap apne bank details ko Adsense me link kare.. 

Adsense me apna bank account details kab or kaise dale

Agar aap adsense ke jariye earning kar rahe ho to aapko ye pata hona chahiye ki kaise aap apne bank account ko adsense ke sath link karna hai, or isi ki jankari aaj hum aapko dene wala hai, taki jab aap apne bank details apne adsense account ke sath link karo to aapko koi problem na ho. Lekin sabse pehle ye jaan lijiye ki aapko apne bank details ko kab apne adsense ke sath link karna hota hai.

Adsense me bank account kab link kar sakte hai ?

Aapko pata hoga ki jab aapne Adsense me account open kiya tha tab aapne apna address details dala tha.. Or jab aapki earning 10 dollar ho gai tab Adsense ek automatic PIN generate karke aapke address par bhejata hai taki aapka address varify ho sake..  Waise hi jab tak aapka earning 100 dollar nahi ho jata tab tak aap apna bank account details nahi dal sakte. 100 dollar hote hi aapko Adsense ki taraf se notification aayega ki aap apne bank details fill karo.

NOTE : Earning 100 $ hone ke bad hi aap apna bank details Adsense me dal sakte ho.

Friends ab aap ye to samajh hi gaye ki jab tak aapki adsense earning 100 dollar nahi ho jati tab tak aap apne bank details adsense ke sath link nahi kar sakte. Lekin aap jarur sochte hoge ki 100 dollar hi kyu ? To iska simple sa jawab hai ki bahut se adsense publishers invalid activities ke jariye adsense earning karte hai or agar 100 dollar limit na ho to koi bhi adsense ke jariye easily earning kar sakta hai , isliye invalid activities ko rokne ke liye adsense ne 100 dollar limit set kiya hai.

Agar aapki adsense earning 100 dollar ho gayi hai to aap apne adsense me apna bank account details add kar sakte ho taki adsense apko payment kar sake. Jab aapki earning 100 dollar ho jati hai to adsense aapko ek notification deti hai ki ab aap apna bank details add kar sakte ho. Notification aapko apne adsense dashboard me najar aayegi.

Bank account details fill karne ke doran aapko kuch chijo ki jarurat hogi , jiske bina aap apne bank details ko adsense ke sath link nahi kar sakte, chaliye un sabhi chijo ke bare me aapko batate hai..

Adsense me bank account details dalne par kin-kin data ki jarurat hoti hai ?

Sabse pehle to aapka khud ka ek bank account hona chahiye. Agar aapne apna bank account nahi banaye hai to jald apne najdiki bank me ja kar apna bank account open kar lijiye, kyunki bina bank account ke aap adsense se kamai hui rakam aap tak nahi pahuch sakti.

Ye to clear hai ki agar aapko apne bank account details adsense ke sath link karna hai to aapke pas khud ka bank account hona chahiye. Lekin iske alawa bhi aapko kuch bank details ki jarurat hogi.. Jaise –

1. IFSC code – Ye aapke bank ka ek unique identity number hota hai. Adsense me apne bank account detail fill karne ke doran aapko apne bank ke IFSC code ke bare me pata hona chahiye. Agar aapko apne bank IFSC code ke bare me nahi pata to aap apne bank account me ja kar iske bare me pata kare ya agar aapke bank passbook me IFSC code ke bare me mention kiya hai to use kare.

2. SWIFT BIC – Ye code international transaction ke liye use kiya jata hai, waise bhi Adsense ki earning hume international transaction ke jariye hi to milegi kyunki hamari earning dollar me hui hai or hume payment rupees me chahiye. Isliye SWIFT BIC code ki jarurat aapko hogi. Aap apne bank me jakar apne bank ki SWIFT BIC code ke bare me pata kar sakte hai , lekin agar aapko apne bank se SWIFT BIC code ke bare me information nahi milti to aap niche diye gaye guide ko follow kare.

SWIFT BIC code pata karne me thodi dikkat aati hai, agar aapka bank ka SWIFT BIC code nahi mil raha hai to aap apne hi kisi dusare branch ka SWIFT BIC code ko apne adsense accoutn me use kar sakte ho.

Maan lijiye ki aapka bank account UCO bank me hai par aapko apne UCO bank ka SWIFT BIC code nahi mil raha to aap apne state ke kisi bhi UCO bank ka SWIFT BIC code use kar sakte ho..

SWIFT BIC code kya hai ?

SWIFT BIC code ek international identification code (BIC) hota hai jo ki kisi bhi bank ko worldwide identify karne ke liye istemal kiya jata hai. SWIFT BIC code ki help se hum kisi ko bhi videsh me paisa bhej ya le sakte hai, iski madad se hum international transaction kar sakte hai.

Jo ki hamara adsense earning dollar me hoti hai to ye paisa international transfer ke jariye hamare bank me aati hai isliye SWIFT BIC code ki hume jarurat hoti hai, taki hamara adsense earning hamare bank account me bina kisi problem ke aa sake..

NOTE – IFSC code ki help se hum sirf apne country me hi money transaction kar sakte hai par SWIFT BIC code ki help se hum internationally transaction kar sakte hai.

Waise to aapko apne bank ke jariye SWIFT BIC code ki jankari mil jati hai lekin bahut se aise bank hai jo SIFT BIC code provide nahi karte, aise me aap niche diye gaye guide ko follow karke apne bank ka SWIFT BIC code pata kar sakte ho.

Kaise apne bank ka SWIFT BIC code pata kare ?

SWIFT BIC code pata karne ke liye aap apne bank me pata kar sakte ho , par fir bhi agar aapko apne bank se iske bare me pata na chal sake to aap online internet ki madad se apne bank ka SWIFT BIC code pata kar sakte ho.

Aap ifscswiftcodes website ki help se easily apna bank ka SWIFT BIC code pata kar sakte ho.. Iske le aapko sabse pehle ifscswiftcodes website me jana hoga.

1. ifscswiftcodes website me jane ke bad aapko bank details dalne honge.. Sabse pehle apne bank ka naam select kare.

2. Apne state ka naam select kare.

3. City select kare. Agar yaha aapko aapki city ka naam najar nahi aata to aap apni sabse najdik wali city ka naam select kare.

4. Branch name select karna hai, yani ki aapko wahi branch name select karna hai jo aapke bank se sabse najdik wali ho.

State or Branch select karne ke doran aapko wahi option najar aayenge jis Bank me SWIFT BIC code honge.. Isliye apne area se sabse nearby location hi select kare..

Details fill karne ke bad aapko apne bank ki SWIFT BIC code mil jayegi.. Friends aisa jaruri nahi hai ki aapke bank ka hi SWIFT BIC code chahiye, aap apne bank ke kisi dusare branch ka SWIFT BIC code ko bhi use kar sakte ho..

Adsense me apna bank account details kaise dale ?

Ab aapko Adsense me bank details submit karne ke liye sare details mil gaye ab aapko apne Adsense account me login karna hai .. or niche diye gaye steps ko follow karni hai.

STEP – 1

1. Apne Adsense dashboard me jaye or Payments par click kare.

2. MANAGE PAYMENT METHODS par click kare.

STEP – 2

ADD PAYMENT METHOD par click kare.

STEP – 3

ADD PAYMENT METHOD par click karte hi aapko ek form diya jayega jisme aapko apne bank details fill karne hai.

1. Name on bank account – Bank account holder ka naam likhiye, yani ki agar aap apne bank account ka details add karne wale ho to aapke bank account me aapka naam jarur hoga or wahi naam aapko yaha dalna hai.

2. Bank name – Apne bank ka naam likhiye.

3. IFSC code – Apne bank ka IFSC code likhiye.

4. SWIFT BIC – Apne bank ka SWIFT BIC code likhiye.

5. Account number – Apna bank account number likhiye.

6. Re-type Account number – Dubara apna bank account number likhiye.

7. SAVE par click kijiye.

THAT’S IT , itna karte hi aapka bank account Adsense ke sath link ho jayega.

CONCLUSION
  • Aapka Adsense earning threshold yani ki 100 dollar hone ke bad hi aap apna bank account adsense ke sath link kar sakte ho.
  • Apna bank account fill karne ke doran sare details acche se cross check kare taki koi problem na ho.
  • Agar aapko apne bank ka SWIFT BIC nahi mil raha ho to aap apne bank ke kisi dusare branch ka SWIFT BIC code use kar sakte ho, issay koi problem nahi hogi.
  • Hamesa kosis kare ki apna khud ka bank account hi Adsense ke sath link kare, agar aapne apna bank account nahi banaye hai to sabse pehle apna khud ka bank account open kare fir usay Adsense ke sath link kare.

Friends aapki adsense earning aapke bank account me aa sake iske liye aapko apna bank account adsense ke sath link karna hota hai, apne bank account ko adsense ke sath link karne ke liye hamare tutorial ko follow kare. Agar hamare diye gaye guide ko follow karne me ya fir aapko apne swift code pata karne me koi problem aa rahi hai to aap humse comment ke jariye bataye taki hum aapki sabhi problems solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *