Adsense Pin Code Nahi Aa Raha, Address Verify Kaise Karu ?

Posted on

429 total views, 3 views today

Isme koi doubt nahi hai ki Adsense top advertisement company hai jo sabse jyada commission deti hai. Or yahi wajah hai ki sabhi Adsense approval karwane ke piche lage huye hai. Adsense account approve hone ke bad jab aapki adsense earning 10 dollar ho jati hai to Adsense ki taraf se ek letter aapke home address pe bheja jata hai. Ish letter me ek 4 digit pin code hoti hai jisay hume apne adsense account ke jariye verify karna hota hai, taki adsense hamare address ko verify kar sake.

Adsense Pin Code Nahi Aa Raha, Address Verify Kaise Karu ?

Aapko apne adsense account me wo sabhi information mil jati hai ki kab PIN generate hua or kab tak aapke address me wo PIN aa jayegi. Maan lijiye ki 1st august ko PIN generate hua to 3-5 din ke andar Adsense wo PIN BY POST aapke address par send karti hai or within 4 week wo letter aap tak pahuch jata hai. Lekin jab 4 week ke andar letter nahi milta to aap fir se PIN request kar sakte ho.

Adsense Pin Code Nahi Aa Raha, Address Verify Kaise Karu ?

Aapko 4 week tak wait karna hai agar 4 week ke andar Letter aap tak nahi pauchti to aap Request new PIN par click karke fir se letter mangwa sakte ho. Request new PIN par click karte hi ek duplicate PIN generate hota hai or us pin ko by post aapke address par bheja jata hai..

NOTE – Request new PIN ka option tabhi najar aata hai jab 4 week se jyada samay ho jane ke bad bhi aap PIN verify nahi kar pate.

Aap 3 bar Request new PIN ke liye apply kar sakte ho.. Jaise –

  • 1st August to automatic PIN generate hua hai or 30 august tak aapke pas pin nahi aata to aap Resend new PIN ke liye apply kar sakte ho.
  • Jab aap pehli bar Resend pin ke liye apply karte ho to aapko sirf duplicate PIN code hi send kiya jata hai, yani ki agar pehle wala letter aap tak pahuch jata hai to aap us pin ke jariye bhi apna address verify kar sakte ho.
  • Aise hi aap lagatar 4 week ke gap me 3 bar resend pin ke liye apply kar sakte ho..
  • Or agar lagatar 3 bar Resend new PIN par apply karne ke bad bhi aap tak adsense PIN nahi aati to Adsense aapko ek option deta hai jiske jariye aap without PIN apna address verify kar sakte ho..

Adsense Pin Code Nahi Aa Raha, Address Verify Kaise Karu ?

Jab Address verify nahi hota to aapke blog me adsense ad display hona band ho jate hai. Iski bas ek hi wajah hai ki aapne apna address verify nahi kiya hai. Bahut se blogger tension me aa jata hai ki kyun unke blog par ad show nahi ho rahe. Or isi ke chakkar me wo samajhte hai ki adsense ad disable ho gaya hai or ab kabhi bhi unke blog par ad show nahi honge.

Lekin isme chinta ki koi baat nahi , aisa isliye hai kyun ki aapne apna address verify nahi kiya hai or jab aap apna address verify kar loge to automatic aapke blog par adsense ad show hone lagenge. To ab sawla ye aata hai ki aapne adsense PIN ke liye 3 bar request kar diye lekin fir bhi aapke address par koi letter nahi aai.

Jaisa ki maine aapko pehle bataya ki aap sirf 3 bar PIN request kar sakte ho, or 3 bar PIN request karne ke bad bhi letter nahi aata to aapko Adsense ek form deta hai jisay fill karke aap apne address verify kar sakte ho..

Bina pin code address verify karne ke liye aapko kin kin chijo ki jarurat hogi ?

PIN Verify karne ka matlab hota hai ki aap Asense PIN ke jariye apna address verify karo. Overall Adsense aapke address ko verify karna chahta hai. Or aise me agar 3 bar PIN request ke liye apply karne ke bad bhi PIN nahi aati to Adsense aapko apne address verify karne ke liye dusara option bhi deta hai jiske jariye aapko ek form fill karna hota hai or apne address proof document ko submit karna hota hai.

Address proof document submit karne se adsense aapke address ko verify kar lete hai or aapka Adsense account full activate ho jata hai. Ab baat aati hai ki kon sa document address verification ke liye de.. To aap apne kisi bhi government document ko submit kar sakte ho jisme aapka address mention ho. Jaise –

  • Aadhar card
  • Voter Id
  • Bank passbook
  • Driving Licence

Aap jis document ke jariye apne address verify karne wale ho uska ek pdf file ready kar lijiye. Yani ki apne document ko scan karke usay pdf me convert kar lijiye. Aap ek chij jarur gour kare ki aapne jo adsense me address diya hai wo aapke document me diye gaye address ke sath match hona chahiye.

Agar aapka adsense address aapke document ke sath match nahi karta to sabse pehle aap apne adsense me diye gaye address ko edit kare.

edit adsense address

1. Apne adsense account me apna address edit karne ke liye apne adsense account me login kare or Payments par click kare.

2. MANAGE SETTINGS par click kare.

edit adsense address 2

Name and address ke samne ek EDIT ICON hoga us par click kare or apne address ko edit karke save kare. Bas itna karte hi aap apne address ko edit kar sakte ho.

To friends ab aap samajh gaye hoge ki aapko kis document ki jarurat hogi or wo document me aapka address proof hona jaruri hai.

Adsense Pin Code Nahi Aa Raha, Address Verify Kaise Karu ?

Jab 3 bar pin request karne ke bad bhi adsense ki taraf se koi letter nahi aata to aapko PIN request option ki jagah ek form fill karne ka option milta hai, jisay fill karke aap apna address verify kar sakte ho.

STEP – 1

Request PIN option ki jagah pe ek notification message najar aayega jaha par this form par click karna hai. Yaad rahe ki jab 3 bar PIN request karne ke bad bhi letter nahi aata to aap apne address ko ek form ke jariye verify kar sakte ho, bas aapko this form ke upar click karna hai. (Aap upar diye gaye image ko dekh PIN verification wale page ke sabse aakhir me ek message hai jisme this form likha hai, bas aapko usi this form ke upar click karna hai)

STEP – 2

verify adsense account without pin

1. Aapne jis naam se apna Adsense account banaya hai usay yaha likhiye. Yani ki aapko pana pura naam likhna hai.

2. Apna adsense email id dale. Aap jis email id ke jariye apne adsense account me login karte hi us email id ko dale.

3. Apna Adsense Publisher ID dale. Apna adsense publiser id pata karne ke liye Settings >> account information me jaye.

4. Apne document ko upload kare. Aap jo bhi document submit karo wo pdf file me hona chahiye.

5. SUBMIT par click kare.

Bas itna karte hi within 48 hour aapka address verify ho jayega. or aap apne adsense account ko fully access kar paoge. Jab aapka address verify ho jayega to iski information aapko email ke jariye di jayegi, aap apne Adsense account me Settings >> account information ke jariye ja kar dekh sakte ho ki aapka address verify hua hai ya nahi..

Friends agar aapko hamare diye gaye guide ko samajhne me koi paresani aa rahi hai ya fir aap adsense se related kuch puchna chahte hai to humse comment ke jariye bataye taki hum aapko sabhi problem solve kar sake. HAPPY BOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

10 thoughts on “Adsense Pin Code Nahi Aa Raha, Address Verify Kaise Karu ?

  1. Hamesa ki tarah awsome information share ki hai apane, ye post un sabhi bloggers ke liye bahut helpful hai jinka address verify nahi ho raha hai

Leave a Reply

Your email address will not be published. Required fields are marked *