Agar patience nahi hai to blogging karna chhod do

Posted on

Ek baccha jab paida hota hai tab kya wo chalna or bolna sikh jata ? Nahi iske liye thoda samay lagta hi hai, bas blogging bhi isi tarah hai. Aaj aapne ek blog banaya or aap sochte ho ki jald se jald aapka blog popular ho jaye to ye possible nahi hai. Haan ye possible ho sakta hai agar aapke pas passion ke sath sath patience ho.

Agar patience nahi hai to blogging karna chhod do

Friends aaj hum aise hi ek blogging tips or suggestion ke bare me baat karne wale hai jisay har koi kehta to hai lekin usay follow nahi kar pata. Ji haan aaj hum blogging karne ke doran patience ki baat karnege. Patience ko agar Hindi me kaha jaye to iska matlab hoga सब्र .. Ye word blogging ke liye jitna helpful hota hai utna hi depression or tension se bhara hota hai, kyunki patience karna sabhi blogger ke bas ki baat nahi hoti, or jo patience nahi rakh pate wo blogging se quit kar lete hai lekin. Hum ye nahi chahte ki aap blogging se quit karo, isliye aaj ka article aap sabhi bloggers ke liye hi hai jo ye sochte hai ki blogging me success pana bahut muskil kaam hai.

Agar patience nahi hai to blogging karna chhod do

Humne bachpan me ek kahawat suni thi ki sabr ka fal mitha hota hai.. Aapne bhi ye kahawat jarur suni hogi , lekin  ye baat hum sabko pata hai par kya kabhi is baat ko hum follow karte hai ? nahi.. kyunki sabhi insan ke pas do kaan hote hai , ke kaan se suno or dusare kaan se nikal do..

Aaj har koi aise insan ko follow karta hai jo pehle se successful hai or yahi wajah hai ki hum aisa kuch karte hi nahi jo pehle kisine kiya na ho. Sirf follow karne se kuch nahi hota.. Aapne kisi successful blogger ki earning report dekh kar blog banane ka soch to liya par kya aapne ye socha ki blog banane ke bad mehnat ke sath sath patience ki jarurat hoti hai.

Sabhi jante hai ki blog ke jariye earning ki ja sakti hai , lekin kabhi koi ye nahi kehta ki blog banana to aasan hai lekin usay manage karne ke liye kai saal ka samay lag jata hai.. Or itne saalo tak patience ki jarurat to hogi.

Kuch dino pehle mujhe mere Facebook par ek unknown person ka message aaye , wo apne blog ko lekar bahut tension me tha.. Usne message me ye kaha ki – Bhai me pechle 3 mahine se apne blog par laga hua hu, daily 2-3 post bhi publish karta hu par mere blog ki traffic improve nahi ho rahi.. Bhai mujhe guide kare, kya blogging karna mere liye sahi hoga. Agar kuch hasil nahi hua to meri sari mehnat pani me mil jayegi…

Tab maine unse ek simple sa sawal kiya ki – Waise tum karte kya ho ? usne jawab diye ki me engineering kar raha hu or next year engineering complete ho jayegi..

Fir maine unse ek aur sawal kiye ki – Kya tumhe pura yakin hai ki engineering complete hone ke bad tumhe ek achi jo mil jayegi ?

Wo thoda confuse ho gaya or kuch samay bad mujhe reply kiya ki – Ye to pata nahi bhai, waise bhi aaj kal job milna itna aasan bhi to nahi hai…

At last maine unse ye kaha ki – Engineering karne ke liye tume apne like ka kitna saal spend kiya kya tumhe pata hai ? Almost apne life ka 16 saal.. kyunki +2 ke bad hi engineering ki ja sakti hai or +2 tak aane ke liye almost 12 years ka samay lag hi jati hai or engineering ke huye 4 saal to total aapne apni life ke 16 saal engineering karne ke liye hi study ki hai, or ab aap keh rahe ho ki aapko apne future ka pata nahi… Aapne blogging to abhi abhi start ki hai or aap ko lagta hi ki aapki mehnat bekar ho jayegi, uska kya jo aapne 16 saal study ke liye spend kiya hai..

Mere itna kehne se hi wo samajh gaya ki blogging me bhi samay lagta hai or iske liye patience ki bahut jarurat hoti hai. Agar aap bhi apne blog se paresan ho ki apake blog ki traffic improve nahi ho rahi, adsense approval nahi mil raha to aapki paresani aapke blogging carrier ko barbad kar sakta hai.. Kyunki aise samay me aapko patience rakhna hi hoga…

Aaj bhi kai log mujhe personal contact karte hai , fb me message karte hai ki – me bhi blogging karna chahta, kya ap bata sakte ho ki blogging kitne mahino tak karne se success mil jayegi…. To me un sabhi bhaiyo se yahi kehna chahunge ki blogging me success or failure word hota hi nahi hai, ye to bas ek mentality hoti hai. Agar aap apne blog ko lekar positive attitude or patience rakhte ho to aap apne blog se hamesa khush rahoge or aapka blog hamesa aage badhta jayega..

Kuch dino pehle mujhe ek blogger bhai ke sath call me baat karne ka mouka mila, me unka naam nahi lena chahunga. Agar wo mera ye post read kar rahe hai to unhe pata chal hi jayega ki me kinki baat kar raha hu 🙂 wo daily 10-15 blogging karte hai or unke andar adsense ka kida ghusa hua hai.. Kuch blogger bhai aise bhi hote hai jinko blogging ka diwana kehna galat nahi hoga, aise hi kuch blogger hote hai jinke dimag me sirf adsense ka kida hota hai..

Me jinse phone me baat kar raha tha unke dimag me bhi adsense ka hi kida hai, wo sirf apne blog par adsense ad dekhna chahte hai.. Jo ki kisi bhi blogger ka first priority hoti hai… Lekin yehi first priority ke chakkar me hum apne main priority ko bhul jate hai.

Main priority matlab ” VISITORS “.. Agar aap apne main priority yani ki visitors ke liye blog banaye ho to aap sirf or sirf apne blog visitors ko dhyan me rakhte huye hi post publish karoge.. Or sabhi blogger ki ye main priority ko bhi dimag me rakhna hoga, taki visitors hamare blog par bar-bar aaye or hamara blog dhire-dhire popular ho sake.

Achanak koi bhi blog popular nahi hota , popular hone ke liye sabse jaruri ye hai ki aapke blog ko log jane or dubara aapke blog par visit kare. Agar aap apne blog par ek hi topic se related post publish karte ho to aisa karna koi muskil kaam nahi, lekin iske liye bhi aapko patience ki jarurat hogi.

CONCLUSION

Bina patience ke blogging karna possible hi nahi.. Or hum yahi ummid karte hi ki aaj ka hamara post read karne ke bad aap ye to jarur samajh gaye hoge ki blogging me patience ki kitni jaruart hai. Mujhe blogging karte huye lagbhag 3 saal se bhi jyada ho gaye hai or in 3 saalo me maine bahut patience kiya hai , kabhi blog traffic improve karne ke liye patience to kabhi adsense approval ke liye patience… Or aaj me itna to samajh hi gaya hu ki patience sirf aapke samay leta hai or samay bit jane ke bad accha samay jarur aata hai.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Agar patience nahi hai to blogging karna chhod do

Leave a Reply

Your email address will not be published. Required fields are marked *