Apne Blog Post Ko Impressive Banane Ke Top 10 Smart Tarike

Posted on

Apne Blog Post Ko Impressive Banane Ke Top 10 Smart Tarike… Jab koi blogger pehli bar apne blog par article likhta hai to usme writing skill ki kami hoti hai or wo apne blog par aise aise article likh kar publish karte hai jo sirf uske writing skill ko improve karne ka kaam karti hai. Waise bhi aapko writing ki habit nahi hai to aap pehli hi bar me apne blog par impressive article nahi likh sakoge.

Apne Blog Post Ko Impressive Banane Ke Top 10 Smart Tarike

Jaise jaise samay bitata jata hai waise waise writing skill improve hoti hai or hum samajh jate hai ki blog post ko impressive bananne ke liye kya karna chahiye.

To friends aaj hum apko wahi sabhi tarike batane wale hai jisay follow karne ke bad aaap apne blog post ko impressive or attractive bana sakte ho taki koi bhi aapke article ko read kare to wo impressive ho jaye or aapke article ko pura read kare.

Main ye nahi kehta ki aapki writing skill acchi nahi hai, lekin jaise jaise aap blogging karne me apna samay spend karte jate ho waise waise aapki writing skill bhi improve hoti jati hai.. Or aap apne blogging experience se ye sikh jate ho ki blog post ko impressive kaise banaya jata hai. Bas wahi sabhi tarike aaj hum aapko batane wale jisay aap apni blogging experience se sikhte ho, to chaliye jante hai blog post ko kaise impressive banaye jata hai.

Apne Blog Post Ko Impressive Banane Ke Top 10 Smart Tarike

Aaj jo hum aapko tarike batane wale hai , ho sakta hai ki unme se kuch tarike aapko pehle se hi pata ho.. Fir bhi aap hamare article ko pura jarur read kare taki aap jo tarika apne blog post ko impressive banane ke liye use karte ho uske bare me aapko puri jankari mil sake.

1. Blog Post Title Impressive Banaye

Blog post ka title hi aapke blog post ki identity hoti hai or sabse pehle visitors aapke post title ko hi read karta hai. Agar post ki title impressive hogi to issay visitor ko ek clear view milta hai ki post bhi impressive hogi. Aapne khud dekhe hoga ki jab aap koi new post publish karte ho or usay publish karne ke bad apne social network par share karte ho to us post par social traffic aati hai. Lekin agar aapka post title impressive hota hai tab social traffic kafi badh jati hai.

Maan lijiye ki aap ek post likhna chahte ho jiska title hai Blog Kaise banaye ? To aap khud bataye ki apne blog post k liye impressive title aap kya rakhoge . Niche humne aapko 3 title diye hai ab aap batao ki aap apne blog post ke liye kon sa impressive title rakhna chahoge.

  1. Blog Kaise banaye ?
  2. Blog kaise banaya jata hai ?
  3. Free me blog kaise banaye ?

Agar aapka jawab 3 hai to aapko pata hai ki kaise impressive title banaya jata hai, lekin agar aap 1 or 2 title ke bare me soch rahe ho to aapko thodi creativity ki jarurat hogi. Kehne ka matlab ye hai ki title aisa hona chahiye ki jisay read karne ke bad log attract ho jaye or us post ko read karne ke liye khud ko rok na paye.

Isliye agar aapko apne blog post ko impressive banana hai to sabse pehle aapko apne blog post title ko impressive banana hoga..

Impressive title ka bahut fayda hota hai, maan lijiye ki koi visitor aapke blog post ko read kar raha hai to end me usay related post me bhi impressive title se related post najar aate hai to wo aake blog ke dusare post ko bhi read karna chahega. Jissay aapke blog ki bounce rate bhi kam hogi.

2. Post Title Me Impact Word Use Kare

Impact word jaise – Top, Best, Popular, Free, Smart, Premium, Tips, Trick etc .. Ye sabhi impact word hai jo aapke post title ko impressive or attractive banane ka kaam karti hai. Impact word ko hum magical words bhi kah sakte hai jiske jaadu se visitor attract ho jate hai.

Impact word aapke post title me char chand lagane ka kaam karti hai. Iski wajah se visitor aapke blog post ki taraf attract hote hai or aapke post ko read karte hai. Dekha jaye to aaj Google par jitne bhi search hote hai wo impact word ko lekar hi ki jati hai, aise me aapka blog post impressive hone ke sath sath traffic ko bhi apni aur khichti hai.

3. Post Title Me Number Use Kare

Aap apne blog title ko impressive banane ke liye impact word ke sath sath number bhi use kar sakte ho. Post title me number use karne se visitor ko clearly pata chal jata hai ki aap apne blog post me kitne tarike or points bata rahe ho. Bahut bar aap apne blog post me kuch tips or tarike jarur batate hoge , bas aapko apne us post title me number use karna hai.

Aaj se kuch din pehle maine ek post publish ki thi jiska title tha – Blog traffic badhane ke 111 popular tarike. 

Jab ye article maine publish kiya or apne social network par share kiya to lagbhag 1000 se jyada visitors mere us post ko read kiye, ab aap khud andaja laga sakte ho ki post title me number ka istemal karke hum apne blog post ko kitna attractive or impressive bana sakte hai.

4. Impressive Post Image Use Kare

Blog post ko impressive banane ke liye hume apne blog post se related impressive image use karna chahiye. Agar aapke post title impressive hai or post image impressive nahi hai to iska bad effect padta hai post par or dekha jaye to post ki quality par bhi fark padta hai.

Jab aap apne post ko apne social network par share karte ho to aapke post ka image bhi display hota hai, image agar attractive or impressive hoga to log us par click bhi karte hai.

Post me image hona hi chahiye, post image bhi aapke post ke bare me batata hai ki aapka post kis topic se belong karta hai. Aapko pata hoga ki ek image apne andar ek kai information leye rehta hai, aap kisi bhi image ko dekh kar bata sakte hi ki ye image ki piche ki kahani kya hai.

Thik usi tarah post image aapke post ke bare me batata hai, agar aap apne post se related image use karte ho to ye aapke post ko impressive banane ke sath sath attractive bhi banati hai.

Lekin blog post me aisa image use kare jisay dekh kar logo ko aapke post ko read karne ka maan kare. Aapne google doodle ka naam to suna hi hoga. Jab koi new event hota hai to Google apne icon ko us event ke hisab se change karte hai jisay google doodle kaha jata hai. or google doodle image itna attractive or impressive hota hai log us par click karke information bhi lete hai.

Post ko impressive banane ke liye ek attractive or impressive image aapke blog post par char chand laga sakta hai.

5. Simple Language Me Blog Post Likhe

Impressive blog post ka matlab ye hai ki aisa post jisay read karne ke bad koi bhi impress ho jaye. Or log impress tabhi honge jab wo aapke post ko easily samjhenge. Aapne internet par aise bahut se article read kiye honge jisme di gai information sar ke upar se nikal jati hai, or aise article ko read karne ke bad time waste bhi hota hai. Kya aapko lagta hai ki aapne jo article internet par read kiya wo impressive tha , Nahi na ? To kya aap aisa sochte ho ki aap jo bhi article likhte ho wo logo ko impress karegi ?

Ji haan , agar aapka article log easily samajh jate hai to aapka article impressive ho sakta hai. Kabhi bhi aisa mat socho ki aapko jo pata hai wo aapke visitor ko bhi pata hoga, ho sakta hai ki aap jo article likh rahe ho usay samajhne me visitor ko problem ho.

Bas aapko apne article ko aisa likhna hoga jisay koi bhi read kare, yani ki koi bhi read kare to usay samajh me aa jaye ki aap kehna kya chahte ho. Or aisa karne ke liye aapko apne article ko simple language me likhna hoga, jyada technical language use karke aap apne blog post ko impressive banane ki bajaye irritating banate ho.

6. Starting paragraph strong hona chahiye

Koi bhi visitor blog post ke starting paragraph ko read karte hi identify kar leye hai ki post kitna impressive hai, or yahi wajah hai ki maximum visitor blog ke first paragraph read karne ke bad hi samajh jate hai ki unko full post read karna chahiye hai ya nahi.

Isliye agar aap chahte ho ki visitor aapke full post ko read kare to aapko apne blog post ke first paragraph ko impressive or strong banana hoga. Dekhiye blog post ka first paragraph apne andar wo sabhi short information leye hota hai jisay aap apne post me detail me batana chahte ho, agar aap apne first paragraph ko strong nahi banaoge to aapka pura ka pura blog post impressive nahi ban sakta.

7. Blog Post Introduction Paragraph Add kare

Bahut se blogger apne blog post par point to point information dete hai, matlab ki article start karte hi main information dena chalu kar dete hai. Agar aap bhi aisa karte ho to aapko apne article writing habit ko change karni hogi, kyonki aap jo article likh rahe ho uske bare me information na dena se aapka article impressive ho hi nahi sakta.

Maan lijiye ki aap Facebook me register kise kare ? par article likh rahe ho or aap apne article ke starting me hi Facebook.com par jane ki baat kar rahe to aapka article point to point article ho jata hai jo kabhi bhi impressive nahi ho sakta. Sabse pehle aapko apne article me information paragraph add karne honge jaise –

  • Facebook kya hai?
  • Facebook par account banane ke liye kin kin chijo ki jarurat hogi ?

Agar aap information paragraph add karte ho to visitors ko puri tarah samajh me aa jata hai ki article read karne ke bad unhe jo information milegi wo kis kaam ki hai.. Issay aapka post impressive hone ke sath sath interactive  bhi ho jata hai.

8. Jyada Long Paragraph Na likhe

Jyada long paragraph ko read karne ke doran visitor irritate ho jate hai or sochte hai ki kab ye paragraph khatam hoga. Long paragraph ko koi bhi read karna pasand nahi karta , isliye impressive post likhne ke doran aapko hamesa ye dhyan rakhna hoga ki aap jo bhi paragraph likho wo 200 word ke andar honi chahiye.

9. Header Title Ka Use kare

header title

Jab hum apne blog post me important paragraph lekhte hai to uske uper par ek title jarur use karte hai. Title ko alag look lene ke liye usay Header title me convert karna jaruri hota hai, issya paragraph title or bhi jyada attractive lagta hai or header title ki wajah se aap apne blog post me main point add bhi kar sakte ho jisay aap describe karne wale ho.

Isliye simply apne blog post ko likhne ke bajaye apne paragraph title ko header title me badale taki aapka blog post impressive lage.

10. Blog, italic formate text use kare

Blog post me important lines or word ko focus karne ke liye bold or italic format use kiya jata hai jo aapke blog post me important lines ko attractive bananta hai.

To friends aaj aapne Apne Blog Post Ko Impressive Banane Ke Top 10 Smart Tarike ke bare me jana. Iske alawa bhi aap apni creativity se apne blog post ko impressive bana sakta ho, aap apne blog post me emoji, icon or color text use kar skate ho taki aapka blog post or bhi jyada impressive lage.

Blog post ko impressive banane ke liye aapko apne blog post ki quality ka bhi dhayna dena hota hai , agar aapke post me quality hi nahi hogi to aap apne post ko jitna bhi design kar lo wo attractive to ho jayegi par wo impressive nahi rahegi. Aapko hamesa ye kosis karni hai ki blog post ko jitna ho sakte impressive banaye taki visitors aapke blog post ko read karne ke bad impress ho jaye. Friends agar aapko humse kuch puchna hai ya fir aapko blogging se realated koi problem face karni pad rahi hai to aap hume comment jarur kare taki hum aapki sabhi problems solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Apne Blog Post Ko Impressive Banane Ke Top 10 Smart Tarike

  1. बहुत ही अच्छी पोस्ट है.आपके द्वारा लिखी गयी हर एक पोस्ट में एक Quality मिलती है जो पोस्ट पढने को मजबूर कर देती है.इस पोस्ट में भी आपने बहुत ही अच्छे तरीके से Blog को अच्छा बनाने के बारे में बताया है.अंत में मैं कहना चाहता हूँ की रवि जी आपने बहुत अच्छा लिखा है.

  2. Bahut hi accha artical

    Sir aap ek vaar mere blog pr visit kare or muje bataye ki isame abhi kya kya kamiya hai plz sir plz sir
    Meharbani hogi aapki..

Leave a Reply

Your email address will not be published. Required fields are marked *