Apne blog se bad backlink pata karke kaise remove kare ?

Posted on

489 total views, 6 views today

Blog traffic badhane ke ke liye hum bahut se tarike apnate hai or unme se ek tarika hai backlink banana. Backlink aapke blog ko search engine par accha rank dilane me help karti hai, lekin agar wahi backlink aise website se mil rahi hai jo aapke blog niche se belong nahi karti to usay bad backlink kaha jayega. Bad backlink aapke blog search ranking par effect karti hai jiski wajah se aapke blog ka traffic reduce ho sakta hai.

Aaj hum aapko bad backlink ke bare wo sabhi information dene wala hai jiska janna kisi bhi blogger ke liye bahut jaruri hai, taki bad backlink ki wajah se aapke blog par bura effect na pad sake.

Apne blog se bad backlink pata karke kaise remove kare ?

Sabse pehle aap ye jaan lo ki backlink banane ka main maksad kya hota hai or kis website ke jariye backlink banana kab faydemand hoga.

Good Backlink vs Bad Backlink

Ab aap sochte honge ki ye good or bad backlink hota kya hai. To chaliye aapko ek example ke jariye batate hai – Maan lijiye ki aapne ek technical blog banaya hai, to aap apne blog traffic improve karne ke liye backlink jarur banate hoge. Backlink banan ke liye hum comment or guest posting ka sahara lete hai.

Agar aap apne blog yani ki technical blog se related blog par comment ya fir guest posting karte ho to aapko good backlink milta hai. Lekin wahi agar aap apne blog niche se hatkar kisi dusare blog niche par guest post ya comment karte ho to aapko bad backlink milta hai.

Technical blog ka url link agar kisi health blog ya relationship blog par show hota hai to ye bad backlink kahlayega, yani ki aisa backlink jo useless hai.

Kis backlink ko good backlink kab kaha jayega

  • Same niche blog ke jariye agar aapko backlink milti hai to wo good backlink hai.
  • Agar aapko aise website me backlink mil raha hai jo aapke blog niche se alaga hai lekin us website ka PA, DA bahut accha hai to wo backlink good backlink hai.

Kis backlink ko bad backlink kab kaha jayega

  • Agar aapke blog ko aise website se backlink mil raha hai jo aapke blog niche se alag hai or uski PA DA score bhi bahut kam hai to wo backlink bad backlink hai.
  • Agar aapko kisi prone site, spam site se backlink mil raha hai to wo bad backlink hai.
  • Kuch blogger backlink banane ke liye backlink bhi buy karte hai, or unhe aise aise website se backlink milta hai jo ki unke niche se alag hote hai, aise paid backlink ko bad backlink kaha jayega.

Friend aapko ye to clear ho gaya hoga ki good or bad backlink hota kya hai , ab chaliye aapko batate hai ki bad backlink kaise create hota hai..

Khud ki galti se bad backlink banana

Backlink banana bahut aasan hai, khas kar jab hum comment tke jariye backlink banaye. Or yahi aasan kaam hum un sabhi blog or website par karte hai jo hamare blog niche se alag hote hai. Matlab ki blacklink banane ke chakkar me hum aise aise blog or website par comment karne lagte hai jo hamare blog niche se alag hote hai. Aise me bad backlink bante hai, jo ki khud ki galti ke karan hota hai.

Hamare blog ke liye koi aur backlink bana raha hai

Aap ye jaan kar surprise jarur honge ki koi aapke blog ke liye bhi backlink bana sakta hai. Jaisa ki maine kaha ki backlink banana bahut aasan kaam hai khas kar jab hum comment ke jariye backlink banaye. Or aise me koi bhi aapke blog ka backlink spam website par create kar sakta hai.

Ab aap sochte honge ki aisa kaise ho sakta hai ki koi hamare blog ka backlink banaye. To aapne ek kahawat to suni hi hogi, jisay me ek naye tarike se aapko bata raha hu ki – Everything is fare in love, war and blogging.

Matlab ye hai ki aapke blog ka jo bhi competitor hai wo aapke blog ko jarur compete karna chahega or aise me agar wo aapke blog ka bad backlink bananta hai to aapka blog search engine par accha perform nahi kar payega , jissay aapka competitor aapko compete karne me success ho jayega.

Blogging ek competition ki tarah hai, hum isay friendly competition ke tarah lete hai. Lekin kuch jealous blogger ko lagta hai ki agar kisi blog se aage nikalna hai to usay gira do.. or aisa karne ke liye wo aapke liye bad backlink create karne me lag jate hai.

Ab aap puri tarah samajh gaye honge ki bad backlink kaise create hoti hai, ab chaliye apako batate hai ki bad backlink se blog par kya asar padta hai.

Effect of bad backlink

Jaisa ki aap sabhi jante ho ki google search engine me 200 se bhi jyada ranking factor hai jo ye decide karta hai ki kon sa website ya blog search engine ke top result me show hona chahiye. Or unme se ek ranking factor hai backlink. Agar aapka blog me sirf good backlink hai to aapka search rank accha hoga or agar aapke blog me bad backlink bahut jyada hai to aapko search engine me accha rank nahi milega.

Good backlink jaha aapke blog ko search engine me accha rank dilane or traffic improve karne me help karti hai wahi bad backlink aapke blog ko search engine par rank nahi karne deti or iski wajah se blog traffic bhi improve nahi hota.

Maan lijiye ki mere blog me total 30 backlink hai jisme se 10 good backlink hai or 20 bad backlink hai. To search engine jab bhi mere blog ko crawl karegi to mere blog ko apne search result me rank karne ke liye usay scan karegi or usay pata chal jayega ki mere blog me kitne good backlink hai or kitne bad backlink. Or aise me search engine mere blog ko accha rank nahi karegi.

Bad backlink ka pata kaise kare ?

Bad backlink ko remove karne se pehle aapko ye janna jaruri hai ki kis kis website se aapko backlink mila hai. Apne blog ka backlink janne ke liye niche diye gaye guide ko follow kare.

Apne blog se bad backlink pata karke kaise remove kare

1. Apne blog ke Google webmaster tool me jaye or Search Traffic par click kare.

2. Links to Your Site par click kare.

3. Yaha aapko total backlink ke bare me bataya jata hai. Jaisa ki aap upar diye gaye image me dekh sakte ho ki hamare blog me total 3821 backlink hai.

4. Backlink list dekhne ke liye More >> par click kare.

Apne blog se bad backlink pata karke kaise remove kare 2

1. Yaha aapko apne blog ke sabhi backlink najar aayenge, bas apko Download this table par click karke apne sabhi backlink ke list ko download karna hai. Apne backlink list ko download karne ke liye Download this table par click kare.

2. Download this table par click karte hi ek popup box open hoga jaha par aapko CSV select karna hai.

3. CSV select karne ke bad OK par click kare.

Aapka backlink excel file download ho jayega jisme aapke blog se sabhi backlink ke bare me information milegi ki kis website se aapko backlink mil raha hai. Bas aapko apne download kiye huye excel file ko open karna hai or apne blog ke sabhi backlink website ko dekhna hai ki kon sa website se aapko bad backlink mil rahe hai.

Aisa karke aap easily apne blog ke bad backlink ka pata laga sakte hai. Ab aapko pata chal gaya ki aake blog ke bad backlink kon kon se ab main kaam ye hai ki kaise in sabhi bad backlink ko apne blog se remove kiya jaye.

Bad backlink ko kaise remove kare ?

Bad backlink ko remove karne ka sabse best tarika hai ki hum Google search engine ko bataye ki ye bad backlink hai or isay index na kare. Aapne jo backlink list download kiya hai usme agar aapko lagta hai ki kuch backlink aise hai jo aapne nahi banaye hai to aap un sabhi link or jo bad backlink hai uska ek list bana lijiye.

Basically aap apne backlink website ka naam dekh kar hi andaja laga sakte ho ki ye spam backlink hai ya natural backlink. Bas aapko apne sabhi bad backlink ka apne notepad me list bana lena hai.

Maan lijiye ki aapke apne blog me 5 aise website mile jo aapko bad backlink de raha hai to aapko un pacho website ke naam apne notepad me kuch ish tarah likhna hoga –

domain:website1.com
domain:website2.com
domain:website3.com
domain:website4.com
domain:website5.com

Aapko har website ke aage domain: likhna hai or uske bad website ka naam likhna hai jo aapo bad backlink de rahe hai, ek line me sirf ek website ka naam likhe.

Notepad me sabhi bad backlink website ka naam likhne ke bad notepad ko save kar lijiye. Aap apne text file ko kisi bhi naam se save kar sakte ho.

Ab aap Google Disavow website ko open karo.

1. Google Disavow website par jane ke bad apne website ko select kijiye. Aapko usi website ko select karna hai jisko bad backlink mile hai.

2. DISAVOW LINKS par click kare.

DISAVAW LINKS par click karte hi ek warning message show hoga , jisme kaha jata hai ki agar aapko sach me lagta hai ki aapke blog me aise Spam backlink hai jo ki aapke blog ke liye khatra hai to aap usay remove kar skate ho. Bas yaha aapko Disavow Links par click karna hai.

1. Aapne notepad ke jariye jo backlink list save kiya hai usay Choose File par click karke select kare.

2. Submit par click kare.

Submit par click karte hi aapka text file upload ho jayega, text file upload hone ke bad Done par click kare.

Bas itna karte hi Google Search engine par aapke blog ka bad backlink remove hone ke liye submit ho jayega. Or kuch hi hafto me aapka bad backlink ko google deindex kar dega.

Friends hum aapne blog ko safe rakhne ke liye bahut kuch karte hai lekin jab baat aati hai bad backlink ki to hum sochte hai ki kaise inko remove kiya jaye, kuch blogger apne bad backlink ko remove karwane ke liye us website ke owner se contact bhi karte hai ki backlink remove kar do. Lekin kisi se request karne ke bajaye hum search engine ko bata sakte hi kis website ke backlink ko index karna hai or kisay nahi. Bas aapko hamare diye gaye guide ko follow karna hai or bina kisi paresani ke aap apne bad backlink ko search engine se remove kar sakte hai.

Agar aapko aaj ka hamara post accha laga ya fir aapko hamare guide follow karne me koi paresani aa rahi hai to aap hume jarur bataye taki hum aapki problem solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Apne blog se bad backlink pata karke kaise remove kare ?

  1. बहुत ही काम में आने वाली पोस्ट है। आपने एक अच्छा तरीका बताया तथा इस टॉपिक पर पूरी जानकारी पब्लिश की। Bad Backlinks Blog को नुकसान पहुंचाती है। इस लिए इनको Remove करना बहुत ज़रूरी है। एक अच्छी Quality Post जो नए व पुराने दोनों Bloggers के लिए काम आएगी लिखने के लिए आपका बहुत आभार, RAVI जी।

Leave a Reply

Your email address will not be published. Required fields are marked *