Article Kaise Likhe ? Smart tips in Hindi

Posted on
Smart2Blogging Wish You Happy Diwali Click Here

402 total views, 5 views today

Hello friends , aaj ka hamara post un sabhi logo ko dedicated hai jo article likhte hai ya fir article likhna chahte hai. Article likhne ke liye aapke andar writing skill honi bahut jaruri hai. Aapne dekha hoga ki bahut se aise log hote hai jinhe baat karna or har topic par lecture dena aata hai lekin jab unhe kuch likhne ke liye kaha jaye to wo sochte reh jate hai ki kya likhe or kaise start kare.

Article Kaise Likhe Smart tips in Hindi

Aaj aap janoge ki kaise article likha jata hai or article likhne ke liye apni writing skill kaise improve kare.

Article kaise likhe ye janane se pehle aapko ya janan behad jaruri hai ki article hota kya hai or article kon likh sakta hai ?

Article hota kya hai ?

Article ko agar hindi me kaha jaye to iska matlab hota hai लेख . Agar koi apne knowledge ko likhta hai to usay article kaha jata hai. Article ke jariye aap apni information dusaro ke sath share kar sakte ho.

Artile ya लेख kisi chij ke bare me bhi ho sakti hai.. Jaise – Health article, love article, tech article, motivational article etc. Article ke jariye aap apni thinking or experience ko duniya ke samne rakh sakte ho.

Article kon likh sakta hai ?

Article likhen ke liye writing skill ki jarurat hoti hai lekin iska matlab ye nahi ki jinke pas writing skill nahi wo article nahi likh sakte. Article koi bhi likh sakta hai, bas article ki quality me difference hoti hai. Agar dekha jaye to duniya me  2 type ke log hote hai –

  • Bak-Bak karne wale log – Jo log hamesa kuch na kuch bak-bak karte rehte hai, unhe gossip karna bahut pasand hota hai , lekin agar aise logo ko article likhne ke liye kaha jaye to wo sochne me apna time spend kar denge par jyada kuch likh nahi payenge. Lekin agar aise log writing practice kare to apni writing skill or article likhne ka talent develop kar lenge.
  • Chup-chap rehne wale log – Jo log hamesa chup chap rehte hai, logo ke sath jada baatain nahi karte, kabhi apni taklif share nahi karte.. Aise logo ke mind me hamesa kuch na kuch chalta rehta hai or inki thinking or express karne ki power bahut strong hoti hai. Agar aise log article likhte hai to article likhne me jyad paresani nahi hoti, wo apni thinking power ke jariye bahut accha article likh sakte hai.

To friends ab aapko clear ho gaya hoga ki article hota kya hai or kis type ke log article likh sakte hai. Lekin ek baat yaad rakhiye ki article koi bhi likh sakta hai par article likhne ke liye practice ki jarurat hoti hai. To chaliye ab hum aapko batate hai ki article likhne ke liye kis type ki practice karne ki jarurat hoti hai.

Article likhne ki practice kaise kare ?

Kisi bhi kaam ko perfectly karne ke liye aapko practice karne ki jarurat hoti hai, or agar aap high quality article likhna chahte hai to sabse pehle aapko article likhne ki practice karni hogi. Aisa nahi hai ki aap pehli bar koi article likhne ja rahe ho or pehli hi baar me aapki article likhne ka skill develop ho jaye. Article writing skill develop karne ke liye aapko practice ki jarurat hogi. Aap niche diye gaye point ko follow kare or sabse pehle apni writing skill ko improve kare.

1. Distubance na ho – Article likhen ke liye mind ka full concentrate hona bahut jaruri hai, agar article likhne ke doran aap bar bar apne mobile ke message check karoge, ya aapke ghar me tv chal raho ho ya bacche paresan kar rahe ho to aapka concentration toot jata hai, Aise me aap article likh nahi paoge.

Article likhne ke liye silent environment ki jarurat hoti hai. Article likhne se pehle ye jarur dhyan rakhe ki aapka mind bilkul shant ho or aapko disturb karne ke liye aapke pass koi na ho.

2. Soche fir likhe – Jis topic par aapko article likhna hai uske bare me pehle soche ki kya kya point article me hone chhaiye or kis kis point ko jyada focus karna hai. Agar aap pehle se prepare ho jayenge to aapko article likhne ke dorana jyada sochna nahi padega.

Me hamesa jis topic par article likhta hai us topic ko ek din pehle hi select kar leta hu or pure din apne topic ke bare me sochta rehta hu, issay mujhe wo sare points ko likhne me aasani hoti hai jisay me apne article me likhna chahte hu. Agar aap achanak se koi topic par article likhoge to aap samajh nahi paoge ki aapko apne article me kya kya likhan hai , isliye hamesa pehle apne article ke bare me soche fir likhe.

3. Articles read kare – Jitna ho sakte aap article read karo. Article read karne se ek basic idea mil kati hai ki article kaise likhna chahiye. Aap internet ki help se bahut se article read kar sakte ho. Issay aapka knowledge bhi improve hoga or aapko ye bhi pata chal jayega ki article kaise likha jata hai.

4. Small article likhne se suruwat kare – Aisa nahi ki hi aap jo bhi article likho wo 1000 words se jyada ka hona chahiye. Aap starting me 300 se 500 word ka article likhne ki kosis kare. Or dhire dhire word count ko improve karo.. Agar aap pehle hi soch logo ki article 1000 words ka hoga to aap kuch likh hi nahi paoge.

 

5. Daily kuch na kuch likhe – Hamesa ek hi kaam karne se aap us kaam me dhire-dhire perfect hone lagte ho. Agar aap daily kuch na kuch article likhoge to aap apne writing skill or thinking power ko develop kar sakoge jo ki article likhne ke liye bahut jaruri hoti hai.

In sabhi points ko dhyan me rakhte huye aap article likhne ki practice kar sakte ho , jaise jaise aap article likhte jaoge waise waise aapka article writing skill improve hota jayega. Lekin article likhen ke liye kuch baato ka aapko khayal rakhna hoga, jissay aap apne article ke jariye dusaro ko confuse na kar sake.

Ek article me information ke sath sath interaction ki bhi jarurat hoti hai, or agar aapka article logo ke sath communicate nahi kar pata to aapka article koi bhi pura read nahi karega. To chaliye aapko batate hai ki ek article ko kaise informative or interactive banaya jaye ?

Article Kaise Likhe ? Smart tips in Hindi

Kisi bhi article ka informative ko interactive hona bahut jaruri hai, taki koi bhi aapka article full read kare or unhe unke sawalo ke jawab mil sake. Maine internet pe bahut se aise article read kiya hai jo bahut hi informative hote hai par unme se bahut se article aise hote hai jo batate to kuch nahi par hamara time barbad karte hai.

Agar aap chahte ho ki aapka article sabhi read kare or unka samya bhi barbad na ho to aapko apne article ko informative or interactive banana hoga.

Kisi bhi article ke 4 section hote hai.

  1. Introduction section.
  2. Main section.
  3. Conclusion section.
  4. Thanks giving section.

In 4 point ko apne article me add karke aap pane article ko informative ke sath sath interactive bhi bana sakte ho. To chaliye inke bare me aapko detail se bata de.

1. Introduction Section

Ye kisi bhi article ka introduction part hota hai. Agar aap koi article likh rahe ho to sabse pehle uske bare me short detail bataye, or ye bhi bataye ki aap apne article me kya information dene walo ho , kyon de rahe ho.

For example – Maan lijiye ki aap ATM kaise use kare ke bare me ek article likh rahe ho to aapko Introduction section me ATM ke bare me basic detail likhna hoga, jaise – Aaj hum aapko ATM kaise istemal kiya jata hai uske bare me batayenge lekin sabse pehle ye jarur jaan le ki Atm hota kya hai, Atm kyon jaruri hai, atm use karne ke fayde kya hai..

Introduction section bahut hi strong hona chahiye taki jo bhi aapke article ko read kare unhe ye pata chal jaye ki article ko pura read karne se unhe kya fayda hoga, or wo kya janege.

Bahut se aise log bhi hai jo artilcle ke introduction section me kuch aise likhte hai jo unke topic se belong nahi karta, aise article ko koi bhi read karna pasand nahi karta.

2. Main Section

Main section me apko apne article ka full information dena hai. Apne introduction section me jo kuch bhi jankari di thi usay yaha detail me samjhana hai. Apne article ko interactive banane ke liye aap apna real life experience share kar sakte ho.

Logo ko aise article read karne me accha lagta hai jo unke life ke kuch pal ko flash karta ho. Agar aap pane article me apne expernece share karte ho to aapka article interactive ho jata hai or log aapke aarticle ko pura read karte hai.

For Example – Maan lijiye ki aap ATM kaise use kare ke bare me ek article likh rahe ho to aapko main section me ATM ke bare me full information deni hogi, or apne article ko interactive banane ke liye real life experience share karni hogi, Jaise – Jab mujhe ATM machine use karna nahi aata tha tab me apne friends ya kisi bhi vyakti ko kehta tha ki paise nakal do , tab mujhe thoda ajib lagta tha ki mere pas atm card hote huye bhi me khud se paise nahi nikal sakta hu. Tab maine socha ki atm use karna itna muskil bhi nahi or me bhi isay use karna sikh sakta hu.

Aapke article ka language jitna simple hoga log usay easily samajh sakenge or aapko apne article ke jariye interact karne me bhi koi problem nahi hogi.

3. Conclusion section

Yaha aapko apne article ka main point batana hai. Issay ye hoga ki logo ko aapke article ek overall view mil jayega or log aapke article ko samajh jayenge. Aap conclusion section me extra points bhi likh sakte ho.

Aapko apne school ke din to yaad hi honge, jab bhi school me koi bhi chapter complete hota tha tab teacher hume us chapter ka overall revise karati the taki wo chapter ke main main point hume yaad ho jaye. Bas aapko aisa hi karna hai aapko apne readers ko revise karana hai ki unhone aapke article ko read karne se kya mila or kya unhe nahi karna chahiye.

For example – Agar me ATM kaise use kare article ka conclussion section likhunga to kuch aisa hoga – Ab to aap puri tarh samajh gaye honge ki atm kaise use kiya jata hai, lekin aapko ye baat dhyan me rakhni chahiye ki atm use karne ke bad turant aap atm machine ko chhod ke na chale jaye. Kabhi kabar aisa hota hai ki paise nikalne ke bad hum atm machine turan chhod ke chale jate hai or apna atm card wahi par bhul aate hai. Aisa mere sath bhi hua hai.

4. Thanks Giving Section

Yaha aapko apne readers ke sath interact karne ka mouka milta hai. Thank giving section me apne readers ko thank kahe kyonki unhone aapka article pura read kiya hai or unhe ye bhi bataye ki agar aapki ye article acchi lagi to isay apne friends or relative ke sath jarur share kare.

Hum apne article readers ko ek guest ki tarah dekh sakte hai, jise aapko puri tarah satisfy karna hai, taki ko khush ho jaye. Agar reader khus to aapka article bhi popular ho jayega.

To friends is article me aapne jana ki article likhne ki practice kaise kare kare or article kaise likhe. Lekin at last ek sawal aata hai ki article likhne ke liye kitne words ka use kiya jaye . Agar aap apne article me 4 section ko add karte ho to aapka article 1000 words se jyada ka hoga.

Lekin agar aap apne article ko simple rakhoge to aapka article 500 words me hi complete ho jayega. Dekhiye kisi bhi article me main section to hoti hi hai or main section hi kisi bhi article ka back bone hota hai. Par article writing skill improve hone ke sath sath apke article ke introduction section, conclusion section or thanks giving section strong hota jata hai.

English me ek kahawat hai ki Practice Make A Man Perfact… Bas aapko practice karni hai or pane article writing skill ko improve karna hai..

To friends aaj ka hamara article Article Kaise Likhe ? Smart tips in Hindi aapko kaisa laga hume comment ke jariye jarur bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *