Article writing skill kaise improve kare ? 5 Smart Tips in Hindi

Posted on

Ek perfect or impressive article likhna itna aasan nahi hai par aap kuch smart tips ko follow karke apne article ko sabse impressive bana sakte ho, or jab koi aapke article ko read kare to usay pura read kare. Agar aapko blogging karna pasand hai to aapko pata hoga ki aapke blog me jitne bhi article aapne publish kaye hai unme se kuch hi article sabse accha perform karte hai or unhi par sabse jyada comment aate hai, iski wajah ek hi hai ki aapka wo articles dusare article se jyada behtar likha gaya hai…

Aaj hum isi topic me discuss karnege or aapko batayenge ki kaise aap apne article writing skill ko improve karke apne article sabse alag or impressive bana sakte ho… To chaliye jante hai..

Article writing skill kaise improve kare 5 Smart Tips in Hindi

Article writing skill kaise improve kare ? 5 Smart Tips in Hindi

1. Apne article topic par research kare

Aap jis topic me article likhna chahte ho uske bare me aapko knowledge to hoga hi, or apne isi knowledge ko improve karne ke liye aapko apne article topic par research karna hoga or research karne ke liye Google search se behtar koi dusara option hai hai..

Maan lijiye ki aapko  “ SEO ki jankari ” topic par article likhna hai, to aapko pata hona ki aap apne article me kya likhna chahte ho or aapko apni knowledge improve karne ke liye isi topic ko Google par search karna hoga..

Aap jis topic par article likhna chahte ho us topic ko Google me search karo or un sabhi article ko read karo jo already Google ke top search result me available hai.. Aisa karne par aapko apne article se related wo sari information milegi jo aapko nahi pata, or ultimately aap apne article ko behtar tarike se likh sakte ho..

Ek behtar article usi ko kehte hai jo dusare article se jyada information deta ho or jisay read karne par sabhi doubt clear ho jaye..

Suggestion : Aisa karne par aapko ek benefit hoga ki aap jo article likhne wale ho uske bare me aapko bahut acchi or jyada information milegi or jis website me aap apne article ke liye research karoge usme comment ke jariye apna backlink bhi bana sakte ho.. To hai na sone pe suhaga..

2. Make it simple

Humne aise bahut se website dekhe hai jo apne articles me aise language ka istemal karte hai jisay samajhna thoda muskil hota hai, aap ne bhi aise articles read jarur kiye honge. Agar aapne apna blog Hindi me banaye hai to simple Hindi language ka use kare taki aapke articles ko read karne walo ko samajh me aa sake..

Jab maine apni blogging ki suruwat ki thi tab mujhe lagta tha ki jo log articles likhte hai wo apne article me wo sabhi words ko use karte hai jo samajh me nahi aate , technical words use karke hum apne aapko ek accha writer samajhne lagte hai or apne articles me unhi words ko use karte hai jo aasani se samajh me na aaye…

Jab bhi koi aapke article ko read karta hai to wo kuch information gain karna chahta hai agar aapke article me aise hard words use kiye huye honge to aapke visitors confuse ho jayenge ki ya hai kaya..

Jo log professional writer hote hai wo bhi apne article ko simple to understand hi likhte hai, taki log usay bahut aasani se samajh sake. Isliye hamesa ye dhyan me rakhe ki aap jo bhi article likho wo simple hona chahiye jo sabhi ko samajh me aasa ke.. Or rahi baat writing skill ko improve karne ki to aap wahi language use karo jissay aap easily kuch bhi explain kar sako..

3. Spelling mistake na ho

Aapne ek accha article likha or usay publish bhi kardiye, lekin jab koi us article ko read karta hai to unhe bahut sare spelling mistakes milte hai to kya aapka article koi pura read karega ? Nahi, koi bhi aapka article pura read nahi karna chahega, kyonki spelling mistake ki wajah se logo ko kuch samajh me nahi aata ki aapne kya likha hai..

Article writing skill ko improve aap tab hi kar sakte ho jab aapke writing me koi quality ho, agar aap jo bhi article likhte ho usme bahut jyada spelling mistake hai to aapke article writing ki quality nahi hai, isliye ye bahut jaruri hai ki article ko publish karne se pehel aap usay ek bar read jarur kar le, taki aapke article me jo bhi spelling mistakes hai usay aap sudhar sako…

Apne article ko cross check karke aap kuch points bhi ad kar sakte ho jisay aapne apne article me nahi likha hai.. Ye habit aapke writting skill ko improve karne me aapki help karegi..

Bahut se blogger hai jo apne blog par articles likhte hai or usay bina cross check kiya publish bhi kar dete hai.. wo sirf apne post count ko improve karne me lage huye rehte hai, lekin unhe apni galti ka ehsas tab hota hai jab unke blog par aane wale visitors comment ke jariye batate hai – Aapne article ko accha likha par aapke article me spelling mistake bahut hai .

4. Practice kare

Article likhne ke liye sabse pehle apna ek target set kare ki aapko kitne words ka article likhna hai, article me kon-kon se part ko cover karna hai.. Article likhne se pehle aapko pata hona chahiye ki aap jo likhne wale ho wo kitne words ka hoga.. Isi ke hisab se aapko practice karni hogi, or daily aapko apne article me word count ko improve karna hoga..

Practice karne se hi aapke article likhne ki skill improve ho sakti hai. Aisa nahi hai ki aap aapne ek article likhne ka socha or usay aapne likha bhi lekin 10 din ke bad aapne koi dusar article likha.. Agar aapko apne writing skill ko improve karna hai to aapko daily kuch samay writing ko deni honge tab ja kar dhire-dhire aapki writing skill develop hogi..

Aise bahut se blogger hai jinhone apna blog to bana liya lekin unhe ye pata nahi ki unhe likhna kya hai.. Aise blogger bhaiyo se me itna hi kehna chahunga ki aap kosis to karo, apna mind set change karo or article likho .. Kyonki bina practice or kosis ke koi bhi kaam kiya nahi jata..

5. Communicative article likhe

Ek article ko read karne wale or jisne wo article likha hai dono ke bich me ek communication create karta hai. Or yahi communication aapke article me bhi hona chahiye.. For example – Jab aap apne family members, relatives ya fir apne kisi friend ko koi suggestion dete ho ya kuch batate ho to kaise baat karte ho ? Usi tarah se aapka article hona chahiye, apne article ko aisa likhe ki log uske sath communicate kare..

Iska matlab ye hai ki aap apna article aisa likho ki maano aap apne article ke jariye uske readers se baat kar rahe ho. Ek article ka communicative hona behad jaruri hai taki aapko kuch bhi samjhane me koi paresani na ho..

Aap apne artical me apna real life experience share kar sakte ho taki aisa lage ki aap apne readers ke sath baat kar rahe ho..

To friends aap bhi apne writing me in 5 skill ko utilize karo or apne article writing skill ko improve karo. Dekha jaye to blogging sirf aapke writing skill ko improve karne ka kaam karta hai or agar aap continuous blogging karte ho aapki writing skill improve ho hi jati hai, lekin agar pehle se aapko writing skill improve karne ka tarika pata ho to aap kam samay me smarty apne writing skill ko improve kar sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Article writing skill kaise improve kare ? 5 Smart Tips in Hindi

Leave a Reply

Your email address will not be published. Required fields are marked *