Blogger ya blogspot Blog ka email id (login id) kaise change kare ?

Posted on

Blogger ya blogspot Blog ka email id kaise change kare ?.. Jab aap apna first blog banate ho to kuch na kuch galti jarur hoti hai hai , or inhi galtiyo me se ek galti hai ki hum apne blog ko us email id ke jariye banate hai jo hamare pass extra hota hai. Maine bhi jab apna first blog banaye tha tab me bhi confuse tha ki apne real wale email id se blog banau ya fir koi dusara email id create karu. Us samay internet par jyada information na hone ki wajah se or privacy ke chalte maine apna dusara email id banaya or uske jariye blog create kiya.

Apne dusare email id ke jariye blog banane me koi dikkat to nahi hoti kyunki blog to koi bhi bana sakta hai, lekin jab hum apne dono email id ko ek ke bad ek access karne lagte hai to thodi peresani jarur hoti hai.

Blog ka email id kaise change kare ?

Kai log apna blog ko kisi ladki ke email ke jariye banate hai. Pehle wo apna email id kisi ladki ke naam se banate hai fir uske jariye hi apna blog banate hai. Ye sach hai ki agar aap boy ho or agar aap apne social network par koi link share karte ho to koi aapke link ko like, share or visit nahi karta. Wahi agar aapne kisi ladki ke naam se apna blog banaye hua hai or usay kisi ladki ke naam se link share karte ho to maximum log aapke link ko like, share, comment or visit karne lagte hai. Jiski wajah se blog traffic bhi improve hone lagti hai.

Mujhe yaad hai jab maine blogging ki suruwat ki thi tab kuch hi mahino me maine 100 se bhi jyada post publish kiya tha, me apne social site me apne blog post ko share karta par social traffic hi nahi milti. Ek din maine kisi girl ke Facebook profile par check kiya ki usne apna ek new blog banaya hai or usne apne blog link share kiya hai. Jab me unke blog ko visit karke dekhta hu to unke blog par sirf ek hi post the , lekin usi ek post me 50 se jyada comment ho chuke hai. Tab me samajh gaye ki agar koi ladki apne blog ko social network par promote karti hai to uske blog par traffic jaise bhi aa hi jati hai.

Agar aap bhi aisa kuch soch rahe ho ki kisi girl ke email id or profile bana kar apne blog ko run kiya jaye , to aisa karna sahi nahi hai. Or agar aapne kisi fake email id ke jariye apna blog banaya hai to aapko apne blog email id change kar lena chahiye.

Blog banane ka matlab hi hota hai ki aap khud apni identity banao, or fake email id ke jariye aapki identity nahi banti.  Aaj hum aapko iske bare me batane wale hai or aaj aap janoge ki blogspot blog ka email id kaise change kiya jata hai. Lekin sabse pehle aap ye jarur jaan lijiye ki blog ka email id change karna kya jaruri hai ?

Blogger blog ka login email id kyu change kare ?

Agar aapne apne kisi fake id ye fir apne kisi extra email id ke jariye apna blog banaye hua hai to aapko apne email id change kar lena chahiye.

For emample – Mana lijiye ki mere pas 3 email id hai

  1. ravi.saw01@gmail.com
  2. ravi.saw02@gmail.com
  3. soniya.sha00@gmail.com

Agar me upar diye gaye pehle 2 email ke jariye blog banata hu to issay koi problem nahi hogi kyunki dono email id me mera naam show ho raha hai, lekin agar me 3rd wale email id ke jariye apna blog banata hu to issay aage chalkar problem ho sakti hai. Or sabse badi problem hai Adsense , ji haan agar aapne apna aise email id ke jariye apna blog banaya hua hai jisme aapka naam hi nahi hai to Adsense approval process me problem aa sakti hai.

Adsense sirf real email id ko accept karta hai. Maan lijiye ki aapka naam Sanjay hai or aapne Soniya ke naam se apna email id banaye hai or soniya email id ke jariye blog bhi banaya hai to , jab aap adsense ke liye apply karoge or aapka adsense account approve ho jayega to Adsense aapke address ko verify karne ke liye ek letter bhejegi, jo ki aapne apne fake name ke jariye apan blog banaye hai isliye aapke address verification me problem aa jayegi. Or isi wajah se aapka adsense account band bhi ho sakta hai.

To friends apna aapko jyada confuse maat kijiye or apne blog email id ko apne real email id ke sath replace kar dijiye. Taki future me koi problem na ho.

Blogger ya blogspot Blog ka email id (login id) kaise change kare ?

Jaisa ki aap sab jante ho ki Blogger.com Google ka hi ek service hai jaha hum apna khud ka blog create kar sakte hai , jiske liye hume gmail id or password ki jarurat hoti hai. Agar aapne apna account google me create kiya hua hai to aap easily apne id or password ke jariye Blogger.com me sign-in kar sakte ho. Lekin jab baat aati hai blogger.com me email id change karne ki to bahut se blogger ko ye pata nahi hota ki kaise apne blog ka email id change kare.

Aaj hum apne is article me aapko batayenge ki kaise aap apne blog ka email id ko dusare email id ke sath replace kar sakte ho. To aaiye jante hai…

Blogger Blog ka email id kaise change kare ?

STEP – 1

Blog ka email id kaise change kare ?

Agar aap Setting >> Basic me jaoge to aapko apna email id najar aayega , jo ki aap blog ke owner ho isliye aap apne blog ke admin huye. Admin ka matlab hota hai blog ka owner.. Agar aapko apna email id change karna hai to Add Authors par click kare.

STEP – 2

Blog ka email id kaise change kare ?

Ab aapko wo email id type karna hai jisay aap apne original email id ke sath replace karna chahte ho. Email id type karne ke bad Invite Authors par click kijiye.. Jis email id ko aapne type kiya us par ek mail jayega. Ab aapko apne mail ko check karna hai or Invitation ko accept karna hai.

STEP – 3

Blog ka email id kaise change kare ?

Accept Invitation par click karne ke bad kuch process ko follow karna padega… Pura process complete hone ke bad jab aap pane dusare id se blogger.com par login karoge to aap pane blog ko access kar sakte ho lekin iski ek limitation hai, jo ki aapne apne usare email id ko author banaya hai isliye aap apne blog ko dusare email id se puri tarah access nahi kar sakte.

STEP – 4

Blog ka email id kaise change kare ?

Ab aapko apne original email id se apne blogger.com par login kare.. Setting >> Basic me jaye or Author ko Admin ke sath replace kare..

Itna karte hi aapke blog ka 2 admin ho jayega… Ab aap apne naye wale email id se blogger.com par login kare or Setting >> Basic me jakar purane wale email id ko remove kar de..

Thats’s it… Aapka email id blogger.com se replace ho jayega… Friends is tutorial ki help se aap apne email id ko replace kar sakte ho.. Agar aapko apne blog se related kuch bhi problem ho rahi hai to humse jarur commnet ke jariye bataye taki hum aapke sabhi problem ko solve kar paye,. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *