Blog ka title, description or URL kaise change kare ?

Posted on

Title, description or URL kisi bhi blog ka main or important part hota hai. Aap isay blog ki identity bhi kah sakte ho. Aapke blog ka URL hi batata hai ki aapke blog me kis type ke article or post available hai. Or URL se related hi hum apne blog ka title bhi select karte hai.

Agar aapko SEO yani ki search engine optimize ke bare me thodi si bhi knowledge hai to aapko ye jarur pata hoga ki blog ka title, description or url hi sabse main role play karte hai SEO ke liye.

Blog ka title, description or URL kaise change kare

Starting me jab koi blog banata hai to usay apne blog ka title or URL fill karne ko kaha jata hai or aise me aap apne blog ka title or url to select kar dete ho, par kuch samay bad aapko lagne lagta hai ki aapne jo title or url select kiya tha wo to aapke blog se match nahi karta. Aise me aapko apne blog ka title , description or url change karna hi hoga taki search engine aapke blog ko thik se samajh sake.

Jo log apna naya blog banate hai unke sath bhi aisa hota hai ki confusion me aa kar wo apne blog ka title or url kuch aisa rakh lete hai jisay unhe future me change karna padta hai. Aisa mere sath bhi hua tha, jab maine apna pehla blog banaya tha to uska naam maine fairidea.blogspot.com rakha tha, but dhire-dhire jab maine blogging karna suru kiya to mere blog ka url or blog content ek dusare ke sath match nahi huye.

Waise to me apne blog fairidea.blogspot.com par Hindi relationship article pubish karta tha, or kuch time ke bad mujhe lagne laga ki maine jo url select kiya hai wo mere blog content ke sath match nahi karte hai. Ab mujhe apne blog ka url change karna tha.. Or maine aisa kiya bhi, maine apne blog ka naam acchibaat.blogspot.com select kiye jo aaj bhi live hai.. or jisay maine wordpress par transfer bhi kar diye hai. Aap mere first blog ko visit karke dekh sakte ho.. Acchibaat.com

Anyway me kuch jyada hi apne vistors ke sath interact kar leta hu,  please bura nahi maniyega kyonki me apne article me wahi likhta hu jo maine khud experience kiya hai or mujhe lagta hai ki experience share karne ke kisi bhi information ko share karne ka maja hi kuch or hai….

To chaliye ab hum aate hai apne main topic par ki Blog ka title, description or URL kaise change kare ? Lekin sabse pehle ye jaan lijiye ki blog title, description or url change karne ya fir na karne se SEO par kya effect padta hai..

Jo bhai blogging me naye hai unhe ye pata nahi hota ki SEO hota kya hai? SEO ka matlab hota hai search engine aapke blog ko kaise identify karegi.. Agar isay or simple Hindi me samjha jaye to SEO ka matlab hai ki hum apne blog ko kuch is tarah design kare ki search engine ko hamare blog ko read karne me koi problem na ho..

Blog ka title, description or URL SEO ke liye kyon jaruri hai ?

Blog URL – Jaise aapke ghar ka address hote hai waise hi ye aapke blog ka address hai. Iske jariye log aapke blog par aate hai. Isay hum ek exmple ke jariye samjhane ki kosis karenge – Maan lijiye ki maine aapke ghar me ek letter post kiya lekin jab postman aapke ghar me letter deliver karne gaya to usay pata chala ki jis naam se letter aaye hai wo naam ka koi aapke ghar me rehte hi nahi. Ab aap search engine ko ek postman ki tarah samajh sakte ho jo aapke blog par aapke blog url ke jariye aata hai, lekin jaise hi wo aapke blog par aata hai to usay ye pata chalta hai ki aapke blog ka url or apke blog ka content match nahi karte or wo return chala jata hai..

Maine ye example aapko isliye diye kyon ki aap samjhoge ki aapke blog ka url aapke blog ke liye kitna important rakhta hai. Or ye SEO ke liye bhi bahut jaruri hai..

Blog Title – Aapne bahut se ghar me nameplate to dekhe hi honge, thik waise hi blog title aapke blog ka name plate hota hai. Blog title aapke url se match hona chahiye.. aap apne blog title ki jagah apne blog ka logo bhi laga sakte ho.

Blog description – Blog description aapke blog ka short description hota ha jo search engine ko aapke blog ke bare me batati hai. Aapne apne blog url ke jariye to bata diye ki aapka blog ka address kya hai par aapke blog me kya kya content hai uska short description bhi aapko dena hoga, or aap blog description ke jariye aisa kar sakte ho.

Ye 3no ek dusare se interlinked hai isliye in 3no ko aapko apne blog content ke hisab se change karna hoga. To chaliye jante hai ki kaise inhe edit kare.

Blog ka title, description or URL kaise change kare ?

Blog ka title, description or URL kaise change kare

1. Sabse pehle apne blogger dashboard me login kare or Settings par click kare.

2. Basic par click kare.

3. Title change karne ke liye Title Edit option par click kare.

Blog ka title, description or URL kaise change kare

Edit par click karte hi aapko title edit karne ka option najar aayega. Yaha aapko apne blog ka title apne blog url ke hisab se rakhna hoga. Title likhne ke bad Save changes par click kare.

4. Description change karne ke liye Description Edit par click kare.

Blog ka title, description or URL kaise change kare

Edit par click karte hi aapko apne blog ka description add karne ka option najar aayega. Yaha aapko apne blog ka short description likhna hai.. Description 500 characters tak ho sakta hai.

5. URL edit karne ke liye url edit option par click kare.

Blog ka title, description or URL kaise change kare

Aisa karte hi aap apne blog url ko edit kar sakte ho. Aap upar diye gaye image me dekh sakte ho ki aap apne blog url ke sirf first section hi edit kar sakte ho, jo ki aapne apna blog blogger.com par banaya hai isliye aapke jo bhi url choose karoge uske aakhir me blogspot.com rahega.. Par agar aap apne blog ka url change karna chahte hi to aapko sabse pehle ek domain buy karna hoga or usay apne blog ke sath connect karna hoga.. Iske bare me full jankari ke liye ye post read kare – Blog url kaise change kare ?

To friends aapko ye to pata chal gaya hoga ki kaise aap apne blog ka title , description or url change kare. Agar aapko fir bhi koi doubt hai to humse comment ke jariye bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *