Blog Ka Traffic Kaise badhaye ?

Posted on
Smart2Blogging Wish You Happy Diwali Click Here

852 total views, 6 views today

Jab hum blog traffic ki baat karte hai to sabse pahle hum apne visitors counts ki taraf dekhte hai, aaj aapke blog par agar 1000 visitors aaye hai to jaruri nahi hai ki kal bhi aapke blog par 1000 hi visitors aayenge. Ek blog ka traffic yani visitors count measure karta hai ki aapka blog kitna SEO or visitor friendly hai.

Blog traffic na hone ki kai wajah ho sakti hai or unhi wajaho ko sudharke hum apne blog ki traffic ko improve kar sakte hai. 

Kis wajah se Blog ka traffic improve nahi hota ?

  1. Aapke blog me quality content nahi hai.
  2. Apke blog ka SEO sahi nahi hai.
  3. Aap jo tamplate ya theme use karte ho wo mobile friendly nahi hai.
  4. Aapka site bahut hi slow hai.
  5. Aap apne published post ko social media par share nahi karte.
  6. Aap apne comments ka reply nahi karte.
  7. Regularly apna blog update nahi karte.
  8. Aapke blog ka design sahi nahi hai.
  9. Aapke blog ka navigation system sahi nahi hai.
  10. Aapke blog me bahut sare ads aate hai.
  11. Aapke blog me ek popunder window open hota hai.
  12. Apne blog ke jariye aap jo information dete ho wo outdated ho gaya hai.
  13. Aapke blog ka content to sahi hai par aapke article ka title sahi nahi hai.
  14. Bar-bar apne blog ka template ya look change karna.

In sabhi wajaho ke karan hamare blog ke traffic improve nahi ho pata. Maina jab bhi blog ki baat karta hu to usay ek shop (dukan) se compare karte hu. Agar maan lijiye ki aapne ek new shop open kiya hai jaha fast food milta hai… Aapne apne shop ki grand opening ki , pehle to logo me ye iccha hogi ki ‘ dekha jaye ki inke shop ki chijo ka taste kaisa hai ‘ … Agar aapke shop ki chijo ko log pasand karte hai to wo aapki shop par dubara aayenge..

Wahi agar aapke shop ki chijo ko log pasand nahi karte to wo kabhi aapki shop par nahi aayenge..
 
Kahne ka matlab ye hai ki agar aapke blog me quality content nahi hai to aapke blog me dubara koi nahi aayega….

To ab aap jaan chuke hai ki kis wajah se aapke blog ki traffic improve nahi ho pa rahi hai.. Aaiye jante hai ki isay kaise sudhara jaye.

Blog Ka Traffic Kaise badhaye ?

1. Aapke blog me quality content nahi hai.

Iske bare me humne aapko pehle bhi kaha hai ki agar aapke blog par quality content nahi hai to visitor aapke article ko starting se end tak read nahi karenge. Quality content likhne ke liye aap pehle google search kare. 

For example – agar aap Blog Ka traffic Kaise badhaye topic par likhna chahte ho to pehle isay google par search karke dekh lijiye.. 2-3 website se information lijiye, agar aap unse behtar or naya kuch likh sakte hai tabhi is topic par article likhiye… Quality content matlab dusaro se behtar or unique.

2. Apke blog ka SEO sahi nahi hai.

Search engine optimism jise hum SEO bhi kahte hai, ye bahut important role play karta hai aapke blog post ko search engine par ek particular position me lane ke liye. Agar aap blogspot blog use karte ho to apna sitemap google webmaster par submit kariye, par aagar aap wordpress use karte ho to Yoast SEO Plugin aapke liye best hai. 

3. Aap jo template ya theme use karte ho wo mobile friendly nahi hai.

Mobile or computer ka screen size me bahut different hota hai, agar aapka blog mobile par bhi computer jaisa display kare to visitors ko navigation karne me problem hogi. Jiski wajah se aapke visitor aapke blog par dubara wapas hi nahi aayenge.. Isliye aap apne blog par aisa template use kare jo ki mobile friendly ya responsive ho.
 
Ye hamesa yaad rakhe ki blog par maximum visitor mobile ke through aate hai.
 
Responsibe theme ya template screen size ke hisab se apne aapko change kar leti hai.

4. Aapka site bahut hi slow hai.

Ek normal blog ya website ko opne hone me 0.5-4 second ka samay lagta hai.. Agar aapka blog ka opening time 4 second se jyada hai to aap aap apne template ko change kar dijiye, kyonki aapke content ko visible karne ke liye template use kiya jata hai, agar aapka blog template slow hoga to aapke blog ko bhi slow kar dega…

Kaise apne blog ki speed pata kare ?

Aap apne blog ki loading speed pata karne ke liye Gtmetrix website par jake apne blog URL ko submit kare.
For Example : Agar main apne blog smart2blogging.blogspot.com ko Gtmetrix website par search karta hu to…….
To mere blog ka loading speed 2.3 second hai jo ki kafi accha hai…
 

5. Aap apne published post ko social media par share nahi karte.

Maan lijiye aapne aaj ek naya post publish kiya hai or aapne usay apne social network par share nahi kiya. Aapko pata hoga ki aapka naya post search engine par index hone ke liye liye 24 hours ka samay leta hai. 

Matlab ki aapka naya post 24 ghante bad search engine par show hone lagega, par kya guaranty hai ki log aapke naye blog post ko read karne ke liye google par search karenge.. Jiski wajah se aapka post thik se logo ke bich nahi pahuch pata or log aapke post ko read bhi nahi kar pate.
Isliye jab bhi aap apna koi naya post publish kare tab usay apne social network par jarur share kare.

6. Aap apne comments ka reply nahi karte.

Ye bhi ek wajah hai jiske karan visitor aapke blog dislike karte hai or dubara aapke blog par nahi aate. Ek samay tha jab main blogging se related ek question google par search kar raha tha but mujhe us question ka answer nahi mila tab main kisi blog par comment ke jariye apna question pucha, par mujhe mere sawal ka jawab hi nahi mila.. main daily us bog par jata tha ki sayad aaj kisine mere question ka answer diya hoga.. But aisa nahi hua..

Friend visitors information gain karne ke liye internet ka use karte hai , agar aap apne visitors ki queries ko satisfy nahi kar pata ya fir apne visition se aapka relation thik nahi hai , tab bhi aapke blog ka traffic nahi badh sakta. 
 
Isliye apne blog ke visitors ke sath ek relation banaye or unke har comment ko answer kare.

7. Regularly apna blog update nahi karte

Agar aap mahine me 1-2 post publish karte hai to aapko blogging karna chod dena chaiye. Kam se kam hafte me 2 article jarur publish kare. Kyonki jaha baat aata hai blogging ki to waha bahut competition hai. Har blog dusare blog ko pichhe chodna chahta hai, ye ek race ki tarah hai thoda sa bhi aaram aapke liye mahanga pad sakta hai, jisay aapki blog ranking par asar padega.

Apne blog ki ranking janne ke liye aap Alexa website ki help le sakte hai. Is website ko open karke isme apna blog URL type kare or search kare.
 
For example : Agar main facebook.com ko Alexa website par search karta  hu to mujhe iski ranking ke bare me pata chalega.
Aap bhi apne blog ki ranking ka record rakh sakte hai, agar aapko apne blog par visitor increase karni hai to pahle aap apne blog ko regularly update kare. 

8. Aapke blog ka design sahi nahi hai.

Blow ki traffic badhane ke liye aapke blog ka design bhi perfact hona chahiye. Kuch blog apne blog post par excerpt use nahi karte balki full artlcle use karte hai. Jaise aap hamare blog ke home page pe jayenge to aapko blog post najar aayenge with excerpt..
 

Apne blog post me excerpt dekar aap apne blog ki navigation or design improve kar sakte ho. Aapke blog ka backgroung color soft or light hona chahiye taki aapke visitor ke aankho ko paresan na kare. Aapke fonts visible hone chahiye.

9. Aapke blog ka navigation system sahi nahi hai.

Navigation system ka bhi main roal hota hai aapke blog ki traffic badhane ke liye. Har blog post ke niche or bich me reated post dale. Menu bar me sabhi main topic ya category ko rakhe. Issay aapke blog par aane wale visitor aapke blog par jyada time spend karenge or wo aapke bog par dubara bhi aayenge.

10. Aapke blog me bahut sare ads aate hai.

Earning to har blogger karna chahte hai par agar aapke blog par traffic nahi hai to aapki earning bhi kam hogi, isliye kai blogger apne blog par bahut sare ads dalte hai taki unki earning increase ho sake. But aisa karne se wo apni earning ke sath-sath traffic bhi khote jate hai. Aisa kabhi na kare , apne blog me jyada ads ka istemal na kare, jissay aapke blog par aane wale visitor ko paresani ho.

11. Aapke blog me ek popunder window open hota hai.

Maximum blogger apne blog par aise script use karte hai jo ki aapke blog page open hote hi ek backgound window open kar deta hai. Ye bahut hi annoying moment hota hai blog visitor ke liye. Apne blog ko simple or easy to assess banaye.

12. Apne blog ke jariye aap jo information dete ho wo outdated ho gaya hai.

Agar aapka blog technology se related hai to aapko apne blog post ko bhi hamesa update karna jaruri hai, kyonki aapne jo information di hai wo kal ko outdated ho jayegi..

13. Aapke blog ka content to sahi hai par aapke article ka title sahi nahi hai.

Aapne content to bahut hi accha likha hai par aapke content ka title agar sahi nahi hua to aapke content ko read bahut kam honge, Jaise har movie ka ek title hota hai jissay wo movie log pasand ya dekhte hai.. Aise hi aapke har content ka tital itna impressive hona chahiye ki log usay pasand kare.

14. Bar-bar apne blog ka template ya look change karna.

Apne blog ka bar-bar look change karne se aap khud confuse ho jaoge ki aap khud apne blog ko navigate kaise karo.. Visitors bhi aapke blog ko isi najariye se dekhte hai. Isliye apne blog ka look unique or perfect rakhe or hamesa isay change karne se bache.

Conclusion : 

Overall agar aapke blog par quality content, easy navigation, SEO, Look or Title acche na huye to aapke blog ka traffic badhne ki bajaye kam hota jayega. Isliye aap pane blog ko user friendly banane ki kosis kare taki aapke blog par aane wale visitors aapke blog par bar-bar visit kare. Agar aapko hamari ye article acchi lagi ya fir aap humse kuch puchna chahte hai to comment jarur kare. Happy blogging

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *