Blog ke liye About Us Page Kaise Banaye Or About Us Page Me Kya Likhe?

Posted on

Blog ke liye About Us Page Kaise Banaye Or About Us Page Me Kya Likhe ? Jab hum kisi blog ke owner ke sath contact karna chahte hai to sabse pehle us blog ke contact us page ko visit karte hai wo usi ke jariye blog owner ke sath contact kar pate hai, waise hi agar hume kisi blog ke privacy policy ke bare me janna hota hai to hum us blog ki privacy policy page par visit karte hai. Contact Us page or Privacy policy page kisi bhi blog ki identity hoti hai jiski help se koi bhi visitor blog ke jariye di gai services or contact information ka use kar sakta hai.

Blog ke liye About Us Page Kaise Banaye Or About Us Page Me Kya Likhe

Thik isi tarah blog me About Us page blog ke bare me batati hai. Ek blogger hone ke naate hume apne blog par aapne wale visitors ko welcome karne ke liye hum About us page banate hai or isi page ke jariye hum apni story or blogging experience visitors ke sath share karte hai.

Agar aap bhi apne blog ke liye About Us page banana chahte ho to aaj ka hamare post aapke liye bahut helpful rahega. Aaj aap janoge ki About us page kaise banaye jata hai or About us page ko kaise likha jata hai.

Maine bahut se blog me dekha hai or aapne bhi dekha hoga ki unka about us page me sirf thodi si information hoti hai or wo bhi sirf owner ke bare me. Agar aapne bhi apne about us page me sirf apne bare me likhe ho to ye incomplete about us page hai.

Mera manna ye hai ki About Us page kisi bhi blog ki ek parchai yani shadow hoti hai jo overall ye batati hai ki blog banane ka maksad kya hai or blog kisne or kyun banaye hai.

To friends agar abhi tak aapne apne blog ke liye about us page nahi banaya hai to aaj ka hamara post aap pura jarur read kare taki aapko wo sabhi ideas mil jaye jissay aap apne about us page par likh sako jissay visitors aapke about us page ko read karke inspire ho jaye or aapke blog ke fan ho jaye. To chaliye sabse pehle jante hai ki about us page kaise likha jata hai..

Blog ke liye About Us Page Kaise Banaye Or About Us Page Me Kya Likhe

About Us Page Kaise Likha Jata Hai ? About Us Page Kaise Banaye

About Us page banane se pehle aapko About Us Page ka matlab samajhna hoga. About Us ka matlab hota hai hamare bare me, matlab ki blog or owner ke bare me.. Isliye sabse pehle aapko apne aapko introduce karna hoga.. Chaliye aapko step by step batate hai ki about us page kaise likha jata hai.

1. Apne Bare me likhe

Jab bhi koi user aapke blog ke About Us par ko read karne ke liye aata hai to sabse pehle wo ye janna chahega ki blog ka jo owner hai wo kaun hai or kya karta hai. Or aapko apne About Us page me sabse pehle apne bare me simple introduction likhna hoga, taki visitor ko ek clear idea mil jaye ki blog ka owner kaun hai or uski basic detail kya hai.

Yaha aapko apna naam, country , education or passion ke bare me likhna hoga. Jab aap apne visitor ke sath About Us page ke jariye interact karte ho to sabse pehle aapko apne bare me batana chahiye taki visitor aapke bare me jyada se jyada information hasil kar sake.

Aap kisi bhi popular blog ka about us page read kar ke dekh sakte ho, jab aap unke about us page ko read karoge to aap khud inspire ho jaoge. Waise bhi About Us page hi dusare logo ko inspire karta hai blogging karne ke liye. Isliye aapke blog ka About Us page me sabse pehle aapko apne bare me likhna hai.

2. Blog kyun banaya hai

Self introduction ke bad aapko apne visitor ko batana hoga ki aapne apna blog aakhir banaye kyun hai. Waise bhi bahut se blogger dusare blog se inspire ho kar apna blog banate ha, agar aap bhi kisi dusare blog se inspire ho kare apna blog banaye hai to aap About Us page par isay jarur mention kare.

3. Apne blog me kis language ka use karte ho

Aapko apne visitors ko batana hoga ki aap apne blog me kis language ka use karte ho or kyun karte ho. Jaisa ki aap hamare blog ko dekh sakte ho ki hum apne blog me Hinglish language ka use karte hai, kunki hum Hinglish language likhne me comfortable feel karte hai or hum Hinglish me kuch aisa nahi likhte jisay samajhne me koi problem hoti hai. Aise hi aapko apne About Us page me language selection ke bare me describe karna hai.

4. Aap apne blog me kis topic par article likhte ho

Har blog ka ek particular topic hota hai or usi topic se related article publish ki jati hai. Bas aapko apne visitor ko batana hai ki aapne jo blog banaye hai usme aap kis topic par article publish karte ho. For example – aap hamare blog ko dekh sakte ho , hum apne blog par sirf blogging se related hi article publish karte hai or hum apne blog ki help se un sabhi bloggers ki help karte hai jo blogging me success pana chahte hai.

5. Apni experience share kare

Aap kistne saalo se blogging kar rahe ho ya fir aap kaise blogging me aaye iske bare me apne visitors ko bataye. Visitors dusare logo ki experience read karna bahut pasand karte hai or agar aap apne About Us page me apne experiences share karte ho to ye aapke About Page par char chand lagane ka kaam karti hai.

6. Apne bare me kuch personal information dijiye

Aap pane visitors ko apne job , study or lifestyle ke bare me jankari dijiye. Waise to blogging karna bahut hi aasan hota hai lekin bahut log sochte hai ki part time blogging karne ke liye samay kaha se nikale, aise me agar aap apni personal information apne visitors ke sath share karoge to wo bhi apke About Us page se inspire or impress ho jayenge.

7. Apna ek accha sa photo lagaye

Aap apne About Us page me khud ki image jarur lagaye, kyunki agar koi aapke bare me janna chahta hai to wo ye jarur dekhna chahega ki blog ka owner dikhne me kaise hai. Isliye aapko apni ek acchi si photo about us page me jarur lagani chahiye.

8. Visitors ko blog ko subscribe karne ke liye jarur kahe

Jab bhi koi visitor aapke blog ke About Us page ko read karta hai to uske mind me ek curiosity hoti hai blog ke bare me jyada se jyada information gain karne ki, aise me agar aap apne visitors ko apne blog ko subscribe karne ke liye kehte ho to blog subscribe karne ke chances kafi badh jate hai. Isliye apne visitors ko blog apne blog ko subscribe karne ke liye jarur kahe.

9. Apne social link share kare

Har blogger apne social network jaise – Facebook, twitter, google+, Instagram par jarur active rehta hai, aise me aapko apne social links apne About Us page par jarur share karne chahiye taki visitors aapko socially follow kar sake or aapke bare me jyada se jyada information le sake.

10. About Us page ko simple language me likhe

Simple language ko koi bhi easily samajh jata hai or agar aap apne About Us page ko simple language me likhte ho to koi bhi visitors aapke About Us page ko read karne ke doran boring fell nahi karta. Aisa jaruri nahi hai ki About Us page ko read karne wale sabhi visitors aapki technical language ko samajh payenge or isiliye aapko apne About Us page ko simple language me hi likhna hoga.

Conclusion

Humne aapko jo 10 point bataye hai jaruri nahi hai ki aap in sabhi 10 point ko follow karo , lekin aapko ek baat dhyan me jarur rakhni hai ki aap apne About Us page ko aise likho ki jaise aap directly apne visitors ke sath baat kar rahe ho or visitors aapki baat sun rahe hai, aapke About Us page me ek flow hona chahiye taki jab bhi koi aapke About Us page ko read kare to wo end tak read kare or aapke blog se inspire ho jaye.

To friends aapne ye to sikh liye ki About Us Page ko kaise likha jata hai, ab chaliye aapko batate hai ki apne blog me about us page kaise banaya jata hai..

Blogger Blog me About Us Page Kaise Banaye ?

Blogger Me Contact Form Page Kaise Banaye Ki Jankari Hindi me

1. sabse pehle apne blogger dashboard me jaye or Pages par click kare.

2. New page par click kare.

how to create about us page in blogger

1. Title me About Us likhe

2. Apne bare me or apne blog ke bare me wo sabhi baatain likhe ko aap About Us page ke jariye apne blog readers ko batana chahte ho.

3. Publish par click kare.

Publish par click karte hi aapka About us page create ho jayega.. Lekin kuch bloggers apna About Page banane ke bad confuse ho jate hai ki apne page ko blog me kaise show kare, to chaliye friends aapko iske bare me bhi batate hai.

About Us page ko menu bar me kaise lagaye ?

Apne About Us page ko menu bar me lagane se pehle aapko apne About Us page ka URL janna jaruri hai, sabse pehle aap apne About Us page ka URL copy kar lijiye. Agar aapko nahi pata ki kaise apne blog page ke URL ko copy ki jati hai to aap niche diye gaye guide ko follow kare.

how to craete about us page in blogger 2

1. Pages pare click karne par aapko apne blog ke sabhi pages najar aate hai jisay aapne publish kiya hai.

2. Hume apne About Us page ka URL copy karna hai isliye aap apne mouse pointer ko About us ke upar rakhe, jaise hi aap apne mouse pointer ko About us ke upar rahte ho waise hi aapko uske niche kuch option najar aate hai. Bas aapko View ke upar right click karna hai or URL ko copy kar lena hai.

how to create about us page in blogger 4

1. URL link copy karne ke bad Layout par click kare.

2. Menu ke Edit option par click kare.

 

how to create about us page in blogger 7

1. New Site Name – Yaha aapko About Us likhna hai.

2. New Site Url – Yaha par aapko apne About Us page ka URL paste karna hai.

3. Add Link par click kare.

how to create about us page in blogger 8

1. Add Link par click karte hi About Us ka link create ho jayega, aap upar diye gaye image ko dekha sakte ho ki hume About Us ka link add kiya hai.

2. Up or Down arrow ki help se hum About Us ka menu location change kar sakte hai. Jaisa ki aap image me dekh sakte ho ki About Us sabse pehle dikhai de rahe hai, iska matlab ye hai ki menu bar me About Us sabse pehle najar aayegi. Iski location change karne ke liye down arrow par click karna hoga taki ye niche aa sake.

3. Sab setting ho jane ke bad Save par click kare.

Ab aap apne blog ko visit karke dekhe, aapke menu bar me About us page ka link add ho gaya hai.

To friends aaj aapne sikha –

  • About us page kaise likha jata hai ?
  • About Us Page Kaise Banaye jata hai ?
  • About us page ka url link kaha se copy kare ?
  • About us page ko menu bar me kaise lagaye ?

Or hume puri ummid hai hi aaj ka hamara post aapke sabhi doubt clear kar chuke honge. Agar fir bhi aapko humse kuch puchna hai to aap hume comment jarur kare taki hum aapki sabhi problem solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *