Blog ko kaise design kare 28 step by step guide Hindi me

Posted on

Ek newbie blogger ke liye ye sabse importent sawal hota hai ki apne blog ko kaise design kare ? Or aisa isliye hai kyonki har koi apne blog ko dusare blog se behtar design karna chahte hai. Blog ko design karne ke chakkar me bahut se aise blogger hai jo apne blog par daily ek naya theme lagate rehte hai or wo itne confuse ho jate hai ki wo ye decide nahi kar pate ki blog ko sahi tarike se design kaise kiya jata hai.

Blog ko kaise design kare 28 step by step guide Hindi me

Blog ka look aapke blog content me chaar chaand lagane ke kaam karti hai. Agar aap apne blog ke jariye apni khud ki alag identity banana chahte hai to aapko apne blog ko aisa design karna hoga jo sabse alag or unique ho. Lekin ek sawla mere mind me aata hai ki kya sirf blog ke design ko hi accha hona chahiye ? Nahi, apko apne blog design ke sath sath apne blog ke content par bhi dhyan dena hota hai, kyonki blog ka design agar accha hai or aapne jo post likha hai wo accha nahi hai to blog design karne ka koi fayda nahi.

Or reality me aisa hi hota hai, aaj internet par kaise lakho, kadoro website or blog available hai jinka design to accha hai lekin unke site ke content acche nahi hai. Isliye blog design se jyada aapko apne blog content par dhyan dena chahiye, kyonki mera manna ye hai ki blog design sirf aapke blog post ko serve karne ka kaam karti hai or agar aapka blog post accha nahi hai to overall aapka blog bhi accha nahi hai.

For example – Aap apne blog ko ek hotel ki tarah samajh sakte ho jaha aap apne aane wale customer ko dish serve karte ho, agar aapke hotel ka look, interior, or design accha hai lekin aapke hotel ke jo bhi dish di jati hai usme taste nahi hai to kya koi customer aapke hotel pe aayega.. Nahi, aisa ho hi nahi sakta, agar koi customer aapke hotel me aa bhi gaya to wo dubar aapke hotel me kadam bhi nahi rakhega.

To friends ab aap samajh gaye honge ki ek blog ke liye uska design kitna mayne rakhta hai. To chaliye aapko hum wo sabhi tarike batate hai jissay aap apne blog ko acche se design kar sakte ho or sath me apne blog ke content ko kaise design karoge taki aapka blog ke look improve ho sake.

Blog ko kaise design kare 28 step by step guide Hindi me

Step 1 – Blog content improve kijiye

1. Kam se kam 10 post likhiye

Bahut se new blogger apna blog banane ke bad hi apne blog ko design karne me lag jate hai. Ya fir 1-2 post karne ke bad apne blog ka template change karne lagte hai. Agar aap bhi aisa karte ho to aisa karne se koi fayda nahi hoga, kyonki bina blog post ke aap apne blog ko design hi nahi kar sakte.

Agar aap apne blog ko design karna chahte ho to sabse pehle apne blog me kam se kam 10 post publish kijiye. 10 post publish karne ke bad hi aap apne blog ko design kar sakte ho or aapko clearly pata bhi chalega ki aapka blog kaisa dikh raha hai.

Blog ko design karne ka matlab hota hai apne blog post ko acche se display karwana or agar aapke blog par ek bhi post nahi hai to aap apne blog ko design kar hi nahi sakte..

2. Blog me page create kare

Blog me kuch important page hote hai jisay aapko create karna hi hota hai jaise – about us page, privacy policy page , contact us page etc.. Ye sab page hi aapke blog ka main page hote hai jiski jarurat aapko blog design karne ke doran hoti hai. Isliye blog ko design karne se pehle aapko sabhi important page bana lena chahiye jisay aap easily blog design karne ke doran inhe use kar sako.

Friends bahut bar aisa hota hai ki log apne blog ko design kar rahe hote hai or sochte hai ki menu bar me contact page ka link lagana hai par contact page to banaye hi nahi, aise hi bahut si baatain hume blog design karne ke doran yaad aati hai or hum blog design karne ke chakkar me apne blog ko jaise taise design kar dete hai. Par issay kya aap apne blog ko wo look de paoge jo aap chahte ho ? Nahi, isliye blog design karne se pehle aapko apne blog par 10 post or important page publish karne honge.

STEP 2 – Template change kare

3. Template change kare

Blog ko design karne ka sabse important or jaruri kaam hota hai ki apne blog ke template ko change karna. Aapko pata hoga ki blog me jo default template hote hai unka look or design bahut hi simple hote hai .. Jisay design karna or na karna ek jaisa hi hai.

Isliye aap apne blog ko jaisa dekhna chahte hai uske hisab se template select kijiye or usay apne blog par lagaiye. Kosis kare ki aap apne blog ke liye aisa template select karo jisay aap future me nahi badloge, kyonki hota ye hai ki maximum blogger apne blog par apne pasand ka template laga to lete hai lekin kuch dino bad template ko change bhi kar dete hai.

Bar bar template change karne se aapko bar bar apne blog ko design karna padega or agar aap aisa karte ho to aap apne blog ko kabhi bhi ek unique look nahi de sakte. Isliye jaldbaji me koi aisa template apne blog par na lagaye jisay aapko aage chalkar badalna pade.

Aapko internet par bahut se aise template mil jayenge jisay aap free me download karke apne blog par use kar sakte ho. Bas aapko ye decide karna hai ki aapka blog kaisa dikhna chahiye or usi ke hisab se template search kijiye.

4. Mobile template disable kare

Blogger blog me template change karne ke bad bhi agar aap apne mobile ke jariye apne blog ko open karke dekhoge to aapka blog waisa nahi najar aayega jaisa aapne template change kiya hai, aisa isliye kyonki blogger blog me mobile ke liye ek default template set rahta hai, jisay hum easily disable kar sakte hai.

blog design kaise kare blog mobile template disable karke

1. Apne blogger dasboard par login kare or Theme par click kare.

2. Setting Icon par click kare. ( upar diye gaye image ko follow kare )

3. No. Show desktop theme on mobile device. ko select kare.

4. Save par click kare.

Bahut se blogger apne blog ke design ko lekar bahut tension me rahte hai ki unka blog computer screen me kuch aur or mobile screen me kuch aur najar aata hai. Aapko bas apne blog ka mobile template disable karna hai. Aisa karte hi aapne jo template apne mobile ke liye lagaye hua hai wo mobile or computer me ek jaisa najar aayega.

Blog design kare

blog dwsign kaise karte hai

Kisi bhi blog me 4 section hote hai-

  1. Header section
  2. Main section
  3. Sidebar section
  4. Footer section

In charo section ko hi design karne hota hai. To chaliye aapko in sabhi ko kaise design karte hai uske bare me batate hai.

STEP 3 – Header section ko design kare

5. Apne blog ka logo banaye

Blog ka logo hi aapke blog ka nameplate hota hai, jab bhi koi aapke blog par aata hai to sabse pehle aapke blog ke logo ko hi dekhta hai. Isliye blog ka logo bhi aapke blog design ka ek important part hai or isay aap ignore nahi kar sakte.

Aapko apne blog ke liye ek accha sa or stylish logo banana hoga. Aap online bhi apne blog ke liye free me logo bana sakte hai ya fir photo shop ki help le sakte ho. Bas aapko apne blog ka sundar sa logo banana hai or usay apne blog par lagana hai.

6. Apne blog me Favicon lagaye

blog favicon

Jab apna blog open karte ho to aapke blog ka favicon browser tab me najar aata hai. Ye choti si chij lagti to choti hai lekin ye bhi blog design ka ek hissa hai. Jab aap apne blog ko open karte ho to aapke browser tab me aapke blog ka default favicon display hota hai.

Agar aapne apna blog blogger.com me banaye hai to aapke blog me blogger favicon display hoga, jo ye batata hai ki aapka blog blogger.com ke jariye bana hai. Apne blog ko professional look dene ke liye aapko apne blog ka favicon change karna hoga taki koi bhi aapke blog favicon ko dekh ke ye na kah sake ki ” ye blog to blogger.com pe bana hai ” 🙂

7. Menu bar create kijiye

Jab bhi aap koi theme apne blog par change karte ho to aapko uske menu bar ko edit karna hota hai. Aap apne blog menu bar ko edit kare or usme apne blog content , page category ka link lagaye.

Menu bar aapke blog ko navigate karne ke liye use kiya jata hai or isay design karna bhi bahut jaruri hai. Aap apne blog par drop-down menu bar bhi laga sakte ho jissay aapka blog ek professional website ki tarah najar aaye.

STEP 4 – Main Section design

Blog ke main section me hi aapke blog ka post show hota hai, or isay bhi design karna jaruri hai. Jab bhi koi visitor aapke blog par aata hai to sabse pehle wo aapke blog header ko dekhta hai or uske bad aapke blog main section ko read karta hai, aise me agar aap apne blog post ko acche se design nahi karoge to aapke blog ka design bhi kharab dikhega.

8. Blog post font ke size ko set kare

Internet par aapko aise bhaut se blog mil jayenge jiska font size itna chota hota hai ki usay read karne me problem hoti hai, aise blog ko koi bhi jyada der tak read nahi kar sakta. Aapko apne blog post font size ko set karna hoga taki koi bhi aapke blog post ko easily read kar sake.

9. Blog post me jyada color text use na kare

Kuch blogger apne blog post ko bahut rang-biranga banate hai , aisa na kare kyonki jyda colorful post hone ki wajah se log post ko read karne ke doran irritate ho jate hai or iski wajah se aapke blog ka look bhi kharab dikhai deta hai.

10. Blog post me image use kare

Blog post me image use to aap karte hoge jiski wajah se aapke blog post ka look or design impressive ho jata hai. Par kya aapko pata hai ki blog post me image kaha rakhna chahiye ? Maximum log apne blog post ke top me uska image use karte hai, ye ek common practice hai.

Lekin blog post ke top me image use karne se image ka impact kam ho jata hai. Jab bhi koi visitor aapke blog post ko read karta hai to sabse pehle aapke blog post title ko dekhta hai fir aapne blog image ko.. Mujhe lagta hai ki post title ke niche image lagane ki jarurat hi nahi kyon ki post title already aapke blog post me bare me batata hai.

Agar aap apne blog image ko first paragraph ke niche lagate ho to aapka post impressive lagega or image ka impact bhi  bahut jyada hoga.

Aap hamare kisi bhi blog post ko dekh sakte ho , hum hamesa apne blog image ko first paragraph ke niche hi lagate hai jissay image ki importance badh jati hai or post ka look bhi accha lagta hai. Bahut se blogger apne blog post me image use hi nahi karte or image use karte bhi hai to unka image utna attractive nahi hota. Isliye agar aapko apne blog ke main section ko attractive banana hai to apne blog post ke first paragraph ke niche attractive image jarur lagaye.

11. Keyword ko highlight kare

Blog post me jo bhi main main lines or paragraph hai usay aap blog, italic or blockquotes me dikha sakte ho. Aisa karne par aapka blog post ka design improve hoga or highlighted text hone ki wajah se wo eye catching ho jayega.

12. Emoji use kar sakte ho

blog design kaise kare emoji use kare

Blog post ko bahut accha look dene ke liye aap usme emoji bhi use kar skate ho. Aaj kal social network jaise Facebook, whatsapp par apni feeling or emotion share karne ke liye emoji send kiye jate hai. Emoji ke jariye aap apne blog post ko attractive look de sakte ho jiski wajah se aapke blog ka design bhi improve hoga.

13. Header font color change kare

Jab bhi aapko koi post likhte hi to kuch paragraph title me aap h2, h3 or h4 header tag use karte ho, jissay logo ko pata chalta hai hi aap jiske bare me bata rahe ho wo kiske bare me hai. Bas aapko apne header font color ko change karna hai.

blog design kaise kare header color change kare

Bas aapko apne blog post ke header title font color change karna hai. Aisa karne se aapke blog post ka look or design bhi accha lagta hai or log aapke blog post ko read karne ke doran attract bhi hote hai.

14. Related post widget use kare

Blog template me ye widget by-default hoti hai lekin agar aapka template me related post widget nahi hai to Aapko internet par bahut se aise related post widget mil jayenge jo aapke post se related kuch post blog post ke end me display karte hai. Related post widget aapke blog post ke look ko aur bhi accha bana deta hai, or sath me visitors aapke dusare related post ko read bhi karte hai.

15. Blog post ke end me Author profile lagaye

Author profile ke jariye aap apne blog post ko accha look de sakte ho. Author profile blog post ke end me display hota hai jissay visitors ko pata chal jata hai ki kisne post likha hai. Jab koi visitor aapke blog post ko full read karta hai to usay aapka profile najar aata hai jiski wajah se aapke blog ki identity ka jariye logo ko pata chalta hai.

Author profile lagane se ye aapke blog post ko accha look de sakte hai. Isliye post ke end me aap apni ek acchi si photo or apne bare me short information logo ko dijiye. Maximum blog template blog post ke end me author profile display karwate hai. Lekin kuch blog template aise bhi hote hai jisme aapko manually apna author profile lagana hota hai. Blog post me author porfile kaise lagate hai iski jankari ke liye niche diye gaye article ko read kare.

16. Social share icon lagaye

social share button

Aap apne blog post ke starting me ya fir end me social sharing button lagaye taki aapke post ko log share kar sakte. Social share button lagane se aapka blog profession blog ke jaisa najar aata hai. Aap apne blog ko or bhi jyada accha look dene ke liye apne blog me floating social share button bhi laga sakte ho jo blog scroll hone ke sath sath float hota hai.

STEP 5 – Blog sidebar ko design kare.

Blog sidebar me blog post se related additional information hote hai. Blog ke side bar ko design karne ka matlab hota hai ki aap apne blog ke sidebar me kon kon se widget use karoge. Aap niche diye gaye widget me se apne hisab se kuch widget use jarur kare taki aapke blog ka design professional blog jaisa lage.

17. Social Follow us widget lagaye

social follow widget

Sidebar me social follow widget laga kar aap apne blog par aane wae visitors ko apne social sites ke bare me information deta ho or iski wajah se aapke blog ka design bhi improve hota hai. Social follow widget na sirf dikhne me sundar hota hai balki log isay dekh kar attract bhi hote hai.

18. Popular post widget add kare

Apne blog sidebar me popular post widget hona hi chahiye taki aapke blog me sabse popular post kya hai logo ko pata chal sake. Blog design karne ke doran hume apne blog par aane wale visitors ka dhyan rakhna behad jaruri hai, or unhe ye bhi batana jaruri hai ki aapke blog par kon sa post sabse jyada read kiya jata hai.

19. Category widget add kare

Blog ka design or look unke navigation system se hi hota hai, agar aapke blog ka design bahut accha hai lekin navigation system accha nahi hai to aapke blog par iska bura asar pad sakta hai. Isliye apne sidebar me category widget jarur add kare taki visitors ko aapne blog ko navigate karne me koi problem na ho.

20. Facebook like box add kare

facebook like box

Aap apne blog ko desige karne ke doran apne blog sidebar me Facebook like box widget bhi add kar sakte ho. Facebook like box aapke Facebook page ke bare me jankari deti hai or Facebook like box widget ke jairye koi bhi visitor aapke Facebook page ko directly like bhi kar sakta hai.

21. Random post widget add kare

Jaise popular post widget aapke blog ke popular post ko display karti hai waise hi random post widget aapke blog post ko randomly aapke blog me dikhati hai jiski wajah se visitors ko naye naye or random post ke bare me jankari di jati hai. Is widget ka main function ya hai ki ye hamesa apake blog par alag alag post display karti hai jissay aapke blog sidebar ka look har bar alag najar aata hai.

22. Recent comment and recent post widget

Recent comment and post widget aapke blog sidebar me recent comment or recent post ki jankari deti hai. Aapko pata hoga ki visitors blog comment ko read karne me jyada interest lete hai or aise me agar aap apne blog sidebar me recent comment show karte ho to visitors usay bhi read karenge..

Recent comment and recent post widget aapke blog par latest news ki tarah kaam karti hai, ye aapke blog par latest comment or recent post ki jankari deti hai. Blog design karne ke doran aap apne blog par is widget ko laga kar visitor ko inform kar sakte ho ki kon sa comment or post latest hai.

23. Sidebar widget ko sticy/floating banaye

Agar aapko html code edit karne ki basic information hai to aap apne sidebar ko sticky bana sakte ho. WordPress blog me aap sticky plugins ki help se apne sidebar ko sticky bana sakte ho.

Kabhi kabhi hum bahut long post likhte hai or jab visitors hamare post ko read karne ke doran blog ko scroll karte hai to sidebar me kuch najar nahi aata , aap apne sidebar ke kuch widget ko sticky bana sakte ho taki scroll karne ke doran sidebar ke widget show hote rahe.

Aap hamare blog ke sidebar ko dekh sakte ho , hum apne blog ke sidebar widget ko sticky plugin ke jariye sticky kiye hua hai taki visitors jab bhi hamare blog ko scroll kare tab widget show hote rahe.

STEP 6 – Footer design kare

Jaise blog sidebar blog post se related additional information deta hai waise hi blog footer me blog contact details hote hai. Blog footer ko design karne ke liye aapko apne blog footer me widget use karna hota hai. Aap niche diye gaye widget ko blog footer design ke liye use kar sakte ho.

24. Subscription widget

subscription widget

Subscription  widget ki help se visitors aapke blog ko subscriber karte hai or jab bhi aapk koi new post apne blog par publish karte ho to uski jankari subscriber ko email ke jariye di jati hai. Subscription widget har blog me hone hi chahiye, ye aapke blog ke look ko badhane ke sath sath aapke blog ko trustworthy bhi banata hai.

25. Important page ka link dijiye (link widget add kare)

Aapko apne blog footer me an important page jaise – About us, contact us, privacy policy ka link jarur add karna chahiye. Important page ka link dene se aapke visitors ka bahrosa aapke upar badhta hai or wo aapke blog ko like bhi karte hai.

26. Contact form widget lagaye

Jin visitors ko aapse personaly contact karna chahte hai wo aapko contact form ke jariye contact kar skate hai. Agar aapke apne blog ke liye contact us page banaya hai to contact form widget lagane ki jarurat  nahi.

27. Credit information ko edit kare

Blog footer me template designer ka naam hota hai, jaise agar aap blogger theme use kar rahe ho to aapke blog footer me “Powered by Blogger “ jarur likha hua hoga, ya fir agar aap apne blog par koi dusara theme use kar rahe ho to  blog footer me template designer ka naam hoga.. Bas aako isi credit information ko edit karna hai taki koi bhi aapke blog footer ko dekh kar na bata sake ki aap kon sa theme use kar rahe ho..

Agar aapko apne blog design ko professional look dena hai to aapko apne blog footer se credit information ko edit karna hi hoga.

STEP 7

28. Blog color adjust kare.

Blog ke sabhi section design hone ke bad aapko apne blog color ko adjust karna hai yani ki blog background color ko change karna hai. Lekin bahut se blogger sabse pehle apne blog background color ko hi adjust karne me lag jata hai or uske bad apne blog ko design karte hai.. Ek baat hamesa yaad rakhiye ki jab tak aap apne blog ko design nahi kar dete yani ki apne blog par kya kya hoga usay set nahi kar lete tab tak aap apne blog background color ko adjust nahi kar sakte, agar aap aisa karoge to bad me aapko fir se color adjust karna hi hoga..

To friends aaj ke hamara post Blog ko kaise design kare  aapko kaisa laga hume comment ke jariye jarur bataye. Agar aapko humse kuch puchna hai to aap humse puch sakte ho. Dosto blog ko sabse alag design karna aapki thinking ke upar depend karta hai or aap jaisa sochoge waise hi aap apne blog ko design karoge. Bahut se blogger kisi dusare blog ka design copy karke apne blog par use karte hai, aisa aap bilkul bhi na kare. Apne blog ko apni soch or creativity se design kare, or hume puri ummid hai ki aap aisa jarur karoge.

Aaj humne jo aapko blog design karne ke tarike bataye ye to bas kuch hi tips hai par aap apni soch or creativity se apne blog bahut accha or good looking bana sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

12 thoughts on “Blog ko kaise design kare 28 step by step guide Hindi me

  1. बहुत ही शानदार पोस्ट है.इस पोस्ट में डिजाईन से संबंधित सभी जानकारियाँ शेयर की गयी है.जिसके माध्यम से ब्लॉग को बेहतर डिजाईन किया जा सकता है.

  2. Aapne blog ko design karne ki itni sari info. Di hai but aapke blog ki design bilkul bhi achhi nahi hai isme sirf content ke kuch bhi design achha nahi hai. Please achha sa design kare

Leave a Reply

Your email address will not be published. Required fields are marked *