Blog Post Likhne Ka Systematic Tarika Kya Hai ?

Posted on

Blog post to har blogger likhta hai or har ek blogger ka apna-apna style or step hota hai post likhne ka. Blog post likhna ek basic requirement hai jo har ek blogger apne blog post ke jariye pura karta hai. Lekin apne blog par post publish karne ke liye sirf likhna hi kafi nahi hota, hume iske liye kuch steps bhi follow karne hote hai taki hum apne blog post ko likhne ke doran bore na ho. Friends aaj hum aapko wo sabhi systematic steps ke bare me batane wale hai jisay agar aap step by step follow karte ho to me guarantee ke sath keh sakta hu ki aapko blogging karne ke doran bore nahi lagega or aap har roj positive energy ke sath new or interesting blog post likh paoge.

Blog Post Likhne Ka Systematic Tarika Kya Hai ?

Aaj me jis steps ke baar me baat karne wala hu usay me khud follow karta hu or isay follow karne ke doran mujhe pata hi nahi chalta ki kab maine ke post likh kar publish kar diye or dusare post likhne laga.. Ye bahut hi interesting steps hai aap bhi isay jarur follow kare..

Blog Post Likhne Ka Systematic Tarika Kya Hai ?

Planning

Me jab bhi koi new post likhne ke bare me sochta hu uski planning ek din pehle hi kar leta hu,New post likhne ke liye information ki jarurat hoti hai or ye information hume raat ko sote samay hi sabse jyada milti hai. Jab aap raat ko sone ke liye bed par jate ho to aapke mind me wo sabhi information hoti hai jisay aapne us din apne blog par update kiya hai jaise – New post publish karna, comment ka reply karna, social network par post ko share karna etc etc..

Yani ki sone se pehle aapke blog se related wo sabhi information aapke mind me activate rehti hai, or yahi information ko cross check karke hume ek aisa point choose karna hota hai jiske upar hum article likh sakte hai.

Me bhi sone se pehle apne new post ke bare me sochta hu, ki mujhe ab kon sa post publish karna hai.. Friends ek baat aap hamesa yaad rakhiye ki jab mind me bahut sari information hoti hai tab hume new ideas jarur milti hai or new post likhne ke liye aap apna mind use kar rahe ho jo abhi relax hone wala hai 🙂

Bas aapko apni soch se ek new topic choose karni hai or uske bare me thoda sochna hai. Bas itna karte hi aap apne mind me us post title ko TAG kar lijiye.

Research

Ab aapne ye to decide kar liye ki aap kis topic par new post likhne wale ho, ab aapko us topic par research karni hai. Aapko us topic par thoda research karna hoga or google par search karke ye dekhna hoga ki wo topic se related kon kon se information internet par available hai. Aapko bahut sare aise post mil jayenge jo aapko new post likhne me aapki help karne ka kaam karegi.

Aap un sabhi post ko read kare or apni knowledge ko improve kare.

Starting me main aisa hi karta tha, new post likhne se pehle me usay internet par search karta or mujhe bahut se post mil jate jisay read karne ke bad mujhe overall ek idea mil jata ki mujhe apne new post me kya likhna hai. Par ab aisa nahi hota hai, kyunki ab me aise aise topic par post likhne laga hu jo internet par available hi nahi hai. Or jab aapke sath bhi aisa hone lage to samajh jaiye ki internet me aap apna ek identity banane me kamyab hone wale ho or aapki writing skill itni acchi ho gai hai ki aap kisi bhi topic par post likh sakte ho.

Post likhe

Ab aapne apne new post se related sabhi information le li hai , ab bare hai apne post ko likhne ki. Aapne jitne bhi internet se information gain ki hai usay apne blog post me likhne ki kosis kare. Or agar aapne internet par available sabhi top post ko acche se read kiye ho to aapko ek idea jarur mili hogi ki aapko apne blog post me aisa kya likhna hai jo un sabhi post me nahi hai.

Research karne ka yahi ek main fayda hai ki aap apne blog post ko dusaro se behtar likh sakte ho, or jab tak aap dusaro ke post ko read nahi karte tab tak aap kabhi ek accha post nahi likh sakte. Ek accha or interactive post likhe.

Post ke end me ek appreciation word use kare

Appreciation word hume motivate karne ka kaam karti hai. Ab koi aapko call karke to nahi kahega ki bhai aapne bahut accha post likha hai.. Isliye aapko khud ko sabasi deni hai, or end me khud ke kiye ek appreciation word likhna hai.

Jaisa ki me apne har blog post ke end me HAPPY BLOGGING likhta hu, ye word sirf mere liye hai or isay likhne se pehle me ye ensure karta hu ki maine jo bhi information apne blog post par likhi hai wo perfect or appreciation ke layak hai.

Aap bhi apne blog post ke end me appreciation word use kare jaise – Thanks, Be Happy etc etc

Post image design kare

Bahut se blogger apne blog post likhne se pehle hi apne blog post ke image design karne me lag jate hai. Aisa karne par aap apne blog post par focused nahi rehte, kyunki aapko apne blog post ko bahut jald publish karne ki jaldi hoti hai.

Isliye apne post likhne ke bad apne post ka image design kare. Hota ye hai ki blog post likhne ke doran sab kuch back and white rehte hai, or post likhne ke bad agar hum apne blog post ke liye image design karte hai to hamare andar ek positive energy aa jati hai.

Ek hi kaam ko lagatar karte-karte thoda bore lagne lagta hai or post likhne ke bad agar image design karoge to jo thodi-bahut boring lag rahi hai wo dur ho jayegi.

Post ko read kare or internal link add kare

Post me image lagane ke bad usay ek bar read kare or sabhi spelling mistakes ko check kare. Bahut se bloggers ko apne blog post publish karne ki itni jaldi hoti hai ki wo post likhte hi apna post ko publish kar dete hai. Lekin aisa aap na kare, aap chahe jitna bhi kosis kar lo aapke blog post me spelling mistake jarur hogi ya fir aap apne blog post me kuch aise point likhna bhul gaye hoge jisay aap likhna chahte the.

Isliye apne blog post ko ek bar read kare, or usme jitne bhi spelling mistakes hai usay sudhare. Post read karne ke doran hi aapko apne blog post me dusare blog post related link add karna hai taki readers aapke dusare post ko bhi read kar sake.

Apne post ki category select kare or apne post ko publish kar de

At last aapko apne blog ki category select karni hai or usay publish kar dena hai.

Post ko apne social network par share kare

Apne new post publish karne ke bad usay apne social network par share jarur kare kyuki ek new post ko search engine par show hone ke liye kuch samay lagta hai, aise me agar aap apne post ko apne social network par share karte ho to aapke new post ko log read karenge.

Friends me bhi in sabhi steps ko follow karta hu or har blogger karta hai lekin in sabhi steps ko systematically follow karne par hume blogging karne ke doran boring or confusion nahi hoti or hum positively fresh mind ke sath blogging karte hai.

Agar aap apne blog me ek post publish karne ke bad confuse ho jate ho ya fir aapko thodi tired feel hota hai to aap hamare diye gaye steps ko systematic follow kare taki aap hamesa blogging ke liye active rahe. Agar aapko hamari ye post acchi lagi to comment karna na bhule. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Blog Post Likhne Ka Systematic Tarika Kya Hai ?

  1. Behtreen, Ummdaa, Aalaa aur kaafi Knowledgeable Article hai Ravi Bhaijaan…

    Thank You For Sharing….and Hmein motivate Rakhne ke liye bahut bahut dhnyavad Aapka..

    Bhaijaan ek Question hai mera..
    Ki jo aapne apni sabhi posts ki list(sitemap) bnayi hai….

    Use Aapne Noindex rakhaa hai kya sir…

    Aur yadi main use Blogger site pe bnaau to kya Noindex rakhun ya ALL pe mark Rakhne doon.. (Custom Robot Tags)

    Apna answer jrur dijiyega…

    Thanx & Regards
    Sandeep jain ☺☺

  2. Nhi bro
    mujhe lagaa…shayad …Articles Double double google mein index naa ho jaaye…

    By the way
    Thank you for your Answer.

Leave a Reply

Your email address will not be published. Required fields are marked *