Blogger blog backup or restore kaise kare ? Tarika kya hai

Posted on

Blogger blog backup or restore kaise kare ? Har koi apna personal blog banata hai or khud access karta hai, lekin bahut se log apne blog ko manage karke ke liye apne friends or relatives ki help lete hai, agar aap bhi apne blog ko manage karne ke liye dusare logo ki help le rahe ho to aaj ka post aapke liye hi hai. Aisa isliye kyunki ek blog ko manage karne ke liye agar ek se jyada log involve hote hai to blog me galti se post delete or changes hone ke chances bahut jyada badh jate hai, or agar aapne apne blog ka backup nahi liya hai to aapke blog ke content restore nahi ho sakte.

Blogger blog backup or restore kaise kare Tarika kya haiimage

Aksar dekha jata hai ki blog ko manage karne ke liye hum dusaro ko admin bana dete hai or yahi galti hume bahut mahangi padti hai. Ab ek blog ke 2 admin hone se dono ke pass authority hoti hai ki wo blog ko delete kar sake ya fir uska password change kar de.

Blog ka backup ek chota sa option hai ki aap apne blog backup ke jariye apne blog ko restore kar sako, lekin apne blog ko restore karne ka mauka hum khud apni galtiyo ke karan karte hai. Maan lijiye ki aapne galti se koi post delete kar diye to Blogger me aisa koi option hi nahi hai jissay aap apne delete kiye gaye post ko restore kar sako, lekin agar aapne apne blog ka backup rakha hua hai to aap apne blog post ko restore kar sakte ho.

Jisne apna blog bananya hai wo kabhi na kabhi galti se apna post delete kar hi deta hai or aise me wo ye janna chahta hai ki delete huye blog post ko kaise recover kiya jaye. Lekin dukh ki baat ye hai ki Blogger.com ne abhi tak apne service me aisa koi feature add hi nahi kiya jiski help se aap apne delete huye blog post ko recover kar sako.

Agar aapne apna blog blogger.com me banaya hai to aapko hamesa alert rehna chahiye, taki apki ek choti si galti ki wajah se koi post delete na ho. Lekin issay bachne ke liye aap apne blog ke backup rakh sakte ho jo ki aapke blog post ko restore karne me aapki help kar sakte hai.

Lekin sabse pehle aap ye jaan lo ki blog backup kyun liya jata hai ?

  • Agar aap apne blog ke content ko apne kisi dusare blog me transfer karna chahte ho to aap apne blog ka backup lekar usay dusare blog me import kar sakte ho, jissay aapka kafi samay bachta hai.
  • Blog backup lene se aapke blog par jitne bhi content or comment hai uska ek backup file (xml file) aap download karke apne computer me rakh sakte ho.
  • Maan lijiye ki aapne apne blog me 100 post publish kiye huye hai or aapne apne blog ka backup download karke rakha hai, matlab ki aapke backup me 100 post ka backup hai.. Ab maan lete hai ki aapne galti se apne blog ke 5 post ko delete kar diye to aap apne backup file ko apne blog me import karke wo 5 post ko recover kar sakte ho.

To friends ab aap samajh gaye hoge ki Blog ka backup kyun liya jata hai, ab chaliye hum aapko batate hai ki blog backup lena kitna jaruri hai ?

Kya blog ka backup lena jaruri hai ?

Jaisa ki maine kaha ki hamari galtiyo ke wajah se hi blog ke post delete ho jate hai or aisa ho hi nahi sakta ki kabhi aapse apna koi post delete na hua ho. Aksar new blogger ke sath aisa hota hai ki wo apna post anjane me ya fir galti se delete kar dete hai or delete huye post ko recover karne ke chakkar me unse dusari galti bhi ho jati hai.

Ek baat hamesa yaad rakhe ki agar aap apne blog post ko delete kar dete ho to usay aap recover nahi kar sakte. Lekin agar aapne apne blog ka backup rakha hai to aap apne blog ke delete huye post ko kuch had tak recover kar sakte ho. Chaliye apako ek example ke jariye samjahte hai –

Maan lijiye ki aap apne blog par daily ek post publish karte ho or 100 post publish karne ke bad aapne apne blog ka backup download kar liya hai. Matlab ye ki ab aapke pass apne blog ke 100 post ka backup hai, agar aap in 100 post me se koi sa bhi post ya fir sabhi post delete ho jate hai to aap usay easily apne backup file ke jariye recover kar sakte ho. Lekin agar aapne apne blog ka backup lene ke bad koi post publish kiya hai or galti se wo post delete ho gaya hai to aap us new post ko recover nahi kar sakte.

Agar aap daily ek new post publish karte ho to ye aapke liye bahut muskil hoga ki aap daily apne blog ka backup rakho, aise me aapko hafte me ya fir 15 dino me apne blog ka backup rakhna chahiye.

To friends ab aapko puri tarah samajh me aa gaya hoga ki blog backup lena kitna jaruri hai. Ab chaliye aapko batate hai ki apne blog ka backup kaise liye jata hai.

Blogger blog ka backup kaise le ?

STEP – 1

Blogger blog backup or restore kaise kare Tarika kya hai

1. Apne blogger dashboard me jaye or Settings par click kare.

2. Other par click kare.

3. Back up content par click kare.

STPE – 2

Back up content par click karte hi ek popup box open hoga jisme aapko Save to your computer par click karna hai. Aapke blog ka backup download hone lagega.

Blogger blog backup or restore kaise kare Tarika kya hai 3

Download hone ke bad aap apne blog backup file ke naam se pata laga sakte hai ki aapne apne blog ka backup kab liya hai. Maine apne blog ka backup aaj liya hai yani ki 22 July 2018, aap upar diye gaye backup file snapshot me dekh sakte ho ki iske naam me bhi 07-22-018 likha hua hai, jissay ye pata chal jata hai ki maine apne blog ka backup file kab download kiya tha.

To friends ab aap ye to sikh gaye ki blog ka backup kaise liye jata hai, ab chaliye aapko batate hai ki apne backup file ko apne blog me kaise import karte hai..

Blogger Backup file ko blog me kaise import kare ?

STEP – 1

Blogger blog backup or restore kaise kare Tarika kya hai 5

1. Setting par click kare.

2. Other par click kare.

3. Import content par click kare.

STEP – 2

Blogger blog backup or restore kaise kare Tarika kya hai 6

1. I’m not a robot par click kare.

2. Automatically publish all imported postes and pages ko select kare.

3. Import from computer par click kare or apne blog ke backup file ko select kare.

Bas itna karte hi aapne jo apna backup upload kiya hai wo import hona start ho jayega.

To friends aaj aapne sikha..

  • Blog backup kaise liya jata hai ?
  • Blog me backup file kaise import kare ?

Conclusions

Blog me backup import karne ke liye aapko apne blog backup file ki jarurat hogi, isliye hafte me ek bar ya fir 15 din me ek bar apne blog ka backup jarur lijiye taki agar galti se aapse ko post ya page delete ho jaye to usay aap recover kar sake.

Agar aapko aaj kuch naya sikhne ko mila ya fir aap humse kuch puchna chahte hai to hume comment ke jariye jarur bataye. Blogging tips or guide ke liye humare blogging category ko jarur read kare. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Blogger blog backup or restore kaise kare ? Tarika kya hai

  1. काफी अच्छी पोस्ट है.इस पोस्ट से मुझे भी कुछ नयी चीजे सीखने को मिली है.मैंने यह try नहीं किया था.अच्छी पोस्ट है रवि जी .इसी तरह पोस्ट पब्लिश करते रहे और मुझे और अन्य हिन्दी ब्लॉगर को सिखाते रहे.

Leave a Reply

Your email address will not be published. Required fields are marked *