Blogger blog ko delete , permanently delete or restore kaise kare ?

Posted on

Blogger blog ko delete , permanently delete or restore kaise kare ?.. Jaisa ki aap sabhi jante ho ki Blogger Google ka free service hai jaha par hum apna free me blog bana sakte hai jiske liye hume paise dene ki jarurat nahi hoto. Newbie blogger apne blog blogger par hi banate hai or blogger par free blog banane ki suvidha hone ki wajah se ek blog banane ke bad wo apna dusara blog banate hai or fir tisara, aise karte karte wo apna khud ka bhaut sara blog bana lete hai. Lekin sabhi blog ko ek sath manage karna bahut muskil hota hai. Or ye baat unhe tab pata chalti hai jab wo apne sabhi blog par time nahi de pate, aapke sath bhi aisa jarur hua hoga ki aapne apne blogger blog pe bahut sare blog bana diye hai or aap chahte ho ki aap apne un sabhi blog ko delete kar do jisay aap manage nahi karna chahte.

Blogger blog ko delete , permanently delete or restore kaise kare

Friend aaj hum aapko batane wale hai ki kaise apne blogger blog ko delete kare, kaise apne blogger blog ko permanently delete kare or agar galti se koi blog delete ho gaya hai to us blog ko kaise recover kare.

Maximum har newbie blogger apna bahut sara blog bana lete hai or jiski wajah se wo un sabhi blog ko delete karna chahte hai jispar wo koi post publish nahi karte. To friends chaliye sabse pehle hum aapko batate hai ki apne blogger ko kaise delete kiya jata hai.

Blogger blog ko delete , permanently delete or restore kaise kare ?

Blogger blog ko kaise delete kare ?

Blogger blog ko kaise delete kare

Jab aap apne blogger blog me login karte ho or apne blogger dashboard me jate ho to aapko Top left corner me apne blog ka naam najar aata hai, or agar aap iske upar click karte ho to aapko aapke banaye gaye sabhi blog najar aate hai.

Blogger blog ko kaise delete kare 2

Apne blogger dashboard ke top left corner pe diye gaye apne blog ke naam ke upar click karne se aapko recently banaye gaye blog or all blog ki list najar aati hai. Jaisa ki aap upar diye gaye image me dekh sakte ho ke maine recently 3 blog banaya hua hai or total maine 7 blog banaye hai. Agar in blogs me se mujhe kisi bhi blog ko delete karna hai to sabse pehle me us blog ke naam ke upar click karunga. Maan lijiye ki maan apne Image blog ko delete karna chahta hu to me Image ke upar click karunga.

Blogger blog ko kaise delete kare 3

1. Aapko apne blog ko delete karne se pehle hamesa ye dhyan me rakhna hai ki aap jis blog ko delete karne wale ho uska naam aapko apne blogger dashboard ke top left corner me najar aayega. Jaisa ki maine aapko bataye ki me apne Image Blog ko delete karna chahta hu, or aap upar diye gaye image me dekh sakte hai ki top left corner me Image likha hua hai.

2. Settings par click kare.

3. Other par click kare.

4. Delete blog par click kare.

Blogger blog ko kaise delete kare 4

1. Delete blog par click karte hi ek popup box open hoga jaha par aapse pucha jayega ki aap jis blog ko delete karna chahte ho uska backup aapko chahiye ya nahi. Agar aap jis blog ko delete karne wale hi uska backup chahiye to Download Blog par click karke uska backup le sakte ho.

2. Blog ko delete karne ke liye Delete This Blog par click kare.

Itna karte hi aapka blog Delete ho jayega.

Friends kabhi kabhi aisa hota hai ki hum apne blog ko delete to kar dete hai lekin kuch dino ke bad hume ehsas hota hai ki hume apna blog delete nahi karna chahiye tha ya fir kabhi kabhi galti se blog delete ho jata hai, aise me agar aap apne delete huye blog ko fir se recover karna chahte hai to niche diye gaye guide ko follow kare.

Delete huye blog ko kaise recover kare ?

Blogger blog ko kaise restore kare

1. Aapko apne blogger dashboard ke top left corner me apne blog ke naam ke upar click karna hai.

2. Yaha aapko apne blog ki list dikhai jati hai jisme us blog ka bhi naam hota hai jisay aapne Delete kiya hai, aap upar diye gaye image me dekh sakte hai ki Deleted blogs me Image ka naam hai, matlab ye hai ki maine apne Image blog ko delete kiya hai. Agar mujhe apne Image blog ko fir se restore karna hai to mujhe Image ki upar click karna hoga. Aapne jo bhi blog ko delete kiya hai wo yaha aapko dikhai degi or agar aap us blog ko fir se restore karna chahte ho to delete huye blog ke naam ke upar click kare.

Note : Blog delete hone ke bad kuch samay tak hi wo aapke Deleted blogs list me rehta hai, is doran agar aap apne blog ko restore karna chahte hai to kar sakte hai. Lekin kuch samay ke bad aapne jis blog ko delete kiya hai wo Deleted blogs ki list me najar nahi aata.

Blogger blog ko kaise restore or permanently delet kare 4

1. Apne deleted blog par click karne ke bad UNDELETE par click karke aap apne blog ko restore kar sakte ho.

2. Agar aap apne deleted blog ko permanently delete karna chahte ho to PERMANENTLY DELETE par click kare. Blog ko permanently delete karne ke bad aap apne blog ko restore nahi kar sakte.

NOTE :

  • Blog ko delete karne se pehle aap uska backup jarur le lijiye, kyun ki agar future me aap apne blog ko restore karna chaho to backup ki help se usay restore kar sakte ho.
  • Agar aap apne aise blog ko delete kar rahe ho jisme aapne ek bhi post publish nahi kiya hai to us blog ke backup lene ki jarurat nahi.
  • Agar aapne apne delete huye blog ka backup nahi liya hai to aap apne delete huye blog ko kuch dino ke andar hi fir se restore kar sakte ho. Lekin kuch dino ke bad aapko apne delete huye blog ko restore karne ka option najar nahi ayega.
  • Agar aap apne blog ko delete karne ke bad usay permanently delete karte ho to aapka blog blogger se permanently delete ho jata hai, or agar aapne apne blog ka backup nahi liya hai to aap usay restore nahi kar sakte.
  • Isliye Blog ko delete karne ke bad usay permanently delete na kare.

Friends hum blogger me free blog bana sakta hai , lekin iska matlab ye nahi ki hum free ke chakkar me bahut sara blog bana le. Agar aapne bhi apna bahut sara blog bana liya hai to me guaranty ke sath keh sakta hu ki aap apne sabhi blog ko manage nahi karte hoga.. Aise me aapko apne un sabhi blog ko delete kar dena chahiye jo dead ho chuka hai or jiska hona-nahona ek jaisa hai.. Bas aapko hamare diye gaye guide ko follow karna hai or sahi samay me sahi decision lena hai.

Hum ummid karte hai ki aaj ka hamara post Blogger blog ko delete , permanently delete or restore kaise kare ? aapke liye bahut helpful raha hoga, agar aapko humse blogging se related kuch bhi puchna hai to aap hume comment jarur kare. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Blogger blog ko delete , permanently delete or restore kaise kare ?

  1. Sir aapne mere doubt hi clear kar diye, maine inspiration ke chakkar me bahut sare blog bana liye hai or kisi bhi blog ko thik se manage nahi kar pa rahi hu. Ab mujhe sabhi blog ko delet karna hoga. Thanks

Leave a Reply

Your email address will not be published. Required fields are marked *