Blogger blog theme backup kaise le or ye kyun jaruri hai ?

Posted on

435 total views, 3 views today

Jaise aap apne blog post or page ka backup late ho thik usi tarah aap apne blog theme ka bhi backup le sakte ho taki agar aapse apne theme me koi mistake ho gai hai to aap apne theme backup ke jariye usay sudhar sako. Friends aaj hum baat karenge ki kaise aap apne blog theme ka backup le sakte or kuch aisi baato ke bare me baat karenge jisay janna aapko bahut jaruri hai.

Blogger blog theme backup kaise le or ye kyun jaruri hai image

Khaskar jo new blogger hai or jinhone apna new blog banaye hai uske liye apne blog ke theme ko edit karna or customize karne me problem hoti hai, or isi wajah se wo apne blog theme ko edit or customize karke ke chakkar me kuch aisi galti kar dete hai jiski wajah se unke blog ka design kharab ho jata hai.

Aisa mere sath bhi hua hai , jab maine apna pehla blog banaye the to html edit karne ke chakkar me maine na jane kitne theme change kiye, lekin at last maine wo common mistake ke bare me jana jo har new blogger karte hai. Wo basic mistake hai ” apne blog theme ka backup na lena “

Starting me blog new hone ki wajah se hum apne blog ke jariye sikhte hai ki isme kya kya functions hai, sikhna galat nahi hai lekin hum jo karte hia usay karne ke liye ek procedure hota hai jo blog ko safe rakhne me hamari help karta hai.

Aapne internet me bahut se aise article read kiya hoge ko kehte hai ki blog theme edit karne se pehle uska backup le lo, lekin me aisa nahi samajhta aap bina blog theme backup liye bhi apna theme edit kar sakte ho or agar koi galti bhi ho jati hai to aap apne theme ko fir se pehle jaisa kar sakte ho.

Jaisa ki maine kaha ki blogging me har chij ka ek procedure hota hai , agar hum apne blog theme ko edit karte hai to uska bhi ek procedure hai jisay follow karne par aapko apne theme backup ki jarurat hi nahi hogi. To chaliye sabse pehle aapko batate hai ki blog theme edit karne ka tarika kya hai.

Blogger theme edit karne ka procedure kya hai ?

blogger theme ko edit karne ka sahi tarika

Blog theme edit karne ka common tarika ye hai ki apne blog HTML edit me jao or aap apne theme code me jo changes karne chate ho wo karo or Save theme par click karo. Bas itna karne ke bad aap apne blog ko check karte ho ki aapne jo apne theme me changes kiya hai wo sahi se kaam kar raha hai ye nahi, maan lijiye ki agar aapne jo changes kiya hai wo kaam hi nahi kar raha, ulta aapke blog ka design hi kharab ho gaya hai to ab aap kya karoge ?

Jahir si baat hai ki aapne apne theme me jo changes kiya hai usay remove karoge or fir se Save theme par click karo..

Ye basic tarika hai jisay sabhi blogger follow karte hai, lekin kabhi kabhi theme edit or code remove karne ke chakkar me theme me kuch aise code bhi delete ho jate hai jiski wajah se hume apna theme hi change karna padta hai. To iske liye me aapko ek best tarika bata raha hu agar usay aap follow karte ho to aapko apne theme ki backup lene ki jarurat hi nahi..

blogger theme ko edit karne ka sahi tarika2

1. Apne blog theme me jao or apne HTML ko jaise edit karna hai ya fir koi code add karna hai to karo.

2. Save theme par click karo.

3. Ab aapne apne html code ko edit karke save kar diya hai, ab aapko ye dekhna hai ki aapne jo code edit kiya hai wo thik se kaam kar raha hai ya nahi, ye janne ke liye View blog par click kare.

4. Agar code sahi se kaam nahi kar raha hai to aapne jo code add kiya hai usay remove karne ke bajaya aap CTRL+Z dabaye, CTRL+Z dabane se aapke blog ka HTML code pehle jaisa ho jayega. Matlab ki aapne jo code apne blog ke HTML se save kiya hai wo remove ho jayega..

5. Save theme par click kare.

Ye procedure follow karne se aapko kabhi bhi theme backup ki jarurat hi nahi hogi, lekin ab aap sochte honge ki agar html backup ki jarurat hi nahi to blogger.com me theme backup ka option kyu hai.. chaliye iske bare me bhi aapko clearly batate hai ki theme backup kab lena chahiye or kyu .

Blogger blog theme backup kaise le or ye kyun jaruri hai ?

Hamare bataye gaye procedure ko agar aap follow karte ho to aapko apne blog theme backup lene ki jarurat hi nahi hogi, lekin agar aa apne blog theme change karna chahte ho to aapko backup ki jarurat pad sakti hai.

Aapne apne blog par bahut se theme change kiye hoge , lekin theme change karne ke bad aapko kabhi aisa laga hai ki pehle jo theme use kiye the wo accha tha. Dekhiye theme ko change karna koi badi baat nahi, lekin theme ko change karne ke bad hum usme bahut sare modification or customize karte hai.. Or agar aap theme change kar dete ho to aapki mehnat sab bekar ho jati hai , kyunki aapne apne purane theme ko design karne ke liye bahut samay lagaya hai.

Aapki mehnat bekar na ho isliye aapko apne blog theme change karne se pehle apne blog theme ka backup le lena chahiye taki agar theme change karne ke bad agar aapko new theme pasand na aai to aap apne old theme backup ke jariye apna old theme fir se restore kar sako.

To friends ab aapko puri tarah samajh me aa gaya hoga ki blog theme ka backup kab or kyu lena chahiye, ab chaliye aapko batate hai ki blog theme ka backup kaise liya jata hai.

Blogger theme ka backup kaise le ?

1.Theme par click kare.

2. Bacup/Restore par click kare.

3. Download theme par click kare.

Bas itna karte hi aapka theme downlaod ho jayega. Download kiya huye theme ko aap kabhi bhi apne blog me fir se upload kar sakte ho. Blog theme ko fir se upload karne ke liye niche diye gaye guide ko follow kare.

Note : Theme ko download karne par aapke blog se theme remove nahi hoti, bas aapne jo apne blog par theme use kiya hai uski ek copy aap download karte ho.

Blogger blog theme backup kaise le or ye kyun jaruri hai image

Theme ko fir se uplaod karne ke liye Theme >> Backup/Restore par jaye or Choose File par click karke apne backup theme select kare. Or uske bad Upload par click kare. Bas itna karte hi aapne jo apne blog theme backup liya tha wo fir se restore ho jayega.

CONCLUSION

Friend blog theme backup ke jariye aap apne theme ko fir se restore kar sakte ho. Blog theme backup tab lena chahiye jab aap apne blog theme ko change karna chahte ho. Taki agar aapko apne new theme pasan na aaye to aap apne old theme backup ke jariye usay restore kar sako.

Aaj ka hamara article Blogger blog theme backup kaise le or ye kyun jaruri hai ? aapko kaisa laga hume comment ke jariye jarur bataye.. Or agar aap blogging se related kuch bhi puchna chahte ho to hume comment jarur kare taki hum aapko sabhi problem solve kar skae – HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *