Blogger custom domain me HTTPS kaise enable kare ?

Posted on

Koi bhi website ka link 2 tarah ka hota hai pehla http or dusara https. In done me jamin aasman ka antar hai. Agar aapne apna blog blogger.com par banaya hua hai to aapke blog url me by-default https enable rehta hai , lekin agar aapne apne blog url ko custom domain ke sath replace karte ho to aapka blog url me https disable ho jata hai or http enable ho jata hai. Aaj hum aapko isi topic ke bare me batane wale hai ki blogger custom domain me https kaise enable kare .. Lekin sabse pehle aap ye jaan lo ki ye https or http aakir hai kya ..

Blogger custom domain me HTTPS kaise enable kare

Https or http hota kya hai ?

Aapne ye jarur gor kiya hoga ki jab aap koi website ko open karte ho to aapko us website ke url ke sabse pehle https ya fir http show hota hai. Or yahi http or https ki wajah se hi aap tak data pahuchaya jata hai. Nahi samjhe na, chaliye aapko iske bare me clearly samjhata hai.

Maan lijiye ki aapne apne browser par hamare blog ka url type kiya yani ki smart2blogging.com type kiya to aapka browser hamare blog server ko ek message bhejega ki mujhe smart2blogging.com page ka data chahiye. Or hamare blog server hamare blog ke data me se aapko smart2blogging.com ka data dikhayega.. Ab yaha tak to aap samajh hi gaye honge, ki aapka browser hamare server se data lene ka kaam karta hai or isi data ko transfer karne ke liye http ya fir https use kiya jata hai.

Https ya fir http ki help se data send or receive kiya jata hai. Ab aap ye jarur sochte honge ki https or http ka kaam to ek jaisa hai to in done me fark kya hai. To friends http jo hai wo secure nahi hoti or http ke jariye data send karne par hacking, pissing, spamming ka chances kafi badh jata hai.

Yani ki agar aapke blog url me http enable hai or aap apne blog visitors se unke personal details le rahe ho to aapke visitors ka data secure nahi rehta , yani ki aapke blog visitors ka data chori ho sakta hai. Bahut se blogger bhai e-commerce blog, shopping blog, donation blog, sell blog banate hai jisme wo apne blog par aaye visitors ke jariye payment receive karte hai, agar aise blog par http enable hai to aapke visitors ke jariye diya gaya personal details chori hone ka khatra rehta hai or koi bhi hacker aapke blog ka data ko chori kar sakta hai.

Lekin agar baat ki jaye https enable blog ki to aapka blog puri tarh secure rehta hai, or jo bhi data transfer hote hai wo puri tarah encrypt yani confidential rehta hai jo ki koi bhi chura nahi sakta. Browser or server ke bich me https ke jariye jo bhi data exchange hote hai wo puri tarah secure rehta hai, jisay hack karna impossible hai.

Friends ab aap puri tarah samajh hi gaye hoge ki https or http kya hai or inme kya antar hai. Lekin fir bhi aapke maan me kuch doubt jarur aate honge ki kya https enable karna jaruri hai ? to chaliye iske bare me bhi aapko bata dete hai.

kya https enable karna jaruri hai ?

Https enable karne ki bahut si wajah hai jaise-

  • Agar aap apne blgo ke jariye apne blog visitors ka confidential information le rahe ho to aapko apne blog par https enable kar lena chahiye, taki aapke blog visitors ki privacy harm na ho.
  • Https ranking factor hai. Agar aapke blog me https enable hai to aapka blog search engine par accha rank hasil kar sakti hai.
  • agar aapke blog par http enable hai to jab bhi koi aapke blog par visit karega to usay aapke blog url ke samne not secure ka text show hoga , jiski wajah se aapke blog par aane wale visitors ko lagega ki aapka blog ki wajah se unki personal details chori ho jayegi.
  • agar aapke blog par https enable hai to aapke blog url ke bagal me secure ka text show hota hai, jo ki aapke blog ko professional look dene ke sath sath aapke blog par aane wale visitors ki privacy ko bhi harm nahi hone deta.

Blogger custom domain me HTTPS kaise enable kare ?

Waise agar aap apne domain name ke liye https buy karte ho to aapko around 4ooors per year lagte hai, lekin blogger.com ke jariye aap apne custom domain name me free me https activate kar sakte ho.

Blogger custom domain me HTTPS kaise enable kare

1. Apne blogger dashboard par jaye or Setting par click kare.

2. Basic par click kare.

3. HTTPS availability me Yes select kare taki aapke custom domain me https enable ho jaye.

4. HTTPS redirect me Yes select kare taki aapka http wala sabhi url https pe redirect ho jaye.

Bas itna karte hi aapke blogger custom domain me https enable ho jayega.

Friends aap bhi apne blogger ke custom domain me https enable kare or apne blog ko secure banaye taki aapke blog ki privacy harm na ho or search engine par aapka blog accha perform kar sake. Agar aapko blogging se related ko bhi problem hai to aap hamare blogging category ko jarur read kare. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Blogger custom domain me HTTPS kaise enable kare ?

  1. Sir mera blog bhi without www open hi nahi ho raha tha, maine kuch din pehle hi apne blog par custom domain use kiya hai or aaj hi mujhe pata chala ki bina www ke mera blog open hi nahi hota, aapke post ne meri kafi help ki tankq

Leave a Reply

Your email address will not be published. Required fields are marked *