Blogger Post Font Size/Text Size kaise change kare ?

Posted on

444 total views, 3 views today

Blog ko design karne ke liye hum bahut se tarike aajmate hai. Kabhi apne blog ke theme ko change karte hai to kabhi theme ko customise karte hai. Blog ka design hamare blog post ko accha or impressive look dene ka kam karta hai or visitors hamare blog design ko dekh kar impress bhi hote hai. Lekin kabhi aapne socha hai ki aap jo blog post publish karte ho usay visitors read kar pate hai ya nahi, matlab ki agar aapke blog post ka font size yani ki text size kafi chota hai to usay read karne me problem hoti hai, jiski wajah se visitors aapke blog post ko acche se read nahi kar pate. Aaj hum aapko Blogger Post Font Size/Text Size kaise change kare ? ke bare me batane wale hai..

Blogger Post Font Size Text Size kaise change kare image

Agar aapka post bahut accha hai or aap apne blogging me bahut mehnat karte ho to aap jarur chahoge ki aapka blog post koi bhi pura read kare , or aise me agar aapke blog post ka font size chota hai to usay read karne me kafi taklif hoti hai.

Maan lijiye ki aap apne blog par hamesa long post publish karte ho (around 1000 words) or aapke blog post ka font size kafi chota hai to kisi ko bhi aapke blog post ko read karne ke doran aankho me dard jarur hone lagega. Or aise me koi bhi aapke blog post ko full read nahi karna chahega.

Apne blog post ko seo friendly banana jitna jaruri hai utna hi jaruri hai ki hamara blog post readable ho, kyunki hum apne blog par post publish karte hai taki koi usay read kar sake or aise me hamara post ka font size aisa hona chahiye ki koi bhi usay easily read kar sake.

To friends ab aap samajh hi gaye hoge ki blog post me font size ka kya role hote hai ab chaliye aapko batate hai ki font size yani ki text size hota kya hai taki aap easily samajh sako ki aapko apne blog post ke font size ko kitna rakhna chahiye.

Font size hota kya hai ?

Jaise kisi ke height or width ko measure karne ke liye centimeter, meter, inch use kiya jata hai thik usi tarah text size ko measure karne ke liye pixel, percentage, point, Ems use ki jati hai. Commonly pixel ko hi font size design karne ke liye use kiya jata hai jiski unit hoti hai px

font size text size image

Aap upar diye gaye image ko dekh kar clearly andaja laga sakte ho ki jaise font size badhti jati hai waise waise text size badi najar aati hai.

Blog post ka font size ki baat kare to iski size theme ki wajah se set hoti hai, matlab ki aapne apne blog par jo theme use kar rahe ho wahi aapke blog post ke font size ko set karti hai. Or aap apne blog post ke font size ko easily change kar sakte ho.

Waise dekha jaye to blog post ki font size 14px hoti hai, jo ki bahut kaam hai. Aap upar diye gaye image ko dekh kar samajh sakte ho ki 14px text kitna chota hota hai. Hum apne blog post me 16px font size use karte hai.

Agar seo ki baat ki jaye to 14px text size seo friendly nahi hota, kyunki 14px size chota hone ki wajah se readers aapke blog post ko acche se read nahi kar pate. Isliye blog post ko seo friendly banane ke liye blog post ka font size bhi readable hona chahiye.

Blog post ka font size na jyada bada hona chahiye or na hi jyada chota hona chahiye. Agar font size bada hoga to wo aapke blog design ko kharab karega or jyda chota hoga to wo aapke readers ko paresan karega. Isliye blog post font size 16px se 18px tak hona chahiye.

To friends ab aap acchi tarah se samajh gaye honge ki font size hota kya hai or font size kitna hona chahiye. Ab chaliye aapko batate hai ki blogger blog post ke font size ko kaise change kiya jata hai.

Blogger Post Font Size/Text Size kaise change kare ?

Blog font size change karne ke liye me jo tarika batane wala hu usay use karke aap easily apne blog post font size ko change kar sakte ho. Aapko internet par aise bahut se article mil jayenge jo blog font size change karne ke liye HTML code ko edit karne ki baat karte hai.

Blog HTML code edit karna koi badi baat nahi hai lekin jinhone apna new blog banaya hua hai unke liye ye bahut badi baat hoti hai. Aaj hum jo aapko tarika batane wale hai usay use karne ke liye aapko apne HTML code ko edit karne ki jarurat nahi.. Bas aapko niche diye gaye guide ko follow karna hai..

add css to blogger

1. Apne blogger dashboard pe jaye or Theme par click kare.

2. Customize par click kare.

Blogger Post Font Size text Size kaise change kare 1

1. Advanced par click kare.

2. Add CSS par click kare.

3. Add CSS par click karte hi ek Add custom CSS box open hoga , yaha par aapko niche diye gaye code ko copy karke paste karna hai.

.post-body{font-size:16px;}

Note : Code me 16px ki jagah aap apne hisab se font size set kar sakte ho. Agar aap 16px se jyada font size chahte ho to 16px ki jagah 17px ya fir 18px likh sakte ho. Par aapko ye baat dhyan me rakhni hai ki font size jyda bada na ho.

4. Apply to Blog par click kare.

5. Back to Blogger par click kare.

Bas itna karte ho aapke blog post ka font size change ho jayega, aap apne blog ke kisi bhi post par visit karke dekhiye agar aapke blog post ka font size change ho gaya hai to congratulation.. Lekin agar aapke font size change nahi hua hai to aap niche diye gaye code ko try kare.

.item.post-body{font-size:16px;}

Friends humne pehle jo code diya hai wo sabhi blog me perfect kaam karti hai jiski wajah se blog post font size change ho jata hai, lekin agar ye code kaam nahi kar rahi hai to aap dusare code ko use karke dekhiye.. Aapke blog post ka font size change ho jayega.

Aaj ka hamara post aapko kaisa laga hume comment ke jariye jarur bataye or agar aapko apne blog post font size change karne me koi problem aa rahi hai to aap comment ke jariye apne blog ka url dijiye hum aapke blog par visit karke batayenge ki kyun ye code aapke blog par work nahi kar rahi hai or aapke blog font size change karke ke liye new code denge.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *