Blogging karne ke liye khud ko prepare kaise kare ?

Posted on

441 total views, 12 views today

Friends aaj ka hamara topic hai Blogging karne ek liye khud ko prepare kaise kare ? Ab aap ye jarur sochte honge ki isme kya badi baat hai ye to hume pehle se pata hai. To friends agar aap aisa sochte ho to ye post aapke liye hi hai kyunki blogging karne ke koi fixed time or tarika nahi hota lekin blogging karne ke liye khud ko pehle se prepare karna bahut jaruri hai taki jab bhi aap apne blog par kuch post likho ya update karo to aap apna 100% de sako. Or aaj hum unhi sabhi tariko ke bare me aapko batane wale hai jiske bare me aap pehle se jante to ho lekin aap usay follow nahi karte.

Blogging karne ek liye khud ko prepare kaise kare ?

Blogging karne ka sabse main maksad yahi hota hai ki aap iske jariye bahut acchi earning kar sakte ho , matlab aap ek Boss ki tarah life ji sakte ho jaha aapko koi order dena wala na ho. Lekin jaise har chij ka ek plan hota hai waise hi sirf earning karne ke liye blogging karna sahi nahi hota hai. Aap blogging karo earning apne aap hogi, lekin agar aap pehle se earning ke bare me sochte rahoge to na to aap blogging kar paoge or na hi aapki acchi earning hogi.

Anyway , ek blogger ko hamesa apne blog par work karne ke liye prepare hona padta hai taki wo apna 100% dhyan apne blog par lagaye. Maan lijiye ki aap ek new post likhne wale ho lekin aapko pata nahi hai ki kis topic par post likha jaye, to aap internet par kuch search karte ho or aapke dimag ki batti jal jati hai or aap ek topic choose karte ho us par post likhte ho.

Yani ki aap pehle se apne blog post likhne ke liye prepare nahi the. Or isi ke wajah se aapke time new topic ko search karne me chala jayega, to friends apka time waste na ho isliye aaj hum aapko kuch aise tips batane wale hai jisay follow karne ke bad aap apne aapko blogging ke liye prepare kar sakte ho.

Blogging karne ek liye khud ko prepare kaise kare ?

Plan banaye

Kisi bhi work ko karne ke liye aapko planning ki jarurat hoti hai , thik usi tarah agar aap blogging karte ho to aapko ek planing ki jarurta hogi or aapko apne new post likhne ke liye plan banana hoga. Jab me raat ko sone ke liye bed par jata hu to me apne next din ke blog post ke bare me hi sochta hu ki kis topic par post likhu.

Mujhe bahut se khayal aate hai or me ye decide kar lete hu ki mujhe kon se topic par post likhna hai. Topic decide hone par me us topic se related sahi information ke bare me sochta hu jiske jariye me apne blog post ko impressive bana saku.

Next day mujhe pehle se pata hota hai ki mujhe apne blog par aage kya karna hai or usi par me work karta hu. Dosto apne blog ke liye plan banana bhut aasan kaam hai or bahut effective bhi hai. Agar aap pehle se apne new post ke bare me plan banate ho ya fir agar aapko apne blog design karna hai to uske bare me pehle se thinking karte ho to fir aap directly apne blogging par concentrate kar sakte ho.

Time set kare

Waise to blogging karne ke koi fixed time nahi hota lekin agar aap student ho ya fir job karte ho to aapko blogging ke liye time nikalna hota hai. Isliye aapko ek fixed time set karna chahiye taki aap usi time me blogging kar sako.

Pehle me bhi aisa karta tha, jab me job karta tha tab dinbhar busy rehne ki wajah se blogging ke liye samay nikalna bhut muskil ho jata tha. Isliye maine blogging ke liye raat ka samay choose kiye or 9pm to 1am blogging karta.

Time set karne se aap apne time ko sahi se utilize kar sakte ho, agar aap pehle se hi apne blogging ke liye time set kar loge to aap apne 100% blogging ko doge.

Mind control kare

Agar aapke mind me disturbance rahegi ya fir aap kisi tension me ho to aap blogging me apna dhyan nahi laga sakte. Hota ye hai ki puri din ka tension or thoughts ko leke hum blogging karte hai or jab blog post likhni ki bari aati hai to mind itna disturb rehta hai ki hum sab kuch bhool jate hai ki kya likhna hai.

Jab tak aap apne mind ko control nahi kar lete aapka mind kisi bhi kaam ke liye focused nahi rehta or rahi baat blogging ki to mind control karna bahut jaruri hai.

Isliye blogging start karne se pehle apne mind se wo sabhi thought ko nikal dijiye jiski wajah se aap distract feel kar rahe ho taki aap apne 100% de sako.

Thinking power strong kare

Blog post likhne ke liye strong thinking ku jarurat hoti hai or yahi baat aapke blog post ko impressive or sabse behtar banane ke liye help karti hai. Maan lijiye ki aapne ek post likhne ke bare me socha hai or usme kya kya likhna hai uske bare me bhi aapko pata hai, lekin jab aap post likhne ke liye ready hote ho to mind puri tarah se blank ho jata hai. ye aksar newbie bloggers ke sath hota hai.

Agar aap apne thinking power ko strong karne ki practice karoge to aap ek behtar blog post likh sakte ho jo ki impressive or knowledgeable hoga.

Open minded rahe

Hamesa yahi hota hai ki jab hum koi post likhne ke liye apne computer ON karte hai to confuse ho jate hai ki post ki starting kaise kare. Or hum starting me hi aise point batate hai jissay koi bhi read karke bore ho jayega.

Aap apne blog par post kiske liye kar rahe ho ? Jahir si baat hai aapke blog par aane wale visitors ke liye , isliye aapko sabse pehle apne blog par aane wale visitors ki mentality ko samajhna hoga taki aap wahi likho jo aapke readers aapse expect kar rahe hai.

Open minded soch rakhne ka yahi matlab hai ki aap apne blog par aane wale readers ki thinking or mentality ko assume karo or usi ke hisab se blog post likho. Or agar aap aise karne me kamyab ho jate ho to me 100% guarantee ke sath keh sakta hu ki aapka post perfect or impressive ho jayega.

Ek blogger friend banaye

Blogging ke liye apne aapko prepare karne ka ye sabse behtar tarika hai jisay me bhi follow karta hu. Iske liye aapko ek blogger friend ki jarurat hogi jo aapke blog ke topic se related hi blog post likhta ho. Maan lijiye ki aapne ek relationship blog banaya hua hai to aapko ek aise blogger se friendship karni chahiye jo relationship blogging karta ho.

Jab aap aise bloggers ke contact me rahenge to aap apne ideas , new post review or blogging tips ke bare me new ideas milegi jo ki aapke blog post ko impressive banane me aapki help jarur karega.

Me jab bhi kisi topic se related blog post likhne wala hota hu to sabse pehle apne blogger friends ke sath uske bare me discussion karta hu. Aisa karne par mujhe new ideas , knowledge or thoughts milte hai jisay me apne blog post me samil karta hu, taki mara blog post impressive or attractive ho sake.

To friends ye the blogging ke liye khud ko prepare karne ke kuch tips , jisay aap follow to karte ho lekin isay utna importance nahi dete. Ab aap samajh hi gaye hoge ki in sabhi points ko follow karke hi aap regular blogging kar sakte ho or aapko new ideas bhi milti hai. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

16 thoughts on “Blogging karne ke liye khud ko prepare kaise kare ?

  1. Aapka Article Bohot hi Badiya Hai. Lekin me aapko ek Suggestions dena chahunga ki, aapke Writing me Grammar Mistake ho rahi hai.
    Jise Sudharne ki jarurat hai.

    Waise aapne Jankari Bohot hi Badiya di hai.

    1. Sahi kaha aapne, mujhe bhi lagne laga hai ki meri writing skill me bahut kamiya hai jisay me sudharne ki kosis jarur karunga.. thanks Sujal for you valuable feedback and suggestion, keep visiting s2b

Leave a Reply

Your email address will not be published. Required fields are marked *