Blogging karne ka sahi tarika jane Hindi me

Posted on
Smart2Blogging Wish You Happy Diwali Click Here

299 total views, 2 views today

Blogging karne ka sahi tarika jane Hindi me— Aapne apna blog bana liye hai to aap apne blog par article publish karna start kar diye hoga or blogging me success pane ke liye aap apne blog par bahut mehnat bhi karte honge. Or yahi mehnat agar sahi dhang se kiya jaye to aap blogging me bahut jald success pa sakte hai.. Par dukh ki baat ye hai ki blogging me success pane ke liye maximum blogger jo rasta apnate hai wo unhe successful blogger banane ki bajaye ek failure blogger bana deta hai. Mere kahne ka matlab hai ki apne blog par article publish karna hi kafi nahi hai, aapko blogging karne ka tarika samjhna hoga or usay apne blog par bhi implement karna hoga.

Blogging karne ka sahi tarika jane Hindi me

Blog banan ke bad sabse pehla kaam hota hai ki apne blog par article publish kare or aisa bahut se blogger karte bhi hai. Or bahut se article publish karne ke bad unhe ek baat ka ehsas hota hai ki unse ek galti ho gai jisay sudharne ke liye unhe fir se apne sabhi blog post ko modify karna hoga.

Sabhi blogging karne ke doran galtiya karte hai or maine bhi kiya tha. Lekin un galtiyo ko sudharna bhi hoga jisay humne apne blog par kiya hai jaise –

  • seo ki jankari na hone ke karan apne blog post ko seo friendly nahi banana.
  • header tag ka istemal nahi karna.
  • apne post me image use nahi karna.
  • post meta description add nahi karna.
  • post permalink par dhyan na dena.
  • post ko social network par share nahi karna.
  • apne post par internal link nahi dena.

Ye choti choti galtiyo ko hum bad me sudhar sakte hai lekin aisa karne ke liye hum apne blog ko time dena hota hai. Anyway aaj hum aapko blogging ke basic concept ke bare me batane ja rahe hai ki blogging karne ka sahi tarika kya hai..

Blogging karne ka sahi tarika jane Hindi me

Blogging karne ka matlab ye nahi hota ki sirf apne blog par post publish kiya jaye or usay apne social network par share kiya jaye. Aaj hum aapko blogging karne ka sahi tarika bata rahe hai isliye is post ko last tak jarur read kare taki aapko blogging me bahut jald safalta mil sake..

Quantity par nahi Quality par dhyan de

Ye sabse badi galti hai ki blogger apne blog post ki quantity ko improve karne me lage rahte hai, wo sochte hai jyada post publish hoga to jyada bar search engine me hamara blog show hoga or visitors aayenge.. Par aisa nahi hai.. Aapko apne post ki quantity par nahi balki post ki quality ke upar dhyan dena hai.

Post ki quality hi decide karti hai ki aapka post search engine me kis position par display hoga. Ek quality wala post 100 low quality wale post se behtar hota hai kyonki quality wale post me traffic bhi bahut jyada aati hai. Isliey hamesa quality post hi publish kare..

Ek post ko likhne me aapko kafi samay lagta hai, or quality post likhne ke liye aapko quality time bhi dena hota hai. Bahut se log mujhe comment karte hai ki maine apne blog par 100 se jyada post publish kar diya hai fir bhi mere blog par jyada visitors nahi aate, or jab me unke blog ko visit karke dekhta hu to mujhe unke kis bhi blog post me quality najar nahi aati ..

Quality post likhne ka matlab hota hai aisa post to informative ho, interactive or jo samaj me aaye.. Mera manna hai ki koi bhi quality post 1000 words se jyada ki honi chahiye, kyonki ek post ko informative or interactive banane ke liye kam se kam 1000 words to lagta hi hai.

Suggestion – Maximum blogger apne blog post count improve karne ke chakkar me aise post likhte hai jo low quality wale hote hai , jisme word count less then 500 words hota hai… Aise post likhne ka koi fayda nahi, kyonki aise post ko koi bhi like nahi karta.. isliye blogging karna hai to thik se kare or apne blog post ko quality post me badale.

Simplicity is beauty of blogging

Simple or informative information kisi ko bhi easily samajh me aa jata hai or yahi aapko karna hai. Aapko apne blog post ko itna simple language me likhna hai jisay koi bhi easily samajh sake. Maine bahut se aise blog ko read kiya hai or aapne bhi kiya hoga, ki article me itne tough word use kiye hote hai jo samajh me nahi aata. Ya fir aise tarike se article likha hota hai ki article read karne ke bad hum confuse ho jate hai..

Agar aap SEO se related article read karoge to aap jarur confuse ho jaoge or aapko samajhne me bahut problem hogi ki aakhir ye seo hota kya hai, kyonki har article me seo ko lekar kafi kuch likh jata hai jo ek dusare se alag hoti hai..

Isliye aap koi bhi article likho wo simple , informative or understanding hona chahiye..

User ke liye likhe na ki search engine ke liye

Har blogger ko apne blog par aane wale visitors ke upar concentrate karna chahiye, kyon ki koi bhi blogger apne blog par aane wale visitors ke liye article likhta hai na ki search engine ke liye..

Haan ye baat to sach hai ki aapko apne blog post ko seo friendly banana hota hai taki search engine aapke post ko read kar sakte.. Lekin sirf seo friendly article likhne se aapka article search engine ke top rank me nahi aane wala. Kuch mahine pehle maine apne blog par ek experiment kiya tha jisme maine 2 article publish kiye jisme pehla article full seo friendly tha par usme quality nahi thi or dusara article jo high quality wala tha par maine usay seo friendly nahi banaye..

Article publish karne ke 4 month bad mera dusara article jisme maine koi seo nahi kiya tha wo google ke top page me show hone laga or jisme maine seo friendly or low quality article likha tha wo search engine me display hi nahi hua..

Issay mujhe ye to clear ho gaya ki ek quality article ko seo ki jarurat nahi hoti lekin agar aap quality article ko seo friendly banate ho to wo bahut jald search engine par top rank karne lagte hai.. Agar maine pane quality article ko seo friendly banaye hota to wo 4 mahine ke bajaye 2 mahine ya fir  ek mahine me hi top rank me aa jata..

Anyway,,,, Aapko hamesa apne blog post ko user ke liye likhna chahiye , hamesa apne blog par aane wale visitors ko dhayna me rakhte huye quality article publish kare..

User friendly article likhe

User friendly article ka matlab hota hai aisa article jisay read karne par easily samajh m aa jaye, jo readers ko bore hone na de, jisay read karne ke bad koi bhi dusare website par same topic ko search na kare. Har blogger ko apne article ko user friendly banana hi chahiye. Ek article me apne emotions, feeling or experience add karke aap aisa kar sakte ho.

Log sabse jyada wahi article read karne pasand karte hai jo kisi ki real life se belong karta ho.

For example – Agar me seo kya hota hai topic ke upar article likhunga to me apne article ko user friendly banan ke liye isme apna real life experence share karunga jaise – jab maine blogging ki suruwat ki thi to mujhe SEO ke bare me kuch pata hi nahi tha or jab iske bare me pata chala to me thoda niras ho gaya kyonki seo ke bare me idea na hone ki wajah se maine apne blog ko seo friendly nahi banaye.. Jissay mujhe fir se apne sabhi post ko edit karne pade.. 

Bas aapko apne article ko user friendly banan hai. Or user friendly article ko aisa likhe ki jab bhi koi aapke article ko read kare to usay lagna chahiye ki aap unse baat kar rahe ho..

Regular post publish kare

Ye bahut important hai ki aap apne blog ko updated rakhe. Or apne blog ko updated rakhne ke liye aapko regular apne blog par new post publish karne honge. Maximum aisa dekha jata hai ki log blog to bana lete hai lekin apne blog par article publish karne me bahut samay lagate hai. Blogging karne ka matlab ye nahi ki aap mahine me 1 article publish karo but iska matlab ye hota hai ki aap kam se kam hafte me 2 quality article jarur publish karo..

Blogging karne ka ye sabse important point hai ki aap apne blog ko hamesa updated rakho , taki aapka blog jald se jald search engine me rank ho sake. Jo blogger apne blog ko regular update nahi karta unka blog google me accha rank nahi kar pata.. Isliye hamesa ye dhyan me rakhe ki aapko apne blog par kam se kam hafte me 2 article publish karne hoga.

Purane post ko update kare

New article publish karne ke chakkar me hum apne purane article ko bhul jate hai. Aapne dekha hoga ki ghar me jo saman hum rakhte hai usay saal me ya fir mahine me ek bar jarur saf karte hai, agar hum apne ghar ke saman ko saf nahi karenge to usme dust lag jayenge or wo kharab ho jayega.. Thik is tarah hamare blog post bhi hote hai, purane blog post ko update na karne par wo thik se perform nahi kar pate..

For example – Maan lijiye ki ek saal pehle aapne ek article likha tha jiska title hai ” blog or adsense “.. Ab ek saal bad isi topic par aapko internet par bahut se article mil jayeng jo aapke article se behtar honge. Behtar article ka matlab hota hai google me accha rank.. Agar aap apne us article ko update nahi karoge to wo google me accha rank nahi karega,or us article par jyada traffic nahi aayegi..

Purane article ko update karke hum apne old article ko search engine par accha rank dila sakte hai.. Or yahi blogging ka sabse important rule hai ki aap apne blog par new post publish karo or purane wale post ko update karo.

comment ka reply kare

Blogging karne ke doran aap apne blog par article likhte ho or usay publish karte ho .. Overall dekha jaye to hum apne blog par jitne bhi post publish karte hai wo sabhi hamare blog par aane wale visitors ke liye hi hota hai. Aapke blog par aane wale visitors aapke ghar me aane wale guest ki tarah hote hai, jo aapke blog par apne time spend karte hai or aapka article read karte hai.

Article read karne ke bad wo apne suggestions, questions, feedback or doubt aapke sath comment ke jariye share karte hai. Or aapka kaam hota hai ki un sabhi comment ka aap reply karo.

Chahe comment jaise bhi ho aapko unke comment ka reply jarur karna chahiye, chahe aap reply me thanks hi kyon na likhe, par reply jarur kare. Issay aapke or aapke blog par aane wale visitors ke bich ek bonding create hoti hai. Or ye aapke blog ko popular karne ke liye bhi helpful hota hai.

Agar me apne bare me kahu to me us blog par dubara visit nahi karta jo mere comment ka reply nahi karte , sayad aap bhi aisa karte honge.. Par me apne blog par hone wale har comment ka answer jarur deta hu.. Or har blogger ko bhi yahi karna chahiye..

Trust buildup kare

Har blogger ka ek main kaam hota hai ki wo apne blog post or page ke jariye apne blog par aane wale visitors ka bharosa jite.. Maine yaha post or page ki baat ki hai , chaliye iske bare me aapko clearly batate hai..

Post – Post ke jariye bharosa jitane ka matlab hota hai ki apne blog post ko aise likhe ki readers aap par bharosa kare. Aaj kal blog ke jariye affiliated marketing ke bare me aapne suna hi hoga, log affiliated marketing ke jariye bahut paisa bhi kama rahe hai.. Aisa isliye hai kyon ki unka article par log believe karte hai , kyon ki unke article me quality, interaction, information , details, experience or uniqueness hota hai..

Page – Bahut se blogger apne blog par contact us page create karte hai. Par kya aapko lagta hai ki jab koi visitors unse contact karne ki kosis karta hai to wo unhe contact kar pate hai. Nahi, jyadatar blogger apne visitors ke sath contact nahi karte bas unhone naam ke liye contact page create kiya hota hai..

Aapne apne blog par contact details dali hai or aap apne blog readers ke sath communicate nahi karoge to aap apne visitors ka trust kaise jitoge… Kuch blogger apne blog par whatsapp number, facebook id share bhi karte hai , lekin unse contact karne par wo reply hi nahi karte ..

Issay na sirf aapke blog ka trust value down hoti hai balki aapke blog ka naam bhi kharab hota hai. Isliye aapko apne blog post ke jariye apne blog readers ko believe dilana hai ki aapne jo information di hai wo genuine hai. Or agar aapne apne blog par koi contact page banaye hai ye fir aapne apna koi contact share kya hai to aap apne blog readers ke sath interact jarur kare.

Dedicated rahe

Overall blogger ko apne blog ko acche se run karne ke liye dedication ki jarurat hoti hai. Or ye dedication aapko apne blog ke jariye hi milegi. Jaise jaise aap apne blog ki progress dekhoge aap apne blog ke prati dedicated hote chale jaoge. Lekin blog banane ke turant bad hi aapko result nahi milega, aapko kam se kam 6 month apne blog par quality post publish karne honge or 6 month ke bad aap khud apne blog ki performance dekh kar khud par prude feel karoge.

Kuch blogger ko na jane kya khujali hoti hai ki wo apne blog ko lekar kuch jyada hi sensitive rehte hai. Blog par comment or traffic na aane ki wajah se dukhi ho jate hai… or hamesa tension me rehte hai ki apne blog par aisa kya kare ki wo rato raat popular ho jaye..

Hello bloggers aap sabhi ko tension ki nahi dedication ki jarurat hai, tension lene se aapka blog dukhi ho jayega or aap thik se apne blog par dhyan nahi de paoge.. Isliye apne blogging par hamesa dedicated rahe..

Apne aapko successful blogger samjhe

ye bahut jaruri hai ki aap apne aapko kya samajhte ho, agar aapko lagte hai ki blog ke jariye acchi earning hone se hi aap successful blogger ban sakte ho to aap galat sochte ho… Successful blogger wahi hota hai jo apne aapko blogger kahlana pasand karta hai, jiska passion blogging ho, jo hamesa apne blog par quality content publish karte ho or jo apne blog ko logo se communicate karne ka jariya manta ho. Ek baat hamesa yad rakho ki aap jaisa sochte ho waisa aap ban jate ho.

To friends aaj ka hamara article Blogging karne ka sahi tarika jane Hindi me aapko kaisa laga hume comment ke jariye jarur bataye.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Blogging karne ka sahi tarika jane Hindi me

    1. Cloudflare CND use karne se site ki speed improve hoti hai, aap bina kisi tension ke cloudflare use kar sate ho. Cloudflare setup karne ke bad 24 hour lagte hai site ko thik se perform karke ke liye so aapko 24 hour tak wait karna hoga. Hum jald hi apne blog par clodflare cnd se related article publish karne wale hai so stay in touch….

Leave a Reply

Your email address will not be published. Required fields are marked *