Blogging me success pana hai to khud ko successful blogger samjho

Posted on

Hello S2B readers, aaj ka hamara post title Blogging me success pana hai to khud ko successful blogger samjho read karke aap samajh hi gaye hoge ki hum kis ke bare me aaj apako batane wale hai. Blogging karne ke liye passion ki jarurat hoti hai or passion tabhi aata hai jab aapke andar kuch naya karne ki iccha hoti hai. Friends me hamesa yahi kehta hu ki blogging karna bahut hi aasan hota hai, or yahi baat maximum blogger samajh nahi pate or lage rahete hai blogging ki race me.

Blogging me success pana hai to khud ko successful blogger samjho

Waise dekha jaye to blog banane ke bad sabhi blogger apne mind me ye set kar lete hai ek din successful blogger banna hai.. Oy yahi goal ko achieve karne ke chakkar me wo khud confuse ho jate hai ki maine aakhir blog banaye kyun..

Bahut si baatain hai jisay aaj me aapke sath share karunga, kuch apne blogging experience or kuch basic baatain .. Jisay janne ke bad aap khud ko ek successful blogger jarur samjhoge..

Blogging me success pana hai to khud ko successful blogger samjho

Jaisa hum sochte hai waisa hi hum ban jate hai , ye baat to aapne suni hi hogi .. par kya aap ish baat ko apni life me utar paye ? Nahi, kyunki hume bachpan se hi sikhaya jata hai ki study nahi karoge to fail ho jaoge, kabhi ye nahi sikhaya gaya ki study kaisi ki jati hai.. Thik usi tarah bloggers ke mind me yahi hota hai ki blogging karoge to success milegi or sabhi ek dusare ko piche chhodane me lage rehte hai..

Ek baat hamesa yaad rakhiye ki blogging ek aisa platform hai jo sirf aapke writing skill ko improve karne ka kaam karti hai, jaise jaise aap apne blog me article publish karte jate ho waise waise aapki writing skill improve hoti jati hai..

Or jab tak aapki writing skill perfact nahi hoti aap kabhi bhi apne blog me quality article nahi likh paoge..

Kuch din pehle mujhe ek friends ne fb me message kiye ki Me apne blog me bahut mehnat kar raha hu, agar mujhe blogging me success nahi mili to meri sari mehnat bekar ho jayegi “

Tab maine usay ek sawal pucha ki ” waise tum blogging ke alawa karte kya ho “

Usne kaha ” Ji me Engineering kar raha hu , next year mera engineering complete ho jayega “

To maine ussay ek sawal or pucha ki ” kya tume pura yakin hai ki tumhar engineering complete hone ke bad tumhe pakka job mil jayegi “

Usne udas hokar kaha ” nahi pata, lekin job ke liye try karunga “

At last maine ussay kaha ” Bhai agar aapko khud ke upar bharosa hi nahi hai to aap duniya ka koi bhi kaam kar lo usme aap success nahi ho sakte , or jab aapko barosa ho jata hai to aap usi time se success ho jate ho.. Or jaise aap engineering sikhne ke liye apna samay dete ho or engineering complete hone ke bad aap job karte ho , thik usi tarah jab aap apne blog me time dete ho to aapki writing skill imporve hoti hai, or jab aapki writing skill improve hone lagti hai to aapko khud pata chal jata hai ki aapke blog ki performance kitni improve ho chuki hai “

Friends agar aap apne blog ko ek future bank balance ki tarah treat kar rahe ho ya fir aapko lagta hai ki aap sirf inspiration ke chakkar me blog banaye ho to aapko apni soch badalni hogi.

Sab khel soch ka hi hai, jaisa aap sochoge waisa hi aap ban jaoge..

Jab aap apne aapko successful blogger samajhte ho to aap apne blogging me 100% dete ho jiski wajah se aapke blog post ki quality improve hoti hai. Or aapki soch hi aapko ek din real me successful blogger banane ka kaam karti hai.

Ab aap sochte hoge ki khud ko successful bloggr kaise samjha jaye, kya sirf khud ko successful blogger samajhne se hum blogging me kamyad ho sakte hai ? To chaliye ish sawal ka jawab me aapko apni ek real blogging experience ke bae me batata hu..

Jab maine blogging ki suruwat ki thi to sabhi new blogger ke jaise hi me blogging ke bare me kuch nahi janta tha.. Josh josh me aa kar to maine apne blog bana liye lekin jab apne blog me post likhne ki bari aai to me puri tarah blank ho gaye, mujhe kuch samajh me nahi aa raha tha ki me apne blog me kya likhu.

Iski bas ek hi wajah thi ki maine pehle kabhi article writing nahi ki thi, or sayad sabhi new blogger ke sath aisa hi hota hai.. Pehle kabhi article writing na karne ki wajah se hum apne blog me aise aise funny article likh kar publish karte hai jiska koi matlab hi nahi hota. Me bhi apne blog me aise hi bekar bekar article publish karta gaye , jab mere mind me kuch nahi aata to me dusare blog ko dekhta us unhi blog se kuch topic ko read karke apne langugae me likhne lagta..

Ab aap hi sochiye ki aisa karne se kya koi blogging me success hasil kar sakta hai or kya koi apne aapko successful blogger samajh sakta hai, nahi… Khud ko successful blogger samajhne ke liye confident ki jarurat hoti hai, or ye confident learning se hi hasil ki ja sakti hai.

Me samajh gaya tha ki mera dimag ka dabba khali hai, or jab tak ye bhar nahi jata tab tak mere blog post bekar hi hoga.. Isliye me dusare blog or website par article read karne laga, apni knowledge ko improve ki or hamesa ye dekhta ki article likhne ka sahi tarika kya hai…

Friends jab hum kisi dusare blog me kisi ka earning report read karte ho ya fir unki successful story read karte ho to hum blog banane ke liye inspire ho jata hai, lekin apne blog par article likhen ke liye jo confident ki jarurat hoti hai wo hume knowledge gain karne se hi milti hai. Or jab tak aap dusare blog ke article read nahi karte tab tak aapke andar wo confident nahi paida hoga ki main bhi article likh sakta hu..

Ab mujhe pata chal gaya tha ki mujhe article likhne se pehle apni knowledge ko improve karni hogi, or jab bhi main koi article likhta to usay google par search karke information leta, kabhi kabhi aisa lagta ki dusare blog par jo article hai unse behtar me likh hi nahi sakta, lekin lagne me or karne me bahut difference hota hai..

Maine apne aapko focus kiya or apne har article ko likhne se pehle uski information internet se lene laga, dhire dhire mere andar confident aane lagi ki me informative article likh sakta hai hu.. Friends article to koi bhi likhe sakta hai lekin informative article likhne ke liye aapko information ki jarurat hoti hai jo ki aapko internet se easily mil jati hai..

Ab mujhe blogging karte huye kafi samay ho gaya hai or hamesa ki tarah me article likhne se pehle usay internet par search bhi karta hu, or mere andar itna confident aa gaya hai ki dusar ke article read karne ke bad aisa lagta hai ki me unse bahut behtar article likh sakta hu..

Friend jab aapke andar itna confident aa jaye ki aap dusaro se behtar or informative article likhe sako to aapko samajh jana chahiye ki aap ek successful blogger ho or ye samajh aapko ek din sach me successful blogger bana deti hai..

Main apne aapko successful blogger manta hu , kyun ki me success ki piche nahi bhagta, na hi mujhe apne blog se acchi earning chahiye me to bas apna kaam kar raha hu jisay karne me mujhe bahut accha lagta hai..

Agar aap apne apako successful blogger samajhte ho to aapka confident hi aapko ek din real me successful blogger bana deti hai..

Friends aaj ka hamara post aapko kaisa laga hume comment ki jariye jarur bataye.. Agar aapko blogging se related kuch bhi sawal puchna hai to aap hume comment kar sakte hai taki hum aapko sabi problems solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Blogging me success pana hai to khud ko successful blogger samjho

  1. Sahi kaha aapne jab hum apne aapko behtar samajhne lagte hai to hum waisa hi karte hai , khud ko successfull blogger banane se behtar hai ki hum khud ko successfull blogger samjhe tabhi hum real me success pa sakte hai.

Leave a Reply

Your email address will not be published. Required fields are marked *