Blogspot Par Blog Banane Ke Bad Kya Kare ? Smart Hindi Tips

Posted on

Agar aapne apna blog blogger.com me banaya hai to aap jarur confuse hote hoge ki ab kya kiya jaye, darasal har new blogger ke sath aisa hi hota hai wo apna blog to bana lete hai lekin wo thode confuse rehte hai ki ab kaha se start kiya jaye. Aaj hum isi ke bare me aapko batane wale hai ki Blogspot Par Blog Banane Ke Bad Kya Kare ? Smart Hindi Tips

Internet par aapko bahut se aise guide mil jayege jo aapko blog banane ke bad guide karne ka kaam karti hai , sabhi yahi kehte hai ki blog banane ke bad apne blog ko sabse pehel design karo. Agar aap apna blog banate hi usay design karne lagoge to me 100% guarantee ke sath keh sakta hu ki aap confuse ho jaoge or aisa karne par aapka blog hi khud apako confuse kar dega.

Blogspot Par Blog Banane Ke Bad Kya Kare ? Smart Hindi Tips

Hota ye hai ki blog design karne ke liye blog me kuch post, page or category hona jaruri hai taki jab aap apne blog ko design karo to aapko pata chal sake ki aapka blog dikhta kaisa hai or agar aapke blog me kuch bhi nahi hai, na post hai, na hi koi page hai to aap apne blog ko design nahi kar sakte. To friends chaliye aapko batate hai ki blogspot par blog banane ke bad kya karna chahiye.. Step by step guide in Hindi

Blogspot Par Blog Banane Ke Bad Kya Kare ? Smart Hindi Tips

Kam se kam 8 post publish kare

Blog banane ke bad sabse pehle kaam ye hai ki aap apne blog par kam se kam 8 post publish karo. 8 post publish karne ek bad jab aap apne blog ko dekhoge to aapko ek clear view milega ki aapka blog ab dikhne me kaisa hai, yani ki aapke blog me content hai. Reference ke liye niche diye post ko read kare.

Important page banaye

Apne blog me important page banaye jaise – About us page, Privacy policy page, Contact Us page or sitemap page. Ye sabhi page aapke blog ke bare me visitors ko batati hai or in sabhi pages ka hona bahut jaruri hai. Jaise about us page me aapko apne blog ke bare me likha hai or visitors ko batana hai ki aapne ye blog kyun or kaise banaya. Reference ke liye niche diye gaye post ko read kare.

Theme change kare

8 post or important page publish karne ke bad aapko apne blog ka theme change karna chahiye, kyunki blog me jo default theme hota hai wo aapke blog ko professional look nahi de pata. Or isliye apne blog ko professional look dene ke liye aapne blog ka theme change karna hi hoga. Blogger blog ke liye best theme kaha se download kare iske bare me humne already ek post likha hai usay aap read kar sakte hai.

Lekin theme select karne se pehle aapko kuch baato ka khayal rakhna hoga jaise –

  • Theme responsive hona chahiye
  • Theme seo friendly hona chahiye
  • Fast loading theme use kare
  • simple theme use kare
  • news, or magaine wale theme use karne se bacha , kyun ki aise theme ka loading time kafi jyada hota hai jiski wajah se aapka blog open hone me kafi samay lagega.

In sabhi baato ko dhyan me rakhte huye hi theme change kare.

Theme customize kare

Apne blog ka theme change karne ke bad aapko apne theme ko customize karna hoga, yani ki aapko apne theme ko design karna hai. Sabse pehle apne blog ke liye ek accha sa logo or favicon banaye or usay apne blog par lagaye.

Apne menu bar ko edit kare or blog par jitne bhi main categories or page hai unhe menu me link kare.

Sidebar me navigation widget add kare jaise – category widget, recent post widget or popular post widget.

Footer me about us widget or subscription widget add kare. Aap apne hisab se apne blog ko design kar sakte ho, aap jaisa look chahte ho waisa aap apne blog ko de sakte ho. Lekin apne blog ko aisa design na kare jiski wajah se wo bekar lagne lage jaise –

  • Jyada bright color or jyada light color use na kare.
  • Background me image use na kare, iske wajah se aapke blog ki loading time jyada ho sakti hai.
  • Apne blog ke logo ko small or impressive banaye. Bahut se log apne blog par bahut bada logo lagate hai jo ki kafi jagah le leti hai, aisa aap na kare.
  • Bekar ke widget use na kare, jaise – Stats widgets, feature post widgets etc
  • Apne blog ke font size yani text size ko itna rakhe ki koi bhi usay easily red kar sake. Text size jyada chota or jyada bada nahi hona chahiye.

Reference ke liye aap niche diye gaye post ko read kar sakte ho.

Apne blog ko search engine par submit kare

Ye step ko aap blog banane ke bad bhi kar sakte ho. Apne blog ko search engine par submit karne ka matlab hota hai ki hum apne blog ke bare me search engine jaise Google, Yahoo or bing ko bataye ki hamare blog par kon kon se post hai taki search engine hamare blog post ko apne search result me show kar sake.

Apne blog ko search engine par submit karne ke bare me humne already apne previous post me bataya hai aap usay jarur read kare

Apne blog ko Google Analytic ke sath link kare

Google Analytic google ki ek free service hai jo aapke blog par aane wale visitors ke bare me aapko batati hai, Google analytic ki help se aap ye pata kar sakte ho ki aapke blog par daily kitne visitors aate hai or aapke blog par kitne page views huye hai. Issay aap apne blog par aane wale visitors ko monitor kar sakte ho, taki aapko ye pata chal sakte ki aapne blog par sabse jyada kya read kiya jata hai.

Regularly apne blog par post publish kare

Aapko apne blgo par main kaam yahi karna hai ki aap hamesa kuch na kuch post likh kar publish karte raho, jissay aapki typing or writing improve ho sake. Waise bhi blog par bina writing kiye aap success nahi pa sakte. Isliye hamesa apko ek hi chij par fous karna hai wo hai Writing.

Jab aap regularly blogging karne lagte ho or apne blog par new post publish karte ho to aapki knowledge improve hone ke sath sath aapke writing skill bhi develop hone lagti hai.

Maximum log apne blog bana lete ha or wo sochte hai ki kuch post publish karne par hi blog me traffic aane lagegi, lekin aisa hota nahi hai. Aapko hamesa apne blog ko update rakhna hoga , yani ki hamesa new post publish karna hoga. Maine ek post likha tha ki Sahi Mayne Me Bloggign Ki Suruwat Kab Hoti Hai ? Aap ish post ko jarur read kare taki aapke maan me jo blogging se related doubt hai wo clear ho jaye or aap khud ko is kabil bana sako ki aap apne blog par new post likh pao.

Behtar or impressive blog post likhe

Hamesa kosis kare ki aap jo bhi post likho wo internet par available sabhi post se behtar ho. Maan lijiye ki aap ke post likh rahe ho jiska title hai ” Saar dard ka ilaj “ to sabse pehle aap ish title ko internet par search karo or top search result me jitne bhi aapko website najar aaye unke post ko read karo. Issay aapki knowledge improve hogi or aap samajh jaoge ki aap apne post me aisa kya likhoge jissay wo sabse behtar or impressive ho jaye.

Behtar or impressive post bahut jald popular ho jata hai or search engine par bhi accha rank karne lagta hai. Jissay blog ki traffic improve hoti hai.

Blog post publish karne ke bad usay apne social network par share kare

Post publish karte hi wo post search engine par show nahi hoti , isliye aapko apne new post ko apne soical network par share karna chahiye taki aapka social traffic mil sake yani ki aapke social network jaise Facebook , whatsapp, gogole+ me jitne bhi friends hai wo aapke blog post ko read karne ke liye aapke blog par aa sake.

New blog par traffic na ke barabar aati hai or agar hum apne new post ko apne social network par share karte hai to hume social traffic milti hai jo ki hume motivate karne ka kaam karti hai. Search engine par blog post ko aane me kai din , kai hafte ya fir kai mahine lag sakte hai.

SEO ki basic ko samjhne ki kosis kare

SEO matlab search engine optimise. Aapko apne blog post ko kuch is tarah se likhna hoga taki aapke blog post ko search engine easily samajh sake or jab search engine aapke post ko acche se samajh lega to wo aapke blog post ko accha rank karega.

SEO jitna difficult lagta hai utna hai nahi, aapko bas seo ki basic concept ko samajhna hoga. Humne seo se related bahut se post publish kiya hai , reference ke liye aap niche diye gaye post ko read kare.

Custom domain use kare

Aapko pata hi hoga ki aapne jo blog banaya hua hai uske url me blogspot.com hota hai or isi blogspot.com ko remove karne ke liye ek domain name buy karna hoga.

Aisa jaruri nahi hai ki aap apne blog me custom domain set kare, yani ki ek domain name buy karke usay apne blog url ke sath replace karo. Lekin agar aap aisa karte ho to aapka blog ek professional blog ki tarah najar aayega. Kisi bhi blog url me agar blogspot.com rehta hai to usay koi bhi confuse ho jayeg ki ye kaisa url hai. Or logo ko isay yaad rakhne me bhi problem hogi.

Agar aapko blogging karne me interest aa gaya hai or aapki post writing skill develop ho chuki hai to aapko apne blog ke liye ek domain buy kar lena chahiye or usay apne blog url ke sath replace kar dena chahiye.

To friends ab aapko puri tarah samajh me aa gaya hoga ki blog banane ke bad kya karna chahiye or kab karna chahiye. Agar aapko hamara aaj ka post accha laga or aaj aapne kuch naya sikha hai to hume comment ke jariye jarur bataye or agar aap humse kuch puchna chahte ho to comment kar sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *