Computer or Laptop me Whatsapp Kaise chalaye ?

Posted on

339 total views, 3 views today

Agar aap apne computer ya fir apne laptop ke jariye Whatsapp chalana chahte ho to aaj hum aapko batane wale hai ki Computer or Laptop me Whatsapp Kaise chalaye ?

Whatsapp world ka top chatting app hai. Dunia bhar me lagbhag 500 crore se bhi jyada log Whatsapp ka istemal kar rahe hai or daily lagbhar 4200 crore message bheje jate hai, yani ki duniya bhar ki aabadi se bhi kahi jayad message bheje ja rahe hai. Aap issay andaja laga sakte ho ki Whatsapp kitna popular app hai.

Aaj har smartphone me Whatsapp pehle se install rehta hi hai or Aapke mobile me Whatsapp nahi hai to aap jarur chahte hoge ki aap Whatsapp use karo. Maine apne previous post me aapko pataya tha ki mobile me whatsapp kaise install kiya jata hai. Aap apne mobile me whatsapp use karte hi hoge lekin kya aapko pata hai ki aap apne computer or laptop me bhi whatsapp chala sakte ho.

Computer or Laptop me Whatsapp Kaise chalaye ?

Mobile ek portable device hai , yani ki mobile ko aap apne sath kahi bhi le ja sakte hai. Agar aapne apne mobile me whatsapp install kiya hai to aap kabhi bhi or kahi bhi apne friends or relatives ke sath contact me reh sakte hai, photos send kar sakte hai, chat kar sakte hai or call bhi kar skate hai. Lekin agar aap Whatsapp ko apne computer or laptop me chalana chahte ho to Whatsapp aapko iski bhi suvidha deta hai.

Whatsapp ko computer or laptop me chalane ke fayde kya hai ?

Agar aap apna jyada samay computer work me spend karte ho to aap Whatsapp ko apne computer ke jariye bhi chala sakte ho yani jissay aapko bar bar apne mobile me whatsapp message check karne ki jarurat hi nahi hogi or aap directly apne computer ke jariye whatsapp messages read or send kar sakte ho.

Mere jaise bahut se aise log hai jo apna sabse jyada samay computer me work karte huye spend karte hai, unke pas itna samay hi nahi hota ki wo bar-bar apne mobile me whatsapp check kar sake. Aise me agar whatsapp computer ke jariye access kiya ja sake to issay samay bhi barbad nahi hota or aap easily bina mobile ke apne computer par whatsapp messages read kar sakte ho.

Isi wajah se Whatsapp ne ek aisa function start kiya hai jiske jariye aap apne Whatsapp ko apne computer ke jariye connect kar sakte ho or usay use kar sakte ho.

To friends ab aap samajh hi gaye honge ki Whatsapp ko agar aap apne computer ke jariye access karoge to aapko kya fayda hoga. Ab chaliye aapko batate hai ki Computer or Laptop me Whatsapp Kaise chalaye.

Computer or Laptop me Whatsapp Kaise chalaye ?

Jaisa ki maine kaha ki Whatsapp me ek aisa function hai jiske jariye aap easily apne whatsapp ko apne computer ke jariye connect kar sakte ho or usay access bhi kar sakte ho. Aap niche diye gaye steps ko follow karke apne whatsapp ko computer ke jariye connect kar sakte ho.

STEP – 1

Computer or Laptop me Whatsapp Kaise chalaye

Sabse pehle aapko apne computer me web.whatsapp.com website pe jana hai. Aapke computer me jo sa bhi browser hai usme web.whatsapp.com website open kare. Ye whatsapp ka official website hai jiske jariye aap apne Whatsapp ko computer ke jariye connect kar sakte ho. AB aap sochte honge ki ab ye kaise possible hai ki ek website ke jariye hume apne whatsapp ko computer ke jariye connect kar paye. To friends agar aap web.whatsapp.com website par jate ho to aapko waha par ek QR CODE najar aayega jisay aapko apne Whatsapp ke jariye scan karna hai or QR code scan hote hi aapka whatsapp aapke computer ke sath connect ho jayega.

Aap upar diye gaye image me dekh sakte ho ki jab maine web.whatsapp.com website open kiya to mujhe ke QR CODE mila jisay mujhe apne whatsaap ke jariye scan karna hai.

STEP – 2

Computer or Laptop me Whatsapp Kaise chalaye

1. Apne mobile me Whatsapp open kare or CHATS par click kare.

2. Top right corner me jo 3 dot hai us par click kare.

STEP – 3

Computer or Laptop me Whatsapp Kaise chalaye 2

WhatsApp Web par click kare.

STEP – 4

Computer or Laptop me Whatsapp Kaise chalaye 3

WhatsApp Web par click karte hi aapke mobile ka camera ON ho jayega jo ki ek scanner ki tarah kaam karega. Isi ko whatsapp scanner kahte hai jiske jariye QR CODE scan karna hai. web.whatsapp.com website open karne par aapko jo QR code mila tha usay apne whatsapp scanner ke jariye scan karna hai. Jaise hi aap apne whatsapp ke jariye QR CODE scan kar loge waise hi aapka whatsapp aapke computer ke sath connect ho jayega.

Computer or Laptop me Whatsapp Kaise chalaye 5

Jaise hi aapka Whatsapp aapke computer ke sath connect ho jayega wase hi aapke computer me whatsapp ka interface show hone lagega. Or aap easily apne computer ke jariye kisi ko bhi whatsapp message bhej sakte ho or agar koi aapke whatsapp number par message bhejata hai to wo aapke computer par show hoga.

NOTE : Aapke mobile or computer dono me internet connection ON rehna chahiye, nahi to aap apne whatsapp ko apne computer ke sath connect nahi kar sakte.

Friends ab aap ye to jaan gaye ki apne whatsapp ko computer par kaise chalaya jata hai, lekin bas itna hi jaan lena kafi nahi. Aapko ye bhi pata hona chahiye ki kaise apne whatsaap ko apne computer ke sath disconnect kare. To chaliye aapko iske bare me bhi bata dete hai..

Computer or Laptop me Whatsapp Kaise chalaye 2

WhatsApp Web par jaye.

Computer or Laptop me Whatsapp Kaise chalaye 4

Log out from all computers par click kare, aisa karte hi aapne jo whatsapp apne computer ke sath connect kiya tha wo disconnect ho jayega.

Kuch important questions

Whatsapp QR Scanner scan nahi kar pa raha hai iski wajah kya hai ?

Iski bas ek hi wajah hai ki aapke mobile ka camera sahi nahi hai ya fir aapka camera kam pixel ka hai. Mere ek Micromax mobile the jisme me whatsapp use karta tha, me bhi chahta tha ki me apne whatsapp ko apne laptop ke jariye use karu lekin Whatsapp QR scanner kaam hi nahi kar raha tha, or iski wajah ye thi ki mere mobile ka camera scratched ho gaya tha or uske andar dust aa gai thi.

Kya mobile ka internat connection bhi ON hona chahiye ?

Ji haan , kyun ki aapne apne whatsapp ko apne computer ke sath connect kiya hua hai to aapke whatsapp par aane wale sabhi messges aapke computer par show ho rahe hai  Agar mobile ka internet data off rahega ko aap apne computer se apna whatsapp ko connect hi nahi kar paoge.

Bar bar Whatsapp disconnect ho raha hai, kya hai iski wajah ?

Agar aapka internet connection slow hai to iski wajah se aapke whatsapp ko aapke computer ke sath communicate karne me problem hogo or isi wajah se aapka whatsapp bar bar disconnect ho raha hai. Kai bar aisa hota hai ki hum apne mobile me aisi seting karte hai ki kuch samay bad mobile lock ho jata hai, aapne bhi apne mobile me aisi setting ki hogi. Or isi wajah se jab aapka mobile lock ho jata hai to iski wajah se aapka whatapp disconnect ho sakta hai.

Kya computer or mobile me same internet connection hona chahiye ?

Nahi , aisa jaruri nahi hai aap koi sa bhi internet connection use kar sakte ho ya fir apne mobile or computer me alag alag internet connection use kar sakte ho.

Kaise pata chalega ki whatsapp disconnect ho gaya hai ?

Iski information aapko aapke computer me hi milegi.

Computer or Laptop me Whatsapp Kaise chalaye ?

Jab aapka whatsapp disconnect ho jata hai to Phone Not Connected ka notification show hone lagta hai. Aap upar diye gaye photo ko dekh kar samajh sakte ho ki jab whatsapp disconnect ho jata hai ki kaisa notification show hota hai.

Friends ab aap puri tarah samajh gaye hoge ki apne computer or laptop me whatsapp kaise chalaya jata hai. Or issay related dout bhi aapke clear ho gaye honge. Agar fir bhi aapke mind me koi sawal hai to aap hume comment ke jariye puch sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Computer or Laptop me Whatsapp Kaise chalaye ?

  1. 🙂🙂🙂🙂🙂
    Very nyc …
    Kaafi dino se main WhatsApp
    Use karne ki soch rhaa tha pc mein but kar nhi paa rhaa hai…
    Lekin ab kar paaungaa ….
    Aapki vjh se…
    Thank u very much sir…

Leave a Reply

Your email address will not be published. Required fields are marked *