Google Adsense Earning Kaise Badhaye 18 popular tarike

Posted on

113 total views, 1 views today

Me kabhi kabhi sochta hu ki agar Google apni Adsense service hamesa ke liye band kar dega to kya hoga ? Kya aap blogging karna pasand karoge ? Ye khayal jab bhi mere mind me aata hai to me sochta hu ki daily jo lakho blog bante hai unki sankhye kitni kam ho jayegi, or jo Adsense ke jariye already acchi earning kar rahe hai wo kya karenge..

Google Adsense Earning Kaise Badhaye 18 popular tarike

Ek full time blogger se agar pucha jaye ki uski main source of income kya hai ? To uska yahi jawab hoga ” ADSENSE “. Aaj har koi apne blog ke jariye paisa kamana chahte hai, or unki chahat yahi hoti hai ki ek bar apne blog par Adsense approval mil jaye to life set hai.. Par kya aisa hota hai ? Kya Adsense approval ke bad life set ho jati hai ?

Iska answer wo log behtar tarike se de sakte hai hai jinka Adsense approve ho gaya hai.

For example – Aapne kabhi kisi sports me participate kiya hai ? Aap jarur apne school me running competition me participate kiye hoge.. Aapko kya lagta hai ki bina practice ke aap running competition me first ho sakte hai ? Nahi aapko sabse pehle practice or training ki jarurat hogi uske bad aap running ke liye ready hote ho…

Blogging or adsense ko hum ek running competition ki tarah samajh sakte hai, jaisa aap kisi running competition me part lene se pehle uski tayyari or practice karte ho waise hi Adsense me approval ke liye aapko apne blog ko uske layak banana hota hai.. Ek bar aapka blog Adsense ke liye eligible ho gaya to aapko Adsense approval deta hai ki ab aap apne blog par Adsense ad laga sakte ho. Lekin apne blog par Adsense ad lagane se hi aapko acchi earning  nahi mil sakti..

Aaj hum aapko kuch wajah, kuch tips or kuch advice denge jissay aap apne blog ki Adsense earning ko improve kar sakte ho..

Google Adsense Earning Kaise Badhaye 18 popular tips

Friends aap apne Adsense ki earning improve karna chahte ho to aaj ka hamara article pura jarur read kijiye taki aapko Adsense earning improve karne se related sabhi tips samajh me aa jaye.

1. Blog content

Google Adsense contextual ad network hai, matlab ki Adsense ad aapke blog ke content ke hisab se hi show hote hai. Agar aap apne blog par aise article likh rahe ho jisme Adsense ko ad show karne me problem hoti hai to Adsense kabhi bhi aapke blog post par high cpc wala ad show nahi karega.

For example – Maan lijiye ki aapne ek motivational blog banaye hua hai or aap daily apne blog par motivational article publish karte ho, to jab Adsense ad aapke blog post ko scan karegi to aapke blog post ke hisab se ad show karne me usay problem hogi kyonki motivational se related bahut kam Adsense ad hote hai or jitne bhi ad motivational se related hote hai wo low cpc wale hote hai.

Adsense earning improve karne ka sabse best tarike hai ki aap apne blog post par aise article publish karo jo free na ho jaise health, technology, tips, ticks, insurance, review etc.

Hamesa yaad rakhiye ki Adsense aapke blog ke hisab se hi aapki ad cpc decide karti hai.. Or agar aapke blog par low cpc ad display ho rahe hai to aapke adsense earning bhi low hogi.

Isliye behtar yahi hoga ki aap apne blog me aise article publish kare jisme high cpc adsense ad show ho.

2. Multi niche blog

Multi niche blog ka matlab hota hai ki ek hi blog me bahut se topics ke upar article publish karna jaise – Health, education, fashion, beauty tips, blogging , technology jaise topic ko ek hi blog me publish karna. Agar aap aisa karte ho to aapka Adsense cpc kam hoga or jiski wajah se aapka Adsense earning bhi kam hoga.

For example – Aap hamare blog ko dekh sakte ho hum apne is blog par sirf or sirf blogging se related topic par hi articles publish karte hai. Or hamare blog par blogging se related hi Adsense ad show hote hai. Maan lijiye ki kal ko maine apne blog par ek naya topic HEALTH add kar diye. To mere blog par blogging or health se related ad show honge.. Blogging or health ad ki cpc alag alag hogi, or isi ki wajah se overall Adsense cpc low hogi.. Jaise jaise me apne blog par new topic add karta jaunga waise waise Adsense cpc low hoti jayegi, or ultimately meri Adsense earning bhi kam hogi.

To firnds agar aapne apne blog me bahut se category create kiye huye hai, to apne blog se un category ko remove kijiye or apne blog topic se related hi category rakhe. Bahut se blogger apne blog par sms, sayari, status, jokes, quotes, jaisi category banaye hote hai, lekin unhe ye nahi pata ki yahi sabse badi wajah hai ki aapke blog par Adsense ki earning itni kam hai.

Agar aap apne blog me sayari, status, jokes, quotes, jaisi category banay huye ho to usay turant apne blog se remove kar dijiye.. Kyonki aisi category par bahut low Adsense ad show hote hai.

3. Hindi blog

Agar aapne Hindi blog banaye hua hai to aapki Adsense cpc or earning kam hogi. Adsense ad deta hai taki uske ad ke jariye product purchase ho, maan lijiye ki aapke blog me Adsense ad par click karne ke bad koi kuch  buy nahi karta to kya Adsense aapke blog par aise ad display karga jo product purchase se related honge ? Nahi, kyon ki isme Adsense or advertiser ka koi profit nahi hota. Isliye Hindi blog me basically promotion wale ad hi show hote hai.

Adsense ko pata hai ki kis blog par kya ad show karne se sabka fayda hoga. Mainly India ke log kabhi bhi kisi ad par click karke product buy nahi karte, but information gain karne ke liye wo ad par click karte hai. Sabhi ko free me chahiye, har Indian ka apna ek shopping site hota hai jaha se wo apni product purchase karta hai.

Hindi blog me maximum visitors India ke hi hote hai, kyoni Hindi language India me hi sabse jyada read ki jati hai. Or India me Adsense cpc kam hone ki wajah se earning bhi kam hoti hai.

Agar aapko apne Hindi blog se acchi Adsense earning karni hai to aapko apne blog ki traffic ko improve karna hoga.

4. Spelling mistakes ko sudhare

Blog post likhne ke doran spelling mistake hoti hi hai, isliye apne blog post ko publish karne se pehle apne post ko ek bar jarur read kare. Blog post me bahut sare spelling mistakes ki wajah se bhi aapke Adsense earning par asar pad sakta hai.

Ab aap sochte honge ki Adsense earning or Spelling mistakes ka kya relation hai ? To hum aapko bata dete hai ki, Google analytic, Google webmaster, Google search engine or Google Adsense ye sabhi google ke hi services hai. Aapke blog par kya hai, kaise hai, kitna hai, kitna sahi hai, kitna samay log aapke blog par spend karte hai sabhi ke bare me google ko pata hota hai.

Bahut jyada spelling mistakes hone ki wajah se visitors aapke blog post ko acche se read nahi kar pate jiski wajah se visitors aapke blog se chale jayenge.. Aapke blog ka average view-able time bhi kam hoge or aise me Adsense ad aapke blog par appropriate ad bhi nahi show kar payegi. Jissay aapki Adsense earning kam hoti hai.

Isliye apne blog post me spelling mistakes karne se bache or apne old blog post ko modify kare or usme spelling mistakes ko correct kare

5. Jyada ad use na kare

Kuch blogger apne Adsense earnign improve karne ke liye apne blog me bahut sare Adsense ad use karne lagte hai, unhe lagta hai ki jyada ad show hoga to click bhi jyada honge or earning bhi imporve hogi.. Haan unka sochna sahi hai, jyada ad lagane se ad par click hone ke chances imporve hote hai or click bhi jyada hoti hai.. Lekin jyada ad use karne se cpc kam ho jati hai, as a result earning par iska bura asar padta hai.

Aapne apna blog banaye hai visitors ko apna blog dikhane ke liye na ki unhe ad show karne ke liye. Jyada ad blog par lagane se visitor irritate ho jate hai. Isliye hume main focus apne blog visitors par karni chahiye.

Or rahi baat Adsense earning ki to jyada ad use karne par cpc kam milti hai. Isliye agar acchi Adsense earning karni hai to apne blog par aane wale visitors ko irritate na kare or apne ad ki quantity ko content ke hisab se set kare.

6. Ad placement

Ad placement ka matlab hota hai ki apne blog par aisi jagah par ad lagana jana par sabse jyada click hoti ho. Aap apne blog ke header, below title, between post, below post or sidebar me ad laga kar apne Adsense earning ko improve kar sakte ho.

Aapne dekha hoga ki header or sidebar me lagaye gaye ad par hi sabse jyada earning hoti hai or iske cpc bhi baki ke ad unit se jyada hoti hai. Aisa isliye hai kyonki jab Adsense ad dikhane ke liye aapke blog ko scan karti hai to sabse pehle wo aapke content ko scan karti hai or sabse best ad ko header par show karti hai.

Best ad ka matlab hota hai acchi cpc.. Agar aapne apne blog ke sidebar me koi ad lagaya hua hai to aapko pata hoga ki sidebar wale ad par jyada click nahi milti lekin iski cpc bahut acchi rehti hai.

Adsense earning improve karne ke liye aapko apne blog ke ad placement ko samjhna hoga, jo ad unit se achhi earning nahi ho rahi usay disable kijiye or kuch samay ke liye apne Adsense earning ko monitor kijiye.

7. Responsive ad unit use kare

Bahut se blogger aapko ye jarur batayenge ki banner ad jiski size 336×280, 300×250, 728×90 or 300×600 hoti hai wo accha perform karte hai. Par mera manna ye hai ki aise ad unit bekar me aapke blog ke jagah ko capture karte hai. Kyonki

  • agar aapne apne blog par horizontal banner ad (728×90) lagaye hua hai to wo mobile screen par thik se visible nahi hogi.
  • agar aapne rectangular banner ad lagaye hua hai (336×280, 300×250) to wo mobile screen par to thik se dikhai degi par computer screen par kafi jyada area capture karti hai. Aap niche diye gaye image ke jariye samajh sakte hai ki jab hum apne blog par rectangular ad lagate hai to wo computer screen par kafi jyada jagah le leti hai.

Isliye blog me hamesa aise adunit ko lagana chahiye jo screen par acche se display ho or blog par bekar ki jagah ko capture na kare. Matab ki aapko apne blog par responsive ad unit lagane chahiye, responsive ad unit screen size ke hisab se khud ko adjust kar leti hai or jab ad har screen size par acche se display hoga to uspar click hone ke chances bhi improve honge. Or Adsense earning bhi improve hogi.

8. Adsense Auto Ad use kare

Haal hi me Adsense ne ek naya feature ad kiya hai jiska naam hai Auto Ad , iski help se aap apne Adsense earning ko imporve kar sakte ho. Auto ad automatically aapke blog me best location ko select karke ad lagati hai, matlab ki ab aapko ad placement ki chinta karne ki koi jarurat nahi.

9. Low performing ad category ko block kare

Ye tarika aapne bahut se sites par jarur read kiya hoga ki Adsense earning improve karne ke liye us ad category ko block kar do jo aapke blog par accha perform nahi kar rahi. Par kya aapko issay related proper guide mili hai ? Nahi, mujhe to aaj tak aisa koi guide nahi mila jo bata sake ki kaise ad category ko blog kiya jata hai.. Aaj hum aapko iske bare me batayege. To aap bhi isay follow jarur kare taki aap apne blog se un ad ko block kar sako jo aapko acchi earning nahi deti.

Friends kuch ad hamare blog par accha perform karte hai or kuch aise bhi hote hai jo blog par display to hote hai par up par koi click nahi karta, agar un ad par click bhi hota hai to unse earning utni acchi nahi hoti. Or aise hi ad category ko hum block karke apne Adsense earning ko improve kar sakte hai. Bas aapko niche diye gaye guide ko follow karna hai..

Google Adsense Earning Kaise Badhaye

1. Apne adsense dashbord par jaye or Allow & block ads par click kare.

2. All my sites par click kare.

3. General Categories par click kare.

4. Ab aapko wo category dekhni hai jisme impression to bahut hai par uske jariye earning kam ho rahi hai. For example –Aap upar diye gaye image me dekh sakte ho ki mere blog me Computers & Consumer wali ad category ka ad impression 20.1% hai or earning 2.2% hai, matlab ki ad impression ke mukable earning kam ho rahi hai.

5. Jo ad category accha perform nahi kar rahi hai usay block kar de.

Bas itna hi aapko karna hai, block karne ke bad 15 dino tak apne Adsense earning ko monitor kare.. Aapke Adsense earning jarur imporve hogi.

10. Custom Adsense channel banaye

Aap apne Adsense dashboard me ja kar custom channel create kar sakte ho. Custom channel ke jariye aap apne ad unit ke bare me basic information de sakte ho jaise – Ad kis type ka hai, kaha display hoga, aapka blog ka topic kya hai.. Ye basic information advertiser dekhte hai or aapke blog ke ad par bid bhi karte hai. Adsense Custom channel create karke bhi aap apne Adsense earning ko improve kar sakte ho.

11. Adsense ad balance ko set kare

Aap isay experiment ke hisab se le sakte ho. Bas aapko apne Adsense dashboard me jana hai or My ad>> Ad Balance par click karna hai. Yaha aapko set karna hai ki aapke blog par kitne % bar ad show honge. By-default ye 100% rehta hai, aap isay 70 % me set kare.

Agar aapne70% set kiya hai to iska matbal hai ki aapke blog par 70% bar ad show hogi jo jitne bhi ad show hogi wo good performing ad hogi.

12. Adsense opportunities check karte rahe

Google Adsense aapko bahut si opportunities deta hai jissay aap apni Adsense earning ko improve kar skate ho.

Google Adsense Earning Kaise Badhaye 3

Adsense opportunity check karne ke liye Optimisation >> Opportunities par jaye, yaha aapko time-to-time Adsense earning se related opportunities mil jati hai jisay follow karne se Adsense earning improve hoti hai. Isliye hamesa apne Adsense opportunities ko check karte rahe.

13. Copy Paste na kare

Agar aap apne blog par copy paste karke article publish karte ho to aapko hamesa Adsense cpc kam hi milegi. Ab aap sochte honge ki copy paste karne ka kya matlab hua ? copy paste karne 2 type ke hote hai.

  1. Copy karke paste karne or fir post ko publish karna.
  2. Copy karke paste karne or fir edit karne ke bad post ko publish karna.

Dusare blog se copy karke , usay modify karke apne blog par publish karne wale bloggers ki sankhya bahut jyada hai. Kuch blogger to Hindi content ko hinglish me convert karke apne blog par publish karte hai. Aisa karne se aap apne blog ke content ko improve to kar logo lekin aapki Adsense cpc low hoti jayegi.

Isliye copy paste kabhi na kare , agar aapke blog par aise content hai jisay aapne copy paste kiya hai to usay turant delete kare.

14. Bar bar ad position change na kare

Apne blog par bar-bar ad location change karne se bhi Adsense cpc low low hoti hai. Agar aapne 4 ad unit apne blog par lagaya hua hai to usay kam  se kab 1 mahine tak monitor kare, or jis ad unit ki performance acchi nahi hai uska location change kare.

Starting me sabhi bloggers ko low Adsense earning hoti hai jo ki sabhi ke sath hota hai, lekin maximum blogger daily apne blog par ad location change karte rahte hai ya fir naya-naya ad unit create karke apne blog par lagate hai.

Agar aap bhi aisa karte ho to aapko apni habit change karni hogi taki kisi bhi ad unit ko acche se perform karne ke liye kuch samay mile or aapki earning improve ho sake.

15. Adsense Policy center check karte rahe

Google Adsense ke jariye acchi earning karni hai to Adsenes ke sabhi terms and conditions follow karna jaruri hai. Kabhi kabhi hamare blog par hum kuch aise content likh dete hai jo Adsense ki guideline ko follow nahi karte or jab aisa hota hai tab Adsense aapko email ke jariye iski jankari deta hai.

Jab bhi aapka blog adsense ke guideline ko violation (उल्लंघन) karta hai to uski violation report ko aap Adsense dashboard ke jariye dekh sakte ho, or samay rehte usay sudhar bhi sakte ho.

Google Adsense Earning Kaise Badhaye 4

Settings >> Policy center me ja kar aap apne blog par hone wale Adsense violation ko check kar skate ho or usay Adsense ke guideline ke hisab se modify kar sakte ho. Adsense ke jariye acchi earning karni hai to aapko Adsense ke rules ko follow karna hi hoga , isliye hamesa apne Adsense policy center ko check karte rahe or jab bhi koi violation report aaye usay turant resolve kare.

16. Blog ke top ten post ko modify kare

Har blog ka top ten aise post hote hai jisay sabse jyada visitors read karte hai. Aapke blog me bhi aise 10 post honge jisay sabse jyada daily read kiya jata hoga. Top 10 post ka matlab hai ki top ten aise blog post jisme sabse jyada visitors aate hai or jiske jariye aapke adense ad par click kiya jata hai.

Jahir ji baat hai ki jis post ko sabse jyada read kiya jata hai us par Adsense ad par click hone ke chances bahut jyada honge. Aise me aapko apne top 10 post ko modify karna hoga. Blog post modify karne se usme aane wale traffic ki sankhye me improvement hoti hai, or traffic improve hoga to adsense earning bhi improve hogi.

17. Organic traffic improve kare

Organic traffic ka matlab hota hai search engine ke jariye blog par visitor ka aana. Agar aapke blog par maximum visitors social network, direct ya fir referral ke jariye aate hai to aapki Adsense cpc kam rehti hai, jiski wajah se Adsense earning bhi kam hoti hai.

Aap chahoge ki rato-raat aap Adsense ke jariye bahut acchi earning kar le to ye possible nahi hai. Aapko iske liye bahut samay tak wait akrna hota hai, or rahi bata organic traffic ki to aapko apne blog par quality seo friendly content likhna hoga.

Ek survey se ye pata chala hai hi jo visitors organic traffic ke jariye aate hai wo sabse jyada time blog par spend karte hai kyon ki unhe kuch information chahiye hoti hai isliye wo search engine par kuch type karke search karte hai. Organic visitors ka bounce rate bhi kafi kam hota hai, or aise visitors jab ad par click karte hai to wo us ad par sabse jyada interest lete hai.

Overall dekha jaye to Adsense earning improve karene ke liye aapko apne blog par organic traffic ki jarurat hogi. Isliye apne blog post ko quality content me convert kare or usay seo friendly banaye.

18. Adsense ad experiment kare

Ye sabse behtar tarike hai apne Adsense earning ko imporve karne ke liye.Google Adsense aapko apne Adsense ad unit par experiment karne ki bhi opportunity deta hai. Aap isay apne ad unit par implement karke apne ad unit ka font color, border color , background color or ad format change kar sakte ho.

Apne Adsense ad ko modify karke aap apne blog par aapne wale visitors ko ad par click karne ke liye attract kar sakte ho, jissay click improve hogi or earning bhi.

Google Adsense Earning Kaise Badhaye 5

Optimisation >> Experiments me ja kar aap apne ad unit ko modify kar sakte ho.

To friends ain sabhi tips ko anpne blog par implement kare taki aapki Adsense earning improve ho sake. Hume puri ummid hai ki aaj ka hamara article Google Adsense Earning Kaise Badhaye 18 popular tarike aapke Adsense earning ko improve karne ke liye help karengi. Agar aapko humse kuch puchna hai to aap comment ke jariye bataye.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Google Adsense Earning Kaise Badhaye 18 popular tarike

Leave a Reply

Your email address will not be published. Required fields are marked *