Google Adsense ke liye kab apply karna chahiye ?

Posted on
Jab bhi koi insan blogging ki suruwat karta hai to uske dimag me bas ek he dream hota hai ki uske blog par Google Adsense ka ad display ho. Google Adsense ke jariye bahut se aise log bhi hai jo apni life ko apne hisab se ji rahe hai or apne har dreams ko pura bhi kar rahe hai, iski ye wajah hai ki Google Adsense se earning bahut hi acchi hoti hai. Indian me bahut se aise blogger hai jinhone blogging ko apna carrier bana liya hai or unki earning bhi lakho me hai. Blogging karne ke liye jitni jarurat passion ki hoti hai utni hi jarurat patience ki bhi hoti hai. Agar aapme apne blog ke prati passion hai par patience nahi hai to aap kabhi bhi blogging me success nahi pa sakte.



Jab aap Google Adsense ka website open karte ho to waha par display hota hai ” Turn your passion into profit “.. Kabhi aapne socha hai ki iska kya matlab hai ? Nahi na… Iska matlab yahi hai ki agar aapko blogging karne ka passion hai to aap apne passion ko earning me convert kar sakte ho. Or apne blogging ke passion ko earning me convert karne ke liye aapko Adsense ke liye aaply karna padega.. Bahut se aise blogger hai jo Adsense ke liye apply karte hai or unka adsense bhi approve ho jata hai par unme se lakho carodo blogger aise bhi hai jinka Adsense approve nahi ho pata or wo demotivate hoke blogging se quit kar lete hai.

Blogging se quite karne ka matlab hota hai ki aapko blogging ka passion hai hi nahi… Par haan kuch aise tips jinhe follow karke aap jaan sakte hai ki kab aapko Google Adsense ke liye aaply karna chahiye.. Aaj hum apne is article me yahi information dene ja rahe hai jisay aapko janana bahut jaruri hai, taki aap apne passion ko earning me convert kar sako.

Google Adsense ke liye kab apply karna chahiye ?

Blog 6 mahine purana hona chahiye

Agar baat ki jaye blogspot blog ki to aapka blog kam se kam 6 mahine purana hona chahiye. Maan lijiye aapne 1st january me apna blog create kiya hai or ek maine bad aapne adsense ke liye apply kiya hai,aise me aapka Adsense application reject hoga hi. Google Adsense ke Term and condition ka pehla condition ye kahta hai ki agar aapka blog 6 mahine purana hai tabhi aap Adsense ke liye apply kar sakte ho.
Par haan agar aapne apne blog par custom domain dala hua hai ya aapka blog wordpress me hai to aap kabhi bhi Adsense ke liye apply kar sakte ho. Maan lijiye aapne blog banaya or custom domain bhi select kiya fir bhi aapko kuch baataon ka dhyan rakhna jaruri hai , jisay humne niche bataya hai.

Aapne blog par daily visitors kitna hai ?

Agar aapke blog par daily ke 1000 visitors aate hai to aap Adsense ke liye apply kar sakte ho. Kyon ki agar aapke blog par jyada visitors nahi hai to Adsense ke liye apply karne ka koi fayda nahi, agar Adsense approve bhi ho gaya to aage chalkar wo band bhi ho sakta hai.

Hamare pas kuch aise bhi cases aaye hai jinme ek blog ke daily ke 250 visitors tha or unka Adsense account approve bhi ho gya tha par 2 din bad account band bhi ho gaya. kyonki unke blog par jyada visitors nahi the. Aap niche diye gaye snapshot me dekh sate ho ki Adsense band hone ka reason Google Adsense ne kya diya hai..

Isliye agar aapke blog par daily ke lagbhag 1000 visitors hai to aap Adsense ke liye apply kar sakte ho.

Aapne blog par kitne content hai?

Bahut se blogger aise bhi hai jo 5-10 post kiya ki nahi Adsense ke liye apply kar dete hai. Aisa karne se aapka Adsense application reject hona hi hai, kyonki aapne apne blog ke content ko improve kiya hi nahi hai. Isliye pehle apne content ko improve kijiye, content ko improve karne ka matlab ye nahi hai ki aap apne post count ko badhate jaye… Iska matlab ye hota hai ki aap apne content me quality article publish kare. Agar aapke blog par quality content honge to automatically aapke blog ka traffic (visitors) improve hoga or aap Adsense ke liye aaply kar sakte ho. Agar aapko nahi pata ki apne blog par quality content kaise likhe to hamare ye article jarur read kare : Blog par Quality Article kaise likhe ?

Basic chijo ko bhi add kare

Kuch basic chije jai ho aapko apne blog par jarur add karni chaihye. Jaise ki privacy policy, about us or contact us ke page ko add karna. Ye ek blog me honi hi chahiye taki aapka blog ek professional blog lage. Kai bloggers ka Adsense isliye reject ho jata hai kyonki unhone apne blog par ye basic chijo ko add nahi kiya hota hai.

CONCLUSION : At last karna kya hai aapko ?

  1. Aapka blog 6 mahine purana hona chahiye.
  2. Aapke blog par kam se kam daily ke 1000 visitors hone chahiye.
  3. Blog me quality content hone chahiye.
  4. Basich chije honi chaiye.
Agar upar diye gaye 4 point aapka blog follow karta hai to aap Adsense ke liye apply kar sakte ho. Par haan agar Adsense disapprove ho jaye to demotivate nahi ho, kyonki Adsense aapko ye bataega ki aapka Adsense kyon reject hua hai. Aapko Adsense ki taraf se ek mail aayega jo batayega ki aapko Adsense approve karwane ke liye aage kya karna hai. Isliye hamesa apne passion ko demotivate me convert na kere balki isay earning me convert karne ki kosis kare. Happy Blogging
🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *