Google Adsense ki CPC kaise badhaye ?

Posted on

Jab Google Adsense approve ho jata hai to jitni khusi hoti hai utni khushi CPC ko dekh ke nahi hoti, kyonki Adsense ki CPC kitni kam hoti hai ki hamesa ye sawal dimag me chalta rehta hai ki kaise Adsene ki cpc ko improve kiya jaye.. Quality content likhne ke bawajud bhi Adsense ki CPC utni nahi hoti jitni hum expect karte hai. Jab bhi koi blogger Google par ye search karte hai ki ” Kaise Adsense ki CPC improve ki jaye ” to aisa lagta hai ki Blogging ka carrier end hone ke kagar par hai.. Jitni ummid hum Adsense se kar lete hai hume ussay bahut kam hi milta hai or iski wajah sirf aapke blog ke content hi hai..

Aaj hum aapko wo sari wajah batayenge jiski wajah se aapke Adsense ki CPC itni kam hai, or aap apne blog me thodi-bahut changes karke apne Adsense ki CPC ko aasani se badha sakte ho..

Google Adsense ki CPC kaise badhaye ?

Google Adsense ki CPC kaise badhaye ?

Kuch choti-choti mistakes karne se aapke Adsense CPC kam hoti chali jati hai or aapko bahut kam cpc milti hai (0.01$) . Aap niche di gayi suggestion ko follow kare or apni cpc ko improve kare..

Ake blog ka niche (Blog Topic)

Jab bhi koi apna khud ka blog banane ka sochta hai to wo apne blog par bahut sare topic par articles likhne lagta hai or yahi sabse badi wajah hai ki aapke blog pe Adsense CPC bahut kam hai.. Humne apne previous article me bataya tha ki ek blog ke liye uska niche (topic) kitna important hota hai..

Aapka blog earning aapke blog topic par hi depend karta hai. Agar aap Health se related article publish karte ho to sirf Health topic par hi likho.. Bahut sare topic jaise – Health, technology, relationship, parenting, education etc sabhi par article likne se accha hai ki aap apne blog par ek hi topic se related article likho..

Lekin agar aapne already apne blog pe bahut sare topic par article likh liye hai to aapko monitor karna hoga ki kis topic ko read karne ke liye aapke blog par visitors aate hai.. Issay aapko pata chal jayega ki aapke blog pe kon sa topic sabse accha perform kar raha hai.. Ab aapko usi topic par focus karna hoga or usi par article publish karne honge..

Aap analytic ki help se apne blog ke top post ko monitor kar sakte ho, or pata laga sakte ho ki kon sa article log kabhi read nahi karte.. Maan lijiye ki aapke blog pe aapne 1000 article publish kiye huye hai jisme se lagbhag 200 articles ko koi read nahi karta to aaisa article ko aap delete kar do ye fir unhe modify karo, kyonki jo article koi read nahi karte aisa article kisi kaam ke nahi..

Hamesa kosis kare ki aapka blog ek hi topic se belong kare, jiski wajah se aapke blog ka ranking or cpc improve ho sake..

Aise content jisay google like nahi karta.

Agar aap apne blog par aise content dal rahe ho jisay Google pasand nahi karta to aapke blog ka Adsense CPC kam hoga.. Jaise – Hacking ke bare me jankari, copy right material, adult content, gambling, wrong information etc.. Aise article ko kabhi bhi Google admire nahi karta or as a result aapki adsense cpc kam hoti hai.

Isliye apne blog ko family friendly banao taki koi bhi age group ke log aapke article ko read kar sake. Agar aapke blog me aise content hai jisme hacking, gambling, adult content, copy right image hai to aapko apne article ko modify karna hoga..

Adult image ka use karna

Bahut se blogger apne article ko eye catching banane ke liye usme adult image use karte hai jiski wajha se unka cpc kam ho jata hai. Adult image use karne par aapka cpc to kam hoga hi sath hi sath aapka Adsense bhi disable ho sakte hai..

Jyada like or share pane ke chakkar me aap apne Adsense account ko band karwa sakte ho. Aisa na kare, kabhi bhi apne blog article me adult image ka istemal na kare or agar aapne aisa kiya hai to turant apne blog post se un images ko remove kar de.

Bekar ke topic par article post karna

Agar aap apne blog par sayari, whatsapp status, image gallery, jokes, wishes, sms jaise content publish karte ho to aapka Adsense cpc kam hoga hi.. Bahut se log apne blog par aise content publish karte hai jo sirf entertainment ke liye use ki jati hai, aise content me Adsense cpc kam hoti hai.

Aaj se ek saal pehle maine apne blog acchibaat.com par bahut si motivational articles publish ki thi, lekin traffic improve karne ke chakkar me maine sayari, whatsapp status, jokes se related bhi article publish karne suru kar diye the… Meri blog ki traffic to improve ho gayi par Adsense CPC kam ho gai..

Hume sirf yahi focus karnege ki kaise apne CPC ko improve karna hai na ki traffic ko..

Bar-bar Ad ka location change karna

Bar bar ad unit ka location change karne par bhi aapka Adsense cpc kam hota hai.. Agar aap aisa krte ho to aisa na kare. Kyonki ek ad ko acche se perform karne me lagbhag 7 din ka samay lagta hai.. Aap Adsense Ad unit ko monitor kar ke dekh sakte ho ki kon sa ad unit accha perform kar raha hai. Lekin aapko 7 dino tak usay monitor karna hoga, bar bar ad unit change karne par aapke ad ka performance weak ho jata hai jiski wajah se low cpc ad hi aapke blog par display hote hai. Low cpc ad ki wajah se aapka Adsense cpc kam hota hai. Isliye bar-bar ad location ko change na kare

Apne blog ka theme change karna

Theme aapke blog ko ek unique look dene ka kaam karti hai, agar aap apne theme se satisfy nahi hai to aap usay change karoge, or dusara theme use karoge , or kuch time ke bad tisara.. Bahut se blogger apne blog ke theme ko bar-bar change karte rehte hai, jiski wajah se unke Adsense ad par iska bura asar padta hai..

Bar-bar theme change karne par aapke Adsense ad ki quality reduce hone lagti hai or low cpc ad display hone lagte hai.. Or iski wajah se aapko Adsense cpc kam ho jati hai.. Isliye kosis kare ki aap apne theme ko bar-bar change na kare.

Content se jyada ad ka hona

Bahut se aise bogger hai jo apne blog post me content se jyada ad display karte rehte hai . Aisa karne par invalid click ke chances badh jate hai jiski wajah se aapki adsense cpc kam hoti hai. Agar aap apne blog par bhi aisa karte ho to aapki Adsense cpc kam hogi. Isliye apne blog ke content ko dhyan me rakhte huye hi Adsense ad display karwaye.

Adsense policy center check kare

Bahut bar aisa hota hai ki hum aisi article publish karte hai jo Google Adsense ke terms & conditions ko follow nahi karte, jiski wajah se un article par Adsense ad display nahi hote.. Aise me Google adsense aapko email ke jariye batati hai ki aap apne article ko modify karo taki Adsense ad display ho sake.

Google Adsense ki CPC kaise badhaye ?

Aise me aapko apne Adsense account ko open karke check karna hoga ki aapke blog ka kon sa page affected hai, aapko apne us page ko modify karna hoga..

In sabhi affected page ka asar aapki Adsense cpc ke upar padti hai, isliye hamesa apne adsense account me Policy center check karte rahe. Or jab bhi koi page infected ho usar modify kare ya fir delete kar de.

Relationship blog banan

Ek relationship blog ki cpc kam hoti hai, agar aapne bhi relationship blog banaye hai to aapki Adsense cpc 0.01-0.03 $ hi rahegi.. Relationship blog me adsense cpc kabhi improve nahi hoti…

To friends in sabhi wajaho se Adsense cpc par asar padta hai or Adsense cpc ko improve karne ke liye hume hi kuch karna padega. Aap bhi hamare diye gaye point ko apne blog par implement kare taki aapki Adsense cpc improve ho jaye. Agar aapko Adsense se related kuch sawal puchne hai to humse comment ke jariye jarur bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *