Google Adsense VS Affiliate Marketing : Which One Is Best ? Hindi full guide

Posted on

Google Adsense VS Affiliate Marketing.. Blog banane ke bad sabse pehle mind me yahi sawal aata hai ki agar blog ke jariye earning karni hai to kon sa tarika sabse best hai yani ki Google Adsense ya fir Affiliate marketing. Aaj hum aapko in dono ke hi bare me batane wale hai or aaj ka hamara post read karne ke bad aap puri tarah samajh jaoge ki in dono me se kon sa online earning method best hai.

Google Adsense VS Affiliate Marketing : Which One Is Best ? Hindi full guide

Online apne blog ke jariye earning karne ka dono hi taraka sabse best hai, lekin dono me jamil aasma ka fark hai. Aap in dono methods me se kisi bhi method ko apnakar apne blog ke jariye earning kar sakte ho.

Agar aap in dono ke jariye earning karna chahte ho to sabse pehle aapko in dono methods ke bare me pata hona chahiye, ki inke jariye earning kaise hoti hai. To chaliye sabse pehle aapko in dono methods ke bare me bata dete hai.

Google Adsense se earning kaise hoti hai ?

Google Adsense me approval milne ke bad hum adsense ad apne blog par lagate hai or isi wajah se hamare blog par adsense ad show hone lagte hai. Agar koi visitors us ad par click karte hai to hamari earning hone lagti hai, yani ki aapko har click ke paise milte hai.

Hota ye hai ki adsense bahut se companies ke ad ko promote karne ka kaam karti hai, or wahi ad ko hamare blog ke jariye logo tak pahuchati hai. Agar koi us ad par click karta hai to adsense hume iska royalty (paisa) deti hai.

Friends ab aap itna to samajh hi gaye honge ki adsense ad par click karne ke paise deti hai, lekin issay bhi badi baat ye hi ki agar maan lijiye ki aapke blog par adsense ke ad show ho rahe hai or koi us par click nahi karta to adsense aapko ad show karne ke bhi paise deti hai.

Overall agar aapne ek new blog banaye hua hai to adsense approval hote hi aapko earning start ho jati hai. Lekin adsense approval pana aasan nahi hota, bahut se blogger adsense ke liye apply to karte hai lekin unka adsense approve nahi ho pata. Or jab bar bar adsense approval nahi hota to affiliate marketing karne ke bare me socte hai.

Kisi bhi blogger ki mentality dekhi jeye to sabse pehle wo google adsense ko prefer karta hai or jab adsense approval nahi mil pata to affiliated marketing ke bare me sochta hai.

Affiliate Marketing se earning kaise hoti hai ?

Jaisa ki maine aapko bataya ki ek blogger ki mentality kaisi hoti hai. Ek vyakti ne apna blog banaya or uska adsense approve nahi hua to wo affiliate marketing karne nikal pada. Affiliate marketing me member banna bahut hi aasan hai or aapko iske liye approval bhi mil jati hai.

Koi bhi affiliated marketing me member ban sakta hai. Aaj jitne bhi onlien shopping sites hai wo apna affiliated program run kar rahi hai jaise – Amazon, Flipkart, Snapdeal, Ebay etc Aap apne hisab se kisi bhi affiliate program ko join kar sakte ho.

For example – Maan lijiye ki aapne Amazon affiliate program join kiya hai , to program join karne ke bad aapko amozon ke porduct ko bechna hota hai. Yani ki aapko apne blog ke jariye amazon ke kuch product ke bare me review dena hota hai, unka bare me likhna hota hai or in the end aap us product ka affiliated link ya banner add karte ho. Jab koi vyakti aapke affiliate link ke jariye product buy karta hai to aapko iska commission milta hai.

Yani ki jab tak koi product sell nahi hoti tab tak aap affiliate marketing ke jariye paise nahi kama sakte.

Affiliate marketing me kuch point aise bhi jisay aapka janna jaruri hai jaise –

  • Bina product sell kiye aapki earning nahi hoti
  • Click ke paise aapko nahi milte.

To friends ab aap puri tarah samajh gaye hoge ki Google Adsense or Affiliate marketing ka earning process kaisa hai. Ab aapko ek clear idea mil hi gaye hoga ki kis method me earning jald se jald hone lagti hai or kis ke jariye aap online earning kar sakte ho. Ab chaliye aapko batate hai ki in done me se best kon sa hai.

Google Adsense VS Affiliate Marketing : Which One Is Best ? Hindi full guide

Agar Google Adsense or Affiliate Marketing ki baat ki jaye to dono hi apne-apne jagah par best hai. Yani ki dono hi no-1 online earning method hai. Aap in dono ke earning process ke bare me jaan hi chuke ho or aap itna to samajh hi gaye hoge ki in dono me se agar aapko koi method choose karna hai online earning ke liye to aap kon sa method choose karoge.

For example – Maan lijiye ki aap aise product ka affiliate marketing kar rahe ho jiski kimat 10000 rupay hai, to aap apne blog post me us product kar bare me review doge or us product ka affiliate link add karoge. Agar us product ko koi buy karta hai to aapko 1000 se 2000 rupay tak commission milega, ab aap khud hi calculate kar sakte ho ki agar aapke blog post ko read karne ke bad 10 logo ne us product ko buy kiya to aapki earning kitni hogi.

overall dekha jaye to affiliate marketing me ek product ko sell karke aap hajaro rupay kama sakte ho wahi agar aapne adsense ad apne blog par lagaya hua hai to aapko ek click par 2-10 rupay tak milte hai.

Aap chahe Google Adsense ke jariye earning karo ya fir affiliate marketing ke jariye, dono me hi aap apne blog ke jariye earning kar sakte ho. Par adsense ke jariye aapki quick earning start hone lagti hai lekin affiliate marketing ke jariye earning karne me thoda samay lagta hai.

To friends ab aap puri tarah se samajh hi gaye honge ki Google Adsense or Affiliate marketing apne-apne jagah par no-1 hai or dono ke jariye earning karne ka tarika alag alag hai. Ab chaliye aapko batate hai ki Affiliated marketing kab nahi karna chahiye..

Affiliate Marketing kab nahi karna chahiye ?

Jab aapka Adsense account approve nahi ho raha ho

Blog banane ke bad sabse pehle kaam yahi hota hai ki apne blog ko kaise Adsense ke liye approve karwaya jaye, lekin bar bar adsense account approve nahi hone ki wajah se bahut se log affiliate marketing ki taraf apne blog ko le jate hai or affiliate marketing karne lagte hai.

Lekin ek baat aap khud hi sochiye ki affiliate marketing karne ke liye sabse pehel aapko High Quality Post likhna hoga or jab tak aap High quality post nahi likh pate tab tak aap koi sa bhi product ka affiliate marketing kar lo wo kabhi koi buy hi nahi karega. Or agar aap High Quality Post likhna jante ho to aapka Adsense account approve hoga hi.

Overall Adsense sirf usi blog or website ko approval deti hai jisme High Quality Post ho or affiliate marketing me aap success tabhi hasil kar sakte ho jab aap High Quality Post likhna jante hoge.

Agar aap me patience nahi hai

Jaise ke adsense approve hote hi earning start ho jati hai lekin affiliate marketing me aisa nahi hai. Jab tak koi product buy nahi karta aapki earning nahi hogi or iske liye aapko bahut patience ki jarurat hoti hai. Aisa nahi hai ki aapne aaj ek post likha or dusare din se hi wo post ko read karke log product ko buy karne lagenge. Ye jitna simple dikhta hai utna hai nahi. Affiliate marketing karne ke liye patience ki jarurat hoti hai or agar aap bahut jald paisa kamana chahte ho to affiliated marketing karne ke doran aapko patience se kaam lena hoga.

In dono wajaho ke karan hi affiliate marketing me maximum log fail ho jate hai. Agar aapko affiliate marketing se earning karni hai to aapko ek plan banana hoga, jisay follow karne ke bad aap apne blog ko aisa develop kar sakte ho ki agar koi aapke blog par aaye to wo khud product ko buy karne ke liye motivate ho jaye.

Friends aap Google Adsense or Affiliate Marketing ko ek sath bhi apne blog se run kar sakte ho, Google adsense affiliate marketing ko approve karti hai , yani ki agar aapne apne blog par adsense ad lagaye hua hai to aap adsense se earning karne ke sath sath affiliate program join karke affiliate marketing bhi kar sakte ho.

To friends aaj ka hamara post aapko kaisa laga hume comment ke jariye jarur bataye or ye bhi bataye ki aap Google adsense or affiliate marketing me sabse jyada kise prefer karte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *