Google Analytic Free Kyu Hai ? SELF THOUGHT

Posted on

Kisi bhi blog ka traffic or performance measure karna hai to sabse behtar option hai Google Analytic. Lekin kya aapne socha hai ki Google Analytic Free Kyu Hai ? Kuch din pehle me iske bare me soch raha tha ki kya Google Analytic ka koi alternative hai , kya google analytic paid ho jaye to blog ki performance or traffic monitor karne possible hoga ? In sabhi sawalo ka jawab to mujhe nahi mila lekin me itna jaan gaya hu ki Google analytic free kyu hai or agar google analytic free nahi hota to kya hota ?

Google Analytic Free Kyu Hai ? SELF THOUGHT

Kya aap google analytic ke bare me jante ho ? Haan agar aapne apna khud ka blog ya website banaye hai to jarur iske bare me jante hoge. Google analytic, Google ki ek free service hai jo kisi bhi blog or website par aaye visitors ko monitor karne me help karti hai.

Agar aap google analytic ke bare me jante ho to kya aap iske bare me full knowledge rehte ho ? Me 100% guarantee ke sath keh sakta hu aap me se koi bhi google analytic ke bare me pura nahi jante hoge, aapko bas itna pata hai ki analytic me real time visitors dekh sakte hai or daily kitne page views ho raha hai uske bare me pata chalta hai.

Kabhi aapne ye janane ki koisi ki , ki google analytic me kon kon se function hai or analytic ki help se hum apne blog ki performance ko kaise improve kar sakte hai ? Nahi, aap to analytic me sirf real time or page-views hi dekhte hoge. Or iski sirf ek hi wajah hai wo hai Google Analytic free hai..

Free wali chijo ki kadar nahi hoti, lekin wahi agar analytic paid hota or aapko analytic use karne ke paise dene hote to aap analytic ki baal ki khal jarur nikal dete. Jab hum kisi service ko buy karte hai to uske bare me a to z janane ki koisi karte hai , or unke har guide ko follow bhi karte hai.

Ye to thi human mentality jo ki free ki chijo ki kadar nahi karta. Chaliye sabse pehle hum aapko ye bata dete hai ki agar Google analytic paid hota to kya hota ?

Agar google analytic paid hota ?

Agar google analytic paid hota to aapko apne blog traffic monitor karne ke liye Analytic ki jarurat hoti or aap isay buy bhi jarur karte . Google Analytic se behtar koi aur option hai hi nahi. Isliye aap na chah kar bhi isay buy karte. Agar aapko pata hi nahi hoga ki aapke blog par kitni traffic hai, kitna bounce rate hai, kitne page views hai or visitors aapke blog par kis post ko sabse jyada read kar rahe hai to aap apne blogging me concentrate kaise kar paoge.

Agar google analytic paid hota to aap apne blog ko monitor karne ke liye isay purchase jarur karte or analytic ke sabhi function ko use bhi karte. Kyunki paid wali chijo ke bare me information lene me kafi interest jaag jata hai.

Agar google analytic paid hota to maximum log isay buy nahi karte or iski wajah se Google Search engine ki performance par effect padta. Iske bare me hum isi post me aapko batayenge… So continue reading.

To friends ab aap samajh hi gaye hoge ki agar Google Analytic paid hota to kya hota, ab chaliye aapko batate hai ki kyu Google Analytic free hai ?

Google Analytic Free Kyu Hai ? SELF THOUGHT

Internet par jitne bhi website or blog hai wo almost sabhi Google Analytic se linked hai, taki traffic ko monitor kiya ja sake. Jaha Google analytic aapko aapke site traffic monitor karne ki suvidha deta hai wahi wo apne Google Search result ko strong bhi banata hai.

Me yaha google ke 3 services ke bare me bataunga jo ki free hai or jiska istemal aap bhi karte ho.

  1. Google Webmaster Tool (Search Console)
  2. Google Analytic
  3. Google Search

Ye tino services ek dusare se linked hai, agar kisi ka website hai to wo apne website Google par submit karne ke liye Google Webmaster Tool me apne sitemap ko submit karega. Or Google Webmaster Tool kisi bhi website ke post ya page ko Google Search me ek position dene ka kaam karti hai.

Yaha tak to aap samajh hi gaye hoge ki jab aap apne blog sitemap ko Google Webmaster Tool me submit karte ho to wo aapke sitemap ko scan karti hai or aapke blog se sabhi post, page or content ko Google Search me ek position deti hai.

Ab aap khud batao ki Google Webmaster Tool ko kaise pata chalta hai ki aapke blog ka kon se blog post ko google search results me accha rank dena hai or kis post ko rank nahi dena hai ? Iska jawab hai Google Analytic, google analytic ke jariye hi Webmaster tool ko pata chalta hai ki aapke blog ke kon se post ko sabse jyada log read karte hai , kon se post ko kitne der tak read karte hai or post read karne ke bad wo kaha jate hai..

Ye sabhi information to tally karne ke bad hi Google search result me aapke blog post ka position decide karta hai.

Overall Google Webmaster Tool, Google Analytic or Google Search engine ek sath work karti hai , or agar google analytic ko paid kar diya jaye to Google Search bhi thik se work nahi kar payegi.

Dekh jaye to Google apne search engine ko smart or effective banane ke liye Google analytic ka use karti hai jo ki hamesa free rehne wali hai. Google analytic aapko ek free platform deti hai taki aap apne blog traffic ko monitor kar sako or sath me google search engine ki help karo taki wo hamesa high quality post ko hi apne top search result pe show kar sake.

Friends aaj ka hamara post aapko thoda confusion jarur laga hoga lekin reality yahi hai ki agar kisi bhi site ko monitor karna hai to analytic hi sabse best hai or iske bina google search engine ka koi role nahi hai. Aapko ye to pata hi hoga ki agar aap Google Search Engine ke bajaye yahoo, bing search engine me kuch search karte ho to apako jo result show hote hai wo kaise hote hai ?  To friends aaj ka hamare post aapko kaisa laga hume comment ke jariye jarur bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *