Google Analytic Me Apne Dusare Website/Blog Ko Kaise Add Kare ?

Posted on

Google Analytic ek aisa service hai jiske jariye hum apne blog or website par aane wale visitors ko monitor kar sakte hai or apne blog ke performance ko track kar sakte hai. Agar aapne apna blog banaye hua hai to aap Google Analytic ke bare me jarur jante honge. Humne apne previous post me aapko bataye taha ki apne website ko Google Analytic ke sath kaise connect kiya jata hai or aaj hum aapko ye batane wale hai ki Analytic Me Apne Dusare Website Ko Kaise Add Kare ?

Google Analytic Me Apne Dusare Website Blog Ko Kaise Add Kare 5

Agar aap ek blogger ho to aapne 2-3 blog to banaye hi honge, waise bhi blogger.com par blog banana to free hi hai. Yaar mujhe ye samajh nahi aati ki log free ke chakkar me aa kar apne aapko confuse kyu kar lete hai, ek blog par focus karne ke bajaye apna kai sara blog bana lete hai or kisi bhi blog par work nahi karte.

Anyway, ye to sabhi newbie blogger ki mentality hoti hai or isi mentality ke chakkar me wo apne kai blog bana lete hai. Me bhi aisa hi karta tha, ek blog banane ke bad maine dusara blog banaye or fir tisara. Or dekh hi dekhte maine kai blog bana dale, lekin kisi bhi blog par thik se work nahi karta tha. Ye bahut purani bata hai, us samay mujhe sirf blog banana aata tha, or blog banane ke chakakr me bahut sara blog bana dala.

Basically newbie blogger apne blog par aane wale traffic ko BLOGGER stats ki help se monitor karte hai, or kafi samay bad unhe ye pata chalta hai ki Analytic bhi koi chij hoti hai. To wo apne blog ko google analytic ke sath connect karte hai, lekin jab unhe apne dusare blog ko google analytic ke sath connect karne hota hai to wo puri tarah blank ho jate hai ki ab kya kare.

Starting me main bhi confuse tha ki me apne dusare blog ko Google analytic ke sath kaise connect karu. Or jab maine iske bare me internet par search kiya to iska jawab mujhe nahi mila, kyunki is topic me Hindi article hai hi nahi. Maine jaise taise apne dusare blog ko google analytic se connect karne me success to ho gaya lekin dusare blog ko connect karne ke bad bhi mere mind me confusion thi ki ab kaise apne dono blog ko analytic me monitor karu.

To friends ab aapko tension lene ki jarurat nahi kyunki aaj hum aapko isi ke bare me batane wale hai or in the end aap puri tarah samajh jaoge ki apne dusare blog ko kaise analytic se connect kiya jata hai or usay kaise access kiya jata hai, to chaliye jante hai.

Google Analytic Me Apne Dusare Website/Blog Ko Kaise Add Kare ?

STEP – 1

Google Analytic Me Apne Dusare Website Blog Ko Kaise Add Kare 1

1. Apne Google Analytic dashboard me jaye or ADMIN par click kare. Agar aapko ADMIN option najar nahi aa raha hai to Gear Icon par click kare. Aap upar diye gaye image me dekh sakte ho ki Gear Icon kaise najar aata hai. ADMIN ke bagal me jo icon najar aa raha hai usi ko Gear Icon kaha jata hai.

2. Create Property par click kare.

STEP – 2

Google Analytic Me Apne Dusare Website Blog Ko Kaise Add Kare 4

1. What would you like to track? – Yaha Website select kare. Ye pehle se by-default Website selected rehta hai, agar nahi hai to Website select kare.

2. Website Name – Apne website ka naam likhe. Aap upar diye image me dekh sakte ho ki maine yaha par smart2blogging likha hai jo ki mere website ka naam hai, aap ko bhi yaha par apne website ka naam likhna hoga.

3. Website URL – Aapka website http enable hai ya https , usay select kare. Apne website me http hai ya https janne ke liye apne blog ko visit kare or check kare ki aapke blog url ke starting me kya likha hua hai , agar https likha hai to yaha aapko https select karna hai nahi to http select kare.

4. Website URL – Aapko apne blog ka url likhna hai. Par ye dhyan rahe hi aapka blog me jaisa url hai waisa hi aapko likhna hai, aap apne blog ko open karke dekh ki aapke blog url ke aage www hai ya nahi. or usi ke hisab se aapko apna blog url yaha par likhna hoga.

5. Industry Category – Yaha apne blog ka topic select kare, yani ki aapka blog kis topic se belong karta hai usay select karna hai.

6. Reporting Time Zone – Apne country ka naam select kare.

7. Get Tracking Code par click kare.

Google Analytic Me Apne Dusare Website Blog Ko Kaise Add Kare 3

Get Tracking Code par click karte hi aapko Google Analytic Terms of services message show hoga, bas aapko yaha par I Accept par click karna hai.

Bas itna karte hai aapko aapke dusare blog ka tracking code mil jayega.

Google Analytic Me Apne Dusare Website Blog Ko Kaise Add Kare 4 tracking code

Apne blog ki tracking code ko copy kare or apne blog par isay lagaye taki aapke dusar blog analytic ke sath connect ho sake. Agar aapko nahi pata ki tracking code apne blog par kaise lagate hai to niche diye gaye post ko read kare.

Friends ab aapko pata chal hi gaya hoga ki apne dusare blog ko analytic ke sath kaise connect kar sakte hai. Aap ish process ko follow karke apne aur bhi dusare blog ko analytic ke sath link kar sakte ho or unke tracking code ko apne blog par laga kar apne blog ki traffic ko monitor kar sakte ho.

NOTE – Sabhi blog ka tracking code alag alag hota hai. Agar aapne apne 3 blog google analytic ke sath link kiya hua hai to un tino ka tracking code alag-alag hoga.

Friends aapko overall ek idea mil hi gaya hoga ki apne blog ko kaise analytic ke sath connect kiya jata hai or hume puri ummid hai ki aap aisa karne me kamyab jarur huye hoge, lekin apne dusare blog ko analytic ke sath connect karna hi kafi nahi hota, aapko apne blog ko google analytic me swift karna bhi aana chahiye. Yani ki aapne to apne kai blog ko analytic se sath link kar diya hai, par apne sabhi blog ko alag alag or individually kaise monitor kiya jata hai wo aapko nahi pata. chaliye aapko iske bare me bhi bata dete hai.

Google Analytic Me Apne Dusare Website Blog Ko Kaise Add Kare 5

Apne Analytic account me jaye or All Web Site Data par click kare.

Google Analytic Me Apne Dusare Website Blog Ko Kaise Add Kare 5

1. Yaha aapko aapke wo sabhi blog dikhaye jayenge jisko aapne analytic ke sath link kiya hua hai. Bas aapko apne us blog name par click karna hai jiska traffic aap monitor karna chahta ho.

2. All Web Site Data par click kare.

Bas itna karte hi aap apne blog ko apne google analytic me swipe karke monitor kar sakte ho.

To friends aaj ka hamara post aapko kaisa laga hume comment ke jariye jarur bataye or agar aapko is post ke related koi bhi doubt hai aap humse puch sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *