Google Webmaster Guidelines Kya Hai Hindi Me Puri Jankari

Posted on

Google Webmaster ka naam aapne suna hi hoga, nahi pata ? Aap google search console ke bare me jante to hoge. Google Webmaster or Google search console ek hi chij hai, agar aapne apne blog ka Sitemap Google Webmaster tool me submit kiya hai to aapko pata hoga ki Google Search engine aapke sitemap ko crawl (Scan) karti hai taki aapke blog ke sabhi post , page, content ko apne search result me show kar sake.

Google Webmaster me apne blog ka sitemap submit karna bahut hi aasan hai, agar aapne abhi tak apne blog ka sitemap Google me submit nahi kiya hai to sabse pehle apne blog ke sitemap ko sumit kare, taki google search engine pe aapka blog post show ho sake.

Google Webmaster Guidelines Kya Hai Hindi Me Puri Jankari

Google Webmaster me jab aap apne blog sitemap ko sumbit karte ho to usay google regular basis par crawl karne ka kaam karti hai or aapke blog ke post ko apne search result pe ek position deti hai.

Maan lijiye ki aapne ek post likha hai ” Blog kaise banate hai ? “, google aapke blog post ko crawl karegi or apne search result me usay ek position degi. Agar koi google par search karta hai ki ” Blog kaise banate hai ? ” to google jo bhi search result show karegi usme aapke blog post ka link bhi hoga. Lekin aisa jaruri nahi hai ki aapka blog post search result me top position par show ho, wo 50 position par bhi show ho sakti hai ya fir show hi nahi hogi.

Ab aap ye jarur sochte honge ki aapne to apne blog ka sitemap Google Webmaster pe submit kar diye hai , par aisi kya wajah hai ki hamara blog post google search engine par show hi nahi hota. To friends iski bas ek hi wajah hai ki Google Webmaster ka ek guideline hota hai jisay hume follow karna bahut jaruri hai..

Google webmaster par sitemap submit karne par google usay crawl to karta hi hai par agar aapke blog Webmaster guideline ko follow nahi karta to google search engine par aapka blog ka koi role nahi hoga, yani ki aapka blog google search engine par accha perform kar hi nahi sakti.

Agar aapka blog Google Webmaster guideline ko follow nahi karega to wo google search engine par accha perform nahi karega, agar google search engine par aapka blog accha perform nahi karega to aapke blog ki traffic improve nahi hogi. Aapko ye to pata hi hoga ki agar kisi blog ya website par sabse jyada traffic aati hai to wo Google search engine ke jariye hi aati hai or google search engine se traffic improve karna hai to aapko Google Webmaster guidelines follow karne hi honge.

Google Webmaster Guidelines follow karne ke 2 main reasons hai –

1. Blog traffic improve karna – Ye to clear hai ki agar aap Guidelines follow karoge to aapke blog ki traffic improve hogi.

2. Adsense approval – Adsense google ka hi service hai or agar aap Google Webmaster guideline ko hi follow nahi karoge to aapka Adsense bhi approve nahi ho payega.

Bahut se blogger bahiyo ka adsense isi wajah se approve nahi ho pata kyunki unka blog Google Webmaster guidelines ko follow nahi karta. Or jab hamara adsense Google Webmaster Guidelines ki wajah se reject ho jata hai tab samajh me aata hai ki iski bhi importance hai, or tab tak bahut der ho chuki hoti hai.

Friends aaj hum aapko isi ke bare me batane wale hai or aaj aap janoge ki Google Webmaster Guidelines kya hai ? To aaiye iske bare me details se jane.

Google Webmaster Guidelines Kya Hai Hindi Me Puri Jankari

Google Webmaster Guidelines aapko batata hai ki Google Search engine kya like karta hai or kya dislike karta hai. Agar aap apne blog post ko kuch is tarah se likhte ho jisay google search engine samajh sake or jo Google Webmaster Guideline ko follow kare to aapke blog ki traffic improve hone lagegi.

Agar Google Webmaster Guidelines ki baat ki jaye to isme 2 Guidelines hai.

  1. General Guidelines
  2. Quality Guidelines

Sabse pehle General Guideline ke bare me jaan lete hai.

GENERAL GUIDELINES

Ye Google Webmaster ki basic guideline hai jisay har koi follow karta hi hai, chahe aapko ish guideline ke bare me malum ho ya nahi, lekin aap isay follow jarur karte hoge. General Guideline ke jariye hi hum google ko apne site ke bare me batate hai or google ki help karte hai taki wo hamare blog ko acche read kar sake. Aaiye aapko batate hai ki General Guieline kya kehti hai.

1. Help Google find your pages

  • Internal Link – Aapki ye ensure karna hoga ki aap jo bhi blog post likho uska link aap apne dusare blog post me mention karo. Aapko pata to hoga ki jab hum koi post likhte hai to hum apne post me dusare post ka link bhi add karte hai taki visitors us post ko bhi read kare. Or aisa karne par google aapke blog post ko acche se read kar pati hai. Aapko bas apne blog post ka link dusare post me add karna hai , or link ko text format me rakhna hai. Agar aap link ke liye koi image use kar rahe ho to usay alt tag me rakhe.
  • Sitemap – Apne blog ka sitemap google me submit kare or apne blog par ek sitemap page bhi banaye taki user aapke blog ke sabhi content ko ek sath dekh sake.
  • Limit links – Apne blog post me had se jyada internal link add na kare.
  • https – Agar aapne apne blog par https enable kiya hai to iske bare me google webmaster ko bataye
  • Robot.txt – Agar aap apne blog me robot.txt file use karte ho to usay update.

2. Help Google understand your pages

  • Informative blog post likhe or aisa post likhe jo aapke post ko acche se describe karta ho. Yani ki aapko high quality content likhni hai.
  • Blog post likhne se pehle aap ek baat dhyan me rakho ki agar koi us post ko google par search karega to wo kya type karega, or isi word ko apne blog post me samil karo.
  • Aap apne blog me koi bhi title or alt attribute use karte ho wo accurate hai ya nahi ye ensure kare. Matlab ki kabhi kabhi aisa hota hai ki hum apne blog post ka title kuch aisa rakh dete hai jo ki post ke sath match nahi karta.
  • Apne blog ko simple design kare.
  • Agar aapne apna blog WordPress or wix par banaya hai to aapko ensure karna hai ki aapka blog google crawl kare.
  • Apne blog par jyada css or javascript use na kare, iski wajah se google search engine ko aapke blog ko samajhne pe problem hoti hai. Yani ki agar aap apne blog me bahut jyada css or javascript use karte ho to aisa na kare.
  • Aapko ensure karna hai ki aapke blog pe jitne bhi important links hai wo visible ho, jaise ki aapne menu bar lagaye hua hai or menu bar par mouse pointer rakhne par jo sub menu visible hoti hai wo important nahi. Yani ki jo directly user ko visible hota hai wahi important hai.
  • Blog par jitne bhi important link nahi hai unhe nofollow attribute me rakhe. taki search engine un sahi link sko scan na kare.

3. Help visitors use your pages

  • Hamesa kosis kare ki aap pane blog post me image ki jagah text use karo, taki aap usay describe kar sako , usme links add kar sako. Agar image use karna bhi hai to image me alt attribute use kare taki aap image ko describe kar sako.
  • Aapke blog par jitne bhi link hai wo working hone chahiye. Yani ki maan lijiye ki aapne ek post publish kiya or us post ko kuch din bad delete kar diye to us post ka link dead ho jayega or 404 error show hoga. Isliye blog me dead link ko remove kare.
  • Apne blog ko fast loading banaye. Agar aapka blog open hone me kafi samay lagta hai to apne blog ki loading time ko kam kare.
  • Blog responsive hona chahiye taki ko kisi bhi screen size par apne aapko resize kar sake.
  • Aapka blog har browser me ek jaisa open hona chahiye.
  • Agar possible ho to apne blog par https enable kare.
  • Aap jo bhi post publish karte ho wo user ke liye helpful, useful or interesting hone chahiye.

Friends ye tha Google Webmaster ka General Guideline. Ish guideine ko read karne ke bad aapke maan me bahut se doubt jarur honge , or inhi sabhi doubt ko clear karne ke liye niche diye gaye reference link ko jarur read kare .

Friends ab aap samajh hi gaye hoge ki Google Webmaster General Guidelines kya hai , or agar aapko General Guidelines me koi doubt hai to hume comment kar sakte ho. Ab chaliye aapko Quality Guidelines ke bare me batate hai.

Quality Guidelines

Google hamesa se apne user experience ko sabse jyada importance deti hai or agar user experience ki baat ki jaye to quality content se behar kuch nahi. Quality content sabhi user like karte hai or yahi main wajah hi ki Google bhi aise content ko like karti hai jisme quality content ho.

Google Webmaster Quality Guidelines aapko batati hai ki aapke blog post kaisa hona chahiye or apne blog post ki quality ko improve karne ke liye aapko kya karna hoga.

  1. Make pages primarily for users, not for search engines – Apne blog par aane wale readers ko dhyan me rakhte huye content likho na ki search engine ke liye.
  2. Don’t deceive your users – Apne blog par aane wale readers ko dhokha mat do. Apne blog readers ke sath accha relation banao taki wo aapke blog ko like kare or unke sabhi doubt clear ho jaye.
  3. Search ranking improve karne ke liye koi trick na apnaye – Apne blog post ko seo friendly banana koi galat nahi hai par agar aap search ranking improve karne ke liye apne blog post over optimise kar rahe ho to aisa na kare. Hamesa yaad rakhe ki agar search engine nahi hota to kya aap apne blog post waisa hi likhte jaisa abhi likh rahe ho.
  4. Hamesa ye sochiye ki kaise aapka blog readers ke liye unique, valuable or engaging ho. Apne blog ko dusare se behtar banane ki kosis kare, matlab ki aapke blog ke content dusaro se sabse behtar hone chahiye.

Friends yahi hai Google webmaster ki general or quality guidelines in sabhi guidelines ko follow karna hi hoga taki hamara blog search engine par accha rank hasil kar sake. Lekin kuch aise techniques hai jisay log apne blog ranking improve karne ke liye karte hai, agar niche diye gaye techniques ko bhi aap use karte ho to ye Google Webmaster guidelines ke khilaf hai or iski wajah se aapke blog kabhi bhi google search engine par accha perform hi nahi karegi.

1. Automatically generated content

2. Participating in link schemes

3. Creating pages with little or no original content

4. Cloaking

5. Sneaky redirects

6. Hidden text or links

7. Doorway pages

8. Scraped content

10. Participating in affiliate programs without adding sufficient value

11. Loading pages with irrelevant keywords

12. Creating pages with malicious behavior, such as phishing or installing viruses, trojans, or other badware

13. Abusing rich snippets markup

14. Sending automated queries to Google

In sabhi technique ko aap use na karo, aisa karne par aapke blog ki google search ranking kabhi bhi acchi nahi hogi or ye bhi ho sakta hai ki google aapke blog ko apne search engine se puri tarah delete kar de.

To friends aaj aapne sikha ki Google Webmaster guidelines kya hai aap iske guidelines ko google ke official site par bhi read kar sakte ho. Agar aapko ish post se related koi bhi doubt hai to hume comment ke jariye bataye taki hum aapki sabhi doubt clear kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Google Webmaster Guidelines Kya Hai Hindi Me Puri Jankari

  1. Fantastic Ravi sir ji…..
    Time bahut km thaa Lekin maine Sochaa ki ek 2 to Ravi Sir ke Article padh hi liye jaayein….

    To hmaare mutabik…
    Aapne is post mein kaafi esi baatein share ki hai jinse abhi tk hum bhi agyaani the….

    Hmein puri Ummeed hai ki
    Ye article new Bloggers ki bahut help karegaa….

    Thank for ummda Article share karne ke liye ji….

    Happy blogging☺☺☺
    Sandeep jain

Leave a Reply

Your email address will not be published. Required fields are marked *