Google Webmaster Tool Ko Use Karne Ka Smart Tarika

Posted on

Google Webmaster Tool aapke blog ko search engine par display karne ka kaam karti hai, ye har blog or website ke liye jaruri hai ki wo apna sitemap Google Webmaster Tool me submit kare. Bahut se log Google Webmaster Tool ko search console se bhi jante hai, to confuse mat hoiye kyunki ye dono ek hi hai.

Google Webmaster Tool me hum apne blog ka sitemap submit karte hai taki hamara blog google search engine me index ho sake. Aapne bhi apne blog ka sitemap google webmaster tool me jarur sumbit kya hoga, lekin kya aapko pata hai ki sitemap submit karne ke bad kya karna hota hai, Nahi pata na ? aaj hum aapko wo smart tarika batane wale hai jisay follow karke aap apne blog ko acche se monitor or performance check kar sakte ho..

Google Webmaster Tool Ko Use Karne Ka Smart Tarika

Google Webmaster tool aapko wo sabhi data deti hai jisay aap apne blog ke performance ko enhance karne ke liye use kar sakte ho. Apne blog sitemap ko search console me submit karke ke bad kuch din ya fir kuch hafto me aapka blog search engine par show hone lagta hai, aap apne webmaster tool me ja kar dekh sakte ho ki aapne jo sitemap submit kiya hai wo index hua hai ya nahi or kitna index hua hai.

Google webmaster tool use karne ka smart tarika

Maine apne blog smart2blogging ka sitemap search console me submit kiya hai jisme 648 url submit huye hai or 566 url index huye hai. Aap upay diye gaye image ko dekh kar samajh sakte ho..

Kuch logo ko isme confusion hoti hai ki submitted or indexed me kya fark hai.. Submitted ka matlab hota hai ki aapne jo apne blog ka sitemap submit kiya hai usme kitne url hai, sitemap ko submit karte hi wo sabhi url submit ho jata hai isliye yaha submitted likha jata hai. Or indexed ka matlab hota hai ki sitemap ke jariye jitne bhi url submit huye hai un me se kitne url search engine me index huye hai.

Friends ye to tha basic concept jiske bare me sabhi ko pata hi hota hai, lekin kya aapko pata hai ki webmaster tool ke jariye aap apne blog ke performance ko kai jyada improve kar sakte ho, aaj hum aapko wo tarika batane wale hai jisay aap apne blog ki performance ko google webmaster tool ke jariye improve kar sakte ho..

Google Webmaster Tool Ko Use Karne Ka Smart Tarika

Google search console yani ki Google Webmaster tool me aapke blog ke sabhi traffic data store hote hai, jisay monitor karke hum apne blog ki performance ko kai guni improve kar sakte hi. Webmaster tool google search engine ko feedback deta hai ki blog me kitne post hai, kitne image hai or kon sa post update ya new publish hua hai.

Yani ki agar koi bhi visitor google search engine ke jariye aapke blog par aata hai to wo jis keyword ko search engine par search karke aapke blog par aaye hai uski ek record aapko apne webmaster tool me mil jati hai, jisay monitor karke hum apne blog ki traffic or performance kai guna badha sakte hai.

Sabse pehle aapko ye pata hona chahiye ki webmaster tool ke jariye apne blog ki performance kaise check kiya jata hai. Niche diye gaye guide ko follow karke aap apne blog ka search engine performance check kare.

Google webmaster tool use karne ka smart tarika 2

1. Apne Google Webmaster tool me login kare or Search Traffic par click kare.

2. Search Analytics par click kare.

3. Clicks, impression or positions ko select kare.

4. Last 7 days select kare.

5. Itna karte hi aapko aapke blog ka last seven days search performance najar aayega, jissay aap andaja laga sakte ho ki aapke blog ka kon sa post search engine par accha parform kar raha hai or jiski search engine ranking acchi hai.

Jab aap apne webmaster tool ke jariye apne blog ka performance report check karoge to aapko pata chalega ki search engine ke jariye aapke blog par aane wale visitor kya keyword search karke aapke blog par aate hai. Aap upar diye gaye image ke jariye easily samajh sakte ho ki hamare blog me kis keyword ke jariye log aate hai or search engine me uska position kya hai.

Agar aapka blog search engine ke top ten search result me show ho raha hai to aapke blog par organic traffic improve hone lagti hai, lekin hume un sabhi keywords ko focus karna hai jiska search postion above 10 hai.

Aap upar diye gaye image me dekh sakte ho ki mere blog me 2 aise keyword hai jiska search position above 10 hai , yani ki –

  1. free website kaise banaye
  2. blog ke liye best template

Jab bhi koi ye dono keyword ko google search engine par search karta hai to hamara blog top ten list me nahi show hota.. Ab yaha hume main kaam karna hoga taki hamar blog us keyword me accha rank hasil kar sake, yani ki search engine ke top ten list me aa sake..

  • Iske liye sabse pehle hume un sabhi keyword ko google par search karna hoga jiski search position above 10 hai..
  • Search karne ke bad us post me jana hoga.
  • Us post ko read karna hoga.
  • Agar aapne apne blog post me social sharing widget add kiya hai to us post ko apne social network par share karna hoga
  • Ye sab kuch karne ke bad aap apne us post ko edit kare, thoda modify kare or kuch extra information add kare.

Agar aap itna kar lete ho to aapka post jo search engine par above 10 position hai wo dhire dhire down hone lagegi or aahir me wo post bhi search engine me accha rank hasil kar legi..

Friends ye me aise hi nahi keh raha, ye maine aajmaya hai or uske bad hi maine ye post likha. Aap bhi ye tarika apne kisi ek post me aajma kar dekhe jiski search position above 10 hai, me 101% guarantee ke sath keh sakta hu ki aapka post search engine par accha perform karne lagegi.

Aaj ka hamara post Google Webmaster Tool Ko Use Karne Ka Smart Tarika aapko kaisa laga hume comment ke jariye jarur bataye, or agar aap humse kuch puchna chahte ho to hume comment ke jariye puch sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *