Guest post kya hota hai ? Guest post kaha kare ? Puri jankari Hindi me

Posted on

Guest post kya hota hai ? Guest post kaha kare ? Puri jankari Hindi me.. Friends aaj har koi blogging me success pana chahta hai or isi success pani ke chah me wo apne blog par bahut mehnat bhi karta hai. Lekin ek blog ko successful hone ke liye uski traffic ka improve hone bhi bahut jaruri hai. Apne blog ko promote karna, backlink banana, social media par share karna, forum join karna or video banana ye sabhi tarike hote hai apne blog ki traffic ko improve karne ke liye. Par in sabhi tariko me se ek tarike hai Guest posting, guest posting ke jariye bhi aap apne blog ki traffic ko badha sakte ho.

Guest post kya hota hai ? Guest post kaha kare ? Puri jankari Hindi me

Aaj hum aapko guest posting se jude wo sabhi baatain batayenge jo aapko janna bahut jaruri hai. Agar aap apne blog ki traffic ko improve karna chahte ho to aapko guest posting jarur karni chahiye. Guest posting karne se aapke blog ki traffic or ranking improve hoti hai. Par sawal ye aata hai ki guest posting hota kya hai ?

Guest posting hota kya hai ?

Jaise aap apne khud ke blog me post publish karte ho waise hi agar aap kisi dusare ke blog me post submit karte ho or us blog ka owner aapke post ko apne blog par publish karta hai to isi ko guest post kaha jata hai.

Agar simple language me samjha jaye to aapko ek article likh ke dusare blog ke owner ko dena hota hai. Maan lijiye ki aapko ek blog bahut pasand aai or aap us blog me apna ek article publish karna chahte ho to sabse pehle aap apna article us blog ke owner ko send karoge or agar owner ko aapka article accha laga to wo apne blog par aapka article publish karega..

Aaj bhi aise bhahut se log hai jinka khud ka koi blog nahi hai par fir bhi wo apna article dusare blog me submit karte hai. Par aaj hum un logo ki baat karenge jinka khud ka blog hai fir bhi wo dusaro ke blog par post submit karte hai yani ki guest posting karte hai.

Aaj maximum blogger apne blog ki traffic or ranking improve karne ke liye guest posting karte hai. Or kya aapko pata hai ki guest posting karne se kaise traffic or rank improve hoti hai.. Nahi na, to chaliye hum aapko batate hai..

Guest posting karne se kya hota hai ? Guest posting karne ke fayde.

Jaise aap dusare ke blog me comment ke jariye backlink banate ho waise hi guest posting karne par aapko backlink milta hai. Par aapke maan me ye doubt jarur hoga ki backlink banane ke liye guest posting ki kya jarurat comment ke jariye bhi to backlink banaya ja sakte hai.

Haan aap sahi sochte ho , lekin aapko sayad nahi pata ki backlink 2 types ki hoti hai do-follow or no-follow backlink. Chaliye iske bare me short information aapko de dete hai.

No-follow backlink- Aisa link jisay search engine follow nahi karti. Matlab ki agar aapne kisi ke blog par comment ke jariye backlink banaye hai to search engine jab us website ko crawl (scan) karegi to aapka link ko scan nahi karegi. Or yahi no-follow backlink aapko comment ke jariye milta hai.

Do-follow backlink – Aisa link jisay search engine follow karte hai. Matlab ki agar aapne kisi ke blog par guest posting karte ho to aapke post ke end me aapka introduction or aapke blog ka link hota hai jisay search engine crawl karne ke doran index karti hai..

Agar aap guest posting karte ho to aapko do-follow backlink milta hai jisay search engine index karti hai or aapke site ki ranking improve hoti hai.. Par iska ye matlab nahi ki aap sirf backlink banane ke liye hi guest posting karo. Aapko apne post ke jariye logo ko inspire karna hoga ki wo aapke blog par visit kare. Or aisa tabhi hoga jab aapka guest post high quality article ho. Ye to thi baat ranking ki par iske alawa bhi guest posting ke bahut se fayde hai.. Jaise —

Traffic improve hoti hai

Maan lijiye ki aapne ek guest post kisi popular blog par kiya jiski daily traffic 1 lakh se bhi jyada hai.. To aap andaja laga sakte ho ki aapke guest post ko read karne walo ki sankhya kitni hogi.. Or agar aapka article logo ko accha laga to wo aapke guest post ke jariye aapke blog par jarur aayenge.. Issay aapke blog ki traffic bahut badh jayegi..

Dusare blogger ke sath relation strong hoti hai

Guest posting karne se aap dusare blogger ke sath contact me rehte ho kyonki aapke blog ka link uske blog par hai. Or iski wajah se aap dusare blog me bhi popular ho sakte ho. Lekin iske liye aapko bahut se guest post karene padenge..

Maan lijiye ki xyz.com site par aapne ek guest post kiye or uska response bhi bahut accha raha, tab aap dusari baar bhi xyz.com blog par guest post karoge.. Aap jitna guest post xyz.com blog par karoge utna hi xyz.com blog aapko support karega or iski wajah se aapke blog or xyz.com blog ke bich me ek relationship build hogi jo dono blog ke liye faydemand hoga.

Aapka blog popular hoga

Blog ko search engine me index or ranking pane me jitna samay lagte hai ussay bhi kam samay lagta hai aapke blog ko popular hone me agar aap kisi popular blog par guest posting karte ho. Aapne ek kahawat to suni hi hogi ki popular logo ke sath rahoge to popular ho jaoge or chor ke sath rahoge to chor hi kahlaoge.. Isliye apne blog ko popular karne ke liye aapko aise blog par guest posting karni chahiye jo pehle se bahut popular hai..

To friends ab aapko puri tarah samajh aa gaya hoga ki guest posting kya hai or ye hamare blog ko popular karne ke liye, rank karne ke liye , traffic improve karne ke liye kitna jaruri hai.. Lekin itna jaan lena hi kafi nahi hota.. Aapko guest posting karne se pehle kuch guideline ko follow kare honge taki aapka guest post aapke liye faydemand ho..

Guest post karne se pehle rakhe kuch baato ka khayal

Apne blog se related blog par hi guest posting kare.

Guest posting karne ka sabse main rule hai ki aap jis bhi blog me guest post karo wo aapke blog se related hona chahiye. Maan lijiye ki aapka blog health niche (topic) se belong karta hai to aapko aise blog par guest post karna chahiye jo sirf health topic par hi article publish karte hai..

Or agar aap aisa nahi karte ho to guest posting karne ka koi fayda nahi. Kyonki agar aapko guest posting ke jariye aapne blog ki traffic or ranking improve karni hai to aapko usi blog par guest post karna chahiye jo aapke blog se related ho.

Low quality blog par guest post na kare.

Do-follow link banane ke chakkar me bahut se blogger aise hai jo low quality blog par quest post karte hai. Issay unhe do-follow backlink to milta hi hai par iska koi fayda nahi hota. Maan lijiye ko aap aise blog par guest post kiye ho j jyada popular nahi hai to aise me aapke guest post popular kaise hoga. Main focus ye hona chahiye ki aap apna guest post usi blog par karo jo aapse jyada popular hai.

High quality guest post kare

Guest post ka matlab ye nahi ki aap kuch bhi information likh ke guest post submit kar do.. Guest post ka matlab hota hai ki aapke guest me quality ho.. Agar aap kisi popular blog par aisi guest post submit karte ho jisme quality nahi hai to aaka guest post kabhi bhi approve nahi hoga.. Isliye hamesa high quality guest post hi likh ke blog par submit kare taki aapka guest post publish ho jaye.

Guest post me introduction section add kare

Jab bhi aap koi guest post likho to end me apne bare me short introduction or apne blog ka link jarur dale. Ye aapko hi karna hoga..

Monitor kare

Guest post submit karne ke bad agar aapka guest post approve or publish ho gaya hai to aap apne blog ki traffic ko monitor kare. Isme Google analytic ki help le or dekhe ki jis site par aapne guest post kiya hai us blog se kitni traffic aapke blog par aa rahi hai. Agar aapke guest post ki wajah se aapke blog ki traffic improve hui hai to aapko clear ho jayega ki agar usi blog par dusar guest post karte ho to aapke blog ki traffic or improve hogi.. yahi aapko monitor karna hota hai.

To friends ab aapko clear to gaya hoga ki aapko guest post kaise or kaha par karna hai. Lekin ab bhi ek doubt hoti hai ki kis blog par guest post kare. To hum aapko aapke blog ke niche ke hisab se aise Hindi blog ke naam batane wale hai jisme aap guest post kar sakte ho. To aaiye jante hai topic wise top blog list in Hindi.

Top Hindi motivational blog

  • AchhiKhabar.com By Gopal Mishra
  • GyaniPandit.com By Mayur K.
  • HindiSoch.com By Pawan Kumar
  • Ajabgajab.com By Pankaj Goyal
  • hindispot.com By Mohammad Shakeel
  • aapkisafalta.com By Amul Sharma
  • happyhindi.com
  • aapkisafalta.com By Amul Sharma
  • aasaanhai.net By Virat Chaudhary
  • happyhindi.com
  • hindisahityadarpan.in

Top Hindi Health blog

  • AchhiKhabar.com
  • hindighareluupay.in
  • kyakyukaise.com
  • ilajupay.com

Top Hindi Tech Blog

  • Hindime.Net
  • HindiMeHelp.com
  • MyBigGuide.com
  • VikashPlus.com
  • HindiTechy.com

Top Blogging guide blog

  • ShoutMeHindi.com
  • SupportMeIndia.com

Friends aap bhi apne blog niche ke hisab se usi blog par guest post karo jo aapke blog se related ho. Hume puri ummid hai ki aaj ka hamra ye artical aapke liye bahut helpful sabhit hoga. Agar aap guest posting se related kuch sawal puchna chahte hai ya fir blogging se related aapke maan me koi doubt hai to aap hume comment ke jariye bataye taki aapki sabhi problems hum solve kar sake. Agar aap hamare blog me guest post karna chahte hai to yaha click kare.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Guest post kya hota hai ? Guest post kaha kare ? Puri jankari Hindi me

Leave a Reply

Your email address will not be published. Required fields are marked *