Hindi Blog Me Kitna Competition Hai ?

Posted on

Blog banane ki ek wajah hoti hai or apne blog ke jariye earning karne hi sabse badi wajah hai jiske chalte log blog banate hai. Par kya aapko lagta hai ki sirf earning ke liye hi blog banaye jata hai. Maximum log to bas yahi sochte hai ki kaise blog ke jariye acchi earning ho jaye to life set hai, lekin un maximum logo me se hi bahut kam aise log bhi hai jo blogging to karte hi hai lekin blogging karna unka passion hai. Aise log blogging ke jariye apne thought or experience share karne ka kaam karte hai, unhe na to earning ka tension hota hai na hi blog traffic ka, wo to bas apne blogging par lage rahte hai.

Hindi Blog Me Kitna Competition Hai ?

Or jo log bina kisi expectation ke regular blogging karte hai unhe successful blogger or apne blog ke jariye earning karne se koi rok nahi sakta. Lekin dukh ki baat ye hai ki aise logo ki sankhya na ke barabar hai, isliye aaj Hindi blog me jitne bhi successful blogger hai unko aap ungaliyo par gin sakte ho. Mere kehne ka matlab ye hai ki Hindi blogging me competition hai hi nahi kyunki maximum log to earning or blog traffic ke piche hi bhag rahe hai or unhe blogging karne se koi matlab hi nahi hai. Wo bas yahi sochte hai ki kaise mujhe gada hua khajana mil jaye or me rato raat amir ho jau.

Ab aap soch rahe honge ki me ye sab aapko kyun bata rahe hu, aisa isliye kyunki ye reality hai. Agar aapne apna ek motivational blog banaya hai to kabhi aapne ye socha hai ki aapke blog ka competitor kon kon hai, sayd 2 blog honge ya fir 10 blog ya fir 50 blog.. Me guarantee ke sath keh sakta hu ki aapke blog ka competitor 30 se jyada ho hi nahi sakta.

Or agar aap un 30 competitor blog ko compete karte ho to aap aage nikal jaoge.

Kya aapko pata hai ki hamare blog me hum sirf blogging se related hi article publish karte hai. Kya aap bata sakte hi ki internet par aise kitne Hindi blog honge jo sirf Blogging ke bare me hi post publish karte hai.. Aise 5-10 blog hi hai, iska matlab ye hai ki me jis topic par blogging karta hu usme competition hi nahi hai.. Ho gaya na me successful blogger.

Maine ek post publish kiya tha ki agar blogging me success pana hai to khud ko successful blogger samjho, aap us post ko jarur read kare taki aapke mind se wo sabhi doubt clear ho jaye jiske wajah se aap apne blogging me concentrate nahi kar pa rahe.

Lekin sabse pehle ye samajhna hoga ki Blogging me competition hone ki wajah kya hai ?

Me ye nahi manta ki blogging me competition hai, khas kar Hindi blog par to competition hai hi nahi.. lekin kuch blogger competition ko alag hi najariye se dekhte hai.. Jaise –

Blog ki traffic improve na hona- Blog traffic improve na hone ki wajah se maximum blogger demotivate ho jate hai or unhe ye lagta hai ki blogging hamare bas ki baat nahi. Lekin agar isi ko aap positively loge to 6 month, 1 year ya fir 2 year ke bad aap khud dekh sakte ho ki aapke blog par traffic kitne improve ho gaye hai. Matlab ki aapko continue blogging karna hi hoga.

Adsense approve hi nahi ho raha – Kuch logo ka ye maanna hai ki agar blog adsense ke liye approve nahi ho raha to blogging me bahut competition hai. Par aisa nahi hai , agar aapka blog adsense ke terms and condition ko follow karti hai to aapko adsense approval mil jata hai.

Internet par already bahut se post hai – Blog banane ke bad confusion ye hoti hai ki kis topic par post likha jaye or jab hum internet par dekhte hai to hume wo sabhi topic par hajaro post mil jate hai jispe hum post likhne wale hai. Or yahi confusion se lagta hai ki blogging me bahut competition hai.

Blog ke jariye earning na hona – Agar aap apne blog ke jariye acchi earning nahi kar pate ho to aap samajh lete ho ki blog me success hona aasan kaam nahi or aap isay competition ke hisab se lene lagte ho.

Ab aap hi sochte honge ki kya sach me Hindi blogging me competition hai ya nahi to chaliye aapko iske bare me detail me batate hai.

Hindi Blog Me Kitna Competition Hai ?

Agar baat ki jaye Hindi blog me competition ki to sabse pehle ye janan hoga ki log apna Hindi blog kyun banate hai. Aapko ye to pata hi hoga ki maximum log apna blog isiliye banate hai ki wo apne blog ke jariye earning kar sake or Adsense ke jariye earning ho.

Aaj se 4 saal pehle ki agar baat ki jaye to Hindi blog internet par lagbhag na ke barabar thi, mujhe yaad hai ki us samay me jab me kuch bhi internet par search karta tha to search result me maximum English website hi najar aate the. Mujhe tab lagta tha ki Hindi website or blog ki kitni kami hai, us samay mujhe blogging ke bare me utna pata nahi tha.

Lekin 2014 ke baad ki baat ki jaye to Hindi blog or Hindi website ki maano aandhi aa gai hai, or iski wajah ek hi hai wo ahi Adsense Hindi language ko support karne laga. Ab jo blog or website 4 saal pehle se logo ko Hindi me information de rahi thi wo blog Adsense ke liye eligible ho gayi or unki earning bhi start ho gai.

Overall dekha jaye to 2014 me jab Adsense ne Hindi language ko approval diya tab se hi Hindi blog banne lage. Me ye nahi kehta ki 2014 se pehle Hindi blog internet par nahi the, lekin itne bhi nahi jitne 2014 ke baad banne lage hai. Aaj ke samay me lakho Hindi blog ban rahe hai or iski bas ek hi wajah hai Adsense.

Ab aap hi sochiye ki sahi mayne me Hindi blog ki sankhya 2014 se hi improve hui hai. Or in 4 saalo me aap khud andaja laga sakte ho ki Hindi blog pe kitna competition hoga.

Jinhone apna blog 2014-2016 ke bich me banaya hai or jo continue blogging kar rahe hai wo aaj ke time me adsense ke jariye acchi earning kar rahe hai. Me un logo ko baat nahi kar raha jo apne Hindi blog ke jariye lakho rupay kama raha hai, me un logo ki baat kar raha hu jo apne blog ke jariye 10000-30000 tak kama rahe hai, or inki sankhye bhi lakho me hai.. Jiska hum andaja nahi laga sakte.

To friends itna to aap samajh hi gaye hoge ki 2014 ke bad se Hindi blogging me competition start hui hai, lekin kabhi aapne ye socha hai ki ye competition aakhir hai kya ? Chaliye ek example ke jariye samajhte hai..

Ek newbie blogger ki mentality ?

Jab se adsense Hindi language ko approve karne laga hai tab se online paise kamane ka hawa chalne lagi hai, log apna free blog banane lage hai or Adsense approve karane me lag jate hai unhe competition se koi matlab nahi wo sif apne blog se earning karna chahte hai.

Maximum log aisa hi karte hai wo sirf or sirf adsense ke jariye earning karna chahte hai isliye unhone apna blog banaya hai. Ab aap hi andaja laga sakte ho ki aise logo ki sankhya kitni hogi jo sirf apne blog ke jariye earning karne ke liye blog banate hai. Almost sabhi logo ko apne blog ke jariye earning karni hai. Or yahi sabse badi wajah hai ki Hindi blog me competition hai hi nahi.

Lekin haan agar aaj se 2-4 saal baad ki baat ki jaye to Hindi blog me jarur competition ho jayegi. Aisa isliye hai kyunki aaj jitne bhi new blog ban rahe unka main maksad sirf earning karne ka hai or unhe blogging se kuch lena dena nahi hai, lekin ab dhire dhire logo ko samajh me aa raha hai ki blog banane ke bad directly earning par dyan nahi dena hai or jab log iske bare me samajhne lagte hai tab hume ek competitor mil jata hai.

Waise tension lene ki jarurat nahi kyunki.

  • Aaj maximum jitne bhi blog ban rahe wo sirf adsense approve karane ke liye hi apna blog banate hai.
  • Unme se bahut kam ka adsense approve ho jata hai or maximum log blogging se quit kar dete hai.
  • Or jinka adsense approve ho gaya hai ko earning ke chakkar me apne blog ko hi barbad kar dete hai.
  • Acchi earning ka hone ki wajah se log blogging karna chhod dete hai.

Or yahi main wajah hai ki Hindi blog pe competition nahi hai.

Or ye competition sahi mayne me 2-4 saal baad start hogi, jab internet par aise blog ki sankya badhegi jo earning ke alawa apne blog par focus karenge.

At last me aapse ek baat jarur kahunga ki agar aaj aapne apna blog banaya hai or aap 2 saal tak ek hi topic par blogging karoge to me 100% guarantee ke sath keh sakta hu ki aapka blog successful jarur hoga or aapke blog ko bahut se log follow bhi karenge.

दूसरों की अपेक्षा यदि आपको
‘सफलता’ देर से मिले…
तो निराश नहीं होना चाहिये ।

क्योंकि ‘मकान’ बनने से ज्यादा
समय ‘महल’ बनने में लगता है ! 🙂

HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

10 thoughts on “Hindi Blog Me Kitna Competition Hai ?

  1. Masha Allah Bemisaal likhaa hai jnaab…..

    Bahut hi Achha Article share kiya hai Aapne Ravi bhaaijaan.
    puri post hi knowledgeable hai.

    Ek baar fir se dil se Aapko Thank you ….☺☺

  2. Ha Bhai aapne Jo bate btai hai vo bilkul shi hai me bhi lgbhg 10 month se blogging Kar Raha hu or mujhe Bhi abhi tk isme koi kmai nhi hui hai pr me sirf Kam pr dhyan deta hu mene socha hai ki 3 sal tk Bhi blogging quiet nhi karuga age kismt kya hota hai

  3. बिल्कुल सही कहा आपने जो लोग ब्लॉगिंग पर फॉक्स करते हैं उनके लिए किसी भी प्रकार का compaction नहीं है

Leave a Reply

Your email address will not be published. Required fields are marked *