Hindi Health Blog Aur Adsense Earning

Posted on

168 total views, 1 views today

Hello friends humne apne previous post me aapko bataya tha ki Hindi Relationship blog ki Adsense earning kaisi hai or isay kaise improve kiya jaye.. Or aaj hum aapko batayenge ki ek Hindi Health blog kya hota hai or Adsense ki earning kitni ho sakti hai..

Agar aapne Hindi Health blog banaya hua hai ya fir Health blog banane ke bare me soch rahe ho to aaj ka hamara article aapke liye bahut helpful hoga, jisay agar aap follow karoge to aapki Adsense earning bahut acchi ho jayegi..

Hindi Health Blog Aur Adsense Earning

Waise to Health niche me blog banane se aapki Adsense cpc acchi hoti hai, lekin agar baat ki jaye Hindi Health blog ki to kuch aise reasons hai jiski wajah se aapki Adsense cpc kam ho sakti hai. Par aapko darne ki koi jarurat nahi. Agar aapke Hindi Health blog par Adsense cpc kam hai to aap hamare diye gaye tips ko follow kare taki aapki earning bhi improve ho sake.

Lekin Hindi blog Adsense earning ke bare me janane se pehle hum aapko Hindi health blog ke bare me basic idea jarur dena chahege taki aapko clear ho jaye ki Health blog hota kya hai or kyun aise blog banaye jate hai.. Hamara manan ye hai ki agar aap kisi chij ke bare me janan chahte ho to sabse pehel uski basic information jarur le leni chahiye, taki hume uske advance knowledge ko samajhne me aasani ho.

Hindi Health Blog Hota kya hai ?

Agar isay simple language me samjha jaye to aisa blog jisme sirf Health (स्वास्थ्य) se related article ho or jo sirf health se judi sabhi problems ke bare me batate hai. Hindi Health blog me aapko apne health se jude sabhi problems ke solution mil jati hai wo bhi Hindi me.

Health blog par health se related sabhi topics par articles hoti hai jise –

  • Fitness Tips
  • Diet
  • Ayurveda
  • Home remedies,
  • Bimari ka ilaj or symptom,
  • Weight control,
  • Height improvement,
  • Health research

Kisi bhi Hindi health blog par aapko ye sabhi topics jarur milegne jo aapke sabhi health problem ko solve karne ke liye helpful hoti hai.

Hindi Health Blog kyon banante hai log ?

Health blog banane ke piche bas yahi wajah hai ki aap apne blog ke jariye logo ko health consciousness ke bare me batana chahte ho or health se judi sabhi problem ko apne articles ke jariye precaution or solution bhi dete ho.

Lekin aaj kal aisa nahi hai, aapko pata hoga ki Adsense se acchi earning karni hai to aapko apna blog aise topic par banana chahiye jo aapke liye profitable ho, or Health blog par Adsense ki earning acchi hone ki wajah se jyadatar log isi topic par apna blog bana rahe hai.

Lekin Health blog par jitne bhi article hote hai wo bahut hi sensitive hote hai, kyoni aap apne article ke jariye kisi ko suggest karte ho ki wo kya-kya kare taki unki bimari thik ho jaye.. Aise me agar aap kuch aise suggest kar dete ho jiska unpar bura asar hota hai to sara dos aapke blog par aayega ji ki acchi baat nahi.

To friends ab aapko ye to pata chal hi gaya hoga ki Hindi health blog hota kya hai or aise blog kyon banaye jate hai… To ab chaliye hum aapko batate hai ki kis tarah ke log aise blog banate hai..

Hindi Health Blog Kon Bana sakta hai ?

Aapke mind me jarur ye baat aayi hogi ki Health blog hai to pakka koi Doctor, health expert ya fir medicine expert hi Health blog ko bana sakte hai.. Agar aap aisa sochte ho to aap galat sochte ho..

Aisa isliye hai kyonki hum Hindi Health Blog ki baat kar rahe hai na ki English Health blog ki, Or maximum jitne bhi doctors or health experts hai unka english health website hi aapko milega or inme se bahut kam aise honge jinhone apna health blog banaya hoga.. Ab rahi baat Hindi health blog ki to ab yaha ye sawal aata hai ki agar doctors or health expert Hindi health blog nahi banate to kon banata hai aise blog..

Iska jawab mujhe kuch dino pehle hi pata chala.. Mere ek friends hai jinhone mujhse pucha tha ki kay aisa koi Hindi health blog hai jisme guest post kiya ja sake ? Friends you dn’t believe mujhe internet pe aisa ek bhi Hindi health blog nahi mila jo sirf health topic par articles likhte hai..

Agar aapko internet par koi Hindi health blog milti bahi hai to me guarantee ke sath keh sakta hu ki unke blog par health article ke alawa bhi dusare topics par aapko article mil jayenge..

Overall dekha jaye to Hindi Health blog hai hi nahi, agar hai bhi to wo utni popular nahi jisay search engine apne first page par show kar sake..

Ye to sach hai ki Health blog ki adsense cpc acchi hoti hai, or isi chakkar me sabhi new blogger paisa kamane ke lalach me Health blog bana bhi lete hai, lekin jaisa maine kaha ki Health blog bahut hi sensitive topic hai jisay continue karna sabke bas ki baat nahi, or aakhir me jab unke pas koi topic nahi bachta health ke bare me likhne ka to wo dusare topic par articles likhna start kar dete hai or apne Health blog ko dustbin bana dete hai.

Hamare hisab se 2 type ke log hindi health blog banate hai

1. Earnign karne wale log – Health topic par adsense cpc acchi hone ki wajah se log samajhte hai ki Health blog bana lene se acchi earnign hone lagegi..

2. Learning karne wale log – Jin logo ko health se related information collect karna, knowlege gain karna or apne knowledge ko share karna accha lagta hai..

Par dukh ki baat ye hai ki jo log Earning ke chakkar me blog banate hai unki sankhya bahut jyada hai or yahai wajah hai ki Hindi Health blog aapko internet par bahut ki kam ya fir nahi dekhne ko milti hai..

To friends ab aapko clear ho gaya hoga ki Hindi Health blog hota kya hai, aise blog kyun banaye jate hai or kon aise blog banata hai.. Ab chaliye ab hum aate hai apne main topic par Hindi Health Blog Aur Adsense Earning

Hindi Health Blog Aur Adsense Earning

Hindi health blog ki Adsense cpc hamesa hi acchi rehti hai par iske liye aapke blog ka content bhi accha hona chahiye. High quality content wale blog par adsense cpc acchi rehti hai or agar aapne Hindi health blog banaye hua hai or apne blog par hamesa High quality content publish karte ho to aapki Adsense cpc acchi hogi.

  • Agar aapke health blog par low quality content hai to aapki Adsense cpc 0.02 se 0.04 dollar tak hogi.
  • Agar aapke blog par quality content hai to aapki Adsense cpc 0.04 se 0.07 dollar tak hogi.
  • Lekin agar aapke blog par high quality content hai to aapki adsens cpc 0.08 se 0.4 tak ho sakti hai ya fir issay bhi jyada..

Ab yaha ek question arise hota hai ki aapne apne blog par high quality article hi likhe hai fir bhi aapki Adsense cpc acchi nahi hai… To iski 2 wajah ho sakti hai.

  1. Aapka blog naya hai. 
  2. Aapke blog popular nahi hai.

Har new blog ki adsense cpc kam hi hoti hai. Isay imrove hone me thoda samay lagta hai, jaise jaise apka blog popular hota chala jayega waise waise aapki Adsense cpc improve hoti chali jayegi.

Hindi Health blog ke jariye Adsense earning kitni hogi

Cpc high hone ki wajah se Hindi health blog par Adsense earning bhi acchi hoti hai bas sart ye hai ki aapke blog par High quality article ho.

Ek estimate ke hisab se agar-

  • aapke health blog par daily ke 1000 visitors aate hai to aapki Adsense earning hogi 2 se 3 dollar, or monthly income hogi 60 se 90 dollar .. Agar isay INR me dekh jaye to aap har mahine kam se kam 4 se 6 hajar rupay kama sakte ho.
  • aap easily calculate kar sakte ho ki aapke blog par kitne visitors aate hai or aapki earnign kitni hogi.

Jaisa ki maine kaha ki Hindi health blog par cpc acchi hone ke karan hi aapki earning acchi hoti hai , lekin aapke blog par high quality content hona bhi bahut jaruri hai, high quality content likhne ke liye-

  • aapka har post kam se kam 1000 se jyada words ka hona chahiye. 1000 words me isliye kah raha hu ki agar aap koi health article likh rahe ho to aapko uske bare me pura describe karna hoga. For example – agar aap Pimple ka ilaj topic par article likh rahe ho to apne article me pimple se judi sabhi information dijiye , jaise – pimple kya hota hai, kyo hota hai or kis umar me ho sakta hai. Apna article informative banane ki kosis kare.
  • high quality content ka matlab hota hai unique or sabse alag information.. Iske liye aap apne artilce me apne experience share kar sakte ho.
  • apne artilcle ki bich-bich me english word ka use bhi kare.

Smart Tip To Boost Adsense Earning in Hindi Health Blog

Agar aap apne Adsense earning ko improve karna chahte ho to apne Health blog ko technical blog banaye.. Mere kehne ka matlab ye hai ki aap apne health blog par health product se related reviews or information dijiye. Online aapko bahut se aise health products mil jayenge jiske bare me aap article likh sakte ho. jaise-

  • Glucometer- Ye ek blood glucose monitoring device hai, aap iske bare me bhi information de sakte ho.
  • Smart fitness band – ye ek aisa device hai jo aapko blood pressure or heart beat rate ki jankari deta hai.
  • BP check device – Iski help se aap aasani se ghar baithe apna blood pressure check kar sakte ho or aapki doctor ke pas jane ki bhi jarurat nahi hogi.
  • Weight gain supplement.
  • Pregnancy test kit.
  • Unwanted 72, unwanted contraceptive pills.

Maine to yaha kuch health product or medicines ke naam bataye hai, aise hi aap apne blog par health products ki sahi jankari or review dijiye. Aisa karne par aapki adsense cpc double ho jayegi. Or iska ek main fayda ye bhi hai ki aap apne blog ke jariye affiliated marketing bhi kar sakte ho..

To friends aaj ka hamara article Hindi Health Blog Aur Adsense Earning, aapko kaisa laga hume jarur bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Hindi Health Blog Aur Adsense Earning

Leave a Reply

Your email address will not be published. Required fields are marked *