Hindi Relationship Blog Aur Adsense Earning

Posted on

121 total views, 1 views today

Agar aap Hindi relationship blog banane ki soch rahe hai ya fir aapne already Hindi relationship banaya hua hai to aap ye jarur sochte honge ki Hindi relationship blog ke jariye Adsense earning kitni hogi ? To friends aaj hum aapko aapke sabhi sawalo ke jawab denge or aapko batayenge ki Hindi relationship blog ke jariye aap Adsense me kitni earning kar sakte ho.

Ye to aapko pata jarur hoga ki blog ke jariye paisa kamaya ja sakta hai , or aaj har koi online earning karne ke liye apna blog bana raha hai. Jab bhi koi apna blog banane ke bare me sochta hai to uske mind me sirf ek hi topic samne aati hai wo hai RELATIONSHIP.

Hindi Relationship Blog Aur Adsense Earning

Aap agar internet par search karoge to aapko clearly pata chal jayega ki almost 70% Hindi blog me relationship article mil hi jati hai. Lekin agar apne blog par sirf relationship se related articles publish kar rahe ho to aapke mind me ek sawal jarur aata hoga ki Hindi relationship blog ke jariye Adsense earning kitni had tak ki ja sakti hai ?

Lekin sabse pehle aapko hum Hindi Relationship blog ke bare me basic jankari dena chehge ki relationship blog hota kya hai ? Isay banane ki wajah kya hai ? or kin logo ke liye ye blog banaya jata hai ?

Relationship blog hota kya hai ?

Aisa blog jaha relationship ( रिश्तों ) se related jankari di jati hai. Ye to clear hai ki ek relationship blog ke jariye aap logo ke bich relation strong banane ka kam kar rahe ho. Or ye bahut acchi baat hai ki aap rishton ko samajhte ho. Relationship blog banana bahut hi difficult hota hai , kyonki aise blog me aapko apne visitors ke feeling or emotions ko dhyan me rakh kar article likhna hota hai.

Agar relationship blog ko sensitive ( संवेदनशील ) blog kaha jaye to galat nahi hoga. Sensitive blog isliye kyonki aise blog par sensitive topic par hi article likhi jati hai jo kisi ke feeling or emotions ko directly touch karti hai.

Relationship blog log kyon banate hai ?

Ye ek accha sawal hai or iska jawab bhi utna hi interesting hai. Relationship blog wahi log bana sakte hi jinhe relation, feeling, emotions, ego, attitude or self control ki samajh ho.

Par aaj kal ye dekha jata hai ki jo log apna khud ka blog banana chahte hai wo apne blog par Relationship topic hi select karte hai.. Or hamara ye manana hai ki relationship blog wahi start kar sakte hai jo —

  • Jinhone love hone ke bad breakup ka dard saha hai.
  • Jinko love to hua tha par one-sided love hi tha.

Aise logo ki sankhya bahut jyada hai , ya ye kahe ki sabhi logo ke sath aisa hi hota hai or jab bhi wo log blog banane ki sochte hai to relationship topic par hi blogging karna pasand karte hai.

Relationship blog par visitors kis mentality se aata hai ?

Ye sabhse jaruri point hai ki aapke blog par jo bhi visitors aate hai unka kya intention hota hai. Agar aapne relationship blog banaye hai ye fir banane wale ho to aapko pata hona chahiye ki aapne blog par kis type ke visitors aayenge.

Kuch aise tarah ke mentality wale visitors blog par aate hai , jaise –

  • Jinhe one-sided love hua ho or jo apne love ko pana chahte ho.
  • Jinka love success na hua ho.
  • Jinka breakup ho gaya ho.
  • Jo apne relation se khush nahi or usay sudharna chahte ho.

Overall dekha jaye to Relationship blog par sad (दुखी) log hi aate hai jinhe apne relation ke lekar tension rehti hai.. Ya yu kahe ki aise log jo apne rishte ko sudharna chahte hai..

To friends ab aapko puri tarah samajh me aa gaya hoga ki relationship blog hota kya hai, log aise blog kyon banate hai or aise blog par kis type ke log maximum aate hai.. Ab sawal ye aata hai ki aise blog ke jariye earning ho sakti hai ya nahi, agar ho sakti hai to aap kitni earning kar sakte ho.

Hindi Relationship Blog Aur Adsense Earning

Adsense ka ad blog content ke hisab se show hota hai, Agar dekha jaye to Hindi blog ki Adsense cpc utni acchi nahi hoti, kyonki Hindi blog ko maximum log India se read karte hai or India ke log Online shopping ko jyda importance nahi dete.

Jaisa ki maine bataye ki Adsense ad ki wajah se blog ki earning hoti hai, lekin aapke blog par kon sa Adsense ad display ho raha hai wo bhi mayne rakhta hai. Agar aapne Hindi relationship blog banaya hua hai to aapke blog par usi ke content ke hisab se ad show honge.

Relationship blog par jitne bhi visitors aate hai unme se maximum visitors sad hi hote hai, unki mentality aisi nahi hoti ki wo ad par click kare , agar galti se bhi wo ad par click kar dete hai to wo product ko purchase nahi karte.

Aise me relationship blog par sirf promotional ad show hote hai. Or promotional ad ki cpc kam hi hoti hai.

Lekin iska ye matlab nahi hai ki aap apne relationship blog pe adsense ke jariye acchi earnign nahi kar sakte.. Bas aapko kuch guideline ko follow karne honge..

Hindi relationship blog se acchi Adsense earning kaise kare ?

Relationship blog ek aisa topic hai jo relationship ko strong karne ka kaam karta hai. Or aise blog ko read karne walo ki sankhya bahut jyada hoti hai. Lekin ye bhi sach hai ki aise blog par Adsense cpc bahut kam hoti hai (around 0.01 to 0.03) or kabhi-kabhi to cpc zero bhi ho jati hai.

Aisa koi bhi tarika nahi hai jissay aap apne relationship blog ki adsense cpc improve kar sake, lekin overall agar Adsense earning ki baat ki jaye to aap apne blog ke jariye bahut acchi Adsense earning kar sakte ho, chaliye iske bare me bhi aapko bata de..

Blog traffic improve kare

Hindi Relationship blog ki Adsense earning improve karna hai to aapko apne blog ki traffic ko improve karna hoga. Or aise blog par bahut jyada traffic hasil karne me jyada samay nahi lagta, kyonki aise blog ko har koi read karta hai. Bas aapko apne blog ki traffic ko improve karna hoga. Blog traffic improve karne ke liye aap niche diye gaye points follow kare.

  1. Blog traffic improve karne ke liye aapko quality articles publish karne honge. Kyonki quality article hi kisi bhi blog ka back bone hota hai.
  2. Apne blog post ko social media par share kare, Facebook group join kare or waha par apne post ko promote kare.
  3. Apne blog post ko SEO friendly banaye.

Dekhiye friends agar aap aisa soch rahe ho ki aapne relationship blog bana kar galti kar di to aap galat sochte ho.. Wo alag baat hai ki relationship blog par Adsense cpc bahut kam rehti hai , lekin agar hum apne blog ki positive side ko dekhe to hume pata chalega ki hume apne blog ki traffic improve karne me jyada samay nahi lagta.

Or isi plus point ki wajah se blog traffic improve hoti hai. Or traffic improve hone ka matlab hota hai earning improve hona.

To friends agar aap apne relationship blog ko lekar demotivate ho gaye hai to aapko jara cool mind se sochna chahiye ki aaj Internet par Jitne bhi Hindi Relationship blog hai unki sankhya bahut kam hai, aise dekha jaye to relationship blog me competition na ke barabar hai. Agar competition nahi hai to aapke blog ko traffic hasil karne me jyada samay nahi lagega, bas aapko apne blog ko positively handle karna hoga or apne blog ko regular update rakhna hoga.

Hindi Relationship blog se kitni earning ho sakti hai ?

CPC kam hone ki wajah se aapko per click kam paise milte hai lekin wahi agar aapke blog ki traffic bahut jyada hai to aap daily ke bahut paisa earn kar sakte ho. Ek estimate ki hisab se agar calculate kiya jaye to agar —

  • aapke blog par daily ke 10000 visitors aate hai to aapki earning 6 se 8 dollar rehegi. Matlab pure mehne ki aapki earning hogi 180 se 240 dollar . Agar isay INR me convert kiya jaye to aapki monthly earning hogi 12000 se 16000 rupay..
  • Agar aapke blog par daily ke 10000 visitors aate hai to aap 12 se 16 hajar rupay kama sakte ho, or aap easily calculate kar sakte ho ki agar aapke blog par daily ke 50000 visitors aate hai to aap monthly kitni earning hogi.. (around 60000 to 80000 rs)

Mujhe kisi ne commnet ke jariye pucha tha ki kya Relationship blog par affiliated marketing ki ja sakti hai.. To maine iske bare me socha or aakhir kar mujhe iska answer mil gaya.. Ji haan aap apne relationship blog par affiliated marketing kar sakte ho, lekin jaisa ki maine aapko pehle bataya ki aise blog par aane wale visitors ki mentality kisi bhi product ko buy karne ki nahi hoti hai.

To aise me agar aap kisi product ki affiliated marketing karoge to aap 100% fail ho jaoge.

Aap apne blog par apni relationship service provide kar sakte ho or service provide karne ke aap paise charge kar sakte ho. Apne relationship service me logo ki relationship me help de sakte ho , jaise –

  • Love letter likhne ke liye paise charge karne. Aap ek love letter likhne ke 100 se 300 rupay charge kar sakte ho.
  • Relationship ko strong banane ke liye tips or experiments service de sakte ho. Jiske liye aap problem ke hisab se charge karo.
  • Love matter me guide kar sakte ho.

Lekin ye hamesa yaad rakhiye ki relationship ek bahut hi sensitive topic hai or agar aap aisi koi service provide kar rahe ho to aapko apne visitors ke sath trust or belive gain karna hoga.

To friends aaj aapne jana ki Hindi Relationship Blog me Adsense Earning kaisa hai or kaise isay improve kiya jaye.. Agar aapko hamari ye post helpful lagi to aap comment ke jariye jarur bataye.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *