Internal Link Hota kya hai ? Isay karne ka sahi tarika

Posted on

Friends aaj hum internal link ke bare me aapko batane wala hai jo ki aap apne blog post me to karte ho lekin aapko pata nahi hai ki isay karne ka sahi tarika kya hai. Jo log internal link ke bare me jante hai wo isay apne blog post par bakhubi use karte hai par jinhe iske bare me pata nahi hai wo confuse rehta hai ki ye internal link kya hai. To friends ab aapko jyada confuse hone ki jarurat nahi kyunki  aaj hum aapko internal link kaya hai or isay karne ka sahi tarike kya hai ke bare me batane wale hai.

Internal Link Hota kya hai ? Isay karne ka sahi tarika

Internal link ke bare me acche se samajhne ke liye aapko Blog Navigation ke bare me pata hona chahiye. Kya aapko apne blog navigation ke bare me pata hai ? Blog ka navigation ki jab baat aati hai to sabse pehle blog ka menu bar hi  mind me aata hai, kyunki menu bar ke jariye hi hum apne blog par aane wale visitors ko apne blog ke diffrent categories ke bare me batate hai taki wo hamare blog ke dusare section ko bhi visit kar sake.

Blog navigation ko perfect karne ke liye hum apne blog par bahut se tariko ko implement karte hai jaise –

  • Blog me menu bar lagana
  • Blog post ke niche related post widget add karna
  • Blog sidebar me category widget add karna
  • Sidebar me blog archive widget add karna

Ye sab tariko ko hum apne blog par use karte hai taki blog par aane wale visitors hamare blog ko acche se navigate kar sake or jyada der tak hamare blog par time spend kare. Aapne gor kiya hoga ki blog navigation ko improve karne ke liye hum jo bhi tarika apnate hai wo sabhi tariko ki wajah se visitors hamare blog par jyada se jyada time spend karte hai , kyunki wo sabhi tarike aapke blog ke different section ko ek sath jodane ka kaam karti hai yani ki wo aapke blog ke sabhi section ko ek link ke sath jodati hai or isi link ko hum internal link kehte hai.

To friends ab aap ye to samajh hi gaye honge ki internal link kise kaha jata hai. Chaliye aapko thoda or clearly iske bare me batate hai. Maan lijiye ki aapne apne blog par ek post publish kiya or apne blog post ke end me related post widget hai to jab bhi koi aapke blog post ko read karega to usay aapke blog post ke end me related post ka list najar aayega. Jiski wajah se koi bhi visitor aapke blog ke dusare post ko read kar sakta hai. Yaha related post widget ki wajah se aapke blog post dusre blog post ke sath link ho rahe hai , yani internal link ban raha hai.

Blog menu, widget ki help se internal link banti hai lekin agar aap manually apne blog post ko likhne ke doran apne dusare blog post ka link add karte ho to ye aapke blog ki navigation ko kai jyada strong bana deti hai. Aaiye jante hai iske bare me.

Blog Post Internal Link Hota kya hai ?

Jab hum koi blog post likhte hai to us post ke andar jab hum apne kisi dusare blog post ka link add karte hai to isay Blog Post Internal link kaha jata hai. Maan lijiye ki aapne apne blog me ek post likha hai jiska title hai ” Hindi health tips ” or aapne apne blog post ke andar dusare post ka link add kiya hai to jab bhi koi aapke blog post ko read karega to usay dusare post ka link bhi najar aayega or iski wajah se log aapke dusare post ko bhi read kar sakta hai.

Blog post me internal link use karke hum apne blog par aane wale visitors ko clear or knowledgeable navigation experience karwate hai. Aapne hamare blog post ke end me dekha hoga ki hum apne blog post ke end me related post widget use nahi karte iska main reason yahi hai ki hum apne blog post ke andar hi internal link use karte hai taki jo bhi visitor hamare blog post ko read kare usay wo sabhi supportive article ka link bhi mil jaye jissay unhe addition information mil sake.

To friends aap itna to samajh hi gaye hoge ki blog post me internal link kise kaha jata hai, lekin internal link use karne ke bahut se fayde hai chaliye iske bare me bhi aapko batate hai.

Internal Link Use Karene Ke Fayde

Kya aapko bounce rate ke bare me pata hai. Bounce rate ka matlab hota hai ki aapke blog par aane wale kitne percentage of visitor aapke blog ke sirf ek page ko dekh kar chale jate hai. Aap apne blog ke bounce rate ke bare me Google Analytic ke jariye pata kar sakte hai. Agar aapke blog ka bounce rate 60% hai to aapko samajh jana chahiye ki aapke blog par aane wale total visitors me se 60% visitor sirf aapke ek page ko read karke chale jate hai.

Ab aap soch rahe honge ki internal link ke bare me batane ke bajaye me aapko bounce rate ke bare me kyun bata raha hu. To friends internal link aapke blog ke bounce rate ko kam karne ka kaam karti hai, yani ki internal link ki wajah se aapke blog par aane wale visitors aapke blog par jyada se jyada time spend karne lagte hai jo ki seo ki liye bahut accha hai.

  • Blog post me internal link ki wajah se aapke blog ka bounce rate kam hota hai.
  • Ek blog post ke jariye aap full information nahi de sakte, isliye aap apne blog post se related dusare post ka link apne blog post me add karke visitor ko addition information offer karte ho.. Jiski wajah se aapka blog post interactive ho jata hai.
  • Internal link ke jariye hum apne blog ke old post ko promote karne ka kaam karte hai, jiski wajah se hamare old post visibility improve ho jati hai.
  • Perfact internal link ki wajah se SEO strong hoti hai or hamara blog search engine par accha perform karta hai.
  • Agar aap apne blog post par perfectly internal link add karte ho to aapko related post widget ki jarurat nahi hoti.

Har blogger chahte hai ki uske blog par aane wale har ek visitor uske blog par jyada se jyada samay bitaye or isi ki wajah se wo apne blog post par dusare post ka link add karte hai. Aap bhi aisa karte honge , par kya aapko pata hai ki post me internal link add karne ka tarika kya hai ? Nahi pata na to chaliye aapko batate hai……

Blog post me internal link add karne ka sahi tarika kya hai ?

Aapko ye to pata hi hoga ki apne blog post me dusare post ka link add kaise kiya jata hai , agar nahi pata to ye article read kare – Blog post me dusare post ka link kaise add kare ?

Blog post me internal link add karne ka sahi tarike ye hai ki aap apne blog post me wahi post ke link add karo jo aapke blog post se related ho.

For example – Maan lijiye ki aapne ek blog post likha hai jiska title hai ” Sar Dard Ka Ilaj ” or aap apne ish blog post me internal link de raha ho ” Cancer ka ilaj ” to ye internal link kisi kaam ka nahi. Kehne ka matlab ye hai ki aap aisa internal link na do jo useless ho or jo visitor ka mind divert karti ho.

Aap hamare blog ke kisi bhi post ko dekh sakte ho , hum apne blog post me unhi link ko add karte hai jissay article read karne ke doran doubt aati ho. Issay hota ye hai ki visitor hamare dusare post ko read karne ke liye motivate ho jate hai or jyada se jyada samay hamare blog par spend karte hai.

Chaliye aapne apne blog post me sahi tarike se internal link add kar diya par kya aapko lagta hai ki iski wajah se koi bhi visitor aapke blog par jyada samay spend karega ? Nahi , internal link ki wajah se aap visitors ko other related post ki jankari dete ho, or agar ko us link par koi click karta hai to wo aapke blog post ko read kiye bina dusare post me chala jayega.

Internal Link Hota kya hai ? Isay karne ka sahi tarika

Issay bachne ke liye aap jo bhi internal link use karo uski setting me jakar open in new window par select kare, taki jab koi aapke internal link par click kare to ek new window open ho or wo usay read karne ke bad jab close kare to aapka post fir se visible ho jaye. Issay blog post fully read karne ke chances badh jayege or visitors aapke blog par kahi jyada time spend karenge.

CONCLUSION

Overall internal link hamare blog ko smartly navigate karne ke liye kiya jata hai taki visitor ko unke sawalo ke jawab to mile lekin unke doubt bhi clear ho jaye. Friends agar aap apne blog post me internal link use karte ho to hamesa yahi kosis kare ki aap jo bhi link add karo wo aapke blog post se related ho or jyada internal link use karne se bache. Agar aap apne blog post me jyada internal link use karoge to visitors confuse ho jayege ki aap kehna kya chahte ho.

To friends aaj ka hamara ye post aapko kaisa laga hume comment ke jariye jarur bataye, or agar aapko blogging se related koi bhi doubt hai to hamare blogging category ko read karna na bhule. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *