Jaldi Blogging Me Success Pana Hai To Kya Kare ?

Posted on

522 total views, 3 views today

Jaldi Blogging Me Success Pana Hai To Kya Kare ? Blog ko successful banane ke liye bahut se blogger apne blog par raat din lage rahte or apne blog par hamesa kuch na kuch article publish bhi karte hai. Agar aap bhi ek blogger ho to aap ke mind me bhi ye jarur hoga ki ek din blogging me success hasil karni hai, lekin me aapse ek sawal puchna chahunga ki aapke liye blogging me success pane ka matlab kya hai ?

  • Kya aap success ko earning ke sath joda kar dekh rahe ho ?
  • Kya aap sirf apne blog ko popular karna chahte ho ?

Iska jawab jitna accha lagta hai utna hi atpata bhi hai, kyon ki aaj jitne log bhi blogging me kadam rakh rahe wo jald se jald khub sara paisa kamana chahte hai or wo sirf earning ko hi success samajhte hai. Aise blogger apni soch ki wajah se hi blogging me fail ho jate hai or unka blog kabhi successful nahi ho pata.

Jaldi Blogging Me Success Pana Hai To Kya Kare ?

To friends ab aapko jyada tension lene ki jarurat nahi hai kyun ki aaj hum aapko wo sabhi baataain batane wale hai jisay follow karne ke bad aap bahut jald apne blog ko successful bana sakte ho. To aaiye jaante hai..

Jaldi Blogging Me Success Pana Hai To Kya Kare ?

Sabse Pehle Apni Writing Skill Improve Kijiye

Blogging ka matlab hota hai writing karna or aapki writing skill acchi nahi hai to aapka blog post kabhi bhi search engine pe accha performa nhi kar sakta. Blogging start karne ke bad apko kam se kam 2 mahine tak regular blogging karna hoga or apne blog par daily ek post publish karna hoga taki aapki writing skill improve ho sake.

Bahut se blogger 2-3 mahine tak apne blog me post publish karte rehta hai or unhe uska koi result nahi milta , or wo blogging karna hi chhod dete hai. Aisa isliye hai kyunki starting me aapko apne blog ke jariye writing skill improve karne me dhyan dena hota hai. Jab blogger apne blog pe 5o article publish kar chuke hote hai to unki writings skill bhi improve ho chuki hoti hai.

Isliye friends sabse pehle aapko apni writing skill ko improve karne ki kosis karni chahiye. Jissay aap apne blog par behtar se behtar article likh sako or aapke article ko log pasand kare.

Ek hi topic par blog post likhe

Ye to aapko clear ho gaya hoga ki staring me aapko apni writing skill par focus karna hota hai or iske sath sath aapko apne blog topic par bhi dhyan dena hota hai. Maan lijiye ki aapne ek health blog banaye hai to aap apne blog me sirf health post hi publish kare, kabhi bhi apne blog par aise topic par post na likhe jo apake blog ko belong hi na karta ho.

Aap hamare blog ko dekh sakte ho , hum apne blog par sirf blogging se related hi post publish karte hai. Issay hota ye hai ki hamare blog par sirf wahi log aate hai jo blogging ke bare me janna chahte hai ya fir blogging karna chahte hai. Aise me search engine hamare blog ko specially treat karti hai, agar me lagatar 1 saalo tak sirf blogging se related hi post publish karta rahu to search engine humare blog ko recommend karegi or hamara blog google ke top search result pe show hone lagega.

To friends aap bhi apne blog par sirf ek hi topic par focus kare or usi topic par article likhe.

High qality article likhe

Writings skill improve hone ke sath sath aapke blog me quality aane lagti hai or dhire dhire aapka blog post high quality wala ho jata hai. Aapko hamesa apne blog par high quality article hi publish karna chahiye. High quality article ko log bahut jyada like karte hai or sath me search engine bhi high quality content ko pasand karti hai.

Agar aapke blog me high quality article nahi hai to aapka blog kabhi bhi search engine me accha perform nahi kar payega, or aap yahi sochte reh jaoge ki ” daily to post publish karta hu par blogging me success kyun nahi milti ?

Blogging me bahut jald success pane ka sabse behtar tarika hai ki aap apne blog par high quality article likhna sikh jao, issay aapke blog par organic traffic bhi increase hogi or log aapke blog ko like bhi karne lagenge.

Blogging karte rahe

Blogging me success pana hai to aapko blogging to karni hi hogi. Kuch blogger blogging to karte hai lekin regular apne blog par article publish nahi karte. Dekhiye agar aap chahte ho ki aapka blog log pasand kare to sabse pehle aapko daily ek new article publish karni hogi taki logo ke bich me aapka blog popular ho sake.

Averagely dekha jaye to koi bhi blogger ek saal me lagbhag 300 blog post publish karta hai. Agar aap aap blogging me bahut jald safalta hasil karna chahte ho to aapko bhi apne blog par daily ek post publish karne honge.

Eaning par dhyan na de

Bhaut se log apna blog banate hi earning karne ke piche bhagate hai. Mujhe kuch din pehle ek comment aaye tha jisme ek visitor me mujhe pucha ki ” maine apna blog bana liye hai or apne blog me 30 post bhi publish kar chuka hu, lekin mera adsense account approve hi nahi ho raha, kya mujhe blogging chhod deni chahiye

Friends ek baat aap hamesa rakho ki aapne agar blog banaye hai or daily apne blog par article publish karte ho to ek na ek din aapka adsense account approve ho hi jata hai or aapki earning start bhi ho jati hai. Lekin blog banate hi kuch post publish karne ke bad aap earning ke bare me sochoge to na to aap blogging pe dhyan de sakoge or na hi aapka blog kabhi success hoga.

Isliye behtar yahi hoga ki aap earning ke bajaye apne blog content par dhayn do. Agar aapke blog ko sab like karenge to aapka blog bahut jald popular ho jayega or adsense ki madad se aap acchi earning bhi kar sakte ho.

Apna goal set kare

Blogging karne ke doran hume ek goal set karna hota hai jo ki bahut aasani se achieve ho jati hai jaise – ek hafte me 7 post publish karna hai, ek mahine me 50 post publish karna hai. Aise hi aapko apne blog par goal set karna hoga , jab aap apne goal ko achieve kar loge to aap blogging ke liye motivated rahoge or aapke blogging karne me maan bhi laga rahega.

Bina gole ke aap kahi bhi apne blog ko successful  nahi bana sakte, isliye aap ek gole set kare.

Long Post likhe

Sort post ke bajaye long post ko visitors jyada read karna pasand karte hai kyon ki long post me sort post ke bajaye jayada information hoti hai. Agar aapke post ko log pasand karenge to search engine bhi aapke post ko like karega or aapka post search engine par top rank karne lagega.

Hamesa aapko ye kosis karni chahiye ki aap jo bhi post likho usme kam se kam 2000 words ho, jyada words honge se aap apne post me jyada information add kar sakte ho or aapka post dusare ke post se behtar hone ki wajah se log aapke post ko like bhi karte hai or aapka blog popular hone lagta hai.

Aap koi bhi keyword google par search kar lo, or jab aap google ke top search result ko read karoge to aapko pata chalega ki averagely jis artcle me 2000 words hote hai wahi article google ke top search result me show hota hai. Google bhi informative article ko like karta hai or janta hai ki log article informative hoti hai , isliye wo apne search result me mostly unhi article ko top rank deta hai jo long hote hai.

To friends aapko bas apne blog post ke article ko long likhna hai around 2000 words. Apne article ko informative banane ke liye aapko apne article ke upar research karna hoga jo ki aap easily google search ke jariye kar sakte ho.

Aapko main focus ye karna hai ki aapka article long or informative ho. Taki aapka blog post accha rank hasil kar sake or aapke blog par huge traffic aaye or aapko jald success mile.

Blog design par dhyan de

Aapne apne blog par high quality article publish kiya hai to aapko apne article ko acche se present karne ke liye ek accha or welled designed theme ki jarurat hogi, jo ki seo friendly , fast loading or user friendly hoga. Seo friendly or first loading theme aapko internet par bahut mil jati hai isliye aapko iski utni chinta karne ki jarurat nahi, but aapko khud se apne blog ko design karna hoga taki koi bhi visitor aapke blog ko acche se navigate kar paye or jyada se jyada time aapke blog par spend kare.

Hota ye hai ki jab koi visitor search engine ke jariye aapke blog par aata hai or sirf ek page visit karne ke bad aapke blog ko chhod dete hai to iski wajah se aapke blog ki ranking down hoti hai jisay hum bounce rate jyada hona bhi keh sakte hai. Aap apne blog ke bounce rate kam karne ke liye apne blog ko aisa design kare taki koi  bhi visitor aapke blog par aane ke bad aapke blog ki bahut sare post ko read kare. Or jab aisa ho jayega tab aap aapke blog ka search result rank improve hoga or aapka blog popular hota jayega.

Conclusion

Agar aapko apne blog ko bahut jald successful banana hai to aapko-

  • apni writing skill imporve karni hogi
  • ek hi topic pe blog article likhna hoga.
  • high quality article slikha hoga.
  • blogging karte rehna hoga.
  • earning ke bare me nahi sochna hai.
  • long post likhna hoga.
  • apne blog ko acche se design karna hoga.

Ab aapko deciede karna hoga ki aap in sabhi point ko follow karne me kitna samay lagate ho, kyun ki blog par post to koi bhi likh sakta hai par apne blog par high quality post likhne ke liye thoda samay lagta hai. To friends at last me yahi kahunga ki jaldi ka kaam saitan ka hota hai, or hum blogger hai koi saitan to nahi. Isliye aap apne blogging me jitna quality time doge utna hi aapke blog articles me quality aayega or aapka blog successful ho jayega.

Friends aaj ka hamara article aapko kaisa laga hume comment ke jariye jarur bataye. Agar aap humse kuch puchna chahte hai to aap hume comment ke jariye puch sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Jaldi Blogging Me Success Pana Hai To Kya Kare ?

  1. Wow sir aapne to bahut hi acche tarike se bataye hai, aapki har article bahut hi motivational or informative hoti hai.. Me bhi apne blog ko acche se run karne k liye aapke blog ko follow karta hu. Thanks sir for making this awesome blog.

Leave a Reply

Your email address will not be published. Required fields are marked *