Kuch silly mitakes jo har new Blogger karta hai

Posted on

Agar aap ek Blogger ho to aapko pata hoga ki aapne jab apna pehla blog banaye tha tab aapko kuch silly mistakes face karne pade the, par agar aap Blogger ki duniya me naye ho to aapko wo sab silly mistake na jhelna pade isliye aaj main aapko bataunga wo sare silly mistakes ke bare me jo har ek new Blogger karta hai.

Kuch silly mitakes jo har new Blogger karta hai

Agar baat ki jaye blog banane ki to Blogger.com se better platform or koi nahi hai, kyonki aap blogger.com ke jariye bahut hi aasani se apna blog create kar sakte ho, or aapko iske paise bhi nahi dene padte. Blog banane ke bad kuch tips hai jisay follow karke aap silly mistake karne se bach sakte ho … To chaliye aaj hum aapko batate hai wo silly mistakes…

Kuch silly mitakes jo har new Blogger karta hai

Blog design

Ek blog ka design uske theme se define hota hai, by-default aapke blog ka theme set rehta hai.. Agar aapne naya blog banaya hai to aapke blog ka design blank rahega, or aap apne blog ko thik se design bhi nahi kar paoge.. Isliye starting me hi agar aap apne blog ke design par dhyan doge to aapko kuch hasil nahi hoga.

For example –  Maan lijiye aapne ek ghar banaye hai or ghar ke andar kuch bhi saaman nahi hai to aap apne ghar ko kaise sajaouge ? Sabse pehle aapko apne ghar ko saman se bharna padega or uske bad aapko decide karna hoga ki kis saman ko kaha rakha jaye.. Thik usi tarah hum apne naye blog ko ek khali ghar ki tarah samajh sakte hai, agar aapke blog me koi bhi post, articles, page or content nahi honge to aap apne blog ka design nahi kar sakte..

My real experience – Kuch din pehle mere ek friend ne mujhse motivate hokar blog banane ka decision kiye, maine uska blog banane ke sabhi basic concept ko samjha diya… Par aaj wo mujhse bola ki ” yaar subah se paresan hu blog me level (category) create nahi ho raha hai, menu kaise design kare ? ” Tab maine ussay pucha ki tune kitne post publish kiya hai to uska jawab tha ek bhi nahi …. Friends agar aap apne blog par ek bhi post publish nahi karoge to aap apne blog par levels (categories) kaise create kar paoge … Ye possible nahi hai, jab tak aap koi post publish nahi kar dete tab tak aap koi bhi level (category) create nahi kar sakte na hi apne Blog ka menu link bana sakte ho..

Suggestion – Pehle apne blog ko post, articles, content se bhare.. Lagbhag 50 post publish karne ke bad hi apne blog ke design par dhyan de… Nahi to agar pehle hi blog ke design ke chakkar me pad jaoge to aap kuch bhi nahi kar sakte, or baad me kahoge ki blogging samajh me nahi aati.. Aisi silly mistake karne se bache.

Blogging samajh me nahi aati

Duniya me aisa koi chij nahi jo ek insan samajh nahi sakta, agar baat ki jaye blog banane or usay chalane ki to aapko pehle blog ke simple interface ko samajhna hoga.. Post publish kaise karte hai usay janan hoga, agar aap itni choti si chij ko samajh nahi pa rahe to aapko blogging karne me interest hi nahi hai..

Bahut se blogger inspiration or motivation ke chakkar me or dusare blog ko compete karne ke liye apna khud ka blog to bana lete hai lekin unhe blogging karne ka koi interest nahi hota.. Ab blog to bana liye, lekin interest hi nahi hai… To hua na ye bahut bada silly mistake..

Blogging karne ke liye ek passion ki jarurat hoti hai, agar aap me writing talent nahi hai to fir bhi aap blogging me carrier bana sakte ho, pehle khud  se koi article likhe jo aapko accha lage, jo aapka dil kare usi par article likh lo.. Article likhne ke bad apne article ko read karo… Agar aapko apna khud ka article ko read karte huye maja aa raha hai to samajh jana ki aap me writing talent hai..

Ek sentence hai jisay aajkal ke youngster bahut hi attitude ke sath kahte hai ” agar wo kar skate hai to main kyon nahi “… Par kya aapko pata hai ki blogging karna bahut aasan hai, par hamari soch isay itna difficult bana deti hai ki lagne lagte hai ki ” blogging samajh me nahi aa raha

Adsense ke liye apply

Aaj kal Blogging karne ka hawa chal raha hai , jise dekho wo apna blog bana raha hai.. Iski wajah hai unke haath me hone wali khujali, aisi khujali jo sirf Adsense account ke approval se mitegi.. Or aise blog ki sankhya lakho me nahi balki cadoro me hai, jo sirf Adsense se earning karne ke liye hi blog banate hai..

Har chij ka ek samay hota hai, jab tak angur pak nahi jate usay khaya nahi jata .. Usi tarah jab tak aapka blog Google Adsense ke liye eligible nahi ho jata tab tak aap Adsense ke liye apply nahi kar sakte or agar apply bhi karte ho to aapka adsense reject ho jayega.. Lekin bahut se mere aise blogger bhai hai jo apna blog banaya, 2-4 article publish kiye or Adsense ke liye apply kar diya.. Ye bhi ek silly mistake hai, jo kahti hai ki aap bahut bade gadhe ho jiske pas thoda bhi patience nahi hai…

Bahut se blogger apne isi silly mistake ki wajah se Blogging se quit kar dete hai ki unka blog Adsense ke liye approve nahi hua..

My real life experience – Maine bhi blog banaya tha, par Blogging karna mera passion hai or aaj bhi jab main koi article likhta hu to usme apna 100% deta hu… Par kya apko pata hai ki mera bhi Adsense account 3 bar reject hone ke bad hi approve hua tha.. Maine wo silly mistake nahi ki, par mujhe pata tha ki kabhi na kabhi Adsense approve ho jayega… Par Adsense approve na hone ki wajah se maine kabhi bhi Blogging se quit nahi kiya or aaj bhi pure passion or dedication ke sath Blogging se juda hua hu.

Friends aap jitna difficult blogging ko samjhte ho utna wo nahi hai, bas aapko samajhna hoga ki aap wo sab kar sakte ho jo aap karna chahte ho.. Bas apni thinking or passion ko samjhe or wahi kare jo aap chahte ho , par aise silly mistakes na kar jo har ek new blogger karta hai… HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *