Kya 2 Email Id Se Ek Adsense Account Access Kar Sakte hai ?

Posted on

413 total views, 1 views today

Friends aaj hum aapko Adsense ke ek aise function ke bare me batane ja rahe hai jiska janna aapke liye bahut jaruri hai. Apne Adsense account ko safe rakhne ke liye aapko apne adsense setting ke bare me pata hona jaruri hai. Kai bar aisa hota ahi ki hum apne adsense account ko bahut lightly lete hai or hamara adsense account chori or hack ho jata hai.

Kya 2 Email Id Se Ek Adsense Account Access Kar Sakte hai

Ish article ko read karne se pehle aap ke baat jaan lo ki me kisi bhi blog ko follow nahi karta, me khud hi apne blogging experiences share karta hu, or me us blog ko kabhi bhi promote nahi karte jo logo ko misguide karte hai.. Kuch din pehle me ek article read kar raha tha ki “ adsense me multiple gmail id kaise add kare ” ye article maine SMI blog pe read kiya , jiske author hai Jumedeen Khan ji, me ish article se itna motivate ho gaya ki maine iske bare me research ki or in the end mujhe ye pata chala ki SMI ke ish article me fake information share ki ja rahi hai, JDK bahi agar aap ish post ko read kar rahe ho to aap ek bar Google Adsense ke ish page ko visit kare or apne us post ko update kare, taki aapke loyal readers misguide na ho..

Anyway, friends aaj hum adsense ke us setting ke bare me aapko batane wale hai jiske jariye aap apne adsense account me bahut se gmail id ko add kar sakte ho. Yani ki agar aap chaho to apne adsense account ko kisi dusare email id ke jariye bhi login kar sakte ho, lekin iske liye bhi ek condition hai.. Jo aaj hum aapko apne ish post ke jariye batane ja rahe hai, to friends ish post ko acche se read kare taki aapko ye clearly pata chal sake ki aap apne adsense account me multiple email id laga kar kya hasil karna chahte ho. Lekin sabse pehle aap ye jaan lo ki kis condition me aap kisi dusare email id ko apne adsense account me add kar sakte ho.

Condition For Adding Email Id in Adsense account

Aapka adsene account approve ho gaya hai or aap chahte ho ki aap apne kisi dusare gmail id ko apne adsense account se link karo to ye possible hai lekin iski bhi ek condition hai-

  • Dusar email id verified hona chahiye.
  • Agar dusara email id adsense ke liye apply kiya hua hai to aap us email id ko apne adsense account ke sath add nahi kar sakte.
  • Dusare email id jo ki pehle se adsense approved hai usay usay add nahi kar sakte.
  • Aisa email id jo adsense ke liye disable hai usay aap add nahi kar sakte.

Ye to clear hai ki aap apne adsense account me aise email id ko add nahi kar sakte jo pehle se adsense se link ho ya fir adsense ke liye disable ho.

Me ye uhi nhi keh raha , aap adsense support me iske bare me full jankari le sakte ho.

Bahut se blog me aapko ye bataya jata hai ki agar aapke pas 2 adsense account hai jiski monthly earning 60 dollar or 70 dollar hai to aap har mahine payment nahi pa sakte , aise me agar aap apne dono adsense email ko ek sath link kar dete ho to aapko har mahine payment milta rahega.. Lekin aisa hota nahi hai , ye ek fake information hai iske chakkar me na pade..

To sawal ye aata hai ki kab aap apne adsense account me dusare email id ko ad kar sakte ho ? Ye bahut bada sawal hai, jisay samajhna bahut jaruri hai. Kai bar aisa hota ahi ki koi expert hume facebook me milta hai or kehta hai ki aap apna adsense account me mujhe add karo me aapki adsense earnign double kar dunga.. Aise chakkar me fas kar bahut se log apna adsense account gawa dete hai.. Aisa aapke sath na ho isliye ab me jo apako batane ja raha hu usay acche se samajhne ki kosis kare.

Jab aap kisi dusare email id ko apne adsene account ke sath link karte ho to aap dusare email id ko apna adsense account access karne ki permission de rahe hote ho. Access 2 tarah ki hoti hai –

  1. Administrator – Adsense account ke owner ko Administrator kaha jata hai. Jo ki apne adsense account ko manage, edit or delete kar sakta hai.
  2. Standard – Jab aap kisi dusare email id ko apne adsense account par add karte ho to wo Standard user me add hota ahi, matlab ki dusara email ke jariye jo bhi aapke adsense account par login karega wo aapke adsense account ko sirf manage kar sakta hai. Lekin kuch edit or delete nahi kar sakta.

Aap jab bhi apne dusare email id ko administrator bana sakte ho ye fir usay delete kar sakte ho. To friends ab aap ye to samajh hi gaye hoge ki adsense account me 2 type ke user hote hai.. Ab chaliye aapko batate hai ki agar aap apne adsense account me kisi dusare email id ko add karna chahte ho to ye kitna sahi hai or kitna galat..

Apne adsense account me dusara email id add karna kya sahi hai ?

Agar aapke pas ek se jyada adsense account hai or agar aap apne sabhi adsense account ko ek sath attach karna chahte ho to ye possible nahi hai, or agar isi wajah se aap apne adsense account me apna dusara email id add karna chahte ho to aap aisa nahi kar sakte. Lekin iske alawa bhi kai or silly reasons hai jisay log follow karte hai taki wo apne adsense account par apna dusara email id add kar sake.. Jaise-

  • mere friends ko adsense account bahut acche se manage karna aata hai , agar me apne friend ke email id ko apne adsense account ke sath link kar du to meri kafi help ho jayegi.
  • mujhe apna adsense email id change karna hai isliye me apne adsense account me apna dusara email id add karne ke bad apna original email id delete kar dunga.
  • mujhe apne dusare email id wale blog par adsense ad lagana hai isliye me apne adsense account me apna dusara email id add karna chahta hu.

Agar aapko adsense ki jara si bhi samajh hai to aapko ye sabhi point bahut silly jarur lage honge, lekin sach ye hai ki ye sabhi point ko log follow bhi karte hai or apne adsense account me apna ya apne friend ka email id bhi add kar dete hai..

Hamari suggestion yahi hai ki agar aapko apna adsense account manage karna nahi aata to aap iske bare me YouTube par search karke dekh lo, aapko bahut se acche acche video tutorial mil jayenge. Or agar aap apne email id change karna chahte ho to iski kya jarurat hai, agar aapko apne adsense account ki security ko le kar chinta hai to aap apne account me double verification activate kar sakte ho.

Or agar aap apne dusare blog par adsense ad lagana chahte ho to aap apne adsense account ke jariye aisa kar sakte ho.

Overall aapko apne adsense account me agar koi dusara email id add karna hai to uske liye ek bahut badi wajah honi chahiye, or mujhe nahi lagta ki aisi koi wajah hogi jiski wajah se aap apne adsense account me dusare email id add karo.

To friends ab aap puri tarah samajh gaye hoge ki adsense account me dusara email id add karna kitna sahi hota hai.. Ab chaliye aapko batate hai ki apne adsense account me dusara email id kaise add karte hai.

Adsense Account Me Dusara Email Id Kaise Add Kare ?

Adsense Account Me Dusara Email Id Kaise Add Kare

1. Apne adsense account me login kare or Settings par click kare.

2. Access and authorization par click kare.

3. User management par click kare.

4. Invite button ke samne jo question icon hai us par mouse pointer rakhe, ish icon par mouse pointer rakhte hi aapko basic information milti hai ki aap kis email id ko apne adsense account ke sath link kar sakte ho.

5. Aap jis email id ko apne adsense account me add karna chahte ho usay Enter email address ki jagah par likhc.

6. Invite button par click kare.

Invite par click karte hi ek invitation email aapke add kiye gaye email id par jayega jisay accept karna hoga, accept karne ke bad aapke adsense account me dusara email id add ho jayega. Or jab bhi koi dusare email id or password ke jariye adsense par login karega to wo aapke adsense account ko access kar sakta hai.

CONCLUSION

Friends hum aapko ye recommend nahi karte ki aap apne adsense account ko kisi dusare email id ke sath link karo, ye aapke adsense security ke liye khatra ho skata hai. Apne adsense account ko secure or confidential hi rakhna chahiye,, taki koi bhi aapke adsense earning or accoutn ko manage na kar paye.

Agar aapse koi aapka adsense email id or password mangta hai to usay kabhi bhi na de, agar aap kisi ko apne adsense id or password de rahe ho to aapka adsense account khatare me aa sakta hai.

Hum ummid karte hai ki agar aap apne adsense account me apna dusara email id add karna chahte ho to aapka mind jarur change ho gaya hoga, lekin fir bhi agar aap apne adsense account par kisi dusare ka email id add karna chahte ho to uski aisa koi badi wajah nahi hogi jiske chalte aap aisa karo.. Friends agar aapko aaj ka hamara post accha laga to hume comment ke jariye jarur bataye, or adsense se related koi bhi information chahiye to hamare adsense category ko jarur visit kare. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Kya 2 Email Id Se Ek Adsense Account Access Kar Sakte hai ?

  1. thanks sir, mai bahut dino se isi article ki talash mai thi or ab jakar apne upload kiya ise. bahut hi kam ki jankari share ki hai.

  2. Ek person ka ek hi adsense ac ho sakta hai… Google bhi yahi kahta hai…… Log in karane ke liye aap jitane marzi email id add karo usase sirf log in hoga usase adsense ac create nahi hoga… Jaise man lo aapka youtube channel dusare gmail se hai aur adsense doosare gmail se to aisi jagah jarori ho jata hai aur thoda suvidha janak bhi lekin adsense ek hi rahega.. Sahi jankari

Leave a Reply

Your email address will not be published. Required fields are marked *