Kya Blogger ko WordPress par transfer karna jaruri hai ?

Posted on

Ye baat hamesa hume confuse karti rehti hai ki kon sa platform blog ke liye accha hai, or agar aapne blogger.com pe blog banaya hua hai to aap bhi soch rahe honge ki isay Blogger to WordPress par transfer karne se kya hoga.. To friends aaj hum aapke in sabhi doubt ko clear karenge or batayenge ki kya ye jaruri hai ki aap apna blog ko WordPress pe transfer kar lo..

Kya Blogger to WordPress par transfer karna jaruri hai ?

Jab blogging ki baat aati hai to WordPress or blogger me confusion create hoti hai ki kon sa platform blogging ke liye best hai.. Waise to jo bhi blog internet pe success huye hai unhone apni blogging ki suruwat blogger.com se hi ki thi.. Lekin agar baat ki jaye blogger se WordPress pe jump karne ki to kuch baaton ka dhyan rakhna bahut jaruri hai.. Lekin issay pehle hum aapko ye bata de ki in dono me major difference kya hai taki aapko clear ho jaye ki kon sa platform aapke blog ke liye sahi hai..

Blogger pe blog hone ke kya fayde hai ?

Ye bilkul free hai – Ye to aapko pata hi hoga ki bogger me blog banane ke liye paisa nahi lagte, aap blogger me apna blog free of cost create kar sakte ho.. Or agar aap apne blog url ko customize karna chahte ho to wo bhi kar sakte ho.. Jiske liye aapko url karidna padega..

Unlimited bandwidth or data space milti hai – Agar baat ki jaye blogger blog ki to ye Google ki service hai jo aapko unlimited space or bandwidth deta hai jiski wajah se aap apne blog par bahut sare content publish kar sakte or aapka blog kabhi down nahi hota..

Easy to use – Blogger blog me kuch technical knowledge ki jarurat nahi hoti, isme sabhi functions simple to use hote hai. Lekin agar aap blogger me pehli bar blog banaye hai to aapko thodi problem hogi hi.. But aap bahut hi aasani se isay sikh jaoge.

Blogger pe blog hone ke kya nuksan hai ?

Ownership – Jo ki aapne apna blog blogger pe banaya hai isliye Google hi aapke blog ka owner hai, or wo kabhi bhi aapke blog ko delete kar sakta hai. Aapko Internet par aise bahut se issues mil jayenge jissay aapko pata chalega ki aise bahut se blog hai jisay google ne delete kar diya hai..

Agar aapko google blog ko life time rakhna hai to aapko Blogger.com ke sare rules ko follow karne hote hai.

Limited function – Aapko blogger me limited function hi milte hai jiski wajah se aap apne blog ko thik se design or modify nahi kar sakte.

SEO frinedly nahi hai – SEO friendly ka matlab hota hai ki aapka blog kitne time me search engine par display ho raha hai.. For example – Agar aapne aaj ek post publish ki hai to usay search engine me aane ke liye 5 se 10 din ka samay lagta hai..

Jaisa ki aap jante ho ki Blogger Google ka service hai or aap soch rahe ho ki Blogger SEO friendly hoga, to aap galat sochte ho.. Blogger SEO friendly nahi hai..

ADSENSE earning bhi kam hoti hai – Agar aapka blog adsense ke liye approve ho gaya hai to aapki adsense earning 58% hi milti hai jabki WordPress me 68%

WordPress pe blog banane ke fayde kya hai ?

Ownership – Agar aap apna blog WordPress par banate ho to jab tak aap na chaho aap apne blog ko delete nahi kar sakte. Aap khud apne blog ke owner hote ho.

SEO friendly – WordPress Blog seo friendly hote hai, par isay seo friendly banane ke liye aapko plugin ki jarurat hoti hai. Yoast SEO plugin ki help se aap apne blog ko SEO friendly bana sakte ho. For example- Agar aapne aaj koi post publish kiya hai to usay search engine me aane ke liye 12 ghante se bhi kam ka samay lagta hai..

Unlimited functions – WordPress me aapko unlimited functions milte hai jisay aap plugins ki help se jo chahe kar sakte ho. Aap jaisa chahe apne blog ko modify kar sakte ho.

WordPress pe blog banane ke nuksan kya hai ?

Paisa lagte hai – Jo ki WordPress ek free platform hai par isay run karne ke liye aapko hosting plan ki jarurat hoti hai. Hosting plan lene ke liye aapko paise dene hote hai.

Isay maintain karna aasan nahi hai – WordPress blog ko chalane ke liye aapko isay maintain rakhna hota hai jo ki thoda difficult hai, sabse pehle to aapko WordPress se related sari jankari janni hogi fir apne blog par isay implement karna hota hai. Agar aap apne WordPress blogger ko thik se nahi handle karoge to aapke blog ka ranking or traffic reduce hota jayega.

Aapke blog ki earning – Agar aap apne blog se utna earn nahi kar pa rahe ho to aap apne WordPress blog ko run karne ke liye paise kaha se laoge.

Limited bandwidth and data space – Agar aapke blog pe bahut jayad traffic nahi hai to aap share hosting plan le sakte ho par jab aapke blog par visitors bahut jyada aane lagenge to aapko dedicated server kharidna padega jiski kimat lagbhag 5000 per month hoti hai. Matlab ye hai ki aapko apne wordpress hosting ko traffic ke hisab se upgrade karna padta hai.

NOTE – WordPress me blog banane ke liye aapko paise ki jarurat hoti hai jo ki traffic ke sath sath badhti jati hai. Iska ye matlab nahi ki iski wajah se aapko kuch nuksan ho raha hai balki iska ye matab hai ki aapke paise kharch ho raha hai or aapke blog ki earning kam hai.

Log blogger ko WordPress pe transfer kyun karte hai ?

1. Apne blog ko SEO friendly banane ke liye – Ye ek main benefit hai ki aapka blog WordPress me SEO friendly ho jata hai… Lekin agar aapke blog me quality content nahi hai to WordPress to aapke sitemap ko search engine par link kar dega par poor content hone ki wajah se wo kabhi bhi top ten search result me show nahi kar payega.. Isliye SEO factor kisi bhi blog ke bahut jaruri hai agar aapke blog me quality content hai to..

2. Limited function ki wajah se – Blogger aapko limited functions deta hai, par agar aap WordPress pe blog banate ho to aapko unlimited functions milte hai. Agar aap aisa kuch function apne blog par add karna chahte ho jo ki blogger me available nahi hai to aapko WordPress pe migrate kar lena chahiye.

3. Apne bloge ka look change karna chahte ho- Agar aap apne blogger blog ke look or design se paresan hai or usay upgrade karna chahte hai to WordPress aapke liye sahi platform hai. WordPress aapko bahut sare theme, designs, templates, plugins ki sahuliyat deta hai jiski help se aap apne blog ki design ko bahut hi aasani se modify kar sakte ho.

Ab baat aati hai ki Kya Blogger to WordPress par transfer karna jaruri hai ?

Friends ek baat to clear hai ki dono hi blogging platform ek dusare se agar hai par dono ke hi apne kuch fayde or nuksan hai. Agar baat ki jaye successful blogger ki to unhone apna blog pehle blogger.com pe hi banaya tha fir unhone usay WordPress me transfer kiya tha. Jiski wajah sirf ek hi hai ki unki earning bahut jyada thi..

Agar aap apne blogger blog ke jariye daily ke 4$ bhi kama rahe ho to aap apne blogger blog ko WordPress pe transfer kar lena chahiye.. Jissay aapko apne WordPress blog ko maintain karne me koi problem face na karni pade..

Ek baat or hai ki maximum SEO ke chakkar me apne blog ko WordPress par transfer kar lete hai, par yaha me ek baat kehna chahunga ki aapke blog ki SEO sirf aapke content ke upar depend karti hai. Agar aapke blog ke content bahut accha hai to usay search engine me aane se koi bhi nahi rok sakta..

Mana ki WordPress seo friendly hota hai par blogger blog bhi aapke blog ko rank dene me kuch had tak capable hai.

Good Quality content = Good Traffic = Good SEO =  Good earning

Ye sabhi ek hi chij par depend karte hai wo hai aapke blog ke content ke upar..

Ye puri tarah aap par depend karta hai ki aap apne blog ko WordPress pe transfer karna chahte ho ya nahi ? Agar aapke mind me ye saab baatain chal rahai hai ki

  • aisa karne se SEO improve hogi
  • Earning improve hogi
  • Traffic improve hoga

To yaha me ye clear kar dena chahta hu ki jo aap soch rahe ho wo utna aasan nahi hai, sirf WordPress par transfer ker dena hi kafi nahi hota.. Iske liye aapko apne WordPress blog par bahut se kaam karne padenge, or ultimately agar aapke blog ke content acche nahi hai to WordPress pe apna blog transfer karne ka koi fayda nahi hoga..

CONCLUSION

Friends .. agar meri mane to jab aapke blog ka earning 4$ per day ho jaye ya fir agar aapke blog par daily ke 3000 unique visitors ho jaye tab aap apne blog ko WordPress par transfer karo,  taki aapko kabhi aisa na lage ki aapne apne blog ko WordPress per transfer karke koi galti kar di… HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *