Kya moblie ke jariye blogging kar sakte hai ?

Posted on

Aaj ke time me har koi online paisa kamana chahta hai or blog ke jariye paisa kamane ka tarika hi sabse best hai. Agar aap internet pe search karoge to aapko pata chalega ki bahut se aise log hai jo apne blog ke jariye har mahine lakho rupay kama rahe hai. Bahut se mere bhai-behen aise hai jinke pas computer nahi hai par wo apna blog banana chahte hai, or ya doubt me hai ki kya mobile ke jariye blog banaya or blogging ki ja sakti hai.. Aap bhi apna blog banakar uske jariye paisa kama sakte ho, lekin sawal ye hai ki blog kaise banaye or kya mobile ke jariye blogging ki ja sakti hai ?

Maine apne previous article me bataya tha ki kaise blog banaya jaye ? or aaj hum aapko batayenge ki kaise mobile ke jariye blogging kare or iske kya-kya limitation hai .. to chaliye jante hai..

mobile ke jariye blogging kaise kare

Kya Mobile Phone Ke Jariye Blogging Kar Sakte Hai ?

Agar baat kare ki mobile ke jariye blogging karne ki to aap apne mobile ke jariye blogging kar sakte ho, me aise bahut se blogger bhaiyo ko janta hu jinke pas computer nahi hai lekin fir bhi wo apne mobile ke jariye blogging karte hai.. Lekin mobile ke jariye blogging karne ke kuch limitation hoti hai jisay hum aaj aapko batayenge, pehle ye jaan lete hai ki aap mobile ke jariye apne blog par kya kya kar sakte ho..

Apne blog par mobile ke jariye kya-kya kar sakte ho ?

Jaisa ki maine pehle hi aapko bataya ki aap mobile ke jariye apna khud ka blog bana sakte ho or blogging ki suruwat kar sakte ho.

Mobile ke jariye post publish karna – Aap apne mobile ke jariye apne blog par post publish kar sakte ho. Or yahi sabse main baat hai , kisi bhi blog ko run karne ke liye article publish karne ki jarurat hoti hai, or aap mobile ke jariye article likh ke publish kar sakte ho..

Apne post me photo add karna – Jab bhi aap koi article likhte ho to aap apne article me photo jarur add karoge, or agar aap mobile ke jariye blogging karoge to bhi aap apne blog post me photo add kar sakte ho.

Comment ka reply karna – Agar aapke blog post par koi comment karta hai to aap apne mobile ke jariye uska reply bhi kar sakte ho.

Apne post ko share karna- Aap apne publish kiya gaye post ko easily mobile ke jariye apne social network par share kar sakte ho.

Blog ka logo upload karna – Ek blog ki pehchan uske logo se hoti hai or aap apne mobile ke jariye apne blog ka logo upload kar sakte ho.

To friends ek blog ko chalane ke liye jo basic need ki jarurat hoti hai usay aap apne mobile ke jariye kar sakte ho.. Isliye agar aapke pas computer nahi hai or aap blogging karna chahte ho to aap apne mobile ke jariye blogging me apna pehla kadam badha sakte ho. Lekin jaisa ki maine pehle kaha ” mobile ke jariye blogging karne ki kuch limitation hoti hai ” jisay aap sirf computer ki help se kar sakte ho. To aaiye aaapko bata dete hai ki aap apne mobile ke jariye kya nahi kar sakte..

Apne blog par mobile ke jariye kya-kya nahi kar sakte ho ?

Blog ka design – Aap apne mobile ke jariye apne blog ka design change nahi kar sakte. Iske liye aapko computer ki jarurat hogi. Jab bhi aapko koi naya widget add karna hota hai to aap layout ke jariye add kar sakte ho lekin usay sahi jagah par locate karne ke liye aapko computer ki jarurat hogi.

Theme ko edit nahi kar sakte – Agar aap apne mobile ke jariye apne blog ke theme ko edit karna chahte ho to aisa karne par aap apne blog ke design ko kharab kar sakte ho, isliye apne theme ko edit karne ke liye aapko computer ki jarurat hogi.

Bas itna hi, agar aap apne mobile ke jariye blogging karna chahte ho to aap bas apne theme or design ko edit nahi kar paoge.. Lekin ye sab to bad me bhi kya ja sakta hai ya fir kisi net parlor me bhi ja ke aap kar sakte ho..

Agar aapke pas computer nahi hai to aap apne mobile ke jariye blog banao or blogging karna suri karo, or hume puri ummid hai ki aapko koi problem nahi hogi… Or agar koi problem hoti bhi hai to humse share jarur kare taki aapki har problems ko hum solve kar sake.. Jaisa ki aap jante ho ki aaj kal app (mobile application) ke jariye bahut se kaam kiya ja sakte hai, thik usi tarah aap app ke jariye blogging bhi kar sakte ho or apne blog ko monitor bhi kar sakte ho …

Blogging karne ke liye app kon-kon se hai ?

Blogger app – Ye Google ka official app hai jiske istemal se aap apne mobile ke jariye bahut hi aasani se post publish kar sakte ho. Isay aap apne mobile me install kare or blogging karne ka ek alag hi maja le.. App ko install karne ke liye yaha click kare

Google Analytic – Ye bhi goolge ka official app hai. Is app ke jariye aap apne blog ko monitor kar sakte ho, jaise –

  • Blog par daily kitne visitors aate hai.
  • Kon se post ko log sabse jyada pasand karte hai.
  • Kitne log abhi blog par live hai.

Analytic app ko download karne ke liye yaha click kare.

Photo editor – Aapko Google playstore pe aise bahut se app mil jayenge jiske help se aap apne blog post ke liye photo edit kar sakte ho, jiski wajah se aap apne blog post ka look ko impressive bana sakte ho.

Speech to text – Agar aap smart phone use karte ho to aapke mobile me aisa function jarur hoga ki jo aap bolo wo type ho jaye.. Aap apne blog post ko likhne ki bajaye usay bol kar bhi type kar sakte ho. Agar aapke mobile me aisa koi function nahi hai to aap playstore se Speech to text app download kar lijiye – App download karne ke liye yaha click kare.

Friends aaj ka time itna modern ho gaya hai ki log apne mobile ke jariye wo sare kaam karne lage hai jo pehle sirf computer ke jariye hi possible tha. Aap bhi apne mobile ke jariye blogging ki suruwat kar sakte ho or aapko isme koi problem bhi nahi hogi. Agar blog banane me or blogging karne me aapko koi problem ka samna karna pad raha hai to aap comment ke jariye hume jarur bataye taki aapki problem hum solve kar sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Kya moblie ke jariye blogging kar sakte hai ?

  1. Hi Sir Maine mobile se about 40 post likhe Hain publish kiya Blogspot per but kaise mobile se full setting Karu ye Nahi pata Mujhe aap help Karen please please please

Leave a Reply

Your email address will not be published. Required fields are marked *